ກິນເບຕ້າແຄໂຣທີນຫລາຍກໍສ່ຽງເປັນພະຍາດ

- 012706 - ກິນເບຕ້າແຄໂຣທີນຫລາຍກໍສ່ຽງເປັນພະຍາດ
- Untitled design - ກິນເບຕ້າແຄໂຣທີນຫລາຍກໍສ່ຽງເປັນພະຍາດ

ສານຕ້ານອະນຸມູນອິດສະລະມີຢູ່ຫລາຍຊະນິດ ແລະ ເກືອບຈະມີຢູ່ທົ່ວໄປໃນອາຫານທຸກຄາບ ອາຫານທີ່ເຮົາໝັ້ນໃຈໄດ້ແນ່ນອນວ່າມີສານຊະນິດນີ້ແມ່ນແກ່ນພືດທຸກຊະນິດ, ແຕ່ສ່ິ່ງທີ່ຄວນລະວັງແມ່ນແກ່ນພືດບາງຊະນິດມີພິດ. ດັ່ງນັ້ນ ສານພິດຈຶ່ງອາດຫລຸດອອກມາພ້ອມກັບສານຕ້ານອະນຸມູນອິດສະລະໄດ້. ນອກຈາກນີ້, ໃບພືດ ໂດຍສະເພາະບໍລິເວນທີ່ເປັນສີເຂັ້ມ ບໍ່ວ່າຈະເປັນສີຂຽວ, ເຫລືອງ ຫລື ແດງ ກໍມີສານຕ້ານອະນຸມູນອິດສະລະຢູ່ຄືກັນ ລວມທັງເປືອກໝາກໄມ້ສຸກກໍມີສານຕ້ານອະນຸມູນອິດ ສະລະຫລາຍຄືກັນ ໂດຍຈາກການວິໄຈຂອງນັກວິທະຍາສາດຄົນອິນເດຍ ພົບວ່າ : ເປືອກຂອງໝາກມ່ວງສຸກທີ່ມີປະລິມານສານຕ້ານອະນຸມູນອິດສະລະຫລາຍພຽງພໍທີ່ຈະເອົາມາສະກັດເພື່ອໃຫ້ເຮົາໄວ້ໃຊ້ບຳລຸງຜິວ. ດັ່ງນັ້ນ, ຖ້າເຮົາບໍ່ຕ້ອງການໄດ້ຮັບສານຕ້ານອະນຸມູນອິດສະລະຫລາຍເກີນໄປ ການກິນອາຫານເປັນວິທີທີ່ດີສຸດ ໂດຍເຮົາມີຂໍ້ມູນຢັ້ງຢືນວ່າເລື່ອງນີ້ຈາກການສຶກສາໃນການໃຊ້ສານຕ້ານອະນຸມູນອິດສະລະ ເບຕ້າແຄໂຣທີນ ເພື່ອປ້ອງກັນພະຍາດມະເຮັງປອດ ເຊິ່ງຜົນການສຶກສາພົບວ່າ :  ການໃຫ້ຕຳຫລວດຈະລາຈອນໃນຫລາຍປະເທດກິນອາຫານເສີມທີ່ມີສານຕ້ານອະນຸມູນອິດສະລະນັ້ນ  ແທນທີ່ຈະເປັນການຫລຸດໂອກາດໃນການເກີດພະຍາດມະເຮັງປອດ, ແຕ່ຊຳ້ພັດກາຍເປັນການເພີ່ມອັດຕາການເກີດພະຍາດມະເຮັງປອດໃຫ້ຫລາຍຂຶ້ນຕື່ມ. ເນື່ອງຈາກວ່າສານເບຕ້າແຄໂຣທີນ ແມ່ນສານຕ້ານອະນຸມູນອິດສະລະ (Anti – Oxidant) ທີ່ເມື່ອຮ່າງກາຍໄດ້ຮັບຫລາຍກ່ວາຄວາມຕ້ອງການຈະຫັນໄປເຮັດໜ້າທີ່ໃນທາງກົງກັນຂ້າມ ໂດຍກາຍເປັນໂຕ  “Pro – Oxidant” ເຊິ່ງເປັນສານທີ່ສົ່ງເສີມການເກີດອະນຸມູນອິດສະລະຍ້ອນເຫດຜົນທາງຊີວະເຄມີ.

ຍ້ອນສາເຫດນີ້ ການບໍລິໂພກເບຕ້າແຄໂຣທີນໃນຮູບແບບຂອງອາຫານເສີມທີ່ຫລາຍເກີນໄປອາດເປັນການເພີ່ມຄວາມສ່ຽງໃນການເກີດພະຍາດມະເຮັງ, ໃນຂະນະທີ່ການກິນອາຫານ ເຊັ່ນ : ໝາກຫຸ່ງສຸກ, ໝາກອຶ, ຜັກຕຳນິນ ໂອກາດທີ່ຮ່າງກາຍຈະໄດ້ຮັບສານນີ້ໃນປະລິມານຫລາຍເກີນໄປຈະເປັນໄປໄດ້ຍາກ ເພາະເຮົາຈະອີ່ມກ່ອນໄດ້ຮັບປະລິມານຫລາຍເກີນໄປ ໂດຍມີກະເພາະອາຫານເປັນຜູ້ກຳນົດ. ສ່ວນຄຸນປະໂຫຍດຂອງການກິນສານຕ້ານອະນຸມູນອິດສະລະຈາກອາຫານຍັງມີອີກຫລາຍແມ່ນຫາກເຮົາກິນສານຕ້ານອະນຸມູນອິດສະລະຈາກການກິນອາຫານ ໂອກາດທີ່ຈະໄດ້ຮັບສານນີ້ຫລາຍເກີນຄວາມຕ້ອງການຂອງຮ່າງກາຍຈະໜ້ອຍກ່ວາການກິນອາຫານເສີມ ເພາະອາຫານເສີມຈະມີສານນີ້ສູງຫລາຍ ເນື່ອງຈາກຢູ່ໃນຮູບແບບຂອງສານເຂັ້ມຂຸ້ນ ເຮົາຈຶ່ງຄວນຄຳນຶງສະເໝີວ່າສານເຄມີທຸກຊະນິດມີທັງປະໂຫຍດ ແລະ ໂທດຂຶ້ນຢູ່ກັບຂະໜາດ ຫລື ປະລິມານທີ່ບໍລິໂພກເຂົ້າໄປ.

- Wave100S AD to Website 2020 0 - ກິນເບຕ້າແຄໂຣທີນຫລາຍກໍສ່ຽງເປັນພະຍາດ
- WhatsApp Image 2020 05 27 at 5 - ກິນເບຕ້າແຄໂຣທີນຫລາຍກໍສ່ຽງເປັນພະຍາດ
- WhatsApp Image 2020 05 27 at 5 - ກິນເບຕ້າແຄໂຣທີນຫລາຍກໍສ່ຽງເປັນພະຍາດ
error: Alert: ເນື້ອຫາຂ່າວມີລິຂະສິດ !!