ກະຊວງການເງິນຮັບຮອງເອົາ 7 ເນື້ອໃນທິດທາງແຜນການ 5 ປີ

- 125501818 384278286324267 4179569069151624800 o - ກະຊວງການເງິນຮັບຮອງເອົາ 7 ເນື້ອໃນທິດທາງແຜນການ 5 ປີ
- 174233 - ກະຊວງການເງິນຮັບຮອງເອົາ 7 ເນື້ອໃນທິດທາງແຜນການ 5 ປີ

ກອງປະຊຸມໃຫຍ່ ຄັ້ງທີ III ຂອງອົງຄະນະພັກກະຊວງການເງິນ, ໄຂຂຶ້ນໃນ ວັນທີ 19 ພະຈິກ 2020 ໂດຍການເປັນປະທານຂອງ ສະຫາຍ ສົມດີ ດວງດີ ກຳມະການສູນກາງພັກ, ຮອງນາຍົກລັດຖະມົນຕີ, ເລຂາຄະນະບໍລິຫານງານພັກ, ລັດຖະມົນຕີກະຊວງການເງິນ, ໃຫ້ກຽດເຂົ້າຮ່ວມຂອງສະຫາຍ ພັນຄຳ ວິພາວັນ ກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດ ແຫ່ງ ສປປ ລາວ.

- 126055578 384278256324270 3515581571946944708 o 1024x620 - ກະຊວງການເງິນຮັບຮອງເອົາ 7 ເນື້ອໃນທິດທາງແຜນການ 5 ປີ

ກອງປະຊຸມໄດ້ພ້ອມກັນຄົ້ນຄວ້າ ແລະ ປະກອບຄຳຄິດຄຳເຫັນໃສ່ຮ່າງບົດລາຍງານການເມືອງ, ແຜນພັດທະນາຂະແໜງການເງິນ ໄລຍະ 05 ປີ (2021-2025), ບົດສຳຫຼວດການນຳພາລວມຂອງຄະນະບໍລິຫານງານພັກກະຊວງ, ກອງປະຊຸມໃຫຍ່ໄດ້ພ້ອມກັນຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ, ສາເຫດ, ບົດຮຽນໃນການນຳພາ-ຊີ້ນຳ ແລະ ການຈັດຕັ້ງປະຕິບັດມະຕິກອງປະຊຸມໃຫຍ່ໃນໄລຍະ 05 ປີຜ່ານມາ, ພ້ອມນັ້ນກອງປະຊຸມຍັງໄດ້ເປັນເອກະສັນກັນຮັບຮອງເອົາທິດທາງແຜນການ 05 ປີໃນຕໍ່ໜ້ານັບແຕ່ປີ 2021-2025 ເຊຶ່ງມີເນື້ອໃນຕົ້ນຕໍດັ່ງລຸ່ມນີ້:

(1) ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ ແລະ ມະຕິກອງປະຊຸມໃຫຍ່ຄັ້ງທີ III ຂອງອົງຄະນະພັກກະຊວງການເງິນ ໃຫ້ເປັນແຜນການ ແລະ ວຽກງານລະດ້ວຍການສ້າງບາດລ້ຽວໃໝ່ ແລະ ບຸກທະລຸໃນທຸກດ້ານ;

(2) ຕັ້ງໜ້າປັບປຸງລະບົບການຈັດຕັ້ງຂອງຂະແໜງການເງິນໃຫ້ກະທັດຮັດ, ໜັກແໜ້ນ ແລະ ເຂັ້ມແຂງມີຄວາມຄ່ອງຕົວ, ມີປະສິດທິພາບ ແລະ ປະສິດທິຜົນ, ມີຄວາມກົມກຽວລະຫວ່າງການຄຸ້ມຄອງລວມສູນຕາມສາຍຕັ້ງ ແລະ ສາຍຂວາງ ຂອງກະຊວງການເງິນ ແລະ ອົງການປົກຄອງທ້ອງຖິ່ນແຕ່ລະຂັ້ນ;

(3) ບໍາລຸງ ແລະ ກໍ່ສ້າງ ພະນັກງານ-ລັດຖະກອນຂະແໜງການເງິນໃຫ້ມີຄວາມໜັກແໜ້ນທາງດ້ານຄຸນທາດການ ເມືອງ, ຄຸນສົມບັນສິນທໍາປະຕິວັດ, ມີຈັນຍາບັນ, ຈັນຍາທຳ, ມີຄວາມເຂັ້ມແຂງທາງດ້ານວິຊາສະເພາະ ແລະ ສ້າງໃຫ້ເປັນລະບົບຄົບຊຸດເຂົ້າສູ່ມາດຕະຖານຕາມຕໍາແໜ່ງງານແຕ່ລະປະເພດ ແລະ ຫັນເປັນວິຊາຊີບ;

- Wave100S AD to Website 2020 0 - ກະຊວງການເງິນຮັບຮອງເອົາ 7 ເນື້ອໃນທິດທາງແຜນການ 5 ປີ

(4) ຕັ້ງໜ້າສູ້ຊົນປັບປຸງກົນໄກຄຸ້ມຄອງການເງິນ-ງົບປະມານໃຫ້ມີປະສິດທິພາບ ໂລ່ງລຽນ, ຫຼຸດຜ່ອນບັນ ດາຂອດຂັ້ນ ແລະ ສິ່ງອຸດຕັນຕ່າງໆ, ເຂັ້ມງວດປະຕິບັດວິໄນການເງິນ-ງົບປະມານ ຕາມການແບ່ງຂັ້ນຄຸ້ມຄອງແຕ່ສູນກາງລົງຮອດທ້ອງຖິ່ນ;

(5) ເປີດກວ້າງ ແລະ ເສີມຂະຫຍາຍສິດເປັນເຈົ້າການທາງດ້ານການເງິນ-ງົບປະມານໃຫ້ຂະແໜງການທ້ອງຖິ່ນ ຕາມທິດສ້າງແຂວງເປັນຫົວໜ່ວຍຍຸດທະສາດ,ສ້າງເມືອງໃຫ້ເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານໃຫ້ເປັນຫົວໜ່ວຍພັດທະນາ ທາງດ້ານການເງິນ;

(6) ພັດທະນາລະບົບຄຸ້ມຄອງຂໍ້ມູນຂ່າວສານການເງິນ-ງົບປະມານ ແລະ ການບໍລິຫານລັດດ້ວຍກົດໝາຍ ໃຫ້ມີຄວາມສັກສິດ, ເປັນທັນສະໄໝ ແລະ ກ້າວໄປສູ່ລະບົບດີຈີຕອນ;

(7) ເພີ່ມທະວີການຮ່ວມມື,ການເຊື່ອມໂຍງ ແລະ ການເຊື່ອມຈອດກັບພາກພື້ນ ແລະ ສາກົນ ທີ່ຕິດພັນກັບວຽກການເງິນ-ງົບປະມານ.

- WhatsApp Image 2020 05 27 at 5 - ກະຊວງການເງິນຮັບຮອງເອົາ 7 ເນື້ອໃນທິດທາງແຜນການ 5 ປີ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!