ສະພາແຫ່ງຊາດ ຮັບຮອງເອົາການປັບປຸງ ບາງມາດຕາຂອງກົດໝາຍວ່າດ້ວຍການກວດສອບແຫ່ງລັດ

ສະພາແຫ່ງຊາດ ຮັບຮອງເອົາການປັບປຸງ ບາງມາດຕາຂອງກົດໝາຍວ່າດ້ວຍການກວດສອບແຫ່ງລັດ - MG 5410 scaled - ສະພາແຫ່ງຊາດ ຮັບຮອງເອົາການປັບປຸງ ບາງມາດຕາຂອງກົດໝາຍວ່າດ້ວຍການກວດສອບແຫ່ງລັດ
ສະພາແຫ່ງຊາດ ຮັບຮອງເອົາການປັບປຸງ ບາງມາດຕາຂອງກົດໝາຍວ່າດ້ວຍການກວດສອບແຫ່ງລັດ - Untitled design - ສະພາແຫ່ງຊາດ ຮັບຮອງເອົາການປັບປຸງ ບາງມາດຕາຂອງກົດໝາຍວ່າດ້ວຍການກວດສອບແຫ່ງລັດ

ກອງ​ປະຊຸມສະ​ໄໝສາ​ມັນ ​ເທື່ອ​ທີ 10 ຂອງ​ສະພາ​ແຫ່ງ​ຊາດ ​ໃນ​ວັນ​ທີ 13 ພະຈິກນີ້, ບັນດາ​ສະມາຊິກ​ສະພາ​ແຫ່ງ​ຊາດ (ສສຊ) ​ໄດ້​ພ້ອມ​ກັນ​ສຸມ​ໃສ່​ປະກອບ​ຄຳ​ຄິດຄຳ​ເຫັນ​ໃສ່​​ການ​ປັບປຸງບາງມາດຕາຂອງກົດໝາຍວ່າດ້ວຍການກວດສອບແຫ່ງລັດ ທີ່ສະເໜີໂດຍທ່ານ ​ນາງ ວຽງທອງ ສີ​ພັນ​ດອນ ປະທານ​ອົງການ​ກວດ​ສອບ​ແຫ່ງ​ລັດ ​ເຊິ່ງ​ໂດຍ​ລວມ​ແລ້ວ​ແມ່ນ​ເຫັນ​ດີ​ເປັນ​ເອກະ​ພາບ​ຕາມ​ການສະ​ເໜີ​ປັບປຸງ​ບາງ​ມາດຕາຂອງ​ກົດໝາຍສະບັບນີ້ ແລະ ພ້ອມກັນລົງຄະແນນສຽງຮັບຮອງເອົາ ດ້ວຍຄະແນນສຽງສ່ວນຫລາຍ.

ສະພາແຫ່ງຊາດ ຮັບຮອງເອົາການປັບປຸງ ບາງມາດຕາຂອງກົດໝາຍວ່າດ້ວຍການກວດສອບແຫ່ງລັດ - KLS 2513 01 300x200 - ສະພາແຫ່ງຊາດ ຮັບຮອງເອົາການປັບປຸງ ບາງມາດຕາຂອງກົດໝາຍວ່າດ້ວຍການກວດສອບແຫ່ງລັດ

​      ທ່ານ​ ນາງ ວຽງທອງ ສີ​ພັນ​ດອນ ​ລາຍ​ງານ​ໃຫ້​ຮູ້​ວ່າ: ກົດໝາຍວ່າດ້ວຍການກວດສອບແຫ່ງລັດ ປະກອບ​ມີ X ພາກ, 7 ໝວດ, 75 ມາດຕາ​, ​ໃນ​ນັ້ນ ສະ​ເໜີ​ປັບປຸງ 3 ມາດຕາ​ຄື: ມາດຕາ 34 ກ່ຽວ​ກັບ​ປະທານ​ອົງການກວດ​ສອບ​ແຫ່ງ​ລັດ, ມາດຕາ 35 ກ່ຽວ​ກັບ​ສິດ ​ແລະ ໜ້າ​ທີ່ຂອງ​ປະທານ​ອົງການ​ກວດ​ສອບ​ແຫ່ງ​ລັດ ​ແລະ ມາດຕາ 44 ກ່ຽວ​ກັບ​ມາດຕະຖານ​ສະ​ເພາະຂອງ​ປະທານ​ອົງການ​ກວດ​ສອບ​ປະຈຳ​ພາກ ​ເຊິ່ງບໍ່​ໄດ້​ເຮັດ​ໃຫ້​ຈຳນວນພາກ, ໝວດ ​ແລະ ມາດຕາຂອງ​ກົດໝາຍ​ນີ້​ເພີ່ມ​ຂຶ້ນ ຫລື ຫລຸດ​ລົງ, ​ໃນ​ນັ້ນ ​ໄດ້​ປັບປຸງ​ບາງມາດຕາ​ໃຫ້​ມີ​ເນື້ອ​ໃນ​ຮັດກຸມ ​ແລະ ສອດຄ່ອງ ແນໃສ່ເຮັດໃຫ້ລະບົບການຈັດຕັ້ງຂອງອົງການກວດສອບແຫ່ງລັດມີຄວາມໜັກແໜ້ນ, ເຂັ້ມແຂງທາງດ້ານການເມືອງ, ແນວຄິດ, ການຈັດຕັ້ງ ແລະ ແບບແຜນວິທີເຮັດວຽກ; ຮັບປະກັນປະສິດທິພາບ, ປະສິດທິຜົນ ແລະ ຄຸນນະພາບຜົນການກວດສອບຂອງອົງການກວດສອບແຫ່ງລັດ.

ສະພາແຫ່ງຊາດ ຮັບຮອງເອົາການປັບປຸງ ບາງມາດຕາຂອງກົດໝາຍວ່າດ້ວຍການກວດສອບແຫ່ງລັດ - Wave100S AD to Website 2020 0 - ສະພາແຫ່ງຊາດ ຮັບຮອງເອົາການປັບປຸງ ບາງມາດຕາຂອງກົດໝາຍວ່າດ້ວຍການກວດສອບແຫ່ງລັດ

ພ້ອມ​ດຽວ​ກັນ​ນັ້ນ, ການ​ປັບປຸງກົດໝາຍສະບັບ​ນີ້ ​ແນ​​ໃສ່​ເຮັດ​ໃຫ້ການ​ເຄື່ອນ​ໄຫວ​ວຽກ​ງານ​ກວດ​ສອບ​ແຫ່ງ​ລັດສອດຄ່ອງ​ກັບ​ການ​ຈັດ​ຕັ້ງ​ປະຕິບັ​ດການ​ເຄື່ອນ​ໄຫວ​ວຽກງານ​ຕົວ​ຈິງ ​ເປັນ​ຕົ້ນການ​ບັນຈຸ, ການ​ສັບ​ຊ້ອນ, ການ​ຍົກ​ຍ້າຍ​, ການ​ເລືອກ​ຕັ້ງ, ການ​ແຕ່ງ​ຕັ້ງ, ປົດ​ຕຳ​ແໜ່​ງ, ການ​ຄຸ້ມ​ຄອງ, ການ​ນຳ​ໃຊ້ ​ແລະ ປະ​ເມີນ​ຜົນ​ການ​ປະຕິບັດ​ວຽກງານເປັນ​ໄປ​ຕາມ​ຫລັກການ​ພື້ນຖານຂອງ​ການ​ຄຸ້ມ​ຄອງ​ພະນັກງານ-ລັດຖະກອນ ​ເພື່ອ​ເຮັດ​ໃຫ້ການ​ຈັດ​ຕັ້ງ​ຂອງ​ອົງການ​ກວດ​ສອບ​ແຫ່ງ​ລັດມີ​ຄວາມ​ໜັກ​ແໜ້ນ, ​ເຂັ້ມ​ແຂ​ງຍິ່ງ​ຂຶ້ນ.

ສະພາແຫ່ງຊາດ ຮັບຮອງເອົາການປັບປຸງ ບາງມາດຕາຂອງກົດໝາຍວ່າດ້ວຍການກວດສອບແຫ່ງລັດ - WhatsApp Image 2020 05 27 at 5 - ສະພາແຫ່ງຊາດ ຮັບຮອງເອົາການປັບປຸງ ບາງມາດຕາຂອງກົດໝາຍວ່າດ້ວຍການກວດສອບແຫ່ງລັດ
ສະພາແຫ່ງຊາດ ຮັບຮອງເອົາການປັບປຸງ ບາງມາດຕາຂອງກົດໝາຍວ່າດ້ວຍການກວດສອບແຫ່ງລັດ - WhatsApp Image 2020 05 27 at 5 - ສະພາແຫ່ງຊາດ ຮັບຮອງເອົາການປັບປຸງ ບາງມາດຕາຂອງກົດໝາຍວ່າດ້ວຍການກວດສອບແຫ່ງລັດ
error: Alert: ເນື້ອຫາຂ່າວມີລິຂະສິດ !!