ປະທານາທິບໍດີອາເມລິກາ ມີເງິນເດືອນເທົ່າໃດ ?

ປະທານາທິບໍດີອາເມລິກາ ມີເງິນເດືອນເທົ່າໃດ ? - 1414 2 - ປະທານາທິບໍດີອາເມລິກາ ມີເງິນເດືອນເທົ່າໃດ ?
ປະທານາທິບໍດີອາເມລິກາ ມີເງິນເດືອນເທົ່າໃດ ? - 174233 - ປະທານາທິບໍດີອາເມລິກາ ມີເງິນເດືອນເທົ່າໃດ ?

ທຸກ​ຄົນ​ເຄີຍ​ສົງ​ໄສ ຫລື ບໍ່​ວ່າ: ຜູ້​ທີ່​ໄດ້​ດຳລົງ​ຕຳ​ແໜ່​ງສຳຄັນຄື​ ປະທານາທິບໍດີ​ອາ​ເມ​ລິ​ການັ້ນ ຈະ​ໄດ້​ຮັບ​ເງິນ​ເດືອນ ຫລື ຄ່າ​ຕອບ​ແທນ​ຈຳນວນ​ເທົ່າ​ໃດ ? ດັ່ງນັ້ນ ​ໃນ​ບົດ​ຄວາມ​ນີ້ ພວກ​ເຮົາ​ຈະ​ມາ​ເບິ່ງ​ກັນ​ວ່າ: ປະທານາທິບໍດີ​ຂອງ​ອາ​ເມ​ລິ​ກາ ຈະ​ໄດ້​ເງິນ​ເດືອນ​ເທົ່າ​ໃດ ?

​ໂດຍ​ຕາມ​ກົດໝາຍ​ຂອງ​ອາ​ເມ​ລິ​ກາ (U.S. Code) ທີ່​ຖືກ​ປະກາດ​ໃຊ້​ນັບ​ແຕ່​ປີ 2001 ​ໄດ້​ລະບຸ​ໄວ້​ວ່າ: ຜູ້​ທີ່​ດຳລົງ​ຕຳ​ແໜ່​ງ​ເປັນ​ປະທານາທິບໍດີ​ຂອງ​ອາ​ເມ​ລິ​ກາ ຈະ​ໄດ້​ຮັບ​ເງິນ​ເດືອນ​ປະຈຳ​ຕຳ​ແໜ່​ງ​​​ແບບ​ແຕ່ລະ​ປີ, ປີ​ລະ 400.000 ​ໂດ​ລາ​ສະຫະລັດ ​ເຊິ່ງປະທານາທິບໍດີ​ຄົນ​ທຳ​ອິດ ທີ່​ໄດ້​ຮັບ​ເງິນ​ເດືອນ 400.000 ​ໂດ​ລາ​ສະຫະລັດ ຄື ປະທານາທິບໍດີ ຈອດ ດັບ​ເບິ​ລຢູ ບຸ​ສ, ຖັດມາ​ແມ່ນ​ທ່ານ ບາຣັກ ​ໂອ​ບາ​ມາ, ​ທ່ານ ​ໂດ​ນັລ ທຣຳ ​ແລະ ຍັງ​ບໍ່​ລວມທັງ​ທ່ານ ​ໂຈ ​ໄບ​ເດນ ວ່າ​ທີ່​ປະທານາທິບໍດີ​ຄົນ​ໃໝ່ ທີ່​ທ່ານ​ຈະ​ໄດ້​ຮັບ​ເງິນ​ເດືອນ​ເປັນ​ຈຳນວນ​ນີ້ ຫລື ບໍ່.

​ໂດຍນັບ​ແຕ່​ອະດີດ​ຈົນ​ເຖິງ​ປັດຈຸບັນ ອັດຕາ​ເງິນ​ເດືອນ​ຂອງ​ຜູ້​ດຳລົງ​ຕຳ​ແໜ່​ງປະທານາທິບໍດີ​ອາ​ເມ​ລິ​ກາ ມີ​ຈຳນວນ​ການ​ປ່ຽນ​ແປງ​ຕະຫລອດ​ເວລາ ​ໂດຍ​ໄລ່​ລຽງ​ຕາມ​ລຳດັບ​ໄດ້ ດັ່ງ​ຕໍ່​ໄປ​ນີ້:

  • 1789-1873 : 25.000 ​ໂດ​ລາ​ສະຫະລັດ
  • 1873-1909 : 50.000 ​ໂດ​ລາ​ສະຫະລັດ
  • 1909-1949 : 75.000 ​ໂດ​ລາ​ສະຫະລັດ
  • 1949-1969 : 100.000 ​ໂດ​ລາ​ສະຫະລັດ
  • 1969-2001 : 200.000 ​ໂດ​ລາ​ສະ​ຫະລັດ
  • 2001-ປັດຈຸບັນ : 400.000 ​ໂດ​ລາ​ສະຫະລັດ

​ໂດຍ​ນອກຈາກ​ປະທານາທິບໍດີ​ອາ​ເມ​ລິ​ກາ​ຈະ​ໄດ້​ຮັບ​ເງິນ​ເດືອນ​ປະຈຳ​ຕຳ​ແໜ່​ງ​ແລ້ວ ຍັງ​ໄດ້​ຮັບ​ເງິນ​ພິ​ເສດ​ແຕ່ລະ​ປີ​ອີກ 50.000 ​ໂດ​ລາ​ສະຫະລັດ ສຳລັບ​ເປັນ​ຄ່າ​ໃຊ້​ຈ່າຍ​ສ່ວນ​ຕົວ​ຂອງ​ປະທານາທິບໍດີ.

ປະທານາທິບໍດີອາເມລິກາ ມີເງິນເດືອນເທົ່າໃດ ? - Wave100S AD to Website 2020 0 - ປະທານາທິບໍດີອາເມລິກາ ມີເງິນເດືອນເທົ່າໃດ ?

ດ້ານ​ຄອບຄົວ​ຂອງ​ປະທານາທິບໍດີ ທີ່ຈະ​ເຂົ້າມາ​ຢູ່​ອາ​ໄສ​ພາຍ​ໃນ​ທຳນຽບຂາວນັ້ນ ຈະ​ໄດ້​ຮັບ​ເງິນ​ພິ​ເສດ​ປີ​ລະ 100.000 ​ໂດ​ລາ​ສະຫະລັດ ສຳລັບ​ເປັນ​ຄ່າ​ໃຊ້​ຈ່າຍ​ໃນ​ເວລາ​ອາ​ໄສ​ຢູ່​ພາຍ​ໃນ​ທຳນຽບຂາວ.

ສຳລັບ​ການ​ເດີນທາງ​ອອກ​ໄປ​​ເຮັດ​ພາລະກິດ​ຕ່າງໆ ຂອງ​ປະທານາທິບໍດີ ທາງ​ສະພາ​ຄອງ​ເກຣດຈະ​ມີ​ການ​ອະນຸມັດ​ເງິນ​ແຕ່ລະ​ປີ​ຈຳນວນ 19.000 ​ໂດ​ລາ​ສະຫະລັດ ​ເພື່ອ​ໃຊ້​ສຳລັບ​ເປັນ​ຄ່າ​ພາຫະນະ ​ແລະ ຄ່າ​ເດີນທາງ​ຂອງ​ປະທານາທິບໍດີ ທີ່​ຈະ​ໃຊ້​ເດີນທາງ​ໄປ​ບ່ອນ​ຕ່າງໆ​ນຳ​ອີກ.

ປະທານາທິບໍດີອາເມລິກາ ມີເງິນເດືອນເທົ່າໃດ ? - WhatsApp Image 2020 05 27 at 5 - ປະທານາທິບໍດີອາເມລິກາ ມີເງິນເດືອນເທົ່າໃດ ?
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!