UNFPA ສືບຕໍ່ການຊ່ວຍເຫລືອດ້ານສຸຂະພາບຂອງແມ່ຍິງ ແລະ ເດັກນ້ອຍຍິງໃນປະເທດທີ່ກໍາລັງພັດທະນາ

UNFPA ສືບຕໍ່ການຊ່ວຍເຫລືອດ້ານສຸຂະພາບຂອງແມ່ຍິງ  ແລະ ເດັກນ້ອຍຍິງໃນປະເທດທີ່ກໍາລັງພັດທະນາ - 003 1 - UNFPA ສືບຕໍ່ການຊ່ວຍເຫລືອດ້ານສຸຂະພາບຂອງແມ່ຍິງ  ແລະ ເດັກນ້ອຍຍິງໃນປະເທດທີ່ກໍາລັງພັດທະນາ
UNFPA ສືບຕໍ່ການຊ່ວຍເຫລືອດ້ານສຸຂະພາບຂອງແມ່ຍິງ  ແລະ ເດັກນ້ອຍຍິງໃນປະເທດທີ່ກໍາລັງພັດທະນາ - 174233 - UNFPA ສືບຕໍ່ການຊ່ວຍເຫລືອດ້ານສຸຂະພາບຂອງແມ່ຍິງ  ແລະ ເດັກນ້ອຍຍິງໃນປະເທດທີ່ກໍາລັງພັດທະນາ

ໃນຂະນະທີ່ການແຜ່ລະບາດຂອງ ໂຄວິດ-19 ຍັງສືບຕໍ່ສົ່ງຜົນກະທົບຢ່າງໜັກໜ່ວງຕໍ່ສຸຂະພາບ ແລະ ເສດຖະກິດຂອງບັນດາປະເທດທົ່ວໂລກ. ບັນ ດາລັດຖະບານ, ອົງການຈັດຕັ້ງທີ່ບໍ່ຂຶ້ນກັບລັດຖະບານ, ສະຖາບັນການເງິນສາກົນຕ່າງໆ ແລະ ພາກເອກະຊົນ ຕ່າງກໍກ້າວເຂົ້າມາສະໜັບສະໜູນທາງການເມືອງ, ການເງິນ ແລະ ສະໜັບໜູນຕໍ່ກັບບັນດາໂຄງການ ທີ່ປົກປ້ອງສຸຂະພາບ ແລະ ສິດທິຂອງແມ່ຍິງ ແລະ ເດັກນ້ອຍຍິງ ໃນປະເທດທີ່ກໍາລັງພັດທະນາ.

ທ່ານ ດຣ. Natalia Kanem ຜູ້ອໍານວຍການອົງການ ສະຫະປະຊາຊາດ ກອງທຶນສຳລັບປະ ຊາກອນ (UNFPA) ໄດ້ກ່າວວ່າ: ອົງການ UNFPA ແມ່ນອົງການສະຫະປະຊາຊາດ ທີ່ຮັບຜິດຊອບກ່ຽວກັບສຸຂະພາບທາງເພດ ແລະ ສຸຂະພາບຈະເລີນພັນ, ໄດ້ລາຍງານວ່າ ບັນດາລັດຖະບານທີ່ເປັນຜູ້ໃຫ້ທຶນຫລັກນັ້ນ ແມ່ນໄດ້ມີການສະໜອງທຶນຢ່າງສະໝໍ່າສະເໝີ ຕາມທີ່ພວກເຂົາໄດ້ໃຫ້ຄໍາໝັ້ນສັນຍາໄວ້ໃນ ໄນໂຣບິແລ້ວ. ມີບາງລັດຖະບານກໍໄດ້ມອບໃຫ້ເກີນມູນຄ່າທີ່ພວກເຂົາສັນຍາໄວ້ນໍາອີກ, ມັນສະແດງໃຫ້ເຫັນເຖິງຄວາມຕັ້ງໃຈທີ່ໜັກແໜ້ນ ເພື່ອຮັບປະກັນສິດທິຂອງແມ່ຍິງ ແລະ ເດັກນ້ອຍ ໃນເວລາທີ່ມີຄວາມຈໍາເປັນທີ່ສຸດແບບນີ້. ສັນຍາທີ່ເກີດຂຶ້ນໃນໄນໂຣບິ ແມ່ນມີຄວາມສໍາຄັນຍິ່ງກວ່າເວລາໃດໆຜ່ານມາ, ມັນບໍ່ໄດ້ເຮັດໃຫ້ຄວາມມຸ່ງໝັ້ນທະເຍີທະຍານຂອງພວກເຮົາຫລຸດລົງ, ແຕ່ໂຄວິດ-19 ຍິ່ງເຮັດໃຫ້ຈຸດສຸມ ແລະ ການແກ້ໄຂບັນຫາຂອງພວກເຮົານັ້ນຊັດເຈນຫລາຍຂຶ້ນ. ປະຊາຊົນ, ພາກ ສ່ວນເອກະຊົນ, ສະຖາບັນການສຶກສາ ແລະ ພາກສ່ວນອື່ນໆ ກໍໄດ້ຮວມແຮງກັນຕໍ່ກັບບັນຫາໃນລະ ດັບທີ່ບໍ່ເຄີຍມີມາກ່ອນ, ໂດຍມີສັນຍາມູນຄ່າ 8 ພັນລ້ານໂດລາສະຫະລັດ ຕໍ່ກັບການລົບລ້າງອັດຕາການຕາຍຂອງແມ່ ທີ່ສາມາດປ້ອງກັນໄດ້ໃຫ້ເປັນສູນ, ລົບລ້າງການວາງແຜນຄອບຄົວ ທີ່ບໍ່ເປັນໄປຕາມຄວາມຕ້ອງການໃຫ້ເປັນສູນ, ລົບລ້າງຄວາມຮຸນແຮງບົນພື້ນຖານທາງເພດໃຫ້ເປັນສູນ ແລະ ລົບລ້າງການປະຕິບັດທີ່ເປັນອັນຕະລາຍ ພາຍໃນປີ 2030.

UNFPA ສືບຕໍ່ການຊ່ວຍເຫລືອດ້ານສຸຂະພາບຂອງແມ່ຍິງ  ແລະ ເດັກນ້ອຍຍິງໃນປະເທດທີ່ກໍາລັງພັດທະນາ - Wave100S AD to Website 2020 0 - UNFPA ສືບຕໍ່ການຊ່ວຍເຫລືອດ້ານສຸຂະພາບຂອງແມ່ຍິງ  ແລະ ເດັກນ້ອຍຍິງໃນປະເທດທີ່ກໍາລັງພັດທະນາ

ທ່ານ ນາງ ມາຣຽມ ເອ.ຄານ ຜູ້ຕາງໜ້າອົງການ UNFPA ປະຈໍາລາວ ກ່າວວ່າ: ສຳລັບ ສປປ ລາວ ມີຄວາມກ້າວໜ້າຢ່າງບໍ່ຢຸດຢັ້ງຕໍ່ຄໍາໝັ້ນສັນຍາໃນ ICPD25, ເຊິ່ງພວກເຮົາມີຄວາມປິຕິຍິນດີ ທີ່ຈະມີການພັດທະນາ ແລະ ເພີ່ມທະວີການຮ່ວມມືກັບລັດຖະບານ, ການຮ່ວມມືສອງຝ່າຍ, ພາກສ່ວນເອກະຊົນ ແລະ ປະຊາຊົນ ເພື່ອຮັບປະກັນສິດທິໃຫ້ແກ່ແມ່ຍິງ ແລະ ເດັກນ້ອຍ ເຖິງແມ່ນວ່າຈະຢູ່ໃນສະພາບການໂຄວິດ-19. ແມ່ຍິງ ແລະເດັກນ້ອຍຍິງແມ່ນຊັບພະຍາກອນມະນຸດເຖິງ 50% ຂອງ ສປປ ລາວ ທີ່ຖືເປັນກຸ່ມທີ່ຈໍາເປັນ ຕໍ່ກັບການພັດທະນາແບບຍືນຍົງຂອງປະເທດລາວ.

UNFPA ສືບຕໍ່ການຊ່ວຍເຫລືອດ້ານສຸຂະພາບຂອງແມ່ຍິງ  ແລະ ເດັກນ້ອຍຍິງໃນປະເທດທີ່ກໍາລັງພັດທະນາ - WhatsApp Image 2020 05 27 at 5 - UNFPA ສືບຕໍ່ການຊ່ວຍເຫລືອດ້ານສຸຂະພາບຂອງແມ່ຍິງ  ແລະ ເດັກນ້ອຍຍິງໃນປະເທດທີ່ກໍາລັງພັດທະນາ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!