ທັງເສບທັງຂາຍ ຖືກຕັດສິນຈໍາຄຸກ 5 ປີ ພ້ອມປັບໃໝເງິນ 10 ລ້ານ

- Capture - ທັງເສບທັງຂາຍ ຖືກຕັດສິນຈໍາຄຸກ 5 ປີ ພ້ອມປັບໃໝເງິນ 10 ລ້ານ
- 174233 - ທັງເສບທັງຂາຍ ຖືກຕັດສິນຈໍາຄຸກ 5 ປີ ພ້ອມປັບໃໝເງິນ 10 ລ້ານ

ສານປະຊາຊົນຂັ້ນຕົ້ນນະຄອນຫຼວງວຽງຈັນ ໄດ້ພິຈາລະນາຄະດີຄ້າຂາຍຢາເສບຕິດ ພ້ອມຕັດສິນ ທ້າວ ພອນວິໄລ ອາຍຸ 23 ປີ ບ້ານນາຜາສຸກ ເມືອງໄຊທານີ ນະຄອນຫຼວງວຽງຈັນ ຈໍາຄຸກ 5 ປີ ປັບໃໝເງິນ 10 ລ້ານ ຕາມປະມວນກົດຫມາຍອາຍາ ມາດຕາ 315.

ທ້າວ ພອນວິໄລ ໄດ້ໃຫ້ການຮັບສາລະພາບຕໍ່ເຈົ້າຫນ້າທີ່ວ່າ: ເລີ່ມເສບຢາເສບຕິດ (ຢາບ້າ) ໃນປີ 2013 ເປັນຕົ້ນມາ, ຢາບ້າທີ່ຜູ້ກ່ຽວຊື້ມາເສບແມ່ນໃຫ້ຫມູ່ເປັນຄົນຊື້ມາໃຫ້ ຄັ້ງລະ 4-5 ເມັດ, ມາຮອດ ເດືອນ ກຸມພາ 2020, ໄດ້ໄປຫຼິ້ນເກມຢູ່ຮ້ານເກມຢູ່ບ້ານທາດຫຼວງ ແລ້ວໄດ້ຮູ້ຈັກກັບ ທ້າວ ນົກ ອາຍຸ 30

ປີ (ບໍ່ຮູ້ບ້ານ). ຈາກນັ້ນ, ຈຶ່ງໄດ້ເລີ່ມພົວພັນຊື້ຢາບ້ານໍາ 1 ຄັ້ງ ຈໍານວນ 100 ເມັດ, ພາຍຫຼັງໄດ້ຢາບ້າມາ ແລ້ວໄດ້ເອົາໄປຂາຍໃຫ້ກຸ່ມມົ້ວສຸມຢາເສບຕິດ.

ຕົກມາຮອດວັນທີ 18 ມີນາ 2020, ເວລາປະມານ 9 ໂມງ ໄດ້ໄປຊື້ຢາບ້າອີກຈໍານວນ 180 ເມັດ, ພາຍຫຼັງໄດ້ຢາບ້າມາແລ້ວ ກໍໄດ້ຂາຍໃຫ້ໄວລຸ້ນຈໍານວນຫນຶ່ງ ແລະ ເອົາໄວ້ເສບເອງ. ມາຮອດເວລາ 21 ໂມງ ຂອງມື້ດຽວກັນ, ຈຶ່ງຖືກເຈົ້າຫນ້າທີ່ ປກສ ກຸ່ມຫົວຊຽງ ກັກຕົວພ້ອມຂອງກາງຢາບ້າ ຈໍານວນ 170 ເມັດ.

- Wave100S AD to Website 2020 0 - ທັງເສບທັງຂາຍ ຖືກຕັດສິນຈໍາຄຸກ 5 ປີ ພ້ອມປັບໃໝເງິນ 10 ລ້ານ

ຜ່ານການຄົ້ນຄວ້າພິຈາລະນາບັນດາຂໍ້ມູນ, ຫຼັກຖານ ແລະ ເອກະສານຕ່າງໆທີ່ມີຢູ່ໃນສໍານວນຄະດີ ຢ່າງລະອຽດ, ຖີ່ຖ້ວນ, ຮອບດ້ານ ແລະ ພາວະວິໄສ ຂອງຄະນະສານອາຍາຂັ້ນຕົ້ນ ສານປະຊາຊົນ ນະຄອນຫຼວງວຽງຈັນ ເຫັນວ່າ: ມີຫຼັກຖານຮັດກຸມຫນັກແຫນ້ນ ແລະ ພຽງພໍຢັ້ງຢືນວ່າ: ການກະທໍາຂອງ ທ້າວ ພອນວິໄລ ເປັນການກະທໍາຜິດຕໍ່ປະມວນກົດຫມາຍອາຍາ ໃນຂໍ້ຫາການຄ້າຂາຍຢາບ້າ, ເຊິ່ງໄດ້ສົ່ງຜົນ ກະທົບຕໍ່ເສດຖະກິດຂອງຊາດ ຕາມທີ່ໄດ້ກໍານົດໄວ້ໃນຫມວດ 8 ຂອງປະມວນກົດຫມາຍອາຍາ ມາດຕາ 315. ຂອງກາງຢາບ້າ ຈໍານວນ 170 ເມັດ, ນໍ້າຫນັກ 16,9864 ກຼາມ. ໃນນັ້ນ, ໄດ້ນໍາໃຊ້ເຂົ້າໃນການພິ ສຸດວິໄຈ ຈໍານວນ 5 ເມັດ, ນ້ໍາຫນັກ 0,4996 ກຼາມ ຜ່ານການກວດພິສູດວິໄຈແລ້ວເຫັນວ່າ ຢາບ້າຈໍານວນ ດັ່ງກ່າວແມ່ນບັນຈຸສານເສບຕິດປະເພດ (MethamphetaMine tablet + ) ຕາມບົດສະຫຼຸບກວດພິ ສູດວິໄຈຢາຂອງກົມຕໍາຫຼວດນິຕິວິທະຍາ ສະບັບເລກທີ 11612/ກນວ, ລົງວັນທີ່ 10 ມີນາ 2020.

- WhatsApp Image 2020 05 27 at 5 - ທັງເສບທັງຂາຍ ຖືກຕັດສິນຈໍາຄຸກ 5 ປີ ພ້ອມປັບໃໝເງິນ 10 ລ້ານ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!