10 ອາຫານທີ່ບໍ່ຄວນກິນຫລັງອອກກຳລັງກາຍ

10 ອາຫານທີ່ບໍ່ຄວນກິນຫລັງອອກກຳລັງກາຍ - Lpn20 44 - 10 ອາຫານທີ່ບໍ່ຄວນກິນຫລັງອອກກຳລັງກາຍ
10 ອາຫານທີ່ບໍ່ຄວນກິນຫລັງອອກກຳລັງກາຍ - 174233 - 10 ອາຫານທີ່ບໍ່ຄວນກິນຫລັງອອກກຳລັງກາຍ

ຫລັງອອກກຳລັງກາຍໃຫ້ຮ່າງກາຍແຂງແຮງ ການກິນອາຫານບາງຢ່າງຕາມຫລັງຊຳ້ພັດເປັນການທຳຮ້າຍຮ່າງກາຍທີ່ຫາກໍອອກກຳລັງກາຍມາ ດັ່ງນັ້ນ ເຮົາຈຶ່ງມີຄວາມຮູ້ກ່ຽວກັບອາຫານຕ້ອງຫ້າມຫລັງອອກກຳລັງກາຍມາແນະນຳບັນດາທ່ານ ດັ່ງຕໍ່ໄປນີ້ :

10 ອາຫານທີ່ບໍ່ຄວນກິນຫລັງອອກກຳລັງກາຍ - 101011 2020 300x250 - 10 ອາຫານທີ່ບໍ່ຄວນກິນຫລັງອອກກຳລັງກາຍ
Healthy diet and exercise
  1. ເຄື່ອງດື່ມບຳລຸງກຳລັງ ຫລື ເອເນີຈີບາ : ເປັນອາຫານທີ່ໃຫ້ພະລັງງານຫລາຍກໍແມ່ນ ແຕ່ບໍ່ເໝາະສົມຈະກິນຫລັງອອກກຳລັງກາຍ ອາດລອງກິນໂຢເກິດຈະຊ່ວຍໃຫ້ຮ່າງກາຍສົດຊື່ນໄດ້ດີກ່ວາ.
  2. ຜັກ ແລະ ໝາກໄມ້ສົດ : ແປກໃຈແມ່ນບໍ່ທີ່ເຫັນຜັກສົດເຂົ້າມາຢູ່ກຸ່ມນີ້ ນັ້ນເປັນຍ້ອນວິຕາມິນທີ່ມີຫລາຍໃນຜັກສົດນັ້ນບໍ່ໄດ້ຊ່ວຍເອີ້ນພະລັງງານໃຫ້ກັບມາຫລັງຈາກການອອກກຳລັງກາຍ, ແຕ່ຊຳ້ພັດເປັນໂປຣຕິນ ແລະ ຄາໂບໄຮເດຣດຕ່າງຫາກທີ່ຮ່າງກາຍຕ້ອງການ.
  3. ຊີສ : ເປັນອາຫານທີ່ມີໄຂມັນຫລາຍ ໂດຍສະເພາະເຊດດ້າຊີສ ຈຶ່ງເປັນໂຕເລືອກອາຫານທີ່ບໍ່ເໝາະສົມຫລັງຈາກຫາກໍອອກກຳລັງກາຍແລ້ວ ເພາະອາຫານທີ່ຮ່າງກາຍຕ້ອງການແມ່ນໂປຣຕິນ.
  4. ນຳ້ອັດລົມ, ນຳ້ປັ່ນ ແລະ ນຳ້ໝາກໄມ້ : ເປັນສິ່ງທີ່ຄວນຫລີກເວັ້ນສະເໝີ ແລະ ໂດຍສະເພາະຫລັງການອອກກຳລັງກາຍ ເພາະມີນຳ້ຕານຫລາຍ ດັ່ງນັ້ນ ຫາກກະຫາຍນຳ້ຫລັງອອກກຳລັງກາຍ ຄວນດື່ມນຳ້ບໍລິສຸດຈະດີທີ່ສຸດ.
  5. ເຂົ້າໜົມເຄັມໆ : ຫລັງການເສຍເຫື່ອຈາກການອອກກຳລັງກາຍ ການກິນເຂົ້າໜົມເຄັມໆຈະເຮັດໃຫ້ຄວາມດຸ່ນດ່ຽງທີ່ຮ່າງກາຍກຳລັງດຶງກັບຄືນເສຍໄປ ແມ່ນຢູ່ວ່າຮ່າງກາຍຕ້ອງການໂຊດຽມໄປທົດແທນທີ່ເສຍໄປກັບເຫື່ອ ແຕ່ເກືອຈາກເຂົ້າໜົມເຄັມກໍຖືວ່າຫລາຍເກີນໄປ.
  6. ເຂົ້າໜົມປັງ, ໂດນັດ, ແພນເຄັກ ແລະ ພິດຊ່າ : ສຳລັບເຂົ້າໜົມປັງນັ້ນຫາກຢາກກິນ ແນະນຳໃຫ້ເລືອກແບບທີ່ເປັນໂຮເກຣນ ຈະດີກ່ວາເຂົ້າໜົມປັງຂາວ ຍິ່ງໂດນັດນຳແລ້ວຍິ່ງມີໄຂມັນເກີນມາອີກ ຈຶ່ງຖືເປັນອາຫານຄວນງົດ. ສຳລັບພິດຊ່າເປັນອາຫານທີ່ໃຊ້ເກືອຫລາຍ ຈຶ່ງຄວນຫລີກເວັ້ນຫລັງການເສຍເຫື່ອໄປຫລາຍ, ແຕ່ຫາກພິດຊ່ານັ້ນທ່ານເຮັດເອງ ປະກອບດ້ວຍແປ້ງໂຮເກຣນ ແລະ ໜ້າພິດຊ່າທີ່ມີຄຸນນະພາບ ກໍສາມາດກິນໄດ້ຕາມສະບາຍ.
  7. ເຂົ້າໜົມອົມ ຫລື ຊັອກໂກແລັດ : ຍ້ອນປະລິມານນຳ້ຕານທີ່ຫລາຍເກີນໄປ ຈຶ່ງບໍ່ເໝາະສົມທີ່ຈະກິນຫລັງອອກກຳລັງກາຍ, ແຕ່ຫາກເປັນຊັອກໂກແລັດດຳ ຫລື ດ໊າກຊັອກໂກແລັດ ສາມາດກິນໄດ້ ເພາະຊ່ວຍຟື້ນຟູຮ່າງກາຍໄດ້ດີ.
  8. ໄຂ່ຈຽວ, ໄຂ່ຈືນ : ຍາມປົກກະຕິໄຂ່ຖືເປັນອາຫານທີ່ດີ ເໝາະສົມກັບການເປັນອາຫານຫລັງການອອກກຳລັງກາຍ, ແຕ່ເມື່ອເອົາມາຈືນ ນຳ້ມັນທີ່ຫລາຍເກີນໄປບໍ່ດີກັບຮ່າງກາຍຫລັງອອກກຳລັງກາຍມາແນ່ນອນ ຈຶ່ງແນະນຳວ່າໃຫ້ກິນໄຂ່ຕົ້ມຈະດີກ່ວາ.
  9. ມັນຝຣັ່ງຈືນ ຫລື ເຟຣັນຟຣາຍ : ຮູ້ກັນດີຢູ່ແລ້ວວ່າເປັນອາຫານທີ່ອຸດົມໄປດ້ວຍໄຂມັນ ບໍ່ດີຈາກນຳ້ມັນທີ່ຈືນ ແລະ ບໍ່ມີໂປຣຕິນໃຫ້ຮ່າງກາຍທີ່ເສຍພະລັງງານໄປດູດຊຶມ.
  10. ເບຄັອນ ແລະ ຊີ້ນທີ່ບໍ່ໄດ້ເຮັດຈາກຊີ້ນສັດ : ຖືເປັນຊີ້ນບໍ່ດີທີ່ມີທັງໄຂມັນ ແລະ ເກືອຫລາຍ ເຮັດໃຫ້ຍ່ອຍຍາກຂະນະທີ່ຮ່າງກາຍຕ້ອງການໂປຣຕິນ ແລະ ຄາໂບໄຮເດຣດ ເພື່ອຟື້ນຟູກ້າມຊີ້ນ ຈຶ່ງເປັນອາຫານທີ່ຄວນຫລີກເວັ້ນຫລັງອອກກຳລັງກາຍມາ.

10 ອາຫານທີ່ບໍ່ຄວນກິນຫລັງອອກກຳລັງກາຍ - 111011 2020 300x200 - 10 ອາຫານທີ່ບໍ່ຄວນກິນຫລັງອອກກຳລັງກາຍ

10 ອາຫານທີ່ບໍ່ຄວນກິນຫລັງອອກກຳລັງກາຍ - Wave100S AD to Website 2020 0 - 10 ອາຫານທີ່ບໍ່ຄວນກິນຫລັງອອກກຳລັງກາຍ
10 ອາຫານທີ່ບໍ່ຄວນກິນຫລັງອອກກຳລັງກາຍ - WhatsApp Image 2020 05 27 at 5 - 10 ອາຫານທີ່ບໍ່ຄວນກິນຫລັງອອກກຳລັງກາຍ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!