ວັກຊີນໂຄວິດ-19 ຂອງອ໊ອກຟອດໄດ້ຜົນ 70%

ວັກຊີນໂຄວິດ-19 ຂອງອ໊ອກຟອດໄດ້ຜົນ 70% - 4267b394 a02f 4a4c 89b6 87d976f7f079 - ວັກຊີນໂຄວິດ-19 ຂອງອ໊ອກຟອດໄດ້ຜົນ 70%
ວັກຊີນໂຄວິດ-19 ຂອງອ໊ອກຟອດໄດ້ຜົນ 70% - 174233 - ວັກຊີນໂຄວິດ-19 ຂອງອ໊ອກຟອດໄດ້ຜົນ 70%

ມະຫາວິທະຍາ​ໄລ​ອ໊ອກຟອດ ​ແລະ AstraZeneca ບໍລິສັດ​ຢາ ​ແລະ ​ເຕັກ​ໂນ​ໂລ​ຊີ​ຊີວະ​ພາບ​ຊັ້ນນຳ​ໃນ​ສະຫະຣາຊະ​ອານາຈັກ ​ເປີດ​ເຜີຍ​ຄວາມ​ຄືບ​ໜ້າ​ໃນ​ການ​ພັດທະນາ ​ແລະ ທົດ​ລອງ​ວັກ​ຊີ​ນ​ໂຄ​ວິດ-19 ​ໃນ​ຄົນ (​ໄລຍະ​ທີ 3) ​ໂດຍ​ພົບ​ວ່າ: ມີ​ປະສິດທິພາບ​ໃນ​ການ​ປ້ອງ​ກັນ​ໄວຣັສ 70%.

ການ​ປະກາດ​ຂໍ້​ມູນ​ດັ່ງກ່າວ​ມີ​ຂຶ້ນຫລັງ​ຈາກ Pfizer ​ແລະ Moderna ສອງ​ບໍລິສັດ​ຢາ​ຊັ້ນນຳ​ໃນ​ອາ​ເມ​ລິ​ກາ ​ເປີດ​ເຜີຍ​ຜົນ​ການ​ທົດ​ລອງ​ວັກ​ຊີ​ນວ່າ​ມີ​ປະສິດທິພາບ​ໃນ​ການ​ປ້ອງ​ກັນ​ໄວຣັສສູງ​ເຖິງ 95%.

​ເຖິງ​ຢ່າງ​ໃດ​ກໍ​ຕາມ, BBC ລາຍ​ງານ​ວ່າ: ວັກ​ຊີ​ນຂອງ​ອ໊ອກຟອດມີ​ລາຄາ​ຖືກ​ກວ່າ 2 ບໍລິສັດ​ເບື້ອງຕົ້ນ. ອີກ​ທັງ​ສາມາດ​ເກັບ​ຮັກສາ ​ແລະ ຂົນ​ສົ່ງ​ກະຈາຍ​ໄປ​ປະ​ເທດ​ອື່ນໆ​ທົ່ວ​ໂລກ​ໄດ້​ງ່າຍ​ກວ່າ. ດັ່ງນັ້ນ ຈຶ່ງ​ອາດ​ເປັນ​ອີກ​ທາງ​ເລືອກ​ທີ່​ສຳຄັນ​ໃນ​ການ​ຮັບ​ມື​ກັບ​ພະຍາດ​ລະບາດ ຖ້າ​ວັກ​ຊີ​ນຊະນິດ​ນີ້​ໄດ້​ຮັບ​ການ​ອະນຸມັດ​ຈາກໜ່ວຍ​ງານ​ທີ່​ກ່ຽວຂ້ອງ.

ກ່ອນ​ໜ້າ​ນີ້ ລັດຖະບານ​ສະຫະຣາຊະ​ອານາຈັກ​ໄດ້​ສັ່ງ​ຊື້ວັກ​ຊີ​ນຂອງ​ອ໊ອກຟອດລ່ວງ​ໜ້າ​ຈຳນວນ 100 ລ້ານ​ໂດ​ສ ​ເຊິ່ງພຽງພໍ​ຈະ​ສັກ​ໃຫ້​ປະຊາຊົນ 50 ລ້ານ​ຄົນ (ຄົນ​ລະ 2 ​ໂດ​ສ).

ການ​ທົດ​ລອງ​ວັກ​ຊີ​ນຂອງ​ອ໊ອກຟອດມີ​ອາສາ​ສະໝັກ​ເຂົ້າຮ່ວມ 20.000 ກວ່າ​ຄົນ ​ໂດຍ​ເຄິ່ງໜຶ່ງ​ທົດ​ລອງ​ຢູ່​ສະຫະຣາຊະ​ອານາຈັກ ​ແລະ ອີກ​ເຄິ່ງໜຶ່ງ​ຢູ່​ບຣາຊິ​ລ ​ເຊິ່ງຈາກ​ກຸ່ມ​ຜູ້​ຕິດ​ເຊື້ອທີ່​ພົບ​ໃນ​ລະຫວ່າງ​ການ​ທົດ​ລອງ​ພົບ​ວ່າ: ມີ​ຢູ່ 30 ກໍລະນີ​ຢູ່​ໃນ​ກຸ່ມ​ຜູ້​ທີ່​ໄດ້​ຮັບ​ວັກ​ຊີ​ນ 2 ​ໂດ​ສ ສ່ວນ​ອີກ 101 ຄົນ​ເປັນ​ກຸ່ມ​ທີ່​ໄດ້​ຮັບ​ຢາ​ຂີ້​ຕົວະ ​ເຊິ່ງຖື​ວ່າ​ມີ​ປະສິດທິພາບ 70%.

ວັກຊີນໂຄວິດ-19 ຂອງອ໊ອກຟອດໄດ້ຜົນ 70% - Wave100S AD to Website 2020 0 - ວັກຊີນໂຄວິດ-19 ຂອງອ໊ອກຟອດໄດ້ຜົນ 70%

​ເຖິງ​ຢ່າງ​ໃດ​ກໍ​ຕາມ, ຂໍ້​ມູນ​ພົບ​ວ່າ​ວັກ​ຊີ​ນນີ້​ອາດ​ໃຫ້​ປະສິດທິພາບ​ແຕກ​ຕ່າງ​ກັນ ນັບ​ແຕ່​ລະດັບ 62-90% ຂຶ້ນຢູ່​ກັບ​ສູດ​ການ​ໃຫ້​ວັກ​ຊີ​ນ ​ໂດຍ​ຜົນ​ການ​ທົດ​ລອງ​ໂດຍ​ໃຊ້​ສູດ​ໃຫ້​ວັກ​ຊີ​ນ​ໂດ​ສທຳ​ອິດ​ໃນ​ປະລິມານ​ເຄິ່ງໜຶ່ງ ຈາກ​ນັ້ນສັກ​ໂດ​ສທີ 2 ​ໃນ​ລະດັບ​ມາດຕະຖານ (ປະລິມານ​ສູງ) ນັ້ນພົບ​ວ່າ​ມີ​ປະສິດທິພາບ​ໃນ​ການ​ປ້ອງ​ກັນ​ໄວຣັສ 90%, ສ່ວນ​ອີກ​ສູດ​ທີ​ສັກ​ທັງ 2 ​ໂດ​ສທີ່​ລະດັບ​ມາດຕະຖານ​ພົບ​ວ່າ​ມີ​ປະສິດທິພາບ 62%.

ອ໊ອກຟອດ​ເຜີຍ​ວ່າ: ຈາກ​ການ​ທົດ​ລອງ​ຍັງ​ບໍ່​ພົບ​ຜົນ​ຂ້າງຄຽງ ຫລື ອັນຕະລາຍ​ຮ້າຍ​ແຮງ​ທີ່​ເກີດ​ກັບ​ຜູ້​ໄດ້​ຮັບ​ວັກ​ຊີ​ນ ​ແລະ ທີ່​ສຳຄັນ ວັກ​ຊີ​ນນີ້​ສາມາດ​ເກັບ​ຮັກສາ​ໄດ້​ໃນ​ອຸນຫະພູມ 2-8 ອົງສາ. ດັ່ງນັ້ນ ຈຶ່ງ​ບໍ່​ຈຳ​ເປັນ​ຕ້ອງ​ໃຊ້​ຕູ້​ແຊ່​ຊະນິດ​ພິ​ເສດ​ສຳລັບ​ເກັບ​ຮັກສາ​ວັກ​ຊີ​ນ​ໃນ​ອຸນຫະພູມ -90 ​ເຖິງ -70 ອົງສາ ຄື​ກັບ​ວັກ​ຊີ​ນຂອງ Pfizer ​ແລະ Moderna.

ວັກຊີນໂຄວິດ-19 ຂອງອ໊ອກຟອດໄດ້ຜົນ 70% - WhatsApp Image 2020 05 27 at 5 - ວັກຊີນໂຄວິດ-19 ຂອງອ໊ອກຟອດໄດ້ຜົນ 70%
error: Alert: ເນື້ອຫາຂ່າວມີລິຂະສິດ !!