ສະຫລອງສາຍພົວພັນການທູດ ລາວ-ອີຢູ ຄົບຮອບ 45 ປີ

ສະຫລອງສາຍພົວພັນການທູດ ລາວ-ອີຢູ ຄົບຮອບ 45 ປີ - 001 2 - ສະຫລອງສາຍພົວພັນການທູດ ລາວ-ອີຢູ ຄົບຮອບ 45 ປີ
ສະຫລອງສາຍພົວພັນການທູດ ລາວ-ອີຢູ ຄົບຮອບ 45 ປີ - kitchen vibe - ສະຫລອງສາຍພົວພັນການທູດ ລາວ-ອີຢູ ຄົບຮອບ 45 ປີ

ພິທີສະເຫລີມສະຫລອງວັນຄົບຮອບ 45 ປີ ແຫ່ງການສ້າງຕັ້ງສາຍພົວພັນການທູດ ລະຫວ່າງ ສປປ ລາວ ແລະ ສະຫະພາບເອີຣົບ (ອີຢູ)  ໄດ້ຈັດຂຶ້ນໃນຕອນຄໍ່າວັນທີ 19 ພະຈິກ ນີ້, ໄດ້ມີຫໍພິພິທະພັນແຫ່ງຊາດ ນະຄອນຫລວງວຽງຈັນ, ໂດຍ ມີ ທ່ານ ສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດ, ທ່ານ ນາງ ອີນາ ມາຈູລໍນິແຕ ເອກອັກຄະລັດຖະທູດວິສາມັນ ຜູ້ມີອໍານາດເຕັມ ແຫ່ງ ສະຫະພາບເອີຣົບ ປະຈໍາ ລາວ, ມີບັນດາລັດຖະມົນຕີ, ຮອງລັດຖະມົນຕີ, ທູຕານຸທູດປະຈໍາ ສປປ ລາວແລະ ມວນຊົນເຂົ້າຮ່ວມເປັນຈຳນວນຫລາຍ.

ສະຫລອງສາຍພົວພັນການທູດ ລາວ-ອີຢູ ຄົບຮອບ 45 ປີ - 002 2 300x200 - ສະຫລອງສາຍພົວພັນການທູດ ລາວ-ອີຢູ ຄົບຮອບ 45 ປີ

ສະຫລອງສາຍພົວພັນການທູດ ລາວ-ອີຢູ ຄົບຮອບ 45 ປີ - Visit Laos Visit SALANA BOUTIQUE HOTEL - ສະຫລອງສາຍພົວພັນການທູດ ລາວ-ອີຢູ ຄົບຮອບ 45 ປີ

ໃນພິທີ ທ່ານ ສະເຫລີມໄຊ ກົມມະສິດ ແລະ ທ່ານ ນາງ ອີນາມາຈຸລໍນິແຕ ໄດ້ຂຶ້ນມີຄຳເຫັນສະແດງຄວາມຊົມເຊີຍ ແລະ ຕີລາຄາສູງຕໍ່ຜົນສຳເລັດຂອງການພົວພັນຮ່ວມມືສອງຝ່າຍນັບແຕ່ມື້ສ້າງຕັ້ງໃນວັນທີ 21 ພະຈິກ 1975 ທີ່ຜ່ານມາ. ການພົວພັນຮ່ວມມື ລາວ ແລະ ອີຢູ ແມ່ນມີບາດກ້າວຂະຫຍາຍຕົວຢ່າງຕໍ່ເນື່ອງ ໂດຍສະເພາະການຊ່ວຍເຫລືອໃນແຜນງານ Joint Programingຂອງ ອີຢູ ແລະ ຈາກບັນດາປະເທດສະມາຊິກ ເຊິ່ງມາເຖິງປັດຈຸບັນ ລວມມີມູນຄ່າ ທັງໝົດ 500 ລ້ານເອີໂຣ ໄດ້ປະກອບສ່ວນເຂົ້າໃນການພັດທະນາວຽກງານການສຶກສາຂັ້ນພື້ນຖານ, ໂພຊະນາການ, ກະສິກຳ ແລະ ການພັດທະນາຊົນນະບົດ, ວຽກງານເກັບກູ້ລະເບີດບໍ່ທັນແຕກ (UXO), ວຽກສາທາລະນະສຸກ, ການອະນຸລັກສິ່ງແວດລ້ອມ ແລະ ຊີວະນານາພັນ, ການປົກຄອງທີ່ດີ, ສ້າງລັດແຫ່ງກົດໝາຍ ແລະ ອົງການຈັດຕັ້ງທາງສັງຄົມ, ການຄ້າ ແລະ ພາກເອກະຊົນ, ວຽກງານສິດທິມະນຸດ ແລະ ຄວາມສະເໝີພາບບົດບາດຍິງ-ຊາຍ, ການຮ່ວມມືທາງດ້ານວັດທະນະທໍາ ແລະ ການເຊື່ອມໂຍງ ລວມທັງການຊ່ວຍເຫລືອດ້ານມະນຸດສະທຳ ອັນໄດ້ປະກອບສວ່ນອັນສຳຄັນ ເຂົ້າໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງ ສປປ ລາວ, ໂດຍສອດຄ່ອງກັບເປົ້າໝາຍການພັດທະນາແບບຍືນຍົງ ຂອງອົງການສະຫະປະຊາຊາດຂອງລັດຖະບານ ສປປ ລາວ ເພື່ອແນໃສ່ເຮັດໃຫ້ສປປ ລາວ ຫລຸດພົ້ນອອກຈາກປະເທດດ້ອຍພັດທະນາ ແລະ ກ້າວສູ່ການພັດທະນາແບບຍືນຍົງເທື່ອລະກ້າວ.

ສະຫລອງສາຍພົວພັນການທູດ ລາວ-ອີຢູ ຄົບຮອບ 45 ປີ - 003 2 300x200 - ສະຫລອງສາຍພົວພັນການທູດ ລາວ-ອີຢູ ຄົບຮອບ 45 ປີ

ໃນໂອກາດດຽວກັນນີ້, ທັງສອງຝ່າຍ ຍັງໄດ້ສະແດງຄວາມມຸ້ງຫວັງທີ່ຈະສືບຕໍ່ເສີມຂະຫຽາຍ ແລະ ຮັດແໜ້ນການພົວພັນຮ່ວມມືທີ່ດີນີ້ ໃຫ້ເຕີບໃຫຍ່ຂະຫຍາຍຕົວຂຶ້ນສູ່ລະດັບໃໝ່ໃນຕໍ່ໜ້າ.

ສະຫລອງສາຍພົວພັນການທູດ ລາວ-ອີຢູ ຄົບຮອບ 45 ປີ - 3 - ສະຫລອງສາຍພົວພັນການທູດ ລາວ-ອີຢູ ຄົບຮອບ 45 ປີ
ສະຫລອງສາຍພົວພັນການທູດ ລາວ-ອີຢູ ຄົບຮອບ 45 ປີ - 4 - ສະຫລອງສາຍພົວພັນການທູດ ລາວ-ອີຢູ ຄົບຮອບ 45 ປີ
ສະຫລອງສາຍພົວພັນການທູດ ລາວ-ອີຢູ ຄົບຮອບ 45 ປີ - 5 - ສະຫລອງສາຍພົວພັນການທູດ ລາວ-ອີຢູ ຄົບຮອບ 45 ປີ