ເກືອບ 1 ລ້ານຄົນໄດ້ຮັບວັກຊີນຕ້ານໂຄວິດ-19 Sinopharm ແລ້ວ ຫລັງອະນຸຍາດໃຫ້ໃຊ້ສຸກເສີນ

ເກືອບ 1 ລ້ານຄົນໄດ້ຮັບວັກຊີນຕ້ານໂຄວິດ-19 Sinopharm ແລ້ວ ຫລັງອະນຸຍາດໃຫ້ໃຊ້ສຸກເສີນ - e2ztuvso1l3wf0p5 1592400090 - ເກືອບ 1 ລ້ານຄົນໄດ້ຮັບວັກຊີນຕ້ານໂຄວິດ-19 Sinopharm ແລ້ວ ຫລັງອະນຸຍາດໃຫ້ໃຊ້ສຸກເສີນ
ເກືອບ 1 ລ້ານຄົນໄດ້ຮັບວັກຊີນຕ້ານໂຄວິດ-19 Sinopharm ແລ້ວ ຫລັງອະນຸຍາດໃຫ້ໃຊ້ສຸກເສີນ - 174233 - ເກືອບ 1 ລ້ານຄົນໄດ້ຮັບວັກຊີນຕ້ານໂຄວິດ-19 Sinopharm ແລ້ວ ຫລັງອະນຸຍາດໃຫ້ໃຊ້ສຸກເສີນ

ຜູ້ຜະລິດ ແລະ ພັດທະນາວັກຊີນຕ້ານໂຄວິດ-19 ຂອງຈີນ China National Pharmaceutical Group (Sinopharm) ເປີດເຜີຍວ່າ: ເກືອບ 1 ລ້ານຄົນໄດ້ຮັບວັກຊີນຕ້ານໂຄວິດ-19 Sinopharm ແລ້ວ ຫລັງທາງການຈີນອະນຸຍາດໃຫ້ໃຊ້ສຸກເສີນ (Emergency Use) ນັບແຕ່ເດືອນກໍລະກົດຜ່ານມາ.
ໂດຍຜູ້ບໍລິຫານລະດັບສູງຂອງ Sinopharm ເປີດເຜີຍວ່າ: ໃນການທົດລອງວັກຊີນດັ່ງກ່າວຍັງບໍ່ພົບລາຍງານກ່ຽວກັບຜົນຂ້າງຄຽງ ຫລື ການຕອບສະໜອງທີ່ຮຸນແຮງຫລັງໄດ້ຮັບການສັກວັກຊີນ ເຊິ່ງວັກຊີນຕ້ານໂຄວິດ-19 ຂອງຈີນ 4 ຊະນິດຢູ່ໃນໄລຍະທົດລອງໄລຍະທີ 3 ໃນມະນຸດ ແລະ ມີການອະນຸຍາດໃຫ້ໃຊ້ສຸກເສີນ ຫລື ໃຊ້ໃນວົງຈຳກັດໄດ້ແລ້ວຄື: ວັກຊີນຕ້ານໂຄວິດ-19 ຂອງ Sinopharm ທີ່ຈັບມືກັບ Wuhan Institute of Biological Products, ວັກຊີນຕ້ານໂຄວິດ-19 ຂອງ Sinopharm ທີ່ຈັບມືກັບ Beijing Institute of Biological Products, ວັກຊີນຕ້ານໂຄວິດ-19 ຂອງ CanSino Biologics ທີ່ໃຊ້ຢ່າງຈຳກັດໃນກອງທັບຈີນ ລວມທັງວັກຊີນຕ້ານໂຄວິດ-19 ຂອງ Sinovac Biotech.
ແຕ່ເຖິງຢ່າງໃດກໍຕາມ, ໃນຊ່ວງເວລານີ້ ຍັງບໍ່ມີວັກຊີນຕ້ານໂຄວິດ-19 ຂອງຜູ້ຜະລິດ ແລະ ພັດທະນາຊະນິດໃດໄດ້ຮັບການອະນຸມັດໃຫ້ໃຊ້ໃນວົງກວ້າງ ແລະ ທຸກຊະນິດຍັງຢູ່ໃນໄລຍະການທົດລອງປະສິດທິພາບ ແລະ ຄວາມປອດໄພ ໂດຍວັກຊີນຕ້ານໂຄວິດ-19 ທີ່ຈະເຂົ້າໃກ້ເປົ້າໝາຍຫລາຍທີ່ສຸດຄື ວັກຊີນຕ້ານໂຄວິດ-19 ຂອງ Pfizer-BioNTech ທີ່ເປີດເຜີຍວ່າ: ວັກຊີນຂອງຕົນມີປະສິດທິພາບໃນການຕ້ານໂຄວິດ-19 ໄດ້ສູງເຖິງ 95% ແລ້ວ ໃນການລາຍງານຄວາມຄືບໜ້າຄັ້ງທີ 2 ໃນໄລຍະບໍ່ຮອດ 2 ອາທິດຜ່ານມາ.
ຫລ້າສຸດ ທົ່ວໂລກມີຜູ້ຕິດເຊື້ອສະສົມແລ້ວ 56,8 ລ້ານກວ່າຄົນ (56.817.667 ຄົນ), ປິ່ນປົວຫາຍແລ້ວ 39,7 ລ້ານກວ່າຄົນ (39.714.662 ຄົນ) ຫລື ປະມານ 70% ຂອງຜູ້ຕິດເຊື້ອທັງໝົດ, ເສຍຊີວິດແລ້ວ 1.358.489 ຄົນ ອັດຕາການເສຍຊີວິດຢູ່ປະມານ 2,4%.
ປະເທດທີ່ມີຜູ້ຕິດເຊື້ອສະສົມຫລາຍທີ່ສຸດ 5 ອັນດັບທຳອິດໄດ້ແກ່ ອາເມລິກາ ມີຜູ້ຕິດເຊື້ອສູງເປັນອັນດັບ 1 ມີ 11.710.084 ຄົນ, ຖັດມາແມ່ນອິນເດຍ (8.958.483 ຄົນ), ເບຣຊິນ (5.981.767 ຄົນ), ຝຣັ່ງ (2.137.096 ຄົນ) ແລະ ຣັດເຊຍ (1.998.966 ຄົນ) ພົບຜູ້ຕິດເຊື້ອແລ້ວຢ່າງໜ້ອຍ 184 ຈາກ 193 ປະເທດທົ່ວໂລກ.

ເກືອບ 1 ລ້ານຄົນໄດ້ຮັບວັກຊີນຕ້ານໂຄວິດ-19 Sinopharm ແລ້ວ ຫລັງອະນຸຍາດໃຫ້ໃຊ້ສຸກເສີນ - Wave100S AD to Website 2020 0 - ເກືອບ 1 ລ້ານຄົນໄດ້ຮັບວັກຊີນຕ້ານໂຄວິດ-19 Sinopharm ແລ້ວ ຫລັງອະນຸຍາດໃຫ້ໃຊ້ສຸກເສີນ
ເກືອບ 1 ລ້ານຄົນໄດ້ຮັບວັກຊີນຕ້ານໂຄວິດ-19 Sinopharm ແລ້ວ ຫລັງອະນຸຍາດໃຫ້ໃຊ້ສຸກເສີນ - WhatsApp Image 2020 05 27 at 5 - ເກືອບ 1 ລ້ານຄົນໄດ້ຮັບວັກຊີນຕ້ານໂຄວິດ-19 Sinopharm ແລ້ວ ຫລັງອະນຸຍາດໃຫ້ໃຊ້ສຸກເສີນ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!