8 ບັນຫາ ນາຍົກລັດຖະມົນຕີ ເນັ້ນໃຫ້ຄະນະບໍລິຫານງານພັກແຂວງຊຸດໃໝ່ ຂອງແຂວງ ສະຫວັນນະເຂດ

8 ບັນຫາ ນາຍົກລັດຖະມົນຕີ ເນັ້ນໃຫ້ຄະນະບໍລິຫານງານພັກແຂວງຊຸດໃໝ່ ຂອງແຂວງ ສະຫວັນນະເຂດ - Untitled design - 8 ບັນຫາ ນາຍົກລັດຖະມົນຕີ ເນັ້ນໃຫ້ຄະນະບໍລິຫານງານພັກແຂວງຊຸດໃໝ່ ຂອງແຂວງ ສະຫວັນນະເຂດ

ທ່ານ ທອງລຸນ ສີສຸລິດ ນາຍົກລັດຖະມົນຕີ ກ່າວ ໂອ້ລົມກອງປະຊຸມໃຫຍ່ອົງຄະນະພັກແຂວງ ສະຫວັນນະເຂດ ຄັ້ງທີ IX ທີ່ຈັດຂຶ້ນໃນລະຫວ່າງ ວັນທີ 20-21 ພະຈິກ 2020 ທ່ານໄດ້ເນັ້ນ 8 ບັນຫາ ໃຫ້ຄະນະບໍລິຫານງານພັກແຂວງຊຸດໃໝ່ ໄດ້ນຳໄປຈັດຕັ້ງປະຕິບັດດັ່ງນີ້:

ໃຫ້ເອົາໃຈໃສ່ໃນການຊອກເຫັນ ແລະ ນໍາໃຊ້ທ່າແຮງບົ່ມຊ້ອນຂອງແຂວງຢ່າງມີການຄົ້ນຄວ້າ, ວິໄຈຢ່າງຮັດກຸມ ແລະ ມີຫຼັກວິທະຍາສາດ, ຈັດວາງບູລິມະສິດ ຢ່າງຖືກຕ້ອງ, ມີປະສິດທິພາບຢ່າງແທ້ຈິງ, ປົກປ້ອງຄວາມເສຍຫາຍ, ໃຫ້ສາມາດເປັນກຳລັງແຮງຄ້ຳຈູນເສດຖະກິດຂອງແຂວງໃນໄລຍະສະເພາະໜ້າ ແລະ ຍາວນານ.
ໃຫ້ແຂວງເລີ່ມແຕ່ຫົວທີ່ໃນການຫັນເປັນອຸດສາຫະກຳ ແລະ ທັນສະໄໝ ມີແຕ່ເຮັດແນວນັ້ນເທົ່ານັ້ນ ຈິ່ງສາມາດຍົກລະດັບປັບປຸງຄຸນນະພາບຂອງສິນຄ້າ, ຄຸນນະພາບຂອງການບໍລິການ, ສຳຄັນຕ້ອງຮູ້ເຮັດການຕະຫຼາດໃນຍຸກໃໝ່, ຕ້ອງເອົາຕົວເຂົ້າໃນການແຂ່ງຂັນໃຫ້ໄດ້ ເພາະແຂວງສະຫວັນນະເຂດແມ່ນຢູ່ໃນແລວເສດຖະກິດຕາເວັນອອກ-ຕາເວັນຕົກ ທັງແລວເສດຖະກິດເໜືອ-ໃຕ້ອີກດ້ວຍ.
ແຂວງຕ້ອງຕັ້ງໜ້າປັບປຸງແປງວິທີການນໍາພາຂອງພັກ ແລະ ການບໍລິຫານລັດໄປພ້ອມໆກັນ, ໃຫ້ຖືອັນນີ້ຄືການກໍ່ສ້າງກັນ, ພັກຕ້ອງຮັກສາລັກສະນະນຳໜ້າ, ເປັນແບບຢ່າງໃນທຸກດ້ານຂອງການນຳທຸກຂັ້ນ, ກ້າຫັນເຂົ້າສູ່ຄວາມມີລະບຽບວິໄນ, ຕ້ານພະຍາດອາຍາສິດ, ບໍລິການປະຊາຊົນດ້ວຍຄວາມເຕັມໃຈ, ໂປ່ງໃສຕາມແນວທາງເອົາປະຊາຊົນເປັນກົກ, ເອົາຊົນນະບົດເປັນເປົ້າໝາຍ ໃຫ້ແກ່ການພັດທະນາ ຊ່ວຍປະຊາຊົນຮຽນຮູ້ວິຖີຊີວິດໃໝ່, ວິທີທຳມາຫາກິນແບບໃໝ່, ໃຫ້ປະຊາຊົນເຂົ້າເຖິງທຶນ, ເຂົ້າເຖິງເຕັກໂນໂລຊີ, ເຂົ້າເຖິງຕະຫຼາດ, ເດັດດ່ຽວຕ້ານກັບການລ່ວງລະເມີດສິດປະຊາທິປະໄຕ ແລະ ສິດເປັນເຈົ້າຂອງປະຊາຊົນ, ຕ້ານລັດທິເອກະຊົນຄັບແຄບ, ແນວຄິດພາກສ່ວນກຸ່ມກ້ອນຜົນປະໂຫຍດ ແລະ ບໍ່ເຄົາລົບລະບຽບວິໄນອອກຈາກຖັນແຖວພະນັກງານຢ່າງເດັດຂາດ, ຢາກເຮັດໄດ້ແນວນັ້ນພັກເຮົາແຕ່ເທິງລົງລຸ່ມຕ້ອງປະຕິບັດຫຼັກການຕິຊົມຕົນເອງ, ຕິຊົມກັນ ກໍ່ສ້າງກັນຢ່າງເຂັ້ມງວດ , ເອົາໃຈໃສ່ບຳລຸງ, ຍົກລະດັບເລຂາໜ່ວຍພັກ, ນາຍບ້ານໃຫ້ຮູ້ນຳພາຮາກຖານ ໃຫ້ມີການປ່ຽນແປງທີ່ດີຂຶ້ນ.
ໃຫ້ເອົາໃຈໃສ່ວຽກງານວັດທະນະທໍາ-ສັງຄົມ, ລົບລ້າງຄວາມທຸກຍາກ ເພື່ອເຮັດໃຫ້ປະເທດເຮົາມີພື້ນຖານ ແລະ ເງື່ອນໄຂຫຼຸດພົ້ນອອກຈາກສະຖຽນລະພາບ ເປັນປະເທດດ້ອຍພັດທະນາ, ເອົາໃຈໃສ່ປັງປຸງລະບົບການສຶກສາ, ປັບປຸງໂຮງຮຽນ, ຍົກລະດັບວຽກງານສາທາລະນະສຸກໃຫ້ດີຂຶ້ນກ່ວາເກົ່າ, ອົາໃຈໃສ່ເປັນພິເສດການພັດທະນາສາທາລະນະສຸກຢູ່ເຂດຫ່າງໄກສອກຫຼີກແລະຈັນຍາບັນຂອງແພດໝໍ.
ຕ້ອງເພີ່ມທະວີຄວາມເອົາໃຈໃສ່ ປັບປຸງກອງກໍາລັງ ປກຊ-ປກສ ໃຫ້ເຂັ້ມແຂງ ແລະ ທັນສະ ໄໝ, ປຸກລະດົມ-ຂົນຂວາຍ ທົ່ວສັງຄົມໃຫ້ມີສະຕິຕື່ນຕົວສູງ ປະກອບສ່ວນເຂົ້າໃນການປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານຂອງພັກເຮົາ ແລະ ເຮັດໃຫ້ວຽກງານດັ່ງກ່າວນີ້ກາຍເປັນໜ້າທີ່ ແລະ ຄວາມຮັບຜິດຊອບລວມຂອງທົ່ວປວງຊົນຢ່າງແທ້ຈິງ,ຈຶ່ງຈະສາມາດສ້າງພູມຕ້ານທານ ແລະ ສູ້ຢັນກັບປະກົດການຫຍໍ້ທໍ້ໄດ້, ເປັນຕົ້ນການຄ້າຂາຍເຖື່ອນ, ບັນຫາຢາເສບຕິດ, ອາດສະຍາກຳ, ອຸບັດຕິເຫດ ແລະ ຄວາມບໍ່ເປັນລະບຽບຮຽບຮ້ອຍໃນສັງຄົມ, ທັງສາມາດປົກປັກຮັກສາອະທິປະໄຕຂອງຊາດໄດ້ຢ່າງເປັນເຈົ້າການ ຕິດພັນກັບການພັດທະນາສ້າງສາຊ່ວຍຊູ່ຍູ້ໜູນເຊິ່ງກັນ ແລະ ກັນ.
ປັບປຸງກົງຈັກບໍລິຫານລັດແຕ່ລະຂັ້ນໃຫ້ໜັກແໜ້ນ, ເຂັ້ມແຂງ, ເຮັດຖືກຕາມທິດຊີ້ນຳຂອງລັດຖະບານ, ຈັດວາງ, ສັບຊ້ອນລັດຖະກອນເຂົ້າໃສ່ແຕ່ລະຕຳແໜ່ງງານໃຫ້ຖືກຕ້ອງຕາມຄວາມສາມາດ, ມີຄຸນນະພາບ, ແນໃສ່ເຮັດໃຫ້ກົງຈັກກະທັດຮັດ ແລະ ມີປະສິດທິພາບສູງ, ພ້ອມນັ້ນ ກໍ່ເອົາໃຈໃສ່ຕິດຕາມ, ກວດກາ ແລະ ເຄື່ອນໄຫວໂຄສະນາເຜີຍແຜ່ລະບຽບກົດໝາຍຕ່າງໆໃຫ້ທົ່ວເຖິງ, ເພີ່ມທະວີການຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍຢ່າງເຂັ້ມງວດ.
ພາຍຫຼັງສໍາເລັດກອງປະຊຸມໃຫຍ່ຄັ້ງນີ້ແລ້ວ ໃຫ້ຮີບຮ້ອນແບ່ງວຽກ-ແບ່ງງານ, ແບ່ງຄວາມຮັບ ຜິດຊອບພາຍໃນຄະນະບໍລິຫານງານພັກແຂວງ, ຄະນະປະຈຳພັກແຂວງໃຫ້ລະອຽດ, ຈະແຈ້ງຕາມຂະແໜງການ ບໍ່ໃຫ້ເລືອກວຽກ, ຕ້ອງເຊີດຊູຄວາມເປັນເຈົ້າການຕໍ່ໜ້າທີ່ການເມືອງ, ທຸ້ມເທເຫື່ອແຮງ, ສະຕິປັນຍາ, ຄວາມຮູ້, ຄວາມສາມາດ, ມີຄວາມເສຍສະຫຼະ ເພື່ອເຮັດໃຫ້ສຳເລັດໜ້າທີ່, ເພື່ອຄວາມສົບບູນພູນສຸກຂອງປະຊາຊົນ ເພື່ອຄວາມຈະເລີນພັດທະນາຂອງປະເທດຊາດ.

8 ບັນຫາ ນາຍົກລັດຖະມົນຕີ ເນັ້ນໃຫ້ຄະນະບໍລິຫານງານພັກແຂວງຊຸດໃໝ່ ຂອງແຂວງ ສະຫວັນນະເຂດ - Wave100S AD to Website 2020 0 - 8 ບັນຫາ ນາຍົກລັດຖະມົນຕີ ເນັ້ນໃຫ້ຄະນະບໍລິຫານງານພັກແຂວງຊຸດໃໝ່ ຂອງແຂວງ ສະຫວັນນະເຂດ
8 ບັນຫາ ນາຍົກລັດຖະມົນຕີ ເນັ້ນໃຫ້ຄະນະບໍລິຫານງານພັກແຂວງຊຸດໃໝ່ ຂອງແຂວງ ສະຫວັນນະເຂດ - WhatsApp Image 2020 05 27 at 5 - 8 ບັນຫາ ນາຍົກລັດຖະມົນຕີ ເນັ້ນໃຫ້ຄະນະບໍລິຫານງານພັກແຂວງຊຸດໃໝ່ ຂອງແຂວງ ສະຫວັນນະເຂດ
8 ບັນຫາ ນາຍົກລັດຖະມົນຕີ ເນັ້ນໃຫ້ຄະນະບໍລິຫານງານພັກແຂວງຊຸດໃໝ່ ຂອງແຂວງ ສະຫວັນນະເຂດ - WhatsApp Image 2020 05 27 at 5 - 8 ບັນຫາ ນາຍົກລັດຖະມົນຕີ ເນັ້ນໃຫ້ຄະນະບໍລິຫານງານພັກແຂວງຊຸດໃໝ່ ຂອງແຂວງ ສະຫວັນນະເຂດ
error: Alert: ເນື້ອຫາຂ່າວມີລິຂະສິດ !!