ມອບລາງວັນຜູ້ຊະນະເລີດການແຂ່ງຂັນຄວາມສາມາດດ້ານການນໍາໃຊ້ ໄມໂຄຣຊອບອອບຟິສ ລະດັບປະເທດ

- seawrite - ມອບລາງວັນຜູ້ຊະນະເລີດການແຂ່ງຂັນຄວາມສາມາດດ້ານການນໍາໃຊ້ ໄມໂຄຣຊອບອອບຟິສ ລະດັບປະເທດ
- AGL banner - ມອບລາງວັນຜູ້ຊະນະເລີດການແຂ່ງຂັນຄວາມສາມາດດ້ານການນໍາໃຊ້ ໄມໂຄຣຊອບອອບຟິສ ລະດັບປະເທດ

ໃນວັນທີ 30 ມິຖຸນາ ຜ່ານມາ, ສູນປະກັນຄຸນນະພາບການສຶກສາ ກະຊວງສຶກສາທິການ ແລະກິລາ ໄດ້ຈັດພິທີມອບລາງວັນໃຫ້ຜູ້ຊະນະການແຂ່ງຂັນຄວາມສາມາດດ້ານການນໍາໃຊ້ ໄມໂຄຣຊອບອອບຟິສ ລະດັບປະເທດ ປະຈໍາປີ 2016. ຢູ່ມະຫາວິທະຍາໄລແຫ່ງຊາດ ໂດຍການເຂົ້າຮ່ວມຂອງທ່ານນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະກິລາ, ພ້ອມດ້ວຍພະນັກງານ, ຄູອາຈານ ແລະນັກຮຽນ-ນັກສຶກສາຈາກ 6 ແຂວງເປົ້າໝາຍເຂົ້າຮ່ວມຢ່າງພ້ອມພຽງ.

ຜູ້ຊະນະເລີດການແຂ່ງຂັນດັ່ງກ່າວໄດ້ແກ່: ນາງ ພອນລານິນ ກິ່ງແກ້ວ ນັກຮຽນຈາກມະຫາວິທະຍາໄລແຫ່ງຊາດ ຊະນະເລີດໃນຫົວຂໍ້ MS Word 2013, ທ້າວ ໂທນີ້ ບຸດຕາເທບ ນັກຮຽນຈາກ ມປ ໂພນສະຫວັນ ແຂວງສະຫວັນນະເຂດ ຊະນະເລີດໃນຫົວຂໍ້  MS PowerPoint 2013, ທ້າວອຸດົມສະຫວັນ ໄຊຍະວົງ ນັກສຶກສາຈາກ ວິທະຍາໄລຣັຕນະບໍລິຫານທຸລະກິດ ຊະນະເລີດໃນຫົວຂໍ້ MS Excel 2013 ຊຶ່ງທັງສາມນ້ອງໄດ້ຮັບລາງວັນ ເງິນສົດ ແລະຂອງຂວັນ ລວມເປັນມມູນຄ່າ 5 ລ້ານກີນ ແລະ ໃບຢັ້ງຢືນຈາກໄມໂຄຣຊອບ, ຫຼຽນລາງວັນ, ໃບຍ້ອງຍໍຈາກກະຊວງສຶກສາທິການ ແລະກິລາ ແລະຍັງຈະໄດ້ເດີນທາງໄປຮ່ວມການແຂ່ງຂັນລະດັບໂລກທີ່ອານາແຮມ, ລັດຄາລິຟໍເນຍ ສະຫະລັດອາເມລິກາ ໃນລະຫວ່າງວັນທີ 30 ກໍລະກົດ-2 ສິງຫາ 2017 ນີ້.

- Wave100S AD to Website 2020 0 - ມອບລາງວັນຜູ້ຊະນະເລີດການແຂ່ງຂັນຄວາມສາມາດດ້ານການນໍາໃຊ້ ໄມໂຄຣຊອບອອບຟິສ ລະດັບປະເທດ
- lattana 1 - ມອບລາງວັນຜູ້ຊະນະເລີດການແຂ່ງຂັນຄວາມສາມາດດ້ານການນໍາໃຊ້ ໄມໂຄຣຊອບອອບຟິສ ລະດັບປະເທດ
error: Alert: Content is protected !!