ທຣຳ ຍອມມອບໂອນອຳນາດ, ໄບເດັນໄດ້ຮັບສິດທິຫຍັງແດ່?

ລາຍງານຈາກສຳນັກຂ່າວ ເອພີ ເມື່ອວັນທີ 25 ພະຈິກນີ້ວ່າ ວັນທີ 23 ພະຈິກຜ່ານມາ ທ່ານ ນາງ ອີມີລີ ມູຟີ ຫົວໜ້າຜູ້ຈັດການໃນທຳນຽບຂາວ ປະກາດທ່າທີວ່າຈະມອບໂອນອຳນາດໃຫ້ອຳນາດການປົກຄອງໃໝ່ຂອງທ່ານ ໄບເດັນ ພາຍຫຼັງ ທຣຳ ຮຽກຮ້ອງໃຫ້ເຂົາວ່າ “ເຮັດທຸກຢ່າງທີ່ຈະເຮັດໄດ້ ເພື່ອປະໂຫຍດລວມຂອງປະເທດຊາດ”, ເຖິງບໍ່ໄດ້ເວົ້າອອກຕົງໆ ແຕ່ກໍມີຄວາມໝາຍວ່າ ທຣຳ ຍອມມອບໂອນອຳນາດໃຫ້ແກ່ ໄບເດັນ ແຕ່ຍັງຢືນຢັນວ່າຍັງຈະສືບຕໍ່ສູ້ຢັນທາງກົດໝາຍຕໍ່ໄປກັບຜົນການເລືອກຕັ້ງ.

ຫຼັງຈາກນີ້ ທ່ານ ໄບເດັນຈະໄດ້ຮັບສິດທິໃນການໃຊ້ຈ່າຍເງິນຂອງທຳນຽບຂາວ, ມີສິດທິໃນການຮັບຮູ້ຂໍ້ມູນຂ່າວສານລັບ, ມີສິດທິນຳໃຊ້ທຳນຽບຂາວໃນເນື້ອທີ່ 16.200ມ2…

ເມື່ອວັນທີ 23 ພະຈິກ ໄບເດັນໄດ້ປະກາດຄະນະລັດຖະບານຊຸດໃໝ່ຂອງເຂົາ ຊຶ່ງໄດ້ປະກາດແຕ່ງຕັ້ງທ່ານ Antony Blinken ເປັນລັດຖະມົນຕີການຕ່າງປະເທດ, ທ່ານ Alejandro Mayorkas ເປັນລັດຖະມົນຕີປ້ອງກັນຄວາມສະຫງົບພາຍໃນ, ທ່ານນາງ Linda Thomas-Greenfield ເປັນທູດປະຈຳຢູ່ສະຫະປະຊາຊາດ ແລະ ທ່ານ Avril Haines ເປັນຫົວໜ້າຂ່າວກອງແຫ່ງຊາດ ແລະ ຄາດວ່າ ຈະແຕ່ງຕັ້ງທ່ານ Janet Yellen ອະດີດຫົວໜ້າການຄັງທຳນຽບຂາວ ເປັນລັດຖະມົນຕີກະຊວງການເງິນ.