ຊົງກາເຟດ້ວຍຕົນເອງ ຢາກໃຫ້ແຊບຕ້ອງຄຳນຶງເຖິງຫຍັງແດ່

ຊົງກາເຟດ້ວຍຕົນເອງ ຢາກໃຫ້ແຊບຕ້ອງຄຳນຶງເຖິງຫຍັງແດ່ - Lpn20 43 - ຊົງກາເຟດ້ວຍຕົນເອງ ຢາກໃຫ້ແຊບຕ້ອງຄຳນຶງເຖິງຫຍັງແດ່
ຊົງກາເຟດ້ວຍຕົນເອງ ຢາກໃຫ້ແຊບຕ້ອງຄຳນຶງເຖິງຫຍັງແດ່ - 174233 - ຊົງກາເຟດ້ວຍຕົນເອງ ຢາກໃຫ້ແຊບຕ້ອງຄຳນຶງເຖິງຫຍັງແດ່

1./ ວັດຖຸດິບ : ແນ່ນອນວ່າກາເຟຈອກຮັກນີ້ຈະແຊບຫລືບໍ່ ມັນກໍຂຶ້ນຢູ່ກັບວັດຖຸດິບດັ່ງ ກາເຟ ເຊິ່ງຄວາມຈິງແລ້ວ ເມັດກາເຟທີ່ດີມີຄຸນນະພາບ, ກິ່ນຫອມ, ແຊບ ບໍ່ຈຳເປັນຕ້ອງແພງສະເໝີໄປ ໂດຍການເລືອກຊື້ກາເຟແບບເມັດມີເຕັກນິກໃນການເລືອກງ່າຍໆ ຄື ໃຫ້ເລືອກກາເຟຂົ້ວໃໝ່, ອາຍຸບໍ່ເກີນ 2 ເດືອນນັບຈາກມື້ຜະລິດ, ຮູ້ໄດ້ຈາກຂໍ້ມູນໜ້າຫໍ່ກາເຟ ຫລື ຈະລອງດົມກິ່ນເບິ່ງກໍໄດ້ ວ່າຍັງຫອມກົມກ່ອມແບບກາເຟຂົ້ວໃໝ່ຫລືບໍ່. ກາເຟຂົ້ວໃໝ່ຈະມີກິ່ນຫອມ ຖ້າລອງດົມແລ້ວໄດ້ກິ່ນອັບ, ເໝັນອັບ, ຂິວ ກໍຢ່າຊື້ມາ ເຊິ່ງກໍຄ້າຍຄືກັບການເລືອກຊື້ອາຫານທົ່ວໆໄປທີ່ຕ້ອງເລືອກຊື້ແບບທີ່ມັນຍັງສົດໃໝ່ທີ່ສຸດນັ້ນເອງ.

ຊົງກາເຟດ້ວຍຕົນເອງ ຢາກໃຫ້ແຊບຕ້ອງຄຳນຶງເຖິງຫຍັງແດ່ - 021011 2020 300x225 - ຊົງກາເຟດ້ວຍຕົນເອງ ຢາກໃຫ້ແຊບຕ້ອງຄຳນຶງເຖິງຫຍັງແດ່

2./ ຄຸນນະພາບຂອງນຳ້ : ນຳ້ເປັນອີກໂຕແປສຳຄັນທີ່ຈະເຮັດໃຫ້ກາເຟແຊບຫລືບໍ່ແຊບ, ຄຸນນະພາບຂອງນຳ້ຕ້ອງເລືອກໃຊ້ນຳ້ກອງສະອາດ, ບໍ່ມີສີ, ບໍ່ມີກິ່ນມາຕົ້ມ, ອຸນຫະພູມທີ່ເໝາະສົມແມ່ນປະມານ 90 – 96 ອົງສາ ຫາກເຮົາໃຊ້ນຳ້ຟົດອຸນຫະພູມ 100 ອົງສາ ຈະເຮັດໃຫ້ລົດຊາດຂອງກາເຟຂົມເກີນໄປ. ສ່ວນນຳ້ທີ່ອຸນຫະພູມຕໍ່າກ່ວາ 90 ອົງສາ ກໍຈະເຮັດໃຫ້ກາເຟທີ່ສະກັດອອກມາເຈືອຈາງ ແລະ ລົດຊາດອ່ອນເກີນໄປ.

ຊົງກາເຟດ້ວຍຕົນເອງ ຢາກໃຫ້ແຊບຕ້ອງຄຳນຶງເຖິງຫຍັງແດ່ - 051011 2020 300x169 - ຊົງກາເຟດ້ວຍຕົນເອງ ຢາກໃຫ້ແຊບຕ້ອງຄຳນຶງເຖິງຫຍັງແດ່

3./ ການຊົງກາເຟ : ຖ້າຢາກໄດ້ກາເຟທີ່ຫອມ, ແຊບ, ໃຫ້ໄດ້ລື່ນລົມກັບລົດຊາດຂອງກາເຟຢ່າງເຖິງທີ່ສຸດແລ້ວ ຄວນບົດກາເຟໃໝ່ທຸກເທື່ອທີ່ຈະຊົງ ເວົ້າງ່າຍໆກໍຄື ບົດມັນຈອກຕໍ່ຈອກນັ້ນເອງ ເພາະກາເຟທີ່ບົດປະໄວ້ ຄຸນນະພາບກໍຈະຫລຸດລົງ ກິ່ນຫອມເລີ່ມຫາຍໄປ ເນື່ອງຈາກສຳຜັດກັບຄວາມຊຸ່ມໃນອາກາດ, ລົດຊາດຈຶ່ງບໍ່ແຊບດັ່ງທີ່ຄວນຈະເປັນ. ສ່ວນປະລິມານກາເຟທີ່ໃຊ້ຊົງໃນແຕ່ລະເທື່ອກໍສຳຄັນ ຫາກເຮົາມີເຄື່ອງຊົງກາເຟ ເຄື່ອງບາງລຸ້ນຈະຄຳນວນປະລິມານທີ່ເໝາະສົມຕໍ່ການດື່ມຢູ່ແລ້ວ ຄື 1 ຊ໊ອດ ຫລື ປະມານ 8 – 10 ກຣາມ ປະລິມານນຳ້ກໍຄວນຕື່ມໃນປະລິມານທີ່ເໝາະສົມ ຫາກເປັນເຄື່ອງຊົງກາເຟອັດຕະໂນມັດກໍຈະຖືກຕັ້ງໂປຣແກຣມກະປະລິມານມາແລ້ວ, ແຕ່ຖ້າຊົງດື່ມເອງໂດຍການຕື່ມນຳ້ຮ້ອນ ກໍໃຊ້ປະລິມານທີ່ແຊບສຳລັບຕົນເອງ ບາງຄົນມັກເຂັ້ມໆ ບາງຄົນມັກອ່ອນໆ ບໍ່ຄືກັນ.

ຊົງກາເຟດ້ວຍຕົນເອງ ຢາກໃຫ້ແຊບຕ້ອງຄຳນຶງເຖິງຫຍັງແດ່ - Wave100S AD to Website 2020 0 - ຊົງກາເຟດ້ວຍຕົນເອງ ຢາກໃຫ້ແຊບຕ້ອງຄຳນຶງເຖິງຫຍັງແດ່

4./ ການເລືອກເຄື່ອງຊົງກາເຟອັດຕະໂນມັດ : ຖ້າທ່ານຈຳເປັນຕ້ອງດື່ມກາເຟທຸກມື້ ກໍລົງທຶນຊື້ເຄື່ອງຊົງກາເຟອັດຕະໂນມັດມາໄວ້ໃຊ້ ລາຄາປົກກະຕິທີ່ບໍ່ແມ່ນແບບຮ້ານກາເຟໃຊ້ ເຊິ່ງບໍ່ແພງຈົນເກີນໄປ ມີໃຫ້ເລືອກຫລາຍແບບຕາມຄວາມມັກ ແລະ ລົດຊະນິຍົມ.

ຊົງກາເຟດ້ວຍຕົນເອງ ຢາກໃຫ້ແຊບຕ້ອງຄຳນຶງເຖິງຫຍັງແດ່ - 011011 2020 300x180 - ຊົງກາເຟດ້ວຍຕົນເອງ ຢາກໃຫ້ແຊບຕ້ອງຄຳນຶງເຖິງຫຍັງແດ່

5./ ການດື່ມກາເຟ : ກາເຟກໍປຽບດັ່ງອາຫານທົ່ວໄປທີ່ທ່ານຄວນຈະດື່ມຕອນທີ່ມັນຍັງຮ້ອນ ຫລື ອຸ່ນໆຢູ່ ເພາະກາເຟທີ່ຖືກວາງປະໄວ້ໃນອຸນຫະພູມປົກກະຕິກໍຈະເລີ່ມເຢັນ ຍົກຈອກດື່ມອີກເທື່ອໜຶ່ງກໍແມ່ນເຢັນຈືດໄປແລ້ວ ເສຍລົດຊາດກາເຟໄປຈົນໝົດ ຄືກັບດື່ມນຳ້ທີ່ມີກິ່ນກາເຟ ສະນັ້ນ ຖ້າຊົງແລ້ວກໍຄວນຮີບດື່ມໃຫ້ໝົດພາຍໃນ 15 ນາທີ ເຊິ່ງຈະເປັນໄລຍະເວລາທີ່ກາເຟລົດຊາດດີທີ່ສຸດ ແລະ ຖ້າກາເຟເຢັນໝົດແລ້ວ ຈະຖິ້ມກໍເສຍດາຍ ຢ່າຄິດຈະເອົາກາເຟຈອກເກົ່າໄປອຸ່ນ ນອກຈາກຈະບໍ່ແຊບແລ້ວ ຍັງເຮັດໃຫ້ກາເຟມີລົດຊາດຜິດປົກກະຕິນຳອີກ.

ຊົງກາເຟດ້ວຍຕົນເອງ ຢາກໃຫ້ແຊບຕ້ອງຄຳນຶງເຖິງຫຍັງແດ່ - WhatsApp Image 2020 05 27 at 5 - ຊົງກາເຟດ້ວຍຕົນເອງ ຢາກໃຫ້ແຊບຕ້ອງຄຳນຶງເຖິງຫຍັງແດ່
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!