ສື່ມວນຊົນ ລາວ-ຈີນ ປະກອບສ່ວນສຳຄັນໃນໂຄງການຮ່ວມມື ໜຶ່ງແລວ ໜຶ່ງເສັ້ນທາງ

ສື່ມວນຊົນ ລາວ-ຈີນ ປະກອບສ່ວນສຳຄັນໃນໂຄງການຮ່ວມມື ໜຶ່ງແລວ ໜຶ່ງເສັ້ນທາງ - 555 38 - ສື່ມວນຊົນ ລາວ-ຈີນ ປະກອບສ່ວນສຳຄັນໃນໂຄງການຮ່ວມມື ໜຶ່ງແລວ ໜຶ່ງເສັ້ນທາງ
ສື່ມວນຊົນ ລາວ-ຈີນ ປະກອບສ່ວນສຳຄັນໃນໂຄງການຮ່ວມມື ໜຶ່ງແລວ ໜຶ່ງເສັ້ນທາງ - 174233 - ສື່ມວນຊົນ ລາວ-ຈີນ ປະກອບສ່ວນສຳຄັນໃນໂຄງການຮ່ວມມື ໜຶ່ງແລວ ໜຶ່ງເສັ້ນທາງ

ວັນທີ 18 ພະຈິກນີ້ ທີ່ນະຄອນຫລວງວຽງຈັນ ໄດ້ຈັດກອງປະຊຸມພົບປະທາງໄກລະຫວ່າງ ຄະນະໂຄສະນາອົບຮົມສູນກາງພັກລາວ-ຈີນ ແລະ ການຮ່ວມສຳພາດ ຂອງສື່ມວນຊົນລາວ-ຈີນກ່ຽວກັບໂຄງການຮ່ວມມື “ໜຶ່ງແລວ ໜຶ່ງເສັ້ນທາງ” ເພື່ອສ້າງຄວາມເຂົ້າໃຈ ແລະ ເປັນການເປີດໂອກາດໃຫ້ແກ່ສື່ມວນຊົນລາວ-ຈີນ ປະຕິບັດໜ້າທີ່ສື່ມວນຊົນຮ່ວມກັນຢ່າງໃກ້ຊິດ ດ້ານການນຳສະເໜີຂໍ້ມູນຂ່າວສານຜົນສຳເລັດ ໂດຍກ່ຮເຂົ້າຮ່ວມຂອງທ່ານ ທ່ານ ຄໍາພັນ ພົມມະທັດ ຫົວໜ້າຄະນະໂຄສະນາອົບຮົມສູນກາງພັກ ​.

ສື່ມວນຊົນ ລາວ-ຈີນ ປະກອບສ່ວນສຳຄັນໃນໂຄງການຮ່ວມມື ໜຶ່ງແລວ ໜຶ່ງເສັ້ນທາງ - DSC09502 1024x768 - ສື່ມວນຊົນ ລາວ-ຈີນ ປະກອບສ່ວນສຳຄັນໃນໂຄງການຮ່ວມມື ໜຶ່ງແລວ ໜຶ່ງເສັ້ນທາງສື່ມວນຊົນ ລາວ-ຈີນ ປະກອບສ່ວນສຳຄັນໃນໂຄງການຮ່ວມມື ໜຶ່ງແລວ ໜຶ່ງເສັ້ນທາງ - DSC09504 1024x768 - ສື່ມວນຊົນ ລາວ-ຈີນ ປະກອບສ່ວນສຳຄັນໃນໂຄງການຮ່ວມມື ໜຶ່ງແລວ ໜຶ່ງເສັ້ນທາງ

ໂອກາດດຽວກັນ, ທ່ານ ຄໍາພັນ ພົມມະທັດ ຫົວໜ້າຄະນະໂຄສະນາອົບຮົມສູນກາງພັກ ໄດ້ກ່າວຕໍ່ກອງປະຊຸມວ່າ: ສອງຝ່າຍລາວ-ຈີນ ໄດ້ສືບຕໍ່ປະສານສົມທົບກັນຢ່າງແໜ້ນແຟ້ນໃນເວທີພາກພື້ນ ແລະ ສາກົນ, ການພົວພັນສອງຝ່າຍ ໄດ້ນໍາເອົາຜົນປະໂຫຍດຕົວຈິງມາສູ່ປະຊາຊົນສອງຊາດນັບມື້ຫລາຍຂຶ້ນ ໂດຍໄດ້ສະແດງອອກຜ່ານການຮ່ວມມືທີ່ເປັນຮູບປະທຳຕົວຈິງ ໃນການປະສານສົມທົບ ລະຫວ່າງ ຍຸດທະສາດ “ການຫັນປະເທດບໍ່ມີທາງອອກສູ່ທະເລ ເປັນປະເທດເຊື່ອມຈອດເຊື່ອມໂຍງ” ຂອງ ສປປ ລາວ ກັບ ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ຂອງ ສປ ຈີນ. ສອງຝ່າຍໄດ້ມີການຮ່ວມມືລົງທຶນກໍ່ສ້າງຫລາຍໂຄງການທີ່ສໍາຄັນ ເປັນຕົ້ນ ໂຄງການກໍ່ສ້າງເສັ້ນທາງລົດໄຟ ລາວ-ຈີນ, ໂຄງການກໍ່ສ້າງເສັ້ນທາງດ່ວນ ວຽງຈັນ-ວັງວຽງ, ເຂດພັດທະນາເສດຖະກິດກວມລວມໄຊເສດຖາ, ໂຄງການປັບປຸງໂຮງໝໍມະໂຫສົດ, ໂຄງການຊ່ວຍເຫລືອແກ້ໄຂຄວາມທຸກຍາກຢູ່ທ້ອງຖິ່ນຂອງລາວ ແລະ ໂຄງການອື່ນໆ ທີ່ພວມມີຜົນຄືບໜ້າ ເຊິ່ງການເຂົ້າຮ່ວມສຳພາດໃນມື້ນີ້ນີ້ຈະຊ່ວຍເຮັດໃຫ້ປະຊາຊົນສອງຊາດ ລາວ-ຈີນ ມີຄວາມຮັບຮູ້ເຂົ້າໃຈຢ່າງຖືກຕ້ອງ ຕໍ່ວັດຖຸປະສົງ ແລະ ໝາກຜົນຕົວຈິງຂອງການຮ່ວມມື ລະຫວ່າງສອງປະເທດ ລາວ-ຈີນ. ນອກຈາກເປັນການປັບປຸງພື້ນຖານໂຄງລ່າງ, ຍົກລະດັບຊີວິດຂອງປະຊາຊົນລາວບັນດາເຜົ່າແລ້ວ, ຍັງເປັນການປະກອບສ່ວນເສີມຂະຫຍາຍມິດຕະພາບ, ການຮ່ວມມືແບບຄູ່ຮ່ວມຍຸດທະສາດຮອບດ້ານ ໝັ້ນຄົງຍາວນານ ຕາມທິດ 4 ດີ (ເປັນເພື່ອນບ້ານໃກ້ຄຽງທີ່ດີ, ເປັນເພື່ອນມິດທີ່ດີ, ເປັນສະຫາຍທີ່ດີ ແລະ ເປັນຄູ່ຮ່ວມມືທີ່ດີ), ລວມເຖິງການເປັນຄູ່ຮ່ວມຊະຕາກໍາສັງຄົມນິຍົມ ລະຫວ່າງ ປະຊາຊົນສອງຊາດ ລາວ-ຈີນ, ຈີນ-ລາວ ໃຫ້ນັບມື້ເປັນຮູບປະທໍາຍິ່ງໆຂຶ້ນ.

ທ່ານ ສະຫວັນຄອນ ລາຊະມຸນຕີ ຮອງລັດຖະມົນຕີ ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໄດ້ກ່າວວ່າ:  ສື່ມວນຊົນ ລາວ-ຈີນ ໄດ້ພ້ອມກັນໂຄສະນາເຜີຍແຜ່ບັນຍາກາດແຫ່ງການເສີມຂະຫຍາຍສາຍພົວພັນອັນດີງາມ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ ຕາມກົນໄກການຮ່ວມມືດ້ານຕ່າງໆໄດ້ເປັນຢ່າງດີ ເພື່ອໃຫ້ປະຊາຊົນສອງປະເທດ ຮັບຮູ້ ແລະ ມີຄວາມເຂົ້າໃຈຢ່າງເລິກເຊິ່ງ ເພື່ອປະກອບສ່ວນເຂົ້າໃນການຊຸກຍູ້ສົ່ງເສີມ ໃຫ້ການຮ່ວມມືສອງປະເທດ ນັບມື້ເກີດດອກອອກຜົນງອກງາມຂຶ້ນເລື້ອຍໆ. ຜ່ານມາ ສື່ມວນຊົນສອງປະເທດໄດ້ມີການແລກປ່ຽນຂໍ້ມູນຂ່າວສານ ແລະ ການຢ້ຽມຢາມຂອງຄະນະຜູ້ແທນໃນລະດັບຕ່າງໆ ເພື່ອເສີມສ້າງສາຍພົວພັນອັນດີງາມ ລະຫວ່າງກັນ ແລະ ກັນ; ລວມມີການຮ່ວມມືຜ່ານກົນໄກຕ່າງໆ ເຊັ່ນ ຂອບການຮ່ວມມືສື່ມວນຊົນແມ່ນໍ້າຂອງ-ແມ່ນໍ້າລ້ານຊ້າງ, ເວທີປຶກສາຫາລື ການຮ່ວມມື “ໜຶ່ງແລວ ໜຶ່ງເສັ້ນທາງ” ແລະ ອື່ນໆ. ພິທີເປີດໂຄງການຄັ້ງນີ້, ໄດ້ສະທ້ອນໃຫ້ເຫັນເຖິງການພົວພັນຮ່ວມມື ໃນຂົງເຂດວຽກງານໂຄສະນາ ແລະ ຖະແຫລງຂ່າວ-ສື່ມວນຊົນ ຂອງສອງປະເທດ ລາວ-ຈີນ ໃນການຈັດຕັ້ງຜັນຂະຫຍາຍການຮ່ວມມືຄູ່ຍຸດທະສາດຮອບດ້ານ ໝັ້ນຄົງຍາວນານ ແລະ ການເປັນຄູ່ຮ່ວມຊະຕາກໍາ ໃຫ້ສືບຕໍ່ຂະ ຫຍາຍຕົວຢ່າງບໍ່ຢຸດຢັ້ງ ຕາມທິດ 4 ດີສະເພາະໃນປີນີ້, ສື່ມວນຊົນລາວ-ຈີນ ຍັງໄດ້ເອົາໃຈໃສ່ໂຄສະນາເຜີຍແຜ່ການປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດໂຄວິດ-19 ຢ່າງທັນການ ເຮັດໃຫ້ປະຊາຊົນໃນປະເທດຂອງຕົນເຂົ້າຮ່ວມ ໃນຂະບວນການດັ່ງກ່າວຢ່າງເປັນເຈົ້າການ. ເຖິງວ່າມີການລະບາດຂອງພະຍາດໂຄວິດ-19, ແຕ່ການສ້າງເສັ້ນທາງລົດໄຟ ລາວ-ຈີນ, ທາງດ່ວນວຽງຈັນ-ວັງວຽງ, ເຂື່ອນໄຟຟ້າແບບຂັ້ນໄດ ຕາມລໍາແມ່ນໍ້າອູ, ເຂດພັດທະນາກວມລວມໄຊເສດຖາ ນະຄອນຫລວງວຽງຈັນ ແລະ ໂຄງການອື່ນໆ ໄດ້ມີຄວາມຄືບໜ້າ; ສະເພາະໂຄງການກໍ່ສ້າງທາງດ່ວນ ນະຄອນຫລວງວຽງຈັນ-ວັງວຽງ ກໍ່ຄາດວ່າຈະສໍາເລັດຕາມລະດັບຄາດໝາຍ ແລະ ຈະເປີດນໍາໃຊ້ຢ່າງເປັນທາງການໂອກາດສະຫລອງຄົບຮອບ 45 ປີ ສປປ ລາວ ອັນເປັນການສະທ້ອນໃຫ້ເຫັນຜົນສໍາເລັດສ່ວນໜຶ່ງການພັດທະນາ ພາຍໃຕ້ແນວຄິດລິເລີ່ມ “ໜຶ່ງແລວ ໜຶ່ງເສັ້ນທາງ” ຊຶ່ງສື່ມວນຊົນລາວ-ຈີນ ລ້ວນແຕ່ໄດ້ພ້ອມກັນເຜີຍແຜ່ຂໍ້ມູນຂ່າວສານເຫລົ່ານີ້ ໃຫ້ປະຊາຊົນສອງປະເທດຮັບຮູ້ ໄດ້ເປັນຢ່າງດີ.

ສື່ມວນຊົນ ລາວ-ຈີນ ປະກອບສ່ວນສຳຄັນໃນໂຄງການຮ່ວມມື ໜຶ່ງແລວ ໜຶ່ງເສັ້ນທາງ - Wave100S AD to Website 2020 0 - ສື່ມວນຊົນ ລາວ-ຈີນ ປະກອບສ່ວນສຳຄັນໃນໂຄງການຮ່ວມມື ໜຶ່ງແລວ ໜຶ່ງເສັ້ນທາງ

 

ສື່ມວນຊົນ ລາວ-ຈີນ ປະກອບສ່ວນສຳຄັນໃນໂຄງການຮ່ວມມື ໜຶ່ງແລວ ໜຶ່ງເສັ້ນທາງ - WhatsApp Image 2020 05 27 at 5 - ສື່ມວນຊົນ ລາວ-ຈີນ ປະກອບສ່ວນສຳຄັນໃນໂຄງການຮ່ວມມື ໜຶ່ງແລວ ໜຶ່ງເສັ້ນທາງ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!