ອີຕາລີຂູ່ປິດແຄມຝັ່ງຖ້າເອີຣົບ ບໍ່ຊ່ວຍແບ່ງເບົາພາລະຜູ້ອົບພະຍົບ

- advert banner 728 90 728x90 - ອີຕາລີຂູ່ປິດແຄມຝັ່ງຖ້າເອີຣົບ ບໍ່ຊ່ວຍແບ່ງເບົາພາລະຜູ້ອົບພະຍົບ

- lk9y2eon - ອີຕາລີຂູ່ປິດແຄມຝັ່ງຖ້າເອີຣົບ ບໍ່ຊ່ວຍແບ່ງເບົາພາລະຜູ້ອົບພະຍົບ

- new3 - ອີຕາລີຂູ່ປິດແຄມຝັ່ງຖ້າເອີຣົບ ບໍ່ຊ່ວຍແບ່ງເບົາພາລະຜູ້ອົບພະຍົບ

ລັດຖະບານ​ອີ​ຕາ​ລີ​ອາດ​ປິດ​ແຄມ​ຝັ່ງ​ບໍ່​ໃຫ້​ເຮືອ​ຊ່ວຍ​ເຫລືອ​ຜູ້​ອົບ​ພະຍົບ​ເຂົ້າຈອດ​ທ່າ, ຖ້າ​ສະຫະພາບ​ເອີຣົບຍັງ​ບໍ່​ເລັ່ງ​ແກ້​ໄຂ​ວິ​ກິດ​ການ​ທີ່​ເກີດ​ຂຶ້ນ ​ໂດຍ​ການຈັດ​ສັນ​ໂກ​ຕ້າ​ຜູ້​ອົບ​ພະຍົບ​ໃຫ້​ເປັນ​ທຳ​ຫລາຍ​ກວ່າ​ນີ້.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ປາຣີ ປະ​ເທດ​ຝຣັ່ງ ​ໃນ​ວັນ​ທີ 3 ກໍລະກົດ​ນີ້​ວ່າ: ທ່ານ ມາ​ໂກ ມິນ​ນິຕີ ລັດຖະມົນຕີ​ກະຊວງ​ປ້ອງ​ກັນ​ປະ​ເທດ​ຂອງ​ອີ​ຕາ​ລີ ກ່າວ​ຫລັງ​ປະຊຸມ​ຮ່ວມ​ກັບ​ທ່ານ ​ໂທ​ມັດ ​ເດິ ​ໄມ​ເຊຍ​ເຣ ລັດຖະມົນຕີ​ກະຊວງ​ປ້ອງ​ກັນ​ປະ​ເທດ​​ເຢຍລະ​ມັນ ​ແລະ ທ່ານ ​ເຈຣາ ກໍ​ລອມ ລັດຖະມົນຕີ​ກະຊວງ​ປ້ອງ​ກັນ​ປະ​ເທດ​ຝຣັ່ງ ຢູ່​ນະຄອນຫລວງ​ປາຣີ ​ໃນ​ວັນ​ທີ 2 ກໍລະກົດ​ວ່າ: ສະຖານະ​ການ​ຜູ້​ອົບ​ພະຍົບທາງ​ເຮືອ​ໃນ​ປີ​ນີ້​ຮຸນ​ແຮງຂຶ້ນ ​ໂດຍ​ສະຖິຕິ​ເຮືອ​ຜູ້​ອົບ​ພະຍົບຂຶ້ນຝັ່ງ​ຢູ່​ອີ​ຕາ​ລີ​ໃນ​ໄລຍະ​ເຄິ່ງປີ​ທຳ​ອິດ​ເພີ່ມ​ຂຶ້ນ​ເກືອບ 19% ​ເມື່ອ​ທຽບ​ໃສ່​ໄລຍະ​ເວລາ​ດຽວ​ກັນ​ຂອງ​ປີຜ່ານມາ.

- migrants saved off Libya - ອີຕາລີຂູ່ປິດແຄມຝັ່ງຖ້າເອີຣົບ ບໍ່ຊ່ວຍແບ່ງເບົາພາລະຜູ້ອົບພະຍົບ

​ເຖິງ​ວ່າ​ເຮືອ​ຂອງ​ນາໆ​ຊາດ​ທັງ​ຈາກ​ສະຫະພາບ​ເອີຣົບ (EU) ​ແລະ ອົງການ​ບໍ່​ສະ​ແຫວ​ງຫາ​ຜົນ​ກຳ​ໄລ (NGO) ອີກ​ຫລາຍ​ແຫ່ງ ຮ່ວມ​ກັນ​ໃຫ້​ຄວາມ​ຊ່ວຍ​ເຫລືອ​ຜູ້​ອົບ​ພະຍົບທາງ​ເຮືອ​ຢ່າງ​ເຕັມ​ສ່ວນ, ​ແຕ່​ການ​ລາກ​ແກ່​ເຮືອ​ທັງ​ໝົດ​ໃຫ້​ມາ​ຂຶ້ນຝັ່ງ​ຢູ່​ອີ​ຕາ​ລີ​ພຽງ​ປະ​ເທດ​ດຽວນັ້ນບໍ່​ເປັນ​ທຳ ​ແລະ ສ້າງ​ແຮງ​ກົດ​ດັນ​ມະຫາສານ​ໃຫ້​ແກ່​ລັດຖະບານ​ໂຣມ ​ເນື່ອງ​ຈາກ​ກົດ​ຂອງ EU ລະບຸ​ວ່າ: ຜູ້​ອົບ​ພະຍົບຕ້ອງ​ຍື່ນ​ເລື່ອງ​ຂໍ​ສະຖານະ​ຜູ້​ລີ້​ໄພ​ກັບ​ລັດຖະບານ​ຂອງ​ປະ​ເທດ​ທຳ​ອິດ​ທີ່​ເດີນທາງ​ມາ​ເຖິງ. ຂະນະ​ທີ່​ທ່ານ ​ເດິ ​ໄມ​ເຊຍ​ເຣ ​ແລະ ທ່ານ ກໍ​ລອມ ຢືນຢັນ​ວ່າ: ທຸກ​ຝ່າຍ​ທີ່​ກ່ຽວຂ້ອງ​ຕ້ອງ​ມີ​ການ​ຕອບ​ສະໜອງ​ຮ່ວມ​ກັນ​ຕໍ່​ສະຖານະ​ການ​ທີ່​ກຳລັງ​ເກີດ​ຂຶ້ນຢູ່​ອີ​ຕາ​ລີ.

 

- lattana 1 - ອີຕາລີຂູ່ປິດແຄມຝັ່ງຖ້າເອີຣົບ ບໍ່ຊ່ວຍແບ່ງເບົາພາລະຜູ້ອົບພະຍົບ

+ EU ຂໍປະເທດສະມາຊິກຊ່ວຍແບ່ງຮັບຜູ້ອົບພະຍົບຫລາຍຂຶ້ນ

+ ຍາມຝັ່ງອີຕາລີຊ່ວຍຜູ້ອົບພະຍົບ 6.000 ຄົນຈາກທະເລເມດິເຕຣາເນ

 

ທັງ​ນີ້, ນາຍົກລັດຖະມົນຕີ ​ເປົາ​ໂລ ​ເຈຕິ​ໂລ​ນີ ຜູ້ນຳ​ອີ​ຕາ​ລີ ກ່າວ​ໃນ​ອາທິດ​ຜ່ານ​ມາ​ວ່າ: ຖ້າ​ຍັງ​ບໍ່​ມີ​ການຈັດ​ສັນ​ໂກ​ຕ້າ​ຜູ້​ອົບ​ພະຍົບຢ່າງ​ເທົ່າ​ທຽມ​ ​ເພື່ອ​​ແບ່ງ​ເບົາ​ພາລະ​ຂອງ​ອີ​ຕາ​ລີ, ລັດຖະບານ​ໂຣມອາດ​ຈຳ​ເປັນ​ຕ້ອງ​ໃຊ້​ມາດ​ຕະການ​ຫ້າມ​ເຮືອ​ຂອງ​ໜ່ວຍ​ງານ​ຕ່າງປະ​ເທດ​ທີ່​ຊ່ວຍ​ເຫລືອ​ຜູ້​ອົບ​ພະຍົບທາງ​ທະ​ເລ​ເຂົ້າຈອດ​ທ່າ​ຢູ່​ອີ​ຕາ​ລີ, ສ່ວນ​ທ່ານ ດິມິຣິສ ອາບຣາ​ໂມ​ປູ​ລອດ ກຳມາ​ທິການ​ດ້ານ​ຜູ້​ອົບ​ພະຍົບຂອງ EU ກ່າວ​ວ່າ: EU ຈະ​ເພີ່ມ​ງົບປະມານ​ສະໜັບສະໜູນ​ອີ​ຕາ​ລີ​ໃນ​ການ​ແກ້​ໄຂ​ບັນຫາ​ຜູ້​ອົບ​ພະຍົບທາງ​ເຮືອ ​ແລະ ຮຽກຮ້ອງ​ໃຫ້​ລັດຖະບານ​ໂຣມ​ແກ້​ໄຂ​ສະຖານະ​ການ​ດ້ວຍ​ຄວາມ​ຮອບ​ຄອບ.

ລາຍ​ງານ​ຂອງ​ສຳນັກງານ​ຂ້າ​ຫລວງ​ໃຫຍ່​ຜູ້​ລີ້​ໄພ​ແຫ່ງ​ສະຫະ​ປະຊາ​ຊາດ (UNHCR) ລະບຸ​ວ່າ: ​ເອີຣົບ​ໃຫ້ການ​ຊ່ວຍ​ເຫລືອ​ຜູ້​ອົບ​ພະຍົບທາງ​ເຮືອ​ຫລາຍ​ກວ່າ 83.000 ຄົນ​ແລ້ວ​ນັບ​ແຕ່​ຕົ້ນປີ​ນີ້, ​ແຕ່​ມີ​ຜູ້​ເສຍ​ຊີວິດ​ລະຫວ່າງ​ພະຍາຍາມ​ເດີນທາງ​ຂ້າມ​ທະ​ເລ​ເມ​ດິ​ເຕລາ​​ເນ​ແລ້ວ​ຫລາຍ​ກວ່າ 2.160 ຄົນ.

error: Content is protected !!