ກອງປະຊຸມໃຫຍ່ອົງຄະນະພັກແຂວງວຽງຈັນ ສຳເລັດຜົນຢ່າງຈົບງາມ

ກອງປະຊຸມໃຫຍ່ອົງຄະນະພັກແຂວງວຽງຈັນ ສຳເລັດຜົນຢ່າງຈົບງາມ - 125564594 3332654213523113 3445718173843490294 o - ກອງປະຊຸມໃຫຍ່ອົງຄະນະພັກແຂວງວຽງຈັນ ສຳເລັດຜົນຢ່າງຈົບງາມ
ກອງປະຊຸມໃຫຍ່ອົງຄະນະພັກແຂວງວຽງຈັນ ສຳເລັດຜົນຢ່າງຈົບງາມ - 174233 - ກອງປະຊຸມໃຫຍ່ອົງຄະນະພັກແຂວງວຽງຈັນ ສຳເລັດຜົນຢ່າງຈົບງາມ

ກອງປະຊຸມໃຫຍ່ຜູ້ແທນອົງຄະນະພັກແຂວງວຽງຈັນຄັ້ງທີ VI ໄດ້ ສຳເລັດຜົນຢ່າງຈົບງາມໃນວັນທີ 19 ພະຈິກນີ້, ພາຍຫລັງດຳເນີນມາເປັນເວລາສອງວັນທີ່ ສະໂມສອນໃຫຍ່ຂອງແຂວງ; ໂດຍການໃຫ້ກຽດເຂົ້າຮ່ວມຂອງ ສະຫາຍ ຈັນສີ ໂພສີຄຳ ກຳມະການກົມການເມືອງສູນກາງພັກ, ເລຂາ ທິການສູນກາງພັກ, ຫົວໜ້າຄະນະຈັດຕັ້ງສູນກາງພັກ ແລະ ບັນດາສະຫາຍຜູ້ແທນສົມບູນເຂົ້າຮ່ວມທັງໝົດ 257 ສະຫາຍ, ຍິງ 35 ສະຫາຍ ຊຶ່ງໄດ້ຕາງໜ້າໃຫ້ສະມາຊິກພັກ ທົ່ວແຂວງ 19.728 ສະຫາຍ. ກອງປະຊຸມໄດ້ຮັບຟັງລາຍງານການເມືອງ ສະເໜີໂດຍ ສະຫາຍ ຄຳພັນ ສິດທິດຳພາ ກຳມະການສູນກາງພັກ, ເລຂາຄະນະບໍລິຫານງານພັກແຂວງ, ໄດ້ຕີລາຄາຜົນ ຂອງການຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ V ຂອງອົງຄະນະພັກແຂວງວຽງຈັນ ຜ່ານມາ. ພ້ອມໄດ້ຊອກໃຫ້ເຫັນດ້ານອ່ອນ-ຂໍ້ຄົງຄ້າງ ຊຶ່ງຈະຕ້ອງໄດ້ສືບຕໍ່ແກ້ໄຂ ແລະ ສະຫຼຸບສັງລວມເປັນບົດຮຽນໃຫ້ແກ່ການນຳພາໃນຕໍ່ໜ້າ, ພາຍໃຕ້ຄຳຂັວນ : “ ຍົກສູງຄວາມສາມາດນຳພາ ແລະ ຄວາມເປັນແບບຢ່າງນຳໜ້າຂອງພັກ, ສືບຕໍ່ບູລະນະລະບົບການເມືອງໃຫ້ປອດໃສ ເຂັ້ມແຂງ ໜັກແໜ້ນ, ຍູ້ແຮງການຫັນເປັນອຸດສາຫະກຳ ແລະທັນສະໄໝ, ເປັນໃຈກາງການພັດທະນາ ແລະ ການເຊື່ອມໂຍງທີ່ເຂັ້ມແຂງ ແລະ ຍືນຍົງ ” .
ໃນຕອນທ້າຍກອງປະຊຸມໄດ້ປ່ອນບັດເລືອກຕັ້ງເອົາຄະນະບໍລິຫານງານພັກແຂວງ ສະໄໝທີ VI ຈຳນວນ 35 ສະຫາຍ, ຍິງ 5 ສະຫາຍ. ໃນກອງປະຊຸມຄັ້ງປະຖົມມະລຶກໄດ້ເປັນເອກະພາບເລືອກເອົາຄະນະປະຈຳພັກແຂວງ ຈຳນວນ 11 ສະຫາຍ, ຍິງ 5 ສະຫາຍ,ເລືອກເອົາ ສະຫາຍ ຄຳພັນ ສິດທິດຳພາ ກຳມະການສູນກາງພັກ ເປັນເລຂາຄະນະບໍລິຫານ ງານພັກແຂວງ ສະໄໝທີ VI, ເລືອກເອົາ ສະຫາຍ ບຸນສອນ ເພັດລາວັນ ແລະ ສະຫາຍ ທອງສະຫວັນ ວົງສຳພັນ ເປັນຮອງເລຂາ ຄະນະບໍລິຫານງານພັກແຂວງ,ເລືອກເອົາ ສະຫາຍ ສົມດີ ແກ້ວດາລາວິນ ເປັນປະທານຄະນະກວດກາພັກແຂວງ ແລະ ເລືອກເອົາ ສະຫາຍ ຄຳປ່ຽນ ຈັນທະມັງຄຸນ, ສະຫາຍ ກອງແພງ ແກ້ວພູທອງ ແລະ ສະຫາຍ ເຄນ ເຮືອງຄຳແສງ ເປັນຮອງປະທານກວດກາພັກແຂວງ ສະ ໄໝທີ VI.ເພື່ອສືບຕໍ່ຊີ້ນຳ-ນຳພາ ຈັດຕັ້ງປະຕິບັດມະຕິກອງປະຊຸມໃຫຍ່ຂອງອົງຄະນະພັກແຂວງວຽງຈັນ ວາງອອກໃຫ້ປະກົດຜົນເປັນຈິງ.

ກອງປະຊຸມໃຫຍ່ອົງຄະນະພັກແຂວງວຽງຈັນ ສຳເລັດຜົນຢ່າງຈົບງາມ - 1f319588 3177 491c 9382 8e83b809f30d 1024x620 - ກອງປະຊຸມໃຫຍ່ອົງຄະນະພັກແຂວງວຽງຈັນ ສຳເລັດຜົນຢ່າງຈົບງາມ
ກອງປະຊຸມໄດ້ເລືອກເອົາ ຜູ້ແທນສົມບູນ 27 ສະຫາຍ ແລະ ຜູ້ແທນສໍາຮອງ 3 ສະຫາຍ ເພື່ອເຂົ້າຮ່ວມກອງປະຊຸມໃຫຍ່ ຄັ້ງທີ XI ຂອງພັກ,ກອງປະຊຸມໃຫຍ່ ຄັ້ງນີ້ ໄດ້ເປັນກຽດຢ່າງສູງຮັບຟັງການໂອ້ລົມຈາກ ສະຫາຍ ຈັນສີ ໂພສີຄຳ ກຳມະການກົມການເມືອງສູນກາງພັກ, ເລຂາ ທິການສູນກາງພັກ, ຫົວໜ້າຄະນະຈັດຕັ້ງສູນກາງພັກ ການໂອ້ລົມຂອງສະຫາຍ ໄດ້ມີຄວາມໝາຍ ຄວາມສຳຄັນຍິ່ງ ເປັນເຂັ້ມຊີ້ທິດເຍືອງທາງ ເປັນບ່ອນອີງອັນແໜ້ນແກ່ນໃຫ້ແກ່ການເຄື່ອນໄຫວຊີ້ນຳ-ນຳພາ ຈັ້ງຕັ້ງປະຕິບັດມະຕິກອງປະຊຸມໃຫຍ່ຜູ້ແທນອົງຄະນະພັກແຂວງວຽງຈັນ ຄັ້ງທີ VI ໃຫ້ມີຜົນສຳເລັດຕາມທິດທາງ ແລະ ຄາດໝາຍທີ່ວາງໄວ້.

ກອງປະຊຸມໃຫຍ່ອົງຄະນະພັກແຂວງວຽງຈັນ ສຳເລັດຜົນຢ່າງຈົບງາມ - Wave100S AD to Website 2020 0 - ກອງປະຊຸມໃຫຍ່ອົງຄະນະພັກແຂວງວຽງຈັນ ສຳເລັດຜົນຢ່າງຈົບງາມ

ກອງປະຊຸມໃຫຍ່ອົງຄະນະພັກແຂວງວຽງຈັນ ສຳເລັດຜົນຢ່າງຈົບງາມ - 84cd1e4a 8eb4 4f97 ab48 f5a8dbb91bce 1024x424 - ກອງປະຊຸມໃຫຍ່ອົງຄະນະພັກແຂວງວຽງຈັນ ສຳເລັດຜົນຢ່າງຈົບງາມ
ກອງປະຊຸມຍັງໄດ້ຮຽກຮ້ອງມາຍັງ ຄະນະພັກທຸກຂັ້ນ, ສະມາຊິກພັກທຸກສະຫາຍ, ພະນັກງານ-ລັດຖະກອນ, ທະຫານ ຕຳຫຼວດ ທຸກຄົນ ແລະ ປະຊາຊົນບັນດາເຜົ່າ ທຸກທົ່ວໜ້າ ຈົ່ງເພີ່ມທະວີຄວາມສາມັກຄີເປັນປຶກແຜ່ນແໜ້ນໜາ, ສ້າງເປັນຄວາມເອກະພາບສູງພາຍໃຕ້ການນຳພາຂອງພັກ, ພ້ອມກັນ ບຸກບືນຜ່ານຜ່າອຸປະສັກຫຍຸ້ງຍາກ ກ້າວຂຶ້ນດ້ວຍການເຊີດຊູນຳໃຈຮັກຊາດ, ຮັກລະບອບປະຊາທິ ປະໄຕປະຊາຊົນ, ເປັນເຈົ້າຕົນເອງ ສ້າງຄວາມເຂັ້ມແຂງດ້ວຍຕົນເອງ ພ້ອມກັນນຳໃຊ້ທຸກທ່າແຮງບົ່ມຊ້ອນທີ່ມີພາຍໃນແຂວງຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນ ເຂົ້າໃນການຈັດ ຕັ້ງປະຕິບັດມະຕິກອງປະຊຸມໃຫຍ່, ສ້າງໃຫ້ແຂວງວຽງຈັນ ມີສະຖຽນລະພາບການເມືອງໜັກແໜ້ນ, ມີຄວາມສະຫງົບ, ຄວາມເປັນລະບຽບຮຽບຮ້ອຍ ໂດຍພື້ນຖານ, ມີການຫັນປ່ຽນໃໝ່, ຂັບເຄື່ອນໃໝ່, ມີຄວາມຈະເລີນພັດທະນາ, ປະຊາຊົນບັນດາເຜົ່າມີຄວາມຜາສຸກ ສາມັກຄີປອງດອງ ສີວິໄລ ແລະ ຍຸຕິທຳ.

ກອງປະຊຸມໃຫຍ່ອົງຄະນະພັກແຂວງວຽງຈັນ ສຳເລັດຜົນຢ່າງຈົບງາມ - WhatsApp Image 2020 05 27 at 5 - ກອງປະຊຸມໃຫຍ່ອົງຄະນະພັກແຂວງວຽງຈັນ ສຳເລັດຜົນຢ່າງຈົບງາມ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!