ປະໂຫຍດ ແລະ ຂໍ້ຄວນລະວັງໃນການກິນໝາກບົວ

ປະໂຫຍດ ແລະ ຂໍ້ຄວນລະວັງໃນການກິນໝາກບົວ - 010911 2020 - ປະໂຫຍດ ແລະ ຂໍ້ຄວນລະວັງໃນການກິນໝາກບົວ
ປະໂຫຍດ ແລະ ຂໍ້ຄວນລະວັງໃນການກິນໝາກບົວ - 174233 - ປະໂຫຍດ ແລະ ຂໍ້ຄວນລະວັງໃນການກິນໝາກບົວ

     ໝາກບົວ ໃຫ້ສານອາຫານທີ່ເປັນປະເພດຄາໂບໄຮເດຣດ ແລະ ໂປຣຕິນຫລາຍກ່ວາສານອາຫານຈຳພວກກົດໄຂມັນ ແລະ ຫລາຍໄປກ່ວານັ້ນ ໝາກບົວຍັງເປັນອາຫານທີ່ໃຫ້ກາລໍຣີຕໍ່າ ຈຶ່ງເໝາະສົມຫລາຍສຳລັບຜູ້ທີ່ກຳລັງຫລຸດນຳ້ໜັກ ຫລື ຢູ່ໃນໄລຍະທີ່ຢາກຄວບຄຸມອາຫານ. ການກິນໝາກບົວ (ບໍ່ຜ່ານການປຸງແຕ່ງໃຫ້ສຸກ) ປະມານ 28 ກຣາມ ຈະໄດ້ຮັບຄຸນຄ່າທາງໂພຊະນາການ ດັ່ງນີ້ :

  • ພະລັງງານ 25,2 ກາລໍຣີ.
  • ໂປຣຕິນ 1,17 ກຣາມ.
  • ໄຂມັນ 0,15 ກຣາມ.
  • ຄາໂບໄຮເດຣດ 4,5 ກຣາມ.

ນອກຈາກນີ້ ໃນໝາກບົວຍັງມີວິຕາມິນ ແລະ ແຮ່ທາດທີ່ມີປະໂຫຍດອີກຫລາຍຊະນິດ ບໍ່ວ່າຈະແມ່ນວິຕາມິນ B, ວິຕາມິນ A, ວິຕາມິນ E, ໄຟເບີ, ທາດການຊຽມ, ທາດເຫລັກ, ແມັກນີຊຽມ, ໂປຕັສຊຽມ, ສັງກະສີ ແລະ ໝາກບົວຍັງເປັນແຫ່ລງຂອງສານຕ້ານອະນຸມູນອິດສະລະ ແລະ ມີສານໄຟໂຕນິວທຣຽນ ທີ່ມີປະໂຫຍດຕໍ່ລະບົບພູມຕ້ານທານ ແລະ ມີສັບພະຄຸນຊ່ວຍຕ້ານການອັກເສບໄດ້ຢ່າງດີ. ໂດຍໝາກບົວສາມາດກິນໄດ້ທັງແບບສົດ ຫລື ເອົາໄປຂົ້ວໃສ່ໃນອາຫານຕ່າງໆ ລວມທັງສາມາດເອົາມາຕົ້ມເປັນແກງ ຫລື ຕົ້ມກິນເປັນຂອງຫວານກໍໄດ້.

ປະໂຫຍດ ແລະ ຂໍ້ຄວນລະວັງໃນການກິນໝາກບົວ - 050911 2020 300x183 - ປະໂຫຍດ ແລະ ຂໍ້ຄວນລະວັງໃນການກິນໝາກບົວ
Green lotus seeds on a wooden table.

ສຳລັບຄຸນປະໂຫຍດຂອງໝາກບົວມີດັ່ງນີ້ :

ປະໂຫຍດ ແລະ ຂໍ້ຄວນລະວັງໃນການກິນໝາກບົວ - Wave100S AD to Website 2020 0 - ປະໂຫຍດ ແລະ ຂໍ້ຄວນລະວັງໃນການກິນໝາກບົວ
  • ດີຕໍ່ການຫລຸດນຳ້ໜັກ : ເພາະໝາກບົວເປັນທັນຍາພືດທີ່ໃຫ້ໄຟເບີຫລາຍ ຈຶ່ງຊ່ວຍໃຫ້ຮູ້ສຶກອີ່ມໄດ້ດົນຫລາຍຂຶ້ນ, ຊ່ວຍຫລຸດຄວາມຢາກອາຫານໃນຄາບຕໍ່ໆໄປໃຫ້ຫລຸດລົງ, ເຮັດໃຫ້ບໍ່ກິນຕາມໃຈປາກຈົນກາລໍຣີເກີນຂອບເຂດ ຫລາຍໄປກ່ວານັ້ນ ໝາກບົວຍັງຖືວ່າເປັນອາຫານທີ່ມີກາລໍຣີຕໍ່າ ເໝາະສົມກັບຜູ້ທີ່ຢູ່ໃນລະຫວ່າງການຫລຸດນຳ້ໜັກ. ການກິນໝາກບົວເປັນອາຫານວ່າງຈະຊ່ວຍໃຫ້ຮູ້ສຶກອີ່ມທ້ອງ ບໍ່ຫິວຕະຫລອດ ແລະ ບໍ່ເຮັດໃຫ້ກາລໍຣີສູງຂຶ້ນ.
  • ຕໍ່ຕ້ານຮອຍຫ່ຽວຍານ : ໃນໝາກບົວມີເອັນໄຊທີ່ມີປະໂຫຍດໃນການຕໍ່ຕ້ານຮອຍຫ່ຽວແຫ່ງໄວ (L-isoaspartyl methyltransferase) ເຊິ່ງເປັນເອັນໄຊທີ່ມີສັບພະຄຸນໃນການປິ່ນປົວ ແລະ ຟື້ນຟູໂປຣຕິນທີ່ຖືກທຳລາຍ ແລະ ກະຕຸ້ນການສ້າງຄໍລາເຈັນໃນຮ່າງກາຍ ດ້ວຍເຫດນີ້ໃນອຸດສາຫະກຳເຄື່ອງສຳອາງ ຫລື ຜະລິດຕະພັນເພື່ອຜິວ ຈຶ່ງມີສານໃຊ້ສານສະກັດຈາກໝາກບົວເພື່ອສັບພະຄຸນໃນການບຳລຸງຜິວ ແລະ ກຳຈັດຮອຍຫ່ຽວຍານ.
  • ດີຕໍ່ສຸຂະພາບຫົວໃຈ : ແມັກນີຊຽມທີ່ຢູ່ໃນໝາກບົວເປັນສານອາຫານທີ່ມີປະໂຫຍດ ແລະ ຊ່ວຍຫລຸດຄວາມສ່ຽງຕໍ່ສຸຂະພາບຫົວໃຈ ເພາະແມັກນີຊຽມຈະເຂົ້າໄປຊ່ວຍເພີ່ມປະລິມານຂອງອົກຊີແຊນ ແລະ ກະຕຸ້ນການໄຫລວຽນຂອງເລືອດ ຊ່ວຍໃຫ້ເລືອດສາມາດໄຫລວຽນໄປຍັງຫົວໃຈ ແລະ ພາກສ່ວນຕ່າງໆໃນຮ່າງກາຍໄດ້ດີຂຶ້ນ,​ ແຕ່ຖ້າຫາກຮ່າງກາຍມີສານແມັກນີຊຽມໃນລະດັບທີ່ຕໍ່າກໍຈະມີຄວາມສ່ຽງຕໍ່ພະຍາດຊຳ້ເຮື້ອ ເຊັ່ນ : ພະຍາດຫລອດເລືອດ ຫລື ພະຍາດຫົວໃຈ.
  • ດີຕໍ່ຜູ້ປ່ວຍເບົາຫວານ : ຜູ້ປ່ວຍເບົາຫວານຈຳເປັນທີ່ຈະຕ້ອງມີການເອົາໃຈໃສ່ກັບລະດັບນຳ້ຕານໃນເລືອດຢ່າງສະໝໍ່າສະເໝີ ຫາກລະດັບນຳ້ຕານໃນເລືອດສູງ ອາດມີຜົນຕໍ່ສຸຂະພາບໄດ້. ດັ່ງນັ້ນ ສິ່ງສຳຄັນສຳລັບຜູ້ປ່ວຍເບົາຫວານແມ່ນຕ້ອງເລືອກກິນອາຫານທີ່ມີປະໂຫຍດເພື່ອຊ່ວຍໃນການຮັກສາລະດັບນຳ້ຕານໃນເລືອດໃຫ້ຢູ່ໃນເກນປົກກະຕິ. ໝາກບົວມີກາລໍຣີຕໍ່າ ແລະ ມີໄຟເບີຫລາຍ ຈຶ່ງຊ່ວຍຄວບຄຸມໃຫ້ລະດັບຂອງກລູໂກສໃນເລືອດຢູ່ໃນລະດັບປົກກະຕິ ທັງຍັງຊ່ວຍປ້ອງກັນບໍ່ໃຫ້ລະດັບນຳ້ຕານໃນເລືອດສູງຂຶ້ນນຳອີກ.
  • ຊ່ວຍປ້ອງກັນມະເຮັງ : ໝາກບົວມີສານຕ້ານອະນຸມູນອິດສະລະຫລາຍຊະນິດ ເຊັ່ນ : ຟລາໂວນອຍ, ໄທອາມີນ ເຊິ່ງສານຕ້ານອະນຸມູນອິດສະລະເຫລົ່ານີ້ຊ່ວຍໃຫ້ລະບົບພູມຕ້ານທານແຂງແຮງ, ຕ້ານການອັກເສບຂອງແຊນໃນຮ່າງກາຍ ແລະ ຍັງມີສ່ວນຊ່ວຍປ້ອງກັນຄວາມສ່ຽງທີ່ຈະເກີດພະຍາດຊຳ້ເຮື້ອດັ່ງພະຍາດມະເຮັງໄດ້ນຳ.
  • ຊ່ວຍໃຫ້ຫລັບສະບາຍ : ໝາກບົວມີສັບພະຄຸນທາງຢາທີ່ຊ່ວຍເພີ່ມການໄຫລວຽນຂອງເລືອດໃນຮ່າງກາຍ ຫາກລະບົບໄຫລວຽນເລືອດເຮັດວຽກໄດ້ດີ ກໍຈະຊ່ວຍໃຫ້ຮ່າງກາຍ ແລະ ສະໝອງຮູ້ສຶກຜ່ອນຄາຍ, ບໍ່ສັບສົນກະວົນກະວາຍ, ສາມາດນອນຫລັບໄດ້ດີຂຶ້ນ. ດັ່ງນັ້ນ, ຫາກມີອາການນອນບໍ່ຫລັບ ລອງກິນໝາກບົວເປັນອາຫານວ່າງກ່ອນເຂົ້ານອນ ອາດຊ່ວຍໃຫ້ນອນຫລັບໄດ້ງ່າຍຂຶ້ນ.
  • ຂໍ້ຄວນລະວັງໃນການບໍລິໂພກໝາກບົວ : ເຖິງຈະມີປະໂຫຍດຫລວງຫລາຍ ແລະ ມີສານອາຫານທີ່ເປັນປະໂຫຍດຕໍ່ຮ່າງກາຍ, ແຕ່ກໍມີຂໍ້ຄວນລະວັງບາງປະການທີ່ບໍ່ຄວນຖືເບົາ ດັ່ງນີ້ :

ປະໂຫຍດ ແລະ ຂໍ້ຄວນລະວັງໃນການກິນໝາກບົວ - 030911 2020 300x199 - ປະໂຫຍດ ແລະ ຂໍ້ຄວນລະວັງໃນການກິນໝາກບົວ

  1. ຜູ້ທີ່ມີອາການແພ້ທັນຍາພືດ ຫລື ແພ້ໝາກບົວ ທີ່ເຖິງຈະພົບໄດ້ໜ້ອຍ ແຕ່ກໍຄວນຈະຫລີກເວັ້ນເພື່ອປ້ອງກັນບໍ່ໃຫ້ອາການແພ້ຮຸນແຮງຂຶ້ນ.
  2. ເຖິງວ່າໝາກບົວຈະມີສັບພະຄຸນທາງຢາທີ່ດີຕໍ່ສຸຂະພາບຫົວໃຈ, ແຕ່ຜູ້ທີ່ມີອາການຫົວໃຈເຕັ້ນຜິດຈັງຫວະ ແລະ ຢູ່ໃນລະຫ່ວາງການກິນຢາເພື່ອປ້ອງກັນຫົວໃຈເຕັ້ນຜິດຈັງຫວະ ຄວນປຶກສາທ່ານໝໍກ່ອນກິນໝາກບົວ ເພາະສານບາງຊະນິດໃນໝາກບົວອາດມີຜົນຕໍ່ປະຕິກິລິຍາຂອງຢາປິ່ນປົວພະຍາດຫົວໃຈເຕັ້ນຜິດຈັງຫວະ.
ປະໂຫຍດ ແລະ ຂໍ້ຄວນລະວັງໃນການກິນໝາກບົວ - WhatsApp Image 2020 05 27 at 5 - ປະໂຫຍດ ແລະ ຂໍ້ຄວນລະວັງໃນການກິນໝາກບົວ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!