ສ້າງຂີດຄວາມສາມາດໃນການເຜີຍແຜ່ຄວາມຮູ້ໃຫ້ອາສາສະໝັກຊາວຫນຸ່ມ

ສ້າງຂີດຄວາມສາມາດໃນການເຜີຍແຜ່ຄວາມຮູ້ໃຫ້ອາສາສະໝັກຊາວຫນຸ່ມ - 003 3 - ສ້າງຂີດຄວາມສາມາດໃນການເຜີຍແຜ່ຄວາມຮູ້ໃຫ້ອາສາສະໝັກຊາວຫນຸ່ມ
ສ້າງຂີດຄວາມສາມາດໃນການເຜີຍແຜ່ຄວາມຮູ້ໃຫ້ອາສາສະໝັກຊາວຫນຸ່ມ - Untitled design - ສ້າງຂີດຄວາມສາມາດໃນການເຜີຍແຜ່ຄວາມຮູ້ໃຫ້ອາສາສະໝັກຊາວຫນຸ່ມ

ເມື່ອບໍ່ດົນມານີ້, ອົງການສະຫະປະຊາຊາດ ກອງທຶນເພື່ອປະ ຊາກອນ (UNFPA) ແລະ ສູນກາງຊາວໜຸ່ມ ໄດ້ຈັດຝຶກອົບຮົມ ເພື່ອຍົກສູງຂີດຄວາມສາມາດ ໃນການ ເຜີຍແຜ່ຄວາມຮູ້ໃຫ້ແກ່ອາສາສະໝັກຊາວໜຸ່ມຈໍານວນ 20 ຄົນ ຂຶ້ນທີນະຄອນຫລວງວຽງວຽງຈັນ ເປັນເວລາ 3 ວັນ ພາຍໃຕ້ຫົວ ຂໍ້ “ຂ້ອຍ, ຮ່າງກາຍຂອງຂ້ອຍ, ໂລກຂອງຂ້ອຍ, ອະນາຄົດຂອງຂ້ອຍ”. ເພື່ອແນໃສ່ໃຫ້ຊາວໜຸ່ມໄດ້ຮຽນຮູ້ ກ່ຽວກັບຄຳໝັ້ນສັນຍາຂອງກອງປະຊຸມສາກົນວ່າດ້ວຍປະຊາກອນ ແລະ ການພັດ ທະນາ, ໂດຍຊຸມໃສ່ວຽກງານກ່ຽວກັບບົດບາດຍິງຊາຍ, ການສຶກສາ ແລະ ການປົກປ້ອງທາງສັງຄົມ ພ້ອມທັງເສີມສ້າງທັກສະຕ່າງໆ ໃຫ້ແກ່ພວກເຂົາໃນການພົວພັນກັບໝູ່ເພື່ອນອ້ອມຂ້າງ.

ການອົບຮົມດັ່ງກ່າວ, ຍັງເປັນໂອກາດອັນດີໃນການເສີມສ້າງຂີດຄວາມສາມາດ, ພາວະຄວາມເປັນຜູ້ນໍາໃຫ້ແກ່ໄວໜຸ່ມ ຜ່ານທັກສະການສື່ສານ, ທັກສະການຊ່ວຍເຫລືອ ແລະ ທັກສະການ ນໍາສະເໜີ, ທັກສະໃນການຈັດກິດຈະກໍາ/ຄຳຂັວນ ທັງຜ່ານສື່ສັງຄົມອອນລາຍ ແລະ ການປະຕິບັດຕົວຈິງ, ເພື່ອເປັນການສຳເລັດການຝຶກອົບຮົມໃນຄັ້ງນີ້, ຊາວໜຸ່ມໄດ້ມີການລົງຢ້ຽມຢາມໂຮງຮຽນເພື່ອເປັນການຝຶກນຳໃຊ້ທັກສະການນໍາສະເໜີ ຂອງພວກເຂົາ ແລະ ພວກເຂົາຍັງຈະໄດ້ຮັບຮູ້ຫລາຍຂຶ້ນກ່ຽວກັບວຽກງານຂອງສະຫະປະຊາຊາດ, ໂດຍສະເພາະແມ່ນ ໂຄງການອາສາສະໝັກຂອງສະຫະປະ ຊາຊາດ ໃນ ສປປ ລາວ ອີກດ້ວຍ.

ອາສາສະໝັກຊາວໜຸ່ມ ຍັງໄດ້ຮຽນຮູ້ກ່ຽວກັບນາງນ້ອຍ ຜ່ານແຜນງານນາງນ້ອຍ ແລະ ລະ ບົບນິເວດສຳລັບນາງນ້ອຍ ແລະ ກິດຈະກຳເຕົ້າໂຮມ ກຸ່ມນາງນ້ອຍ ເພື່ອການມີສ່ວນຮ່ວມ ໃນການສົ່ງເສີມສິດທິຂອງໄວໜຸ່ມຍິງ ແລະ ຕໍ່ຕ້ານການປະຕິບັດທີ່ເປັນອັນຕະລາຍຕໍ່ພວກເຂົາ. ໄວໜຸ່ມຊາຍກໍໄດ້ຮຽນຮູ້ ກ່ຽວກັບບົດບາດສໍາຄັນຂອງພວກເຂົາ ໃນຖານະເປັນໄວໜຸ່ມຊາຍ ເພື່ອສະໜັບສະໜູນສິດທິຂອງແມ່ຍິງ ແລະ ເດັກຍິງ ລວມເຖິງການເຜີຍແຜ່ໂດຍການເປັນຕົວຢ່າງເພື່ອການປ່ຽນແປງທີ່ດີ.

ສ້າງຂີດຄວາມສາມາດໃນການເຜີຍແຜ່ຄວາມຮູ້ໃຫ້ອາສາສະໝັກຊາວຫນຸ່ມ - Wave100S AD to Website 2020 0 - ສ້າງຂີດຄວາມສາມາດໃນການເຜີຍແຜ່ຄວາມຮູ້ໃຫ້ອາສາສະໝັກຊາວຫນຸ່ມ

ຫົວຂໍ້ “ຂ້ອຍ, ຮ່າງກາຍຂອງຂ້ອຍ, ໂລກຂອງຂ້ອຍ, ອະນາຄົດຂອງຂ້ອຍ” ແມ່ນສ່ວນໜຶ່ງຂອງຍຸດທະສາດທົ່ວໂລກ ຂອງອົງການ UNFPA ເພື່ອເດັກ ແລະ ໄວໜຸ່ມ, ໂດຍຖືເອົາໄວໜຸ່ມ ຄວາມສາມາດຂອງພວກເຂົາ, ຄວາມຫວັງ, ທັດສະນະຄະຕິ ແລະ ຄວາມຕ້ອງການທີ່ແຕກຕ່າງຂອງພວກເຂົາ ເປັນຈຸດໃຈກາງໃນການພັດທະນາແບບຍືນຍົງ. ໂດຍວຽກງານດັ່ງກ່າວ, ຈະສະໜັບສະໜູນຄວາມສໍາເລັດຂອງພວກເຂົາ ເພື່ອເສີມສ້າງຄົນຮຸ່ນຫລັງ ທີ່ຈະເປັນປະໂຫຍດຕໍ່ຊັດສ່ວນດ້ານປະ ຊາກອນໃນອະນາຄົດ. ຄົນໄວໜຸ່ມ ຈະໄດ້ຮັບຮູ້ເຖິງສິດທິຂອງພວກເຂົາ ໃນການຕັດສິນໃຈທີ່ຖືກຕ້ອງຕໍ່ຮ່າງກາຍ, ຕໍ່ຊີວິດ ແລະ ຕໍ່ໂລກ ທີ່ພວກເຂົາອາໄສຢູ່ ເຊິ່ງເປັນເລື່ອງຂອງຄວາມຍຸຕິທຳ ແລະ ທັງເປັນໂຕຂັບເຄື່ອນ ຂອງຜົນຕອບແທນໃນຊົ່ວຊີວິດຂອງພວກເຂົາເອງ.

ສ້າງຂີດຄວາມສາມາດໃນການເຜີຍແຜ່ຄວາມຮູ້ໃຫ້ອາສາສະໝັກຊາວຫນຸ່ມ - WhatsApp Image 2020 05 27 at 5 - ສ້າງຂີດຄວາມສາມາດໃນການເຜີຍແຜ່ຄວາມຮູ້ໃຫ້ອາສາສະໝັກຊາວຫນຸ່ມ
ສ້າງຂີດຄວາມສາມາດໃນການເຜີຍແຜ່ຄວາມຮູ້ໃຫ້ອາສາສະໝັກຊາວຫນຸ່ມ - WhatsApp Image 2020 05 27 at 5 - ສ້າງຂີດຄວາມສາມາດໃນການເຜີຍແຜ່ຄວາມຮູ້ໃຫ້ອາສາສະໝັກຊາວຫນຸ່ມ
error: Alert: ເນື້ອຫາຂ່າວມີລິຂະສິດ !!