ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ເນັ້ນໃຫ້ການນຳແຂວງສະຫວັນນະເຂດຖືເອົາໃຫ້ການຊ່ວຍເຫຼືອ ແລະ ຟື້ນຟູຊີວິດການເປັນຢູ່ຂອງປະຊາຊົນຖືກນໍ້າຖ້ວມເປັນອັນດັບໜຶ່ງ

ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ເນັ້ນໃຫ້ການນຳແຂວງສະຫວັນນະເຂດຖືເອົາໃຫ້ການຊ່ວຍເຫຼືອ ແລະ ຟື້ນຟູຊີວິດການເປັນຢູ່ຂອງປະຊາຊົນຖືກນໍ້າຖ້ວມເປັນອັນດັບໜຶ່ງ - 555 35 - ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ເນັ້ນໃຫ້ການນຳແຂວງສະຫວັນນະເຂດຖືເອົາໃຫ້ການຊ່ວຍເຫຼືອ ແລະ ຟື້ນຟູຊີວິດການເປັນຢູ່ຂອງປະຊາຊົນຖືກນໍ້າຖ້ວມເປັນອັນດັບໜຶ່ງ
ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ເນັ້ນໃຫ້ການນຳແຂວງສະຫວັນນະເຂດຖືເອົາໃຫ້ການຊ່ວຍເຫຼືອ ແລະ ຟື້ນຟູຊີວິດການເປັນຢູ່ຂອງປະຊາຊົນຖືກນໍ້າຖ້ວມເປັນອັນດັບໜຶ່ງ - 174233 - ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ເນັ້ນໃຫ້ການນຳແຂວງສະຫວັນນະເຂດຖືເອົາໃຫ້ການຊ່ວຍເຫຼືອ ແລະ ຟື້ນຟູຊີວິດການເປັນຢູ່ຂອງປະຊາຊົນຖືກນໍ້າຖ້ວມເປັນອັນດັບໜຶ່ງ

ລະຫວ່າງວັນທີ 14-15 ພະຈິກ 2020 ທ່ານ ບຸນທອງ ຈິດມະນີ ກຳມະການກົມການເມືອງສູນກາງພັກ, ຄະນະເລຂາທິການສູນກາງພັກ, ຮອງນາຍົກລັດຖະມົນຕີ, ໄດ້ໃຫ້ກຽດໂອ້ລົມພະນັກງານການນໍາຂອງແຂວງ ໃນໂອກາດທີ່ເດີນທາງໄປຢ້ຽມຢາມ ແລະ ມອບເຄື່ອງຊ່ວຍເຫລືອໃຫ້ແກ່ປະຊາຊົນທີ່ໄດ້ຮັບຜົນກະທົບ ຈາກໄພນໍ້າຖ້ວມ ຢູ່ເມືອງຊົນນະບູລີ ແຂວງສະຫວັນນະເຂດ.

ໄດ້ຮັບການລາຍງານຈາກເຈົ້າແຂວງວ່າ: ນັບແຕ່ເດືອນກັນຍາ ຫາ ຕຸລາ ມີພາຍຸຕິດຕໍ່ກັນຫລາຍລູກພັດຜ່ານເຂົ້າມາ ເຮັດໃຫ້ຝົນຕົກແຮງ ເຊິ່ງໄດ້ເຮັດ ໃຫ້ບັນດາສາຍນ້ຳທີ່ສໍາຄັນຄື: ນ້ຳເຊບັ້ງຫຽງ, ເຊໂປນ, ເຊລະນອງ ແລະ ເຊກອກ ເພີ່ມຂຶ້ນລົ້ນຝັ່ງ ເຂົ້າຖ້ວມເນື້ອທີ່ ບ່ອນຕໍ່າ ແລະ ໄຫຼລົງມາຖ້ວມເນື້ອທີ່ຕອນລຸ່ມຂອງເຊບັ້ງຫຽງ. ຖ້ວມແຮງທີ່ສຸດແມ່ນວັນທີ 18 ຕຸລາ ໂດຍສະເພາະ ເມືອງເຊໂປນ ທີ່ຖ້ວມໜັກແບບບໍ່ເຄີຍມີມາກ່ອນໃນຮອບຫຼາຍສິບປີ. ພະຍຸຄັ້ງນີ້ເຮັດໃຫ້ 8 ເມືອງໄດ້ຮັບຜົນກະ ທົບນ້ຳຖ້ວມໜັກຄື: ເມືອງພີນ, ວິລະບູລີ, ນອງ, ຈຳພອນ, ຊົນນະບູລີ, ສອງຄອນ ແລະ ເມືອງທ່າປາທອງ. ເສຍຫາຍ ຈຳນວນ 141 ບ້ານ, 10.908 ຫຼັງຄາເຮືອນ ມີ 11.710 ຄອບຄົວ, ມີຈຳນວນພົນ ລະເມືອງ 64.999 ຄົນ, ເຮືອນເປ່ເພທັງໝົດ 120 ຫຼັງ, ເນື້ອທີ່ທໍາການຜະລິດເສຍຫາຍ 23.852 ເຮັກຕາ, ມີໜອງ, ສັດລ້ຽງຕາຍ ແລະ ສູນຫາຍ, ລະບົບຊົນລະປະທານຖືກຖ້ວມ, ເສັ້ນທາງເປ່ເພເສຍຫາຍ, ບັນດາໂຮງຮຽນ-ສຸກສາລາ ແລະ ພື້ນຖານໂຄງລ່າງອື່ນຖືກຜົນກະທົບ, ຊຶ່ງຄາດຄະເນເບື້ອງຕົ້ນມູນຄ່າປະມານ 215,08 ຕື້ກ່ວາກີບ. ສຳລັບການໃຫ້ການຊ່ວຍເຫຼືອເບື້ອງຕົ້ນຂອງຄະນະກຳມະການຄຸ້ມຄອງໄພພິບັດແຂວງ ໄດ້ລະດົມພະນັກງານ, ທະຫານ, ຕຳຫຼວດ, ຊາວໜຸ່ມລົງເກັບກູ້ເຂົ້ານາປີ ແລະ ຊ່ວຍຍົກຍ້າຍປະຊາຊົນມາຢູ່ສູນບ່ອນປອດໄພໄດ້ທັງໝົດ 3.252 ເທື່ອຄົນ; ໄດ້ແຈກເຂົ້າສານ 18.800 ໂຕນ, ເຄື່ອງອຸປະໂພກ-ບໍລິໂພກອື່ນໆ ລວມ ມູນຄ່າໃຫ້ການ ຊ່ວຍເຫຼືອເບື້ອງຕົ້ນເປັນເງິນ 765 ລ້ານກວ່າ ກີບ; ນອກຈາກນີ້ຍັງໄດ້ປຸກລະດົມ ການປະກອບສ່ວນທົ່ວສັງຄົມ ໄດ້ທັງໝົດ 69 ພາກສ່ວນ ລວມມູນຄ່າທັງໝົດ 1.451 ລ້ານກວ່າກີບ.

ໂອກາດດຽວກັນ ທ່ານຮອງນາຍົກລັດຖະມົນຕີ ໂອ້ລົມ ແລະ ໃຫ້ທິດຊີ້ນໍາການນໍາຂອງແຂວງ ໂດຍທ່ານໄດ້ຊີ້ນໍາໃຫ້ການນໍາຂອງແຂວງ ຮີບຮ້ອນໃຫ້ການຊ່ວຍເຫຼືອ ແລະ ຟື້ນຟູຊີວິດການເປັນຢູ່ຂອງພໍ່ແມ່ປະຊາ ຊົນໃຫ້ກັບຄືນສູ່ສະພາບປົກກະຕິໂດຍໄວ, ການແກ້ໄຂສະເພາະໜ້ານີ້ ຕ້ອງຮີບຮ້ອນລະດົມການຊ່ວຍເຫຼືອເຂົ້າກິນ ທັງຈັດແຈງແຈກຢາຍເຂົ້າທີ່ສັງຄົມຊ່ວຍເຫຼືອ ແລະ ການຊ່ວຍເຫຼືອຂອງຕ່າງປະເທດ ເພື່ອໃຫ້ພໍ່ແມ່ປະຊາຊົນ ທີ່ໄດ້ຮັບຜົນກະທົບມີເຂົ້າກິນ; ສ້ອມແປງ ແລະ ປຸກສ້າງທີ່ຢູ່ອາໄສໃຫ້ປະຊາຊົນທີ່ບໍ່ມີບ່ອນພັກ ທັງບ່ອນພັກຊົ່ວຄາວ ແລະ ຖາວອນ; ຮີບຮ້ອນຟື້ນຟູອາຄານສະຖານທີ່ຕ່າງໆເຊັ່ນ ສຸກສາລາ ວັດວາອາຮາມ ແລະ ໂຮງຮຽນ ໃຫ້ນັກຮຽນ ໄດ້ເຂົ້າຮຽນເປັນປົກກະຕິ ແລະ ຕໍ່ເນື່ອງ; ຈັດສັນທີ່ດິນທໍາການຜະລິດໃຫ້ປະຊາຊົນທີ່ຖືກຜົນກະທົບໜັກ ແລະ ບໍ່ສາມາດທໍາການຜະລິດຢູ່ບ່ອນເກົ່າໄດ້; ປັບປຸງສ້ອມແປງ ແລະ ສ້າງເງື່ອນໄຂໃຫ້ປະຊາຊົນສາມາດທໍາການຜະລິດ ໃນລະດູແລ້ງໂດຍໄວ,  ສ້ອມແປງຖະໜົນຫົນທາງ ທີ່ເປ່ເພ ເພື່ອສ້າງຄວາມສະດວກໃຫ້ແກ່ປະຊາຊົນໃນການສັນຈອນໄປມາ ຂົນສົ່ງອຸປະກອນທໍາການຜະລິດ ແລະ ຜົນຜະລິດ; ຊຸກຍູ້ສົ່ງເສີມການຜະລິດໃນລະດູແລ້ງຂອງປະຊາຊົນ ໂດຍການປູກພືດໜ້າແລ້ງ ເພື່ອທົດແທນຜົນຜະລິດທີ່ສູນເສຍໄປກັບໄພນໍ້າຖ້ວມ ສາມາດສະໜອງສະບຽງອາຫານໃນລະດູແລ້ງນີ້.

ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ເນັ້ນໃຫ້ການນຳແຂວງສະຫວັນນະເຂດຖືເອົາໃຫ້ການຊ່ວຍເຫຼືອ ແລະ ຟື້ນຟູຊີວິດການເປັນຢູ່ຂອງປະຊາຊົນຖືກນໍ້າຖ້ວມເປັນອັນດັບໜຶ່ງ - Wave100S AD to Website 2020 0 - ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ເນັ້ນໃຫ້ການນຳແຂວງສະຫວັນນະເຂດຖືເອົາໃຫ້ການຊ່ວຍເຫຼືອ ແລະ ຟື້ນຟູຊີວິດການເປັນຢູ່ຂອງປະຊາຊົນຖືກນໍ້າຖ້ວມເປັນອັນດັບໜຶ່ງ

ນອກຈາກນີ້ ໃຫ້ສືບຕໍ່ເອົາໃຈ ໃສ່ການເຝົ້າລະວັງ ແລະ ສະກັດກັ້ນການແຜ່ລະບາດ ຂອງພະຍາດຕາມລະດູການ ພິເສດແມ່ນເອົາໃຈໃສ່ໃນການເຝົ້າລະວັງ ແລະ ສະກັດກັ້ນການແຜ່ລະບາດຂອງພິຍາດໂຄວິດ 19 ເນື່ອງຈາກແຂວງ ສະຫວັນນະເຂດ ເປັນແຂວງທາງຜ່ານ ແລະ ເປັນປະຕູເຊື່ອມຕໍ່ກັບບັນດາປະເທດທີ່ສໍາຄັນຂອງລາວ. ສ່ວນການ ກະກຽມດໍາເນີນກອງປະຊຸມໃຫຍ່ອົງຄະນະພັກແຂວງແມ່ນເຫັນວ່າອານຸກໍາມະການຕ່າງໆໄດ້ກະກຽມຮອບດ້ານແລ້ວ ໃນນີ້ໃຫ້ເອົາໃຈໃສ່ບາງບັນຫາຕື່ມຄື ເອົາໃຈໃສ່ການຮັກສາຄວາມສະຫງົບໃນທົ່ວປວງຊົນ ຮັບປະກັນໃຫ້ສັງຄົມ ມີຄວາມສະຫງົບ ປອດໄພ ໂດຍຫັນວຽກງານປ້ອງກັນຄວາມສະຫງົບໃຫ້ເປັນຂະບວນການຂອງປະຊາຊົນ ແລະ ການຮັກສາຄວາມສະຫງົບພາຍໃນພັກ.

 

ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ເນັ້ນໃຫ້ການນຳແຂວງສະຫວັນນະເຂດຖືເອົາໃຫ້ການຊ່ວຍເຫຼືອ ແລະ ຟື້ນຟູຊີວິດການເປັນຢູ່ຂອງປະຊາຊົນຖືກນໍ້າຖ້ວມເປັນອັນດັບໜຶ່ງ - WhatsApp Image 2020 05 27 at 5 - ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ເນັ້ນໃຫ້ການນຳແຂວງສະຫວັນນະເຂດຖືເອົາໃຫ້ການຊ່ວຍເຫຼືອ ແລະ ຟື້ນຟູຊີວິດການເປັນຢູ່ຂອງປະຊາຊົນຖືກນໍ້າຖ້ວມເປັນອັນດັບໜຶ່ງ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!