ເປັນຫຍັງທຸລະກິດນ້ອຍໆ ຕ້ອງສ້າງແຟຣນໄຊສ໌

ເປັນຫຍັງທຸລະກິດນ້ອຍໆ ຕ້ອງສ້າງແຟຣນໄຊສ໌ - 1414 3 - ເປັນຫຍັງທຸລະກິດນ້ອຍໆ ຕ້ອງສ້າງແຟຣນໄຊສ໌
ເປັນຫຍັງທຸລະກິດນ້ອຍໆ ຕ້ອງສ້າງແຟຣນໄຊສ໌ - 174233 - ເປັນຫຍັງທຸລະກິດນ້ອຍໆ ຕ້ອງສ້າງແຟຣນໄຊສ໌

ກະ​ແສ​ຄວາມ​ຕື່ນ​ຕົວ​ເລື່ອງ​​ແຟຣນ​ໄຊ​ສ໌ກຳລັງ​ມາ​ແຮງ ຫລາຍ​ຄົນ​ມີ​ຄວາມ​ຝັນ​ວ່າ: ຢາກ​ຈະ​ລວຍ​ດ້ວຍ​ການ​ຂາຍ​ແຟຣນ​ໄຊ​ສ໌,​ ​ແຕ່​ວ່າ​ຈະ​ເປັນຄວາມ​ຈິງ​ໄດ້ ຫລື ບໍ່ ​ເປັນ​ອີກ​ເລື່ອງ​ໜຶ່ງ ​ເພາະ​ລະບົບ​ແຟຣນ​ໄຊ​ສ໌​ເປີດ​ໂອກາດ​ໃຫ້​ທຸລະ​ກິດ​ນ້ອຍໆ​ເຕີບ​ໃຫຍ່​ໄດ້​ຢ່າງ​ວ່ອງ​ໄວ ​ໂດຍ​ບໍ່​ຕ້ອງ​ມີ​ທຶນ​ຫລາຍ, ​ໃຊ້​ທຶນ​ຂອງ​ຜູ້​ຊື້​ແຟຣນ​ໄຊ​ສ໌. ນີ້​ຄື​ຂໍ້​ດີ​ຂອງ​ແຟຣນ​ໄຊ​ສ໌ ທີ່​ເຮັດ​ໃຫ້​ຫລາຍ​ຄົນ​ມີ​ຄວາມ​ຫວັງ, ມີ​ຝັນ​ທີ່​ຈະ​ສ້າງ​ທຸລະ​ກິດ​ຂອງ​ຕົນ​ເອງ​ໃຫ້​ເປັນ​ແຟຣນ​ໄຊ​ສ໌​ໃຫ້​ໄດ້.

ທຸລະ​ກິດ​ຍີ່​ຫໍ້​ນ້ອຍໆ ​ແຕ່​ສິນຄ້າ ​ແລະ ບໍລິການ​ສາມາດ​ຕອບ​ສະໜອງ​ຜູ້​ບໍລິ​ໂພ​ກ​ໄດ້​ໃນ​ວົງ​ກວ້າງ ​ເລີ່​ມຂະຫຍາຍ​ທຸລະ​ກິດ​ໃນ​ລະບົບ​ແຟຣນ​ໄຊ​ສ໌​ເພີ່ມ​ຂຶ້ນ​ເລື້ອຍໆ ​ເນື່ອງ​ຈາກ​ຂໍ້​ດີ​ຂອງ​ການ​ເຮັດ​ທຸລະ​ກິດ​ແຟຣນ​ໄຊ​ສ໌ຄ້າຍຄື​ກັບ​ທຸລະ​ກິດ​ອອນ​ລາຍ ​ໃນ​ຮູບ​ແບບ​ທີ່​ວ່າ​ຄົນ​ຕົວ​ນ້ອຍ​ສາມາດ​ເຮັດ​ໃຫ້​ຕົນ​ເອງ​ໃຫຍ່​ໄດ້. ຄື​ສະ​ໄໝ​ກ່ອນ ຖ້າ​ເຮົາ​ຄິດ​ຈະ​ມີ​ຮ້ານ​ຄ້າ 100 ​ແຫ່ງ ​ແຕ່​ເນື່ອງ​ຈາກ​ຕົນ​ເອງ​ມີ​ແຮງ​ງານ​ດຽວ ຈຶ່ງ​ບໍ່​ສາມາດ​ຈະ​ເຮັດ​ໄດ້.

​ແຕ່​ຈາກ​ລະບົບ​ແຟຣນ​ໄຊ​ສ໌ ຖ້າ​ເຮົາ​ມີ​ສິນຄ້າ ​ແລະ ບໍລິການ​ດີ, ບໍລິການ​ຢ່າງ​ມີ​ລະບົບ ​ເຮົາ​ສາມາດ​ຈະ​ມີ​ຮ້ານ​ຄ້າ 100 ​ແຫ່ງ​ໄດ້ ​ເພາະ​ຄົນ​ລົງທຶນ​ຄື​ ​ແຟຣນ​ໄຊ​ສ໌ຊີ, ​ເຮົາ​ໃນ​ຖານະ​ເຈົ້າຂອງ​ພຽງ​ແຕ່​ເກັບ​ຄ່າ​ທຳນຽມ ​ແລະ ​ເສຍ​ເວລາ​ໃນ​ການ​ອອກ​ໄປ​ອົບຮົມ​ໃຫ້​ແຟຣນ​ໄຊ​ສ໌ຊີ. ຖ້າ​ທຸລະ​ກິດ​ແຟຣນ​ໄຊ​ສ໌ດີ ກໍ​ສາມາດ​ເຕີບ​ໃຫຍ່​ໄດ້​ໄວ, ຂະຫຍາຍ​ເຄືອ​ຂ່າຍ​ໄດ້​ໂດຍ​ບໍ່​ຈຳ​ເປັນ​ຕ້ອງ​ມີ​ທຶນ​ຫລາຍ. ມາ​ເບິ່ງ​ຂໍ້​ດີ​ຂອງ​ການ​ເຮັດ​ແຟຣນ​ໄຊ​ສ໌ດີ​ແນວ​ໃດ, ​ເປັນຫຍັງ​ຍີ່​ຫໍ້​ນ້ອຍໆ ຈຶ່ງ​ບຸກຄະ​ຫລາດ​ດ້ານ​ນີ້​ກັນ​ຫລາຍ.

ເປັນຫຍັງທຸລະກິດນ້ອຍໆ ຕ້ອງສ້າງແຟຣນໄຊສ໌ - Wave100S AD to Website 2020 0 - ເປັນຫຍັງທຸລະກິດນ້ອຍໆ ຕ້ອງສ້າງແຟຣນໄຊສ໌
  1. ສ້າງ​ການ​ເຕີບ​ໃຫຍ່​ໃຫ້​ທຸລະ​ກິດ​ໄດ້​ວ່ອງ​ໄວ, ​ໃຊ້​ງົບ​ລົງທຶນ​ໜ້ອຍ, ​ໄດ້​ຄ່າ​ຕອບ​ແທນ​ຈາກ​ການ​ຂາຍ​​ແຟຣນ​ໄຊ​ສ໌ ​ແລະ ຄ່າ​ສິດ​ແຕ່ລະ​ເດືອນ.
  2. ​ເປີດ​ໂອກາດ​ໃຫ້​ທຸລະ​ກິດ​ທີ່​ມີ​ທຶນ​ໜ້ອຍ​ຂະຫຍາຍ​ເຄືອ​ຂ່າຍ​ໄດ້ ​ເພາະ​ເງິນ​ລົງທຶນ​ໃນ​ການ​ຂະຫຍາຍ​ສາຂາ​ເປັນ​ຂອງ​ແຟຣນ​ໄຊ​ຊີ.
  3. ​ເປັນ​ຊ່ອງ​ທາງ​ການ​ຕະຫລາດ ກະຈາຍ​ສິນຄ້າ-ບໍລິການ ​ເມື່ອ​ມີ​ການ​ຂະຫຍາຍ​ສາຂາ​ໄດ້​ຈຳນວນ​ຫລາຍ ຈະ​ສາມາດ​ກະຈາຍ​ສິນຄ້າ​ໄດ້​ຫລາຍ​ເທົ່າ​ນັ້ນ.
  4. ມີ​ຜູ້​ລົງທຶນ​ຊື້​ແຟຣນ​ໄຊ​ສ໌​ເປັນ​ເຈົ້າຂອງ​ທຸລະ​ກິດ, ບໍລິຫານ​ຈັດການ​ເອງ ​ເຮັດ​ໃຫ້​ມີ​ແຮງ​ຈູງ​ໃຈ​ໃນ​ການ​ຂະຫຍາຍ​ສາຂາ​ຫລາຍ​ກວ່າ.
  5. ຮັບຜິດຊອບ​ຕໍ່​ຄວາມ​ເສຍ​ຫາຍ​ໜ້ອຍ​ລົງ ຖ້າ​ເກີດ​ວິ​ກິດ​ເສດຖະກິດ ລວມທັງ​ວິ​ກິດ​ໂຄ​ວິດ-19 ອີກ.
  6. ​ເປັນ​ເຄື່ອງມື​ເອົາ​ຊະນະ​ການ​ແຂ່ງຂັນ ​ແລະ ​ແຂ່ງຂັນ​ກັບ​ຍີ່​ຫໍ້​ໃຫຍ່ໆ​ໄດ້ ​ເນື່ອງ​ຈາກ​ລະບົບ​ແຟຣນ​ໄຊ​ສ໌​ເປັນ​​ເຄືອ​ຂ່າຍ​ທຸລະ​ກິດ​ທີ່​ມີ​ຮູບ​ແບບ​ການ​ບໍລິຫານ​ງານ​ຄື​ກັນ, ​ເປັນ​ມາດຕະຖານ​ດຽວ​ກັນ, ຂາຍ​ສິນຄ້າ​ພາຍ​ໃຕ້​ຍີ່​ຫໍ້​ດຽວ​ກັນ.
  7. ມີ​ອຳນາດ​ໃນ​ການ​ຊື້ສິນຄ້າ ​ເຮັດ​ໃຫ້ຕົ້ນທຶນ​ຖືກ​ລົງ ຈາກ​ການ​ສັ່ງ​ຊື້ວັດຖຸ​ດິບ ​ແລະ ສິນຄ້າ​ຈຳນວນ​ຫລາຍ ຈາກ​ຜູ້​ສະໜອງ.
  8. ​ໄດ້​ຮັບ​ການ​ລາຍ​ງານ​ສະຖານະ​ການ​ຕະຫລາດ​ຈາກ​ຮ້າ​ນສາຂາ​ແຟຣນ​ໄຊ​ສ໌, ຄົນ​ຊື້ ຫລື ລູກ​ຄ້າ​ຈະ​ຫລາຍ ຫລື ໜ້ອຍ​ຈະ​ໄດ້​ຮັບ​ການ​ລາຍ​ງານ​ທັນທີ​ຈາກ​ແຟຣນ​ໄຊ​ສ໌​ຊີ​ໃນ​ພື້ນທີ່ ຫລື ​ເບິ່ງ​ຈາ​ກຍອດ​ການ​ຂາຍຂອງ​ສາຂາ​ແຟຣນ​ໄຊ​ສ໌ຊີ.

ນີ້​ຄື​ເຫດຜົນ​ທີ່​ຊຸກ​ຍູ້​ໃຫ້​ທຸລະ​ກິດ​ຍີ່​ຫໍ້​ນ້ອຍໆ ຫລື ກິດຈະການ​ຂະໜາດ​ນ້ອຍ ຫັນ​ມາ​ຂາຍ​ທຸລະ​ກິດ​ໃນ​ຮູບ​ແບບ​ແຟຣນ​ໄຊ​ສ໌ຫລາຍ​ຂຶ້ນ ​ເນື່ອງ​ຈາກ​ໃຊ້​ເງິນ​ລົງທຶນ​ຂອງ​ຜູ້​ຊື້​ແຟຣນ​ໄຊ​ສ໌​ໃນ​ການ​ຂະຫຍາຍ​ສາຂາ ອີກ​ທັງ​ສາມາດ​ຂະຫຍາຍ​ສາຂາ​ໄດ້​ຢ່າງ​ວ່ອງ​ໄວ.

ເປັນຫຍັງທຸລະກິດນ້ອຍໆ ຕ້ອງສ້າງແຟຣນໄຊສ໌ - WhatsApp Image 2020 05 27 at 5 - ເປັນຫຍັງທຸລະກິດນ້ອຍໆ ຕ້ອງສ້າງແຟຣນໄຊສ໌
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!