ມາດຖານ, ເງື່ອນໄຂ ຂອງຜູ້ທີ່ຈະສະໝັກເລືອກຕັ້ງເປັນສະມາຊິກສະພາແຫ່ງຊາດ ແລະ ທ້ອງຖິ່ນ ຫຼື ສະພາເຂດ ໃນຊຸດຕໍ່ໄປ ຄວນເບິ່ງຄືນໃໝ່

ມາດຖານ, ເງື່ອນໄຂ ຂອງຜູ້ທີ່ຈະສະໝັກເລືອກຕັ້ງເປັນສະມາຊິກສະພາແຫ່ງຊາດ ແລະ ທ້ອງຖິ່ນ ຫຼື ສະພາເຂດ ໃນຊຸດຕໍ່ໄປ ຄວນເບິ່ງຄືນໃໝ່ - 125845662 2667124060264805 4466123822473194195 o - ມາດຖານ, ເງື່ອນໄຂ ຂອງຜູ້ທີ່ຈະສະໝັກເລືອກຕັ້ງເປັນສະມາຊິກສະພາແຫ່ງຊາດ ແລະ ທ້ອງຖິ່ນ ຫຼື ສະພາເຂດ ໃນຊຸດຕໍ່ໄປ ຄວນເບິ່ງຄືນໃໝ່
ມາດຖານ, ເງື່ອນໄຂ ຂອງຜູ້ທີ່ຈະສະໝັກເລືອກຕັ້ງເປັນສະມາຊິກສະພາແຫ່ງຊາດ ແລະ ທ້ອງຖິ່ນ ຫຼື ສະພາເຂດ ໃນຊຸດຕໍ່ໄປ ຄວນເບິ່ງຄືນໃໝ່ - 174233 - ມາດຖານ, ເງື່ອນໄຂ ຂອງຜູ້ທີ່ຈະສະໝັກເລືອກຕັ້ງເປັນສະມາຊິກສະພາແຫ່ງຊາດ ແລະ ທ້ອງຖິ່ນ ຫຼື ສະພາເຂດ ໃນຊຸດຕໍ່ໄປ ຄວນເບິ່ງຄືນໃໝ່

ໂດຍ: ລູກເມືອງພວນ

ສະມາຊິກສະພາແຫ່ງຊາດ ແລະ ສະມາຊິກສະພາທ້ອງຖິ່ນ ຫຼື ສະພາເຂດ ແມ່ນຕົວແທນແຫ່ງສິດຜົນປະໂຫຍດຂອງປະຊາຊົນລາວທັງຊາດ ແລະ ປະຊາຊົນໃນແຕ່ລະແຂວງ. ເປັນຜູ້ຕາງໜ້າ, ເປັນຕົວແທນປະຊາຊົນໄປນັ່ງຢູ່ໃນສະພາ ເພື່ອເຮັດໜ້າທີ່ຮ່າງລັດຖະທຳມະນູນ, ກົດໝາຍ, ນິຕິກຳຕ່າງໆ ເພື່ອຄວາມສະຫງົບປອດໄພ, ເພື່ອສັງຄົມມີຄວາມສະເໝີພາບ ຍຸຕິທຳ ຢູ່ດີກິນດີ, ຕັດສິນບັນຫາທີ່ສຳຄັນໆ ຂອງຊາດ ແຜນຍຸດທະສາດ, ນະໂຍບາຍ ກໍຄືໂຄງການໃຫ່ຍໆ ຂອງລັດຖະບານ…

ແຕ່ໃນດ້ານກົງກັນຂ້າມ, ມີສະມາຊິກສະພາແຫ່ງຊາດ ລວມໄປເຖິງສະມາຊິກສະພາທ້ອງຖິ່ນຈຳນວນໜຶ່ງ ຍັງບໍ່ທັນສາມາດເປັນຕົວແທນ ບໍ່ທັນສົມກັບວ່າເປັນຜູ້ຕາງໜ້າໃຫ້ປະຊາຊົນໄປນັ່ງຢູ່ໃນສະພາຢ່າງແທ້ຈິງ ເພາະສະມາຊິກສະພາແຫ່ງຊາດ ກໍຄືສະມາຊິກປະຊາຊົນທ້ອງຖິ່ນເຫຼົ່ານັ້ນ ບໍ່ທັນມີຄວາມກ້າຫານໃນການປະກອບຄຳຄິດເຫັນຢູ່ໃນສະພາຕະຫຼອດໄລຍະ 5 ປີ ຫຼື ຈົນໝົດສະໄໝຂອງການເປັນສະມາຊິກສະພາແຫ່ງຊາດຊຸດທີ VIII ແລະ ເຂົ້າຮ່ວມວຽກງານຂອງສະພາໃນນາມເປັນສະມາຊິກສະພາບໍ່ເຕັມເມັດເຕັມໜ່ວຍ ແລະ ຍັງຂາດການເຂົ້າຮ່ວມກອງປະຊຸມລະດັບຕ່າງໆຂອງສະພາ ເພື່ອຄົ້ນຄວ້າບັນຫາວຽກງານສຳຄັນໆ ຂອງຊາດ ແລະ ຂອງທ້ອງຖິ່ນ.  ດັ່ງທີ່ທ່ານນາງ ຄຳຈັນ ພົມແສງສະຫວັນ ຮອງປະທານສູນກາງແນວລາວສ້າງຊາດກ່າວໃນໂອກາດເຂົ້າຮ່ວມກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ VIII ວ່າ: “ການເຂົ້າຮ່ວມກອງປະຊຸມສະໄໝສາມັນຂອງສະມາຊິກແຫ່ງຊາດແຕ່ລະເທື່ອຍັງມີສະມາຊິກສະພາແຫ່ງຊາດຂາດຫຼາຍ…ສ່ວນການປະກອບຄຳເຫັນໃນກອງປະຊຸມສ່ວນຫຼາຍແມ່ນຜູ້ເກົ່າທີ່ເຄີຍອອກຄຳເຫັນຫຼາຍຄັ້ງເປັນປະຈຳ ແລະ ເປັນໜ້າຊົມເຊີຍ ແຕ່ຂະນະດຽວກັນສັງເກດເຫັນວ່າ ສະມາຊິກສະພາແຫ່ງຊາດຈຳນວນໜຶ່ງບໍ່ຄ່ອຍອອກຄຳເຫັນ ຫຼື ບໍ່ອອກຄຳເຫັນເລີຍຕະຫຼອດໄລຍະ 5 ປີ ຊຶ່ງເຫັນຄວນຕ້ອງໄດ້ເພີ່ມເຂົ້າມາດຖານ ເງື່ອນໄຂຜູ້ສະໝັກເລືອກຕັ້ງຕໍ່ໄປ ຕ້ອງແມ່ນຜູ້ທີ່ມີພອນສະຫວັນໃນການເວົ້າຕື່ມອີກ”.

ໃນນາມປະຊາຊົນຄົນໜຶ່ງ, ຂ້າພະເຈົ້າເຫັນວ່າ ການສັງເກດຕີລາຄາ ຂອງທ່ານຮອງປະທານສູນກາງແນວລາວສ້າງຊາດແມ່ນຖືກຕ້ອງ ແລະ ແມ່ນຄວາມຈິງທີ່ສຸດ ແລະ ໃນນາມສ່ວນຕົວກໍສັງເກດເຫັນໄດ້ຄືກັນ. ດັ່ງນັ້ນຈຶ່ງເຫັນສົມຄວນແລ້ວທີ່ຈະຕ້ອງໄດ້ປັບປຸງຄືນມາດຖານ, ເງື່ອນໄຂຂອງຜູ້ທີ່ຈະສະໝັກເລືອກຕັ້ງເປັນຜູ້ແທນປະຊາຊົນໃນຄັ້ງຕໍ່ໄປ. ໂດຍລວມແລ້ວແມ່ນເຫັນດີເປັນເອກກະພາບນຳມາດຖານ ເງື່ອນໄຂ ທີ່ທາງສະພາວາງອອກທຸກປະການ ແຕ່ບັນຫາຂອງມັນມີຢູ່ວ່າ: ຜູ້ທີ່ມີຄວາມຮູ້ ຄວາມສາມາດ, ມີຄວາມກ້າຫານເວົ້າຄວາມຈິງ, ມີຄວາມຮັບຜິດຊອບຕໍ່ໜ້າທີ່ວຽກງານ, ຕໍ່ປະຊາຊົນຢ່າງແທ້ຈິງນັ້ນ ອຳນາດການປົກຄອງ ຫຼື ການນຳຂັ້ນຕ່າງໆ ຊໍ້າພັດບໍ່ຖືກໃຈ, ມັກແຕ່ຜູ້ທີ່ບໍ່ເວົ້າ, ບໍ່ວ່າໃຜເອົາຄວາມດີໃສ່ໂຕເອງເປັນໃຫ່ຍ, ເຖິງແມ່ນເຂົາບໍ່ມີຄວາມສາມາດ ແຕ່ເບິ່ງມາດຄົນເອົາ ອັນນີ້ແມ່ນບັນຫາທີ່ອັນຕະລາຍທີ່ສຸດໃນການເລືອກສະມາຊິກສະພາແຕ່ລະຂັ້ນໃນໄລຍະທີ່ຜ່ານມາ. ດ້ານໜຶ່ງອີກ, ປະຊາຊົນຜູ້ທີ່ມີສິດປ່ອນບັດເລືອກຕັ້ງນັ້ນ ກໍບໍ່ຮູ້ປະຫວັດຂອງຜູ້ສະໝັກດີເທົ່າທີ່ຄວນ ໂດຍສະເພາະແມ່ນນິໄສໃຈຄໍ, ຄວາມຮູ້ ຄວາມສາມາດ, ພອນສະຫວັນ ແລະ ພອນສະແຫວງຂອງຜູ້ສະໝັກເລືອກຕັ້ງ ໄດ້ພຽງແຕ່ອ່ານປະຫວັດຫຍໍ້ຂອງຜູ້ກ່ຽວທີ່ຕິດໄວ້ສະຖານທີ່ເລືອກຕັ້ງເທົ່ານັ້ນ. ຜູ້ທີ່ເປັນຍາດຕິພີ່ນ້ອງກັນກັບຜູ້ທີ່ສະໝັກເລືອກຕັ້ງ ຫຼື ເປັນໄທບ້ານດຽວກັນ ກໍໂຄສະນາປ່ອນບັດໃຫ້ກັນ ແຕ່ໃນຄວາມເປັນຈິງແລ້ວ ຜູ້ສະໝັກເລືອກຕັ້ງຄົນນັ້ນບໍ່ໄດ້ມີຄວາມຮູ້ ຄວາມສາມາດຫຍັງເລີຍ ແຕ່ໄດ້ມາຍ້ອນຍາດຕິພີ່ນ້ອງ, ເພື່ອນມິດສະຫາຍ ແລະ ຄົນຮັກແພງ ຫາກບໍ່ແມ່ນໄດ້ມາດ້ວຍຄວາມສາມາດ… ສະນັ້ນເມື່ອໄດ້ເປັນສະມາຊິກສະພາແລ້ວ ຈີ່ງບໍ່ມີຄວາມກ້າຫານເວົ້າວ່າຫຍັງ ຫຼື ບໍ່ຮູ້ເວົ້າເລີຍ ຫຼື ເຖິງແມ່ນເວົ້າກໍເວົ້າແບບບໍ່ມີນໍ້າໜັກ ບໍ່ຕົງປະເດັນ, ມີຄຳເຫັນແບບຜິວເຜີນ ມີຄຳເຫັນເພື່ອມີຄຳເຫັນ ພໍໃຫ້ແລ້ວໄປ ພໍບໍ່ໃຫ້ຜູ້ອື່ນທັກທ້ວງ.

ການເລືອກຜູ້ສະໝັກເລືອກຕັ້ງ ຕ້ອງເບິ່ງໃຫ້ເລີກກ່ວາທີ່ມາດຖານ ເງື່ອນໄຂວາງໄວ້ ໂດຍສະເພາະແມ່ນຕ້ອງຂໍຄຳຄິດເຫັນຈາກພະນັກງານໃນອົງການຈັດຕັ້ງທີ່ຜູ້ກ່ຽວສັງກັດຢູ່ຈະເປັນການດີທີ່ສຸດ ເພາະ ພວກເຂົາຈະຮູ້ດີ ນິໄສໃຈຄໍ ຄວາມຮູ້ ຄວາມສາມາດ, ຄວາມຮັບຜິດຊອບ ກໍຄືພອນສະຫວັນໃນການເວົ້າວ່າຂອງຜູ້ກ່ຽວດີທີ່ສຸດ. ຖ້າພວກເຮົາຫາກຍັງເຮັດຕາມຮູບແບບເດີມໆ ທີ່ຜ່ານມາ ກໍຍັງຈະໄດ້ສະມາຊີກສະພາທີ່ບໍ່ມີຄຸນນະພາບຄືເກົ່າ. ຢ່າສຸ່ເອົາແຕ່ການເບິ່ງມາດ, ວາດຊົງຂອງຄົນເປັນຕົ້ນຕໍຄືທີ່ຜ່ານມາ ຕ້ອງເບິ່ງໃຫ້ເຫັນທາດແທ້ຂອງບຸກຄົນນັ້ນຕື່ມອີກ. ຖ້າພວກເຮົາຫາກຍັງອີງໃສ່ແຕ່ປະຊາຊົນເປັນຜູ້ເລືອກເປັນຫຼັກກໍຖືກຕ້ອງຢູ່ແລ້ວ ແຕ່ປະຊາຊົນສ່ວນໃຫ່ຍບໍ່ຮູ້ຜູ້ສະໝັກນັ້ນດອກວ່າໃນຕົວຈິງເປັນແນວໃດ ໃນທີ່ສຸດກໍໄດ້ແຕ່ບອກຕໍ່ໆກັນໄປວ່າວ່າ “ເອົາຜູ້ນີ້ແຫຼະ”, ແລ້ວຄຸນນະພາບຢູ່ບ່ອນໃດ?

ມາດຖານ, ເງື່ອນໄຂ ຂອງຜູ້ທີ່ຈະສະໝັກເລືອກຕັ້ງເປັນສະມາຊິກສະພາແຫ່ງຊາດ ແລະ ທ້ອງຖິ່ນ ຫຼື ສະພາເຂດ ໃນຊຸດຕໍ່ໄປ ຄວນເບິ່ງຄືນໃໝ່ - Wave100S AD to Website 2020 0 - ມາດຖານ, ເງື່ອນໄຂ ຂອງຜູ້ທີ່ຈະສະໝັກເລືອກຕັ້ງເປັນສະມາຊິກສະພາແຫ່ງຊາດ ແລະ ທ້ອງຖິ່ນ ຫຼື ສະພາເຂດ ໃນຊຸດຕໍ່ໄປ ຄວນເບິ່ງຄືນໃໝ່

 

 

ມາດຖານ, ເງື່ອນໄຂ ຂອງຜູ້ທີ່ຈະສະໝັກເລືອກຕັ້ງເປັນສະມາຊິກສະພາແຫ່ງຊາດ ແລະ ທ້ອງຖິ່ນ ຫຼື ສະພາເຂດ ໃນຊຸດຕໍ່ໄປ ຄວນເບິ່ງຄືນໃໝ່ - WhatsApp Image 2020 05 27 at 5 - ມາດຖານ, ເງື່ອນໄຂ ຂອງຜູ້ທີ່ຈະສະໝັກເລືອກຕັ້ງເປັນສະມາຊິກສະພາແຫ່ງຊາດ ແລະ ທ້ອງຖິ່ນ ຫຼື ສະພາເຂດ ໃນຊຸດຕໍ່ໄປ ຄວນເບິ່ງຄືນໃໝ່
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!