ທ່ານ ທຣຳ ສັ່ງຫລຸດທະຫານອາເມລິກາຢູ່ອັບການິດສະຖານ-ອີຣັກ

ທ່ານ ທຣຳ ສັ່ງຫລຸດທະຫານອາເມລິກາຢູ່ອັບການິດສະຖານ-ອີຣັກ - news uQyYaWoPpv072922 533 - ທ່ານ ທຣຳ ສັ່ງຫລຸດທະຫານອາເມລິກາຢູ່ອັບການິດສະຖານ-ອີຣັກ
ທ່ານ ທຣຳ ສັ່ງຫລຸດທະຫານອາເມລິກາຢູ່ອັບການິດສະຖານ-ອີຣັກ - 174233 - ທ່ານ ທຣຳ ສັ່ງຫລຸດທະຫານອາເມລິກາຢູ່ອັບການິດສະຖານ-ອີຣັກ

ປະທານາທິບໍດີ ​ໂດ​ນັລ ທຣຳ ສັ່ງ​ໃຫ້​ກອງທັບ​ອາ​ເມ​ລິ​ກາ​ຫລຸດ​ຈຳນວນ​ທະຫານ​ຢູ່​ອັບ​ກາ​ນິດ​ສະຖານ 1.500 ຄົນ ​ແລະ 500 ຄົນ ຢູ່​ອີຣັກ ພາຍ​ໃນ​ກາງ​ເດືອນ​ມັງກອນ​ປີໜ້າ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ ຄຣິສ​ໂຕ​ເຟີ ມິ​ລ​ເລີ ຮັກສາ​ການ​ລັດຖະມົນຕີ​ກະຊວງ​ປ້ອງ​ກັນ​ປະ​ເທດ​ຂອງ​ອາ​ເມ​ລິ​ກາ ຖະ​ແຫລ​ງ​ໃນ​ວັນ​ທີ 17 ພະຈິກ​ ​ເລື່ອງ​ການ​ຫລຸດ​ຈຳນວນ​ທະຫານ​ອາ​ເມ​ລິ​ກາ​ຢູ່​ອັບ​ກາ​ນິດ​ສະຖານ ຈາກ​ປັດຈຸບັນ “ຫລາຍ​ກວ່າ 4.500 ຄົນ” ​ໃຫ້​ເຫລືອ “ປະມານ 2.500 ຄົນ” ​ແລະ ຫລຸດ​ການ​ປະຈຳການ​ກຳລັງ​ພົນ​ຂອງ​ອາ​ເມ​ລິ​ກາ​ຢູ່​ອີຣັກ ຈາກ​ປັດຈຸບັນ “ປະມານ 3.000 ຄົນ” ​ໃຫ້​ເຫລືອ “ປະມານ 2.500 ຄົນ” ​ໂດຍ​ການ​ຫລຸດ​ຈຳນວນ​ທະຫານ​ໃນ​ທັງ​ສອງ​ປະ​ເທດ​ຕ້ອງ​ສຳ​ເລັດ​ພາຍ​ໃນ​ວັນ​ທີ 15 ມັງກອນ​ປີໜ້າ ຫລື 5 ວັນ​ກ່ອນ​ຮອດ​ກຳນົດ​ການ​ສາບານ​ຮັບ​ຕຳ​ແໜ່​ງຂອງ​ທ່ານ ​ໂຈ ​ໄບ​ເດນ ວ່າ​ທີ່​ປະທານາທິບໍດີ​ຄົນ​ໃໝ່​ຂອງ​ອາ​ເມ​ລິ​ກາ.

ທັງ​ນີ້, ທ່ານ ມິລ​ເລີ ຢືນຢັນ​ວ່າ: ການ​ເຄື່ອນ​ໄຫວ​ດັ່ງກ່າວ​ເປັນ​ໄປ​ຕາມ​ໜຶ່ງ​ໃນ​ແຜນ​ຍຸດ​ທະ​ສາດ​ດ້ານ​ນະ​ໂຍບາຍ​ປ້ອງ​ກັນ​ປະ​ເທດ​ຂອງ​ປະທານາທິບໍດີ ​ໂດ​ນັລ ທຣຳ ​ໃນ​ການ​ເຮັດ​ໃຫ້​ສົງຄາມ​ຢູ່​ອັບ​ກາ​ນິດ​ສະຖານ ​ແລະ ອີຣັກ “​ໄດ້​ຂໍ້​ສະຫລຸບ​ທີ່​ປະສົບ​ຜົນສຳ​ເລັດ ​ແລະ ຮັບຜິດຊອບ” ດ້ວຍ​ການ​ນຳພາ​ທະຫານ​ຂອງ​ອາ​ເມ​ລິ​ກາ​ກັບ​ປະ​ເທດ. ຂະນະ​ດຽວ​ກັນ, ທ່ານ ມິລ​ເລີ ກ່າວ​ອີກ​ວ່າ: ອາ​ເມ​ລິ​ກາ “ບັນລຸ​ເປົ້າໝາຍ” ທີ່​ຕັ້ງ​ໄວ້​ເພື່ອ​ການ​ຍົກ​ທັບ​ເຂົ້າ​ໄປ​ໃນ​ອັບ​ກາ​ນິດ​ສະຖານ ພຽງ​ບໍ່​ເທົ່າ​ໃດ​ວັນ​ຫລັງ​ຜ່ານ​ພົ້ນ​ເຫດ​ວິນາດສະກຳ 911.

ທ່ານ ທຣຳ ສັ່ງຫລຸດທະຫານອາເມລິກາຢູ່ອັບການິດສະຖານ-ອີຣັກ - Wave100S AD to Website 2020 0 - ທ່ານ ທຣຳ ສັ່ງຫລຸດທະຫານອາເມລິກາຢູ່ອັບການິດສະຖານ-ອີຣັກ

​ເຖິງ​ຢ່າງ​ໃດ​ກໍ​ຕາມ, ທ່ານ ມິລ​ເລີ ຍັງ​ປະຕິ​ເສດ​ໃຫ້ຄວາມ​ເຫັນ​ຕໍ່​ລາຍ​ງານ ​ເຊິ່ງອອກ​ມາ​ໃນ​ເວລາ​ດຽວ​ກັນ​ວ່າ: ທ່ານ ທຣຳ ອາດ​ຖອນ​ທະຫານ​ອາ​ເມ​ລິ​ກາ “​ເກືອບ​ທັງ​ໝົດ” ອອກ​ຈາກ​ໂຊ​ມາ​ເລຍ ​ໂດຍ​ຈຳນວນ​ປັດຈຸບັນ​ມີ​ປະມານ 700 ຄົນ ​ເຖິງ​ວ່າ​ພາລະກິດ​ທາງ​ທະຫານ​ຂອງ​ອາ​ເມ​ລິ​ກາ​ຢູ່​ໂຊ​ມາ​ເລຍ​ເກືອບ​ບໍ່​ໄດ້​ຮັບ​ຄວາມ​ສົນ​ໃຈ​​ເປັນ​ວົງ​ກວ້າງ ​ເມື່ອ​ທຽບ​ໃສ່​ສະຖານະ​ການ​ຢູ່​ຕາ​ເວັນ​ອອກ​ກາງ, ​ແຕ່​ສຳລັບ​ກະຊວງ​ປ້ອງ​ກັນ​ປະ​ເທດ​ອາ​ເມ​ລິ​ກາ​ແລ້ວ ​ໂຊ​ມາ​ເລຍ​ຄື “ຖານ​ທີ່​ໝັ້ນ” ທາງ​ທະຫານ​ຢູ່​ທະວີບອາ​ຟຣິກາ ​ເພື່ອ​ແກ້​ໄຂ​ກຸ່ມ​ອັລ-ຊາ​ບັບ ​ແລະ ​ເຄືອ​ຂ່າຍ.

ທ່ານ ທຣຳ ສັ່ງຫລຸດທະຫານອາເມລິກາຢູ່ອັບການິດສະຖານ-ອີຣັກ - WhatsApp Image 2020 05 27 at 5 - ທ່ານ ທຣຳ ສັ່ງຫລຸດທະຫານອາເມລິກາຢູ່ອັບການິດສະຖານ-ອີຣັກ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!