ກອງປະຊຸມວິຊາການຂອງສະມາຄົມແພດເດັກລາວ

ກອງປະຊຸມວິຊາການຂອງສະມາຄົມແພດເດັກລາວ - 125196123 2666682393642305 7220418983062310546 n - ກອງປະຊຸມວິຊາການຂອງສະມາຄົມແພດເດັກລາວ
ກອງປະຊຸມວິຊາການຂອງສະມາຄົມແພດເດັກລາວ - 174233 - ກອງປະຊຸມວິຊາການຂອງສະມາຄົມແພດເດັກລາວ

ກອງປະຊຸມວິຊາການຕໍ່ເນື່ອງຂອງສະມາຄົມແພດເດັກລາວ ຄັ້ງທີ 16 ພາຍໃຕ້ຫົວຂໍ້ “ແນວທາງປະຕິບັດເພື່ອຫລຸດຜ່ອນອັດຕາການເສຍຊີວິດຂອງເດັກນ້ອຍລາວ” ​ໄດ້​ຈັດ​ຂຶ້ນ​ໃນ​ວັນ​ທີ 17-18 ພະຈິກ​ນີ້ ທີ່​ນະຄອນຫລວງ​ວຽງ​ຈັນ ​ໂດຍ​ກະຊວງ​ສາທາລະນະ​ສຸກ ພາຍ​ໃຕ້ການເປັນປະທານຂອງທ່ານ ພູທອນ ເມືອງປາກ ຮອງລັດຖະມົນຕີກະຊວງດັ່ງກ່າວ, ມີປະທານສະມາຄົມແພດເດັກລາວ,  ຜູ້ຕາງໜ້າອົງການ UNICEF ປະຈໍາລາວ ແລະ ບັນດາທ່ານໝໍເດັກຈາກທົ່ວປະເທດເຂົ້າຮ່ວມ.

ທ່ານຮອງລັດຖະມົນຕີ ມີຄໍາເຫັນໃນກອງປະຊຸມວ່າ: ກອງປະຊຸມຄັ້ງນີ້ ມີເປົ້າໝາຍເພື່ອຫລຸດອັດຕາການເສຍຊິວິດຂອງເດັກ ແລະ ທັງເປັນການເພີ່ມພູນຄວາມສາມາດໃຫ້ແກ່ທ່ານໝໍທີ່ເຮັດໜ້າທີ່ປິ່ນປົວເດັກ,  ເປັນການແລກປ່ຽນບົດຮຽນ ​ແລະ ປະສົບການຕ່າງໆ ທີ່ພົບໃນແຕ່ລະໂຮງໝໍ ແລະ ​ເປັນ​ການແລກປ່ຽນຄວາມຮູ້ເຊິ່ງກັນ ແລະ ກັນ.

ທ່ານ​ຮອງ​ລັດຖະມົນຕີ​ກ່າວ​ວ່າ: ວັນທີ 17 ພະຈິກ​ນີ້ (ເປັນວັນເດັກເກີດບໍ່ຖ້ວນເດືອນໂລກ) ​ແລະ ຢູ່​ລາວ​ເຮົາ​ກໍ​ເຊັ່ນ​ກັນ ເຊິ່ງເດັກທີ່ເກີດກ່ອນກໍານົດຍັງເປັນບັນຫາທີ່ໜັກໜ່ວງ ແລະ ເປັນສາເຫດສ່ວນໃຫຍ່ຂອງການເສຍຊິວິດໃນເດັກອາຍຸຕໍ່າກວ່າ 5 ປີລົງ​ມາ.

ການເສຍຊິວິດຂອງເດັກຍັງເປັນໜຶ່ງຂອງເງື່ອນໄຂທີ່ຈະເຮັດໃຫ້ປະເທດລາວຫຼຸດພົ້ນອອກຈາກຄວາມທຸກຍາກໃນປີ 2030 ທີ່ລັດຖະບານໄດ້ວາງໄວ້. ເຖິງວ່າໃນໄລຍະຜ່ານມາ ອັດຕາການຕາຍຂອງເດັກຈະຫລຸດລົງກໍຕາມ, ແຕ່ກໍຍັງບໍ່ທັນບັນລຸ​ເປົ້າໝາຍຕາມທີ່ກໍານົດໄວ້. ນອກນັ້ນ, ດ້ານໂພຊະນາການ ແລະ ການລ້ຽງດູເດັກກໍມີຄວາມສໍາຄັນທີ່ຈະເຮັດໃຫ້ເດັກນ້ອຍລາວເຮົາມີການພັດທະນາທີ່ດີ ແລະ ມີຄຸນນະພາບທັງດ້ານສະຕິປັນຍາ ແລະ ການຈະເລີນເຕີບໂຕທີ່ສົມບູນ ​ເຊິ່ງຈະ​ຊ່ວຍໃຫ້ຊາດເຮົາມີປະຊາກອນທີ່ມີຄຸນນະພາບ. ສະນັ້ນ, ຈື່ງຮຽກຮ້ອງໃຫ້ທ່ານໝໍເດັກທຸກໆຄົນ ແລະ ຜູ້ທີ່ເບິ່ງແຍງກ່ຽວກັບສຸຂະພາບຂອງເດັກ ແຕ່ສູນກາງລົງຮອດທ້ອງຖິ່ນຕ້ອງຍົກສູງຄຸນນະພາບຂອງການປິ່ນປົວ, ການແນະນໍາ ແລະ ການປ້ອງກັນຕ່າງໆໃຫ້ແກ່ພໍ່ແມ່ຜູ້ປົກຄອງ ແລະ ປະຊາຊົນທົ່ວໄປໃຫ້ດີຂຶ້ນ.

ກອງປະຊຸມວິຊາການຂອງສະມາຄົມແພດເດັກລາວ - Wave100S AD to Website 2020 0 - ກອງປະຊຸມວິຊາການຂອງສະມາຄົມແພດເດັກລາວ

ປັດຈຸບັນ, ພວກເຮົາຍັງຜະເຊີນກັບໄພຂົ່ມຂູ່ຂອງພະຍາດໂຄວິດ-19 ຢ່າງໜັກໜ່ວງ ​ແລະ ລາວ​ເຮົາກໍແມ່ນໜຶ່ງໃນປະເທດທີ່ໄດ້ຮັບຜົນກະທົບດັ່ງກ່າວ, ແຕ່ຍ້ອນຄວາມເອົາໃຈໃສ່ຂອງພັກ, ລັດຖະບານ ​ແລະ ພາກສ່ວນທີ່ກ່ຽວຂ້ອງທັງພາຍໃນ, ສາກົນ ແລະ ການຮ່ວມມືທີ່ດີຂອງຊຸມຊົນ ຈຶ່ງເຮັດໃຫ້ປະ​ເທດ​ເຮົາສາມາດຍາດເອົາໄຊຊະນະເປັນແຕ່ລະໄລຍະໃນການຕອບໂຕ້ຕໍ່ບັນຫາດັ່ງກ່າວ.

ທ່ານ​ຮອງ​ລັດຖະມົນຕີ ​ເນັ້ນວ່າ: ເພື່ອຊ່ວຍຫລຸດຜ່ອນການເຈັບເປັນ ແລະ ເສຍຊິວິດຂອງເດັກທີ່ຍັງບໍ່ທັນໄດ້ບັນລຸຕາມຍຸດທະສາດທີ່ວາງໄວ້, ທັງເພີ່ມທະວີໃນວຽກງານຄົ້ນຄວ້າວິທະຍາສາດເພື່ອຊອກຫາຂໍ້ມູນນໍາມາປັບໃຊ້ໃນການປິ່ນປົວ ແລະ ຂຽນຄູ່ມືປິ່ນປົວເພື່ອເປັນບ່ອນອີງໃຫ້ຫລາຍຂຶ້ນ.

ກອງປະຊຸມຄັ້ງນີ້ ດໍາເນີນແຕ່ວັນທີ 17-18 ພະຈິກ 2020 ໂດຍຜູ້ແທນກອງປະຊຸມຈະໄດ້ຮັບຟັງ, ສົນທະນາ, ປຶກສາຫາລື ແລກປ່ຽນ ແລະ ຕິດຕາມຄວາມຄືບໜ້າໃນການຈັດຕັ້ງປະຕິບັດຂອງແຕ່ລະຂະແໜງການທີ່ກ່ຽວຂ້ອງ ເພື່ອຊອກຊ່ອງທາງໃນການແກ້ໄຂບັນຫາໃຫ້ສຳເລັດເປັນກ້າວໆ.

ກອງປະຊຸມວິຊາການຂອງສະມາຄົມແພດເດັກລາວ - WhatsApp Image 2020 05 27 at 5 - ກອງປະຊຸມວິຊາການຂອງສະມາຄົມແພດເດັກລາວ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!