ໂດນັລ ທຣຳ ຈູເນຍ ລູກຊາຍກົກ ຂອງປະທານາທິບໍດີ ທຣຳ ຕິດໂຄວິດ-19

- UPDATE donald trump jr infected coronavirus WEB - ໂດນັລ ທຣຳ ຈູເນຍ ລູກຊາຍກົກ ຂອງປະທານາທິບໍດີ ທຣຳ ຕິດໂຄວິດ-19
- 174233 - ໂດນັລ ທຣຳ ຈູເນຍ ລູກຊາຍກົກ ຂອງປະທານາທິບໍດີ ທຣຳ ຕິດໂຄວິດ-19

ສຳນັກ​ຂ່າວ Bloomberg ລາຍ​ງານ​ໃນ​ວັນ​ທີ 20 ພະຈິກ​ຜ່ານ​ມາວ່າ: ​ໂດ​ນັລ ທຣຳ ຈູ​ເນຍ ​ໄດ້​ມີ​ຜົນ​ກວດກາ​ນຕິດ​ເຊື້ອ​ໂຄ​ວິດ-19 ​ເປັນ​ບວກ ນັບ​ແຕ່​ຕົ້ນອາທິດ​ຜ່ານ​ມາ ​ແລະ ​ໄດ້​ເຂົ້າສູ່​ຂະ​ບວນການ​ກັກ​ຕົວ​ຮຽບຮ້ອຍ​ແລ້ວ. ​ເຖິງ​ຢ່າງ​ໃດ​ກໍ​ຕາມ, ​ເບິ່ງ​ຄື​ວ່າ​ລູກ​ຊາຍ​ກົກ​ຂອງ​ທ່ານ ທຣຳ ຈະ​ບໍ່​ສະ​ແດງ​ອາການ​ປ່ວຍ​ຈາກ​ການ​ຕິດ​ເຊື້ອ​ໂຄ​ວິດ-19 ອອກ​ມາ.

​ໂຄສົກ​ຂອງ​ ທຣຳ ຈູ​ເນຍ ​ໄດ້​ອອກ​ມາ​ເປີດ​ເຜີຍ​ຕໍ່​ສຳນັກ​ຂ່າວ CNN ວ່າ: “ທຣຳ ຈູ​ເນຍ ມີ​ຜົນ​ກວດ​ຫາ​ການ​ຕິດ​ເຊື້ອ​ເປັນ​ບວກ​ນັບ​ແຕ່​ຕົ້ນອາທິດ​ຜ່ານ​ມາ ​ແລະ ​ໄດ້​ເຂົ້າສູ່​ຂະ​ບວນການ​ກັກ​ຕົວ​ໃນ​ຫ້ອງ​ພັກ​ຂອງ​ລາວ ນັບ​ແຕ່​ຜົນ​ການກວດ​ອອກ​ມາ”.

ທັງ​ນີ້ ທຣຳ ຈູ​ເນຍ ຍັງ​ໄດ້​ຊື່ວ່າ​ເປັນ​ບຸກຄົນ​ທີ່​ໃກ້ຊິດ​ກັບ​ປະທານາທິບໍດີ​ອາ​ເມ​ລິ​ກາ​ຄົນ​ຫລ້າ​ສຸດ​ທີ່​ກວດ​ພົບ​ການ​ຕິດ​ເຊື້ອ​ໂຄ​ວິດ-19 ຫລັງ​ຈາກ​ກ່ອນ​ໜ້າ​ນີ້​ໃນ​ເດືອນ​ຕຸລາ​ຜ່ານ​ມາ ທ່ານ ທຣຳ ຕິດ​ເຊື້ອ​ໂຄ​ວິດ-19 ຄົນ​ໃກ້​ຕົວ​ຂອງ​ທ່ານ ທັງ​ພັນ​ລະ​ຍາ ​ເມ​ລາ​ເນຍ ທຣຳ, ລູກ​ຊາຍ​ຫລ້າ ບາຣອນ, ​ເສນາ​ທິການ​ທຳນຽບຂາວ ມາກ ມີ​ໂດ ລວມທັງ​ຜູ້​ຊ່ວຍ​ລະດັບ​ສູງ​ຂອງ​ທ່ານ​ໃນ​ທຳນຽບຂາວ ​ແລະ ທີ​ມຫາ​ສຽງ​ເລືອກ​ຕັ້ງອາ​ເມ​ລິ​ກາ ລ້ວນ​ແລ້ວ​ແຕ່​ມີ​ຜົນ​ກວດ​ຫາ​ການ​ຕິດ​ເຊື້ອອອກ​ມາ​ເປັນ​ບວກ​ທັງ​ໝົດ.

- Wave100S AD to Website 2020 0 - ໂດນັລ ທຣຳ ຈູເນຍ ລູກຊາຍກົກ ຂອງປະທານາທິບໍດີ ທຣຳ ຕິດໂຄວິດ-19

ຫລ້າ​ສຸດ ຫລັງ​ຂ່າວ​ຢືນຢັນ​ການ​ຕິດ​ເຊື້ອຂອງ ທຣຳ ຈູ​ເນຍ ​ໄດ້​ເຜີຍ​ແຜ່​ອອກ​ໄປ ກໍ​ມີ​ລາຍ​ງານ​ທຳນຽບຂາວ​ໄດ້​ກວດ​ພົບ​ຜູ້​ຕິດ​ເຊື້ອ​ໂຄ​ວິດ-19 ລວມ​ເປັນ​ຈຳນວນ​ຢ່າງ​ໜ້ອຍ 4 ຄົນ​ແລ້ວ​ໃນ​ໄລຍະ​ບໍ່​ເທົ່າ​ມື້ຜ່ານ​ມາ ​ໂດຍ​ໜຶ່ງ​ໃນ​ນັ້ນຄື ​ແອນ​ດຣູ ຈິ​ວ​ເລຍ​ນີ ຜູ້​ຊ່ວຍ​ພິ​ເສດ​ຂອງ ທຣຳ ລູກ​ຊາຍ​ຂອງ ຣູດີ ຈິ​ວ​ເລຍ​ນີ ນັກ​ກົດໝາຍ​ຂອງ​ປະທານາທິບໍດີ​ອາ​ເມ​ລິ​ກາ.

- WhatsApp Image 2020 05 27 at 5 - ໂດນັລ ທຣຳ ຈູເນຍ ລູກຊາຍກົກ ຂອງປະທານາທິບໍດີ ທຣຳ ຕິດໂຄວິດ-19
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!