Unicef ຈະສົ່ງວັກຊີນໂຄວິດໃຫ້ປະເທດທຸກຍາກປີໜ້າ

Unicef ຈະສົ່ງວັກຊີນໂຄວິດໃຫ້ປະເທດທຸກຍາກປີໜ້າ - 533811 - Unicef ຈະສົ່ງວັກຊີນໂຄວິດໃຫ້ປະເທດທຸກຍາກປີໜ້າ
Unicef ຈະສົ່ງວັກຊີນໂຄວິດໃຫ້ປະເທດທຸກຍາກປີໜ້າ - Untitled design - Unicef ຈະສົ່ງວັກຊີນໂຄວິດໃຫ້ປະເທດທຸກຍາກປີໜ້າ

ອົງການ​ທຶນ​ເພື່ອ​ເດັກ​ແຫ່ງ​ສະຫະ​ປະຊາ​ຊາດ ຫລື Unicef ຈະ​ຈັດ​ສົ່ງ​ວັກ​ຊີ​ນປ້ອງ​ກັນ​ພະຍາດ​ຕິດ​ເຊື້ອ​ໄວຣັສ​ໂຄ​ໂຣນາ 2019 ຫລື ​ໂຄ​ວິດ-19 ​ເກືອບ 2.000 ລ້ານ​ໂດ​ສ ​ໃຫ້​ກຸ່ມ​ປະ​ເທດ​ກຳລັງ​ພັດທະນາ​ໃນ​ປີໜ້າ.

Unicef ​ເປີດ​ເຜີຍ​ວ່າ: ອົງການ​ກຳລັງ​ປະສານ​ງານ​ກັບ​ສາຍ​ການບິນ ​ແລະ ບໍລິສັດ​ຂົນ​ສົ່ງ​ສິນຄ້າ 350 ກວ່າ​ແຫ່ງ​ໃນ​ການຈັດ​ສົ່ງ​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ​ເກືອບ 2.000 ລ້ານ​ໂດ​ສ ​ແລະ ຫລອດ​ສັກ​ຢາ 1.000 ລ້ານ​ຫລອດ ​ໃຫ້​ກຸ່ມ​ປະ​ເທດ​ທຸກ​ຍາກ​ເຊັ່ນ: ບຸຣຸນດີ, ອັບ​ກາ​ນິດ​ສະຖານ ​ແລະ ​ເຢ​ເມນ ​ເຊິ່ງ​ເປັນ​ສ່ວນ​ໜຶ່ງ​ຂອງ​ໂຄງການ COVAX ທີ່​ເປັນ​ແຜນ​ງານ​ຈັດ​ສັນ​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ຮ່ວມ​ກັບ​ອົງການ​ອະນາ​ໄມ​ໂລກ (WHO).

ຜູ້ອຳນວຍການ​ຝ່າຍ​ຈັດ​ຫາ​ຂອງ Unicef ລະບຸ​ໃນ​ຖະ​ແຫລ​ງການ​ວ່າ: ການ​ຮ່ວມ​ມື​ທີ່​ເກີດ​ຂຶ້ນຈະ​ດຳ​ເນີນ​ຕໍ່​ໄປ​ຈົນ Unicef ໝັ້ນ​ໃຈ​ວ່າ: ມີ​ຂີດ​ຄວາມ​ສາມາດ​ພຽງພໍ​ໃນ​ການຈັດ​ສົ່ງ​ວັກ​ຊີ​ນຄັ້ງສຳຄັນ​ທີ່​ສຸດ​ໃນ​ປະຫວັດສາດ ​ແລະ ອົງການ​ຕ້ອງ​ອາ​ໄສ​ການ​ຮ່ວມ​ມື​ຈາກ​ທຸກ​ຝ່າຍ​ໃນ​ການຈັດ​ສົ່ງ​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19, ຫລອດ​ສັກ​ຢາ ​ແລະ ອຸປະກອນ​ປ້ອງ​ກັນ​ສ່ວນ​ບຸກຄົນ ​ເພື່ອ​ປົກ​ປ້ອງ​ເຈົ້າໜ້າ​ທີ່​ທີ່​ປະຕິບັດ​ງານ​ໃນ​ແນວ​ໜ້າ​ທົ່ວ​ໂລກ.

Unicef ຈະສົ່ງວັກຊີນໂຄວິດໃຫ້ປະເທດທຸກຍາກປີໜ້າ - Wave100S AD to Website 2020 0 - Unicef ຈະສົ່ງວັກຊີນໂຄວິດໃຫ້ປະເທດທຸກຍາກປີໜ້າ

ຂໍ້​ມູນ​ຂອງ​ອົງການ​ອະນາ​ໄມ​ໂລກ ລະບຸ​ວ່າ: ມີ​ການ​ເຫ​ລື່ອມລ້ຳ​ໃນ​ການ​ເຂົ້າ​ເຖິງ​ວັກ​ຊີ​ນນັບ​ແຕ່​ກ່ອນ​ເກີດ​ການລະບາດ​ຂອງ​ພະຍາດ​ໂຄ​ວິດ-19 ​ເຊິ່ງ​ເຮັດ​ໃຫ້​ມີ​ເດັກນ້ອຍ​ປະມານ 20 ລ້ານ​ຄົນ​ບໍ່​ໄດ້​ຮັບ​ວັກ​ຊີ​ນຕ່າງໆ ທີ່​ຈະ​ຊ່ວຍ​ປ້ອງ​ກັນ​ພວກ​ເຂົາ​ຈາກ​ພະຍາດ​ຮ້າຍ, ການ​ເສຍ​ຊີວິດ, ຄວາມ​ທຸບ​ພົນ​ລະ​ພາບ ​ແລະ ສຸຂະພາບ​ທີ່​ບໍ່​ດີ.

Unicef ຈະສົ່ງວັກຊີນໂຄວິດໃຫ້ປະເທດທຸກຍາກປີໜ້າ - WhatsApp Image 2020 05 27 at 5 - Unicef ຈະສົ່ງວັກຊີນໂຄວິດໃຫ້ປະເທດທຸກຍາກປີໜ້າ
Unicef ຈະສົ່ງວັກຊີນໂຄວິດໃຫ້ປະເທດທຸກຍາກປີໜ້າ - WhatsApp Image 2020 05 27 at 5 - Unicef ຈະສົ່ງວັກຊີນໂຄວິດໃຫ້ປະເທດທຸກຍາກປີໜ້າ
error: Alert: ເນື້ອຫາຂ່າວມີລິຂະສິດ !!