ເຂດພັດທະນາກວມລວມໄຊເສດຖາ ເມືອງໃໝ່ຂອງນະຄອນຫລວງວຽງຈັນ ຈະສ້າງໃຫ້ສຳເລັດໃນປີ 2030

ເຂດພັດທະນາກວມລວມໄຊເສດຖາ ເມືອງໃໝ່ຂອງນະຄອນຫລວງວຽງຈັນ ຈະສ້າງໃຫ້ສຳເລັດໃນປີ 2030 - img ca 22072020 - ເຂດພັດທະນາກວມລວມໄຊເສດຖາ ເມືອງໃໝ່ຂອງນະຄອນຫລວງວຽງຈັນ ຈະສ້າງໃຫ້ສຳເລັດໃນປີ 2030
ເຂດພັດທະນາກວມລວມໄຊເສດຖາ ເມືອງໃໝ່ຂອງນະຄອນຫລວງວຽງຈັນ ຈະສ້າງໃຫ້ສຳເລັດໃນປີ 2030 - Untitled design - ເຂດພັດທະນາກວມລວມໄຊເສດຖາ ເມືອງໃໝ່ຂອງນະຄອນຫລວງວຽງຈັນ ຈະສ້າງໃຫ້ສຳເລັດໃນປີ 2030

ເຂດພັດທະນາກວມລວມໄຊເສດຖາ ເມືອງໃໝ່ຂອງນະຄອນຫລວງວຽງຈັນ ຈະສ້າງໃຫ້ສຳເລັດໃນປີ 2030 - DSC09645 300x225 - ເຂດພັດທະນາກວມລວມໄຊເສດຖາ ເມືອງໃໝ່ຂອງນະຄອນຫລວງວຽງຈັນ ຈະສ້າງໃຫ້ສຳເລັດໃນປີ 2030

ໃນວັນທີ 24 ພະຈິກນີ້, ສື່ມວນຊົນລາວ ແລະ ສປ ຈີນໄດ້ລົງຕິດຕາມຄວາມຄືບໜ້າຂອງການພັດທະນາເຂດກວມລວມໄຊເສດຖາ ເມືອງໃຫມ່ນະຄອນຫລວງວຽງຈັນ,ຊຶ່ງແມ່ນການຮ່ວມລົງທຶນລາວ- ຈີນ,ດັ່ງທ່ານ ຫວັງ ເວີຍ ກັນ (Wang Wei Kun) ອໍານວຍການບໍລິສັດຮ່ວມທຶນດັ່ງກ່າວໄດ້ລາຍງານໃຫ້ຮູ້ວ່າ: ເຂດພັດທະນາກວມລວມໄຊເຊດຖາ ເປັນໂຄງການຮ່ວມລົງທຶນລະຫ່ວາງກຸ່ມບໍລິສັດກໍ່ສ້າງ ແລະ ລົງທຶນ ແຂວງຢູນນານຮຸ້ນສ່ວນຈໍາກັດ ແລະ ນະຄອນຫລວງວຽງຈັນ, ຊຶ່ງເປັນໂຄງການຮ່ວມມືລະດັບປະເທດທີ່ລັດຖະບານລາວ-ຈີນໄດ້ຮັບຮູ້ຮ່ວມກັນ ແລະ ເປັນເຂດເສດຖະກິດການຄ້າຕ່າງປະເທດແຫ່ງໜຶ່ງດຽວຂອງຈີນຢູ່ໃນ ສປປ ລາວ.

ເຂດພັດທະນາກວມລວມໄຊເສດຖາ ເມືອງໃໝ່ຂອງນະຄອນຫລວງວຽງຈັນ ຈະສ້າງໃຫ້ສຳເລັດໃນປີ 2030 - DSC09677 225x300 - ເຂດພັດທະນາກວມລວມໄຊເສດຖາ ເມືອງໃໝ່ຂອງນະຄອນຫລວງວຽງຈັນ ຈະສ້າງໃຫ້ສຳເລັດໃນປີ 2030

ເຂດພັດທະນາກວມລວມໄຊເຊດຖາ ຕັ້ງຢູ່ຊານເມືອງຂອງນະຄອນຫຼວງວຽງຈັນ, ເຊິ່ງກວມ ເນື້ອທີ່ທັງຫມົດ 1.149 ເຮັກຕາ, ຄາດວ່າຈະມີການລົງທຶນທັງຫມົດ 5 ຕື້ໂດລາສະຫະລັດ. ຊຶ່ງມາຮອດປັດຈຸບັນໄດ້ມີການລົງທຶນໄປແລ້ວ 1,3 ຕື້ໂດລາສະຫະລັດ, ໃນນັ້ນ, ລວມທັງການລົງທຶນພື້ນຖານໂຄງລ່າງມີປະມານ 600 ລ້ານໂດລະສະຫະລັດ, ມີຫົວໜ່ວຍວິສາຫະກິດທີ່ຈົດທະບຽນເຂົ້າມາລົງທຶນແລ້ວ 86 ຫົວໜ່ວຍຈາກ 7 ປະເທດໃນພາກພື້ນ. ສາມາດສ້າງວຽກເຮັດງານທໍາໄດ້ 1. 800 ຄົນ. ການພັດທະນາໄດ້ ສຸມໃສ່ຂະແຫນງການອຸດສາຫະກໍາ, ພັດທະນາເປັນຕົວເມືອງ ແບບກົມກຽວ ໂດຍໄດ້ແບ່ງ ອອກເປັນ 3 ໄລຍະຄື: ໄລຍະທີ 1 ແມ່ນສຸມໃສ່ພັດທະນາໃນຂະແໜງການ ອຸດສາຫະກໍາ, ໄລຍະທີ 2 ແລະ 3 ແມ່ນພັດທະນາໃນຂະແຫນງການຂົນສົ່ງ, ເຂດການຄ້າ, ເຂດທີ່ຢູ່ອາໄສ, ເຂດທ່ອງທ່ຽວ ແລະ ຈະພະຍາຍາມສ້າງເປັນຕົວເມືອງໃໝ່ຂອງນະຄອນຫລວງວຽງຈັນໃຫ້ສົມບູນແບບ.

ເຂດພັດທະນາກວມລວມໄຊເສດຖາ ເມືອງໃໝ່ຂອງນະຄອນຫລວງວຽງຈັນ ຈະສ້າງໃຫ້ສຳເລັດໃນປີ 2030 - DSC09659 300x225 - ເຂດພັດທະນາກວມລວມໄຊເສດຖາ ເມືອງໃໝ່ຂອງນະຄອນຫລວງວຽງຈັນ ຈະສ້າງໃຫ້ສຳເລັດໃນປີ 2030

ໂຄງການດັ່ງກ່າວມາຮອດປັດຈຸບັນໄດ້ສໍາເລັດການພັດທະນາພື້ນຖານໂຄງລ່າງກວມເອົາເນື້ອທີ່ 400 ເຮັກຕາ, ລວມທັງ ຜົນສໍາເລັດການກໍ່ສ້າງ ບັນດາເສັ້ນທາງເຊື່ອມຈອດ, ເຂດສີຂຽວ, ລະບົບນໍ້າປະປາ, ສະຖານີໄຟຟ້າ 115 ກິໂລວັດໂມງ. ພ້ອມ ການກໍ່ສ້າງໂຮງງານມາດຕະຖານທີມີເນື້ອທີ່ຫາຍເຖິງ 80.000 ຕາແມັດ, ສໍາເລັດການກໍ່ສ້າງຕຶກຫໍພັກພະນັກງານເພື່ອຕອບສະຫນອງຄວາມຕ້ອງການດ້ານການບໍລິການໃຫ້ບັນດາວິສາຫະກິດຕ່າງໆໃນເຂດໂຄງການໄດ້ດໍາເນີນວຽກງານດ້ວຍຄວາມສະດວກສະບາຍ.
ສ່ວນການພັດທະນາໄລຍະທີ 2 ແລະ 3ຄື: ການກໍ່ສ້າງພື້ນຖານໂຄງລ່າງ ແລະ ການກໍ່ສ້າງເຂດລິເລີ່ມຕົວເມືອງໃໝ່. ບົນຈິດໃຈປະເທດລາວ ແລະ ຈີນເປັນສອງປະເທດທີ່ມີຊາຍແດນ ແລະ ສາຍນ້ຳຕິດຈອດກັນ, ເປັນສອງປະເທດທີ່ຈັດຕັ້ງປະຕິບັດຕາມລັດສັງຄົມນິຍົມ ແລະ ມີສາຍສໍາພັນອັນເລີກເຊິ່ງ. ດັ່ງນັ້ນໂຄງການພັດທະນາເມືອງໃຫມ່ນີ້, ຈະເປັນສ່ວນໜຶ່ງເພື່ອຮັດແຫນ້ນສາຍສໍາພັນລະຫວ່າງສອງປະເທດໃຫ້ແຫນ້ນແຟ້ນກວ່າເກົ່າ ແລະ ເປັນໂຄງການໜຶ່ງໃນ ການ ສົ່ງເສີມການຮ່ວມມືດ້ານຄວາມອາດສາມາດການຜະລິດຂອງຈີນຢູ່ໃນ ສປປ ລາວ, ເປັນເວທີ ແຫ່ງການດຶງດູດນັກທຸລະກິດຂອງຈີນເຂົ້າມາລົງທຶນຢູ່ ສປປ ລາວ ໃຫ້ທຽບເທົ່າກັບສາກົນ. ສໍາ ລັບຝ່າຍລາວ ແມ່ນໂຄງການໜຶ່ງທີ່ສ້າງຄວາມອາດສາມາດໃຫ້ແກ່ອົງປະກອບຂະແຫນງອຸດສາຫະກໍາ ຂອງລາວໃຫ້ອຸດົມສົມບູນຂຶ້ນກວ່າເກົ່າ ແລະ ຍັງສາມາດສົ່ງເສີມການພັດທະນາເສດຖະກິດຂອງລາວໃຫ້ດີຂຶ້ນເທື່ອລະກ້າວ.

ເຂດພັດທະນາກວມລວມໄຊເສດຖາ ເມືອງໃໝ່ຂອງນະຄອນຫລວງວຽງຈັນ ຈະສ້າງໃຫ້ສຳເລັດໃນປີ 2030 - Wave100S AD to Website 2020 0 - ເຂດພັດທະນາກວມລວມໄຊເສດຖາ ເມືອງໃໝ່ຂອງນະຄອນຫລວງວຽງຈັນ ຈະສ້າງໃຫ້ສຳເລັດໃນປີ 2030

ເຂດພັດທະນາກວມລວມໄຊເສດຖາ ເມືອງໃໝ່ຂອງນະຄອນຫລວງວຽງຈັນ ຈະສ້າງໃຫ້ສຳເລັດໃນປີ 2030 - DSC09722 300x225 - ເຂດພັດທະນາກວມລວມໄຊເສດຖາ ເມືອງໃໝ່ຂອງນະຄອນຫລວງວຽງຈັນ ຈະສ້າງໃຫ້ສຳເລັດໃນປີ 2030

ປັດຈຸບັນ, ເຂດພັດທະນາແຫ່ງນີ້ເປັນເຂດໜຶ່ງທີ່ສາມາດດຶງດູດນັກລົງທຶນຕ່າງປະເທດເຂົ້າມາລົງທຶນຢູ່ໃນລາວໄດ້ນັບມື້ຫລາຍຂຶ້ນ ຄື: ບໍລິສັດ ໂຮຢາ ຂອງຍີ່ປຸ່ນ, ບໍລິສັດ ເປໂຕຣເຄມີລາວຈໍາກັດ, ບໍລິສັດຢາສູບ ລາວ-ຈີນ, ບໍລິສັດຄວາມ ຫວັງໃໝ່, ບໍລິສັດ ໂກເດີນ ລາວ ແລະ ບໍລິສັດອື່ນທີ່ມີຊື່ສຽງໃນພາກພື້ນ,ຊອ່ງ ເຂດພັດທະນາແຫ່ງນີ້ໄດ້ສ້າງ ເງື່ອນໄຂອັນດີໃຫ້ແກ່ການພັດທະນາຂອງຂະແຫນງອຸດສາຫະກໍາ ສປປ ລາວ ໃຫ້ມີຄວາມ ອຸດົມສົມບູນຂຶ້ນກວ່າເກົ່າ ແລະ ສາມາດສ້າງວຽກເຮັດງານທຳໃຫ້ແຮງງານລາວນັບມື້ຫລາຍຂຶ້ນ,ຊຶ່ງຄາດວ່າຮອດທ້າຍ ປີ ນີ້ຈະສາມາດສ້າງວຽກເຮັດງານທໍາໄດ້ໃຫ້ແກ່ສັງຄົມໄດ້ຕື່ມອີກຫລາຍກ່ວາ 5000 ຄົນ.ພ້ອມນີ້ເປົ້າຫມາຍຫນຶ່ງອີກຂອງເຂດພັດທະນາແຫ່ງນີ້ ຍັງໄດ້ເນັ້ນການຖ່າຍຖອດບົດຮຽນໃຫ້ພະນັກງານຝ່າຍລາວໃຫ້ມີຄວາມສາມາດດ້ານການບໍລິຫານແລະ ສ້າງເງື່ອນໄຂໃຫ້ ປະຊາຊົນອ້ອມຂ້າງໄດ້ມີໂອກາດສ້າງທຸລະກິດສ່ວນຕົວ ແລະ ການປະກອບ ອາຊີບເພື່ອຫາລາຍໄດ້ມາສູ່ຄອບຄົວ ແລະ ສັງຄົມອີກດ້ວຍ.

ບໍລິສັດຮ່ວມທືນລາວ-ຈີນ ຈໍາກັດ ແມ່ນຜູ້ລົງທຶນຫລັກໃນການພັດທະນາເຂດ ກວມລວມໄຊເຊດຖາ ແລະ ມີສ່ວນຮ່ວມໃນການຊ່ວຍເຫລືອ ສັງຄົມເລື້ອຍມາຄື: ໃນປີ 2010 ຜ່ານມາ , ບໍລິສັດ ໄດ້ຮ່ວມກັບພະແນກການຄ້າ ແຂວງຢູນນານ ໄດ້ໃຫ້ການຊ່ວຍເຫລືອກໍ່ສ້າງໂຮງຮຽນປະຖົມນາໄຫ ມີມູນຄ່າການກໍ່ສ້າງທັງຫມົດ 130 ພັນໂດລາສະຫາລັດ, ໂຮງຮຽນດັ່ງກ່າວມີ ເນື້ອທີ່ 392 ຕາແມັດ, ລວມມີ 6 ຫ້ອງຮຽນ, ຫ້ອງພັກຄູ, ຫ້ອງນໍ້າ ແລະ ໂຕະຕັ່ງຄົບຊຸດ, ພ້ອມໄດ້ສະຫນອງອຸປະກອນການຮຽນທີ່ຈໍາເປັນໃຫ້ແກ່ນັກຮຽນອີກດ້ວຍ, ເພື່ອສ້າງສະພາບແວດລ້ອມທີ່ດີ ຕໍ່ການສຶກສາ-ຮ່ໍາຮຽນຂອງເດັກນັກຮຽນດີຂຶ້ນ.

ໃນຊ່ວງເວລາທ່ານ ບຸນຍັງ ປະທານປະເທດແຫ່ງ ສປປ ລາວ, ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ແລະ ທ່ານ ນາງປານີ ຢາທໍຕູ້ປະທານສະພາແຫ່ງຊາດ ໄດ້ໃຫ້ກຽດເຂົ້າມາຢ້ຽມຢາມເຂດພັດທະນາແຫ່ງນີ້, ເພິ່ນກໍໄດ້ແນະນຳໃຫ້ພັດທະນາເປັນເຂດເສດຖະກິດຕົວແບບໃນ ສປປ ລາວ, ພ້ອມດຽວກັນນັ້ນ, ລັດຖະບານ ແລະ ປະຊາຊົນ ໄດ້ມີຄວາມຫວັງວ່າເຂດພັດທະນາຈະສາມາດປະຕິບັດແນວຄິດການພັດທະນາສີຂຽວແບບຍືນຍົງ, ຊຸກຍູ້ການພັດທະນາເສດຖະກິດຂອງທ້ອງຖິ່ນ, ສ້າງວຽກເຮັດງານທໍາ ແລະ ໂອກາດດ້ານການດໍາເນີນທຸລະກິດ ໃຫ້ຫຼາຍ ຂຶ້ນ, ພ້ອມສົ່ງເສີມການພັດທະນາ ສາຍສໍາພັນຂອງສອງຊາດລາວ-ຈີນ ໃຫ້ແໜ້ນແຟ້ນຍິ່ງຂຶ້ນ.

ເຂດພັດທະນາກວມລວມໄຊເສດຖາ ເມືອງໃໝ່ຂອງນະຄອນຫລວງວຽງຈັນ ຈະສ້າງໃຫ້ສຳເລັດໃນປີ 2030 - WhatsApp Image 2020 05 27 at 5 - ເຂດພັດທະນາກວມລວມໄຊເສດຖາ ເມືອງໃໝ່ຂອງນະຄອນຫລວງວຽງຈັນ ຈະສ້າງໃຫ້ສຳເລັດໃນປີ 2030
ເຂດພັດທະນາກວມລວມໄຊເສດຖາ ເມືອງໃໝ່ຂອງນະຄອນຫລວງວຽງຈັນ ຈະສ້າງໃຫ້ສຳເລັດໃນປີ 2030 - WhatsApp Image 2020 05 27 at 5 - ເຂດພັດທະນາກວມລວມໄຊເສດຖາ ເມືອງໃໝ່ຂອງນະຄອນຫລວງວຽງຈັນ ຈະສ້າງໃຫ້ສຳເລັດໃນປີ 2030

Comment

    Bounchanh Wanthammasyda
    26/11/2020 - 5:17 am

    ໂຄງການດັ່ງກ່າວນີ້ ເປັນໂຄງການທີ່ດີຕໍ່ປະເທດລາວ ແລະ ຄວນຈະທຳໃຫ້ໄວ ແລະ ຄວບຄຸມໄປທຸກດ້ານ. ເມື່ອຂະນ້ອຍໄດ້ເບິ່ງຫລາຍຄລິບແລ້ວເຫັນວ່າ ຍັງມີສອງສາມປະເດັນທີ່ຄວນຈະທຳໃຫ້ດີກວ່ານີ້:

    ປະເດັນທີຫນຶ່ງ: ການອອກແບບເສັ້ນທາງ ຂາໄປບາງເສັ້ນກໍ່ຫນຶ່ງເລນ ບາງເສັ້ນກໍ່ສອງເລນ ຂາກັບກໍ່ເສັ້ນດຽວກັນ, ແຕ່ບ່ອນທາງລ້ຽວ ແລະ ບ່ອນສີ່ແຍກ ຕົວເລນທາງພັດຍັງເທົ່າເດີມ. ຄວນຈະສ້າງເລນລ້ຽວເພີ່ມຂຶ້ນອີກຂ້າງລະເລນເພື່ອບໍ່ໃຫ້ລົດທີ່ລ້ຽວໄປຕັນລົດທີ່ຈະແລນໄປຂ້າງຫນ້າ. ນີ້ຄືຈຸດທີ່ທີ່ຫນ້າເສຍດາຍທີ່ສຸດ ໃນການອອກແບບເສັ້ນທາງໃນເມືອງໃຫມ່. ມັນບົ່ງບອກເຖິງຜູ້ບໍລິຫານການອອກແບບ ຫລື ຜູ້ອະນຸມັດໂຄງການຂາດວິໄສທັດທີ່ດີ. ຄວນຈະມີຜູ້ທີ່ມີວິໄສທັດທີ່ດີກວ່ານີ້ໄປທຳ ແລະ ອະນຸມັດໂຄງການ. ການອອກແບບທາງໃນເມືອງໃຫມ່ກໍ່ບໍ່ແຕກຕ່າງກັບທາງໃນຕົວເມືອງເກົ່າທີ່ແບບອອກມາແຕ່ຄາວຝຣັ່ງມາປົກຄອງໂດຍທາງເຫລົ້ານັ້ນບໍ່ມີເລນທີ່ຈະລ້ຽວຊ້າຍ ແລະ ລ້ຽວຂວາເລີຍ. ເມື່ອມີໂອກາດໃນການອອກແບບໃຫມ່ ແລະ ສ້າງໃຫມ່ທັງຫມົດກໍ່ຄວນທຳໃຫ້ດີກວ່າເກົ່າ. ແຕ່ພັດທຳກົງກັນຂ້າມ, ເຮັດທຸກຢ່າງເຫມືອນເດີມກັບທາງເກົ່າເມືອງເກົ່າ. ສ້າງເປັນຜູ້ບໍລິຫານທີ່ບໍ່ຮູ້ຈັກຮຽນຮູ້ຂໍບົກພ່ອງໃນອະດີດເອົາເສຍເລີຍ ແລະ ສ້າງເປັນຜູ້ບໍລິຫານທີ່ຂາດວິໄສທັດທີ່ດີ ຫນ້າເສຍດາຍຈິງໆ.

    ປະເດັນທີສອງ: ຕົວເມືອງໃຫມ່, ສ່ວນຫລາຍເກືອບທັງຫມົດຈະນຳເອົາເທັກໂນໂລຈີແບບໃຫມ່ເຂົ້າມາໃນອຸດສະຫະກຳ ຫລືໂຮງງານ. ມາຄິດໃນແບບນີ້ວ່າ ຊິທຳຢ່າງໃດບໍ່ໃຫ້ຄົນລາວ ເປັນທາດຂອງເທັກໂນໂລຍີຊະນິດໃຫມ່ ແລະ ຄວາມຈະເລີນແບບໃຫມ່, ປ້ອງກັນບໍ່ໃຫ້ຄົນລາວເປັນເຫຍື່ອຂອງຄວາມຈະເລີນແບບໃຫມ່. ເຖິງຄົນລາວບໍ່ໄດ້ເປັນຜູ້ຄິດຄົ້ນເທັກໂນໂລຈິຊະນິດໃຫມ່ ແລະ ເປັນຜູ້ສ້າງຄວາມຈະເລີນແບບໃຫມ່ ແຕ່ຢ່າງນ້ອຍ ກໍ່ສາມາດທຳໃຫ້ຄົນລາວສາມາດຊົມໃຊ້, ບໍລິຫານ ແລະ ຄຸ້ມຄອງເທັກໂນໂລຈີ ແລະ ຄວາມຈະເລີນແບບໃຫມ່ໄດ້ຢ່າງເຫມາະສົມ.

    ສ່ວນຫລາຍແລ້ວຄົນລາວເຮົາ, ໂດຍສະເພາະເຫັນໄດ້ຈາກຜູ້ທີ່ໄປປະເທດໄທ, ຍ້ອນບໍ່ມີເຄື່ອງມືໃນການໃຊ້ຊິວິດໃນຄວາມຈະເລີນ. ຄົນເຫລົ້ານັ້ນຈິ່ງກາຍເປັນເຫຍື່ອ, ເປັນທາດ, ຫລົງໄຫລ, ແລະ ມົ້ວສຸມກັບຄວາມຈະເລີນເຫລົ້ານັ້ນ. ໃນທ້າຍທີ່ສຸດ ກໍ່ບໍ່ມີປະໂຫຍດອັນໃດເລີຍຕໍ່ຄົນລາວ ແລະ ສັງຄົມລາວ.

Comments are closed.

error: Alert: ເນື້ອຫາຂ່າວມີລິຂະສິດ !!