ຮອງນາຍົກລັດຖະມົນຕີ ສອນໄຊ ສີພັນດອນ ລົງຊຸກຍູ້ການພັດທະນາເສດຖະກິດໄຊສົມບູນ

ຮອງນາຍົກລັດຖະມົນຕີ ສອນໄຊ ສີພັນດອນ ລົງຊຸກຍູ້ການພັດທະນາເສດຖະກິດໄຊສົມບູນ - 001 3 - ຮອງນາຍົກລັດຖະມົນຕີ ສອນໄຊ ສີພັນດອນ ລົງຊຸກຍູ້ການພັດທະນາເສດຖະກິດໄຊສົມບູນ
ຮອງນາຍົກລັດຖະມົນຕີ ສອນໄຊ ສີພັນດອນ ລົງຊຸກຍູ້ການພັດທະນາເສດຖະກິດໄຊສົມບູນ - Untitled design - ຮອງນາຍົກລັດຖະມົນຕີ ສອນໄຊ ສີພັນດອນ ລົງຊຸກຍູ້ການພັດທະນາເສດຖະກິດໄຊສົມບູນ

ໃນວັນທີ 25 ພະຈິກນີ້, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີ ກະຊວງແຜນການ ແລະ ການລົງທຶນ ພ້ອມດ້ວຍຄະນະ ໄດ້ລົງເຄື່ອນໄຫວຊຸກຍູ້ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງໄຊສົມບູນ ແລະ ໃຫ້ທິດຊີ້ນຳວຽກງານຈຸດສຸມຕ່າງໆ ແລະ ເປັນ ການກະຕຸກຊຸກຍູ້ພະນັກງານ-ລັດຖະກອນ ແລະ ປະຊາຊົນສືບຕໍ່ປະກອບສ່ວນເຂົ້າໃນຂະບວນການປົກປັກຮັກສາ ແລະ ສ້າງສາພັດທະນາປະເທດຊາດ ກໍຄືທ້ອງຖິ່ນໃຫ້ບັນລຸຄາດໝາຍທີ່ວາງໄວ້.

ຮອງນາຍົກລັດຖະມົນຕີ ສອນໄຊ ສີພັນດອນ ລົງຊຸກຍູ້ການພັດທະນາເສດຖະກິດໄຊສົມບູນ - 002 3 300x200 - ຮອງນາຍົກລັດຖະມົນຕີ ສອນໄຊ ສີພັນດອນ ລົງຊຸກຍູ້ການພັດທະນາເສດຖະກິດໄຊສົມບູນ

ໃນໂອກາດນີ້, ທ່ານຮອງນາຍົກລັດຖະມົນຕີ ໄດ້ສະແດງຄວາມຊົມເຊີຍແຂວງໄດ້ມີການພັດທະນາຢ່າງຕໍ່ເນື່ອງ ແລະ ວິຖີການດຳລົງຊີວິດຂອງປະຊາຊົນໄດ້ຮັບການປັບປຸງດີຂຶ້ນ, ພ້ອມໄດ້ເນັ້ນໃຫ້ການນໍາແຂວງເອົາໃຈໃສ່ຊຸກຍູ້ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມໃນຕໍ່ໜ້າໃຫ້ ຂະຫຍາຍຕົວຢ່າງຕໍ່ເນື່ອງ ແລະ ຊ່ວຍໃຫ້ປະຊາຊົນຫລຸດພົ້ນອອກຈາກຄວາມທຸກຍາກໄດ້ໂດຍໄວ. ຂະນະດຽວກັນ, ກໍໃຫ້ເອົາໃຈໃສ່ຮັກສາສະຖຽນລະພາບທາງດ້ານການເມືອງ, ຄວາມສະຫງົບປອດໄພ ແລະ ສັງຄົມມີຄວາມເປັນລະບຽບຮຽບຮ້ອຍຢ່າງໜັກແໜ້ນ, ເຂັ້ມງວດການຄຸ້ມຄອງລັດ-ສັງຄົມໃຫ້ໄປຕາມກົດໝາຍ ແລະ ລະບຽບການ, ໄປຄຽງຄູ່ກັບການສືບຕໍ່ປັບປຸງໂຄງສ້າງທາງດ້ານເສດຖະກິດໃຫ້ມີການເຕີບໂຕທີ່ສົມດຸນ ແລະ ແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດໃຫ້ເຂົ້າສູ່ລວງເລິກ ແລະ ຮອບດ້ານກວ່າເກົ່າ. ພ້ອມນັ້ນ, ກໍໃຫ້ເອົາໃຈໃສ່ຊຸກຍູ້ການຜະລິດເປັນສິນຄ້າ ໂດຍການສົ່ງເສີມການລົງທຶນພັດທະນາເຂດການຜະລິດ, ການບໍລິການ ແລະ ໂຄງລ່າງພື້ນຖານທີ່ຈຳເປັນ ເພື່ອສ້າງເງື່ອນໄຂສະດວກໃຫ້ແກ່ການຜະລິດສິນຄ້າຢູ່ລຽບຕາມເສັ້ນທາງລົດໄຟ ແລະ ທາງດ່ວນລາວ-ຈີນ ທີ່ຈະກໍ່ສ້າງສຳເລັດໃນໄວໆນີ້ ລວມທັງສົ່ງເສີມການລົງທຶນພາຍໃນ ແລະ ຕ່າງປະເທດເຂົ້າໃນການຜະລິດ ແລະ ປຸງແຕ່ງກະສິກຳເປັນສິນຄ້າ ໃຫ້ແຂງແຮງກວ່າເກົ່າ, ຊຸກຍູ້ສົ່ງເສີມທາງດ້ານເຕັກນິກ ແລະ ວິຊາການໃນການປູກ, ການລ້ຽງ ແລະ ການຕະຫລາດ ໄປຄຽງຄູ່ກັບການສະໜອງແຫລ່ງທຶນດອກເບ້ຍຕໍ່າ ທັງສະໜັບສະໜູນໃຫ້ມີການລວມກຸ່ມການຜະລິດໃຫ້ຫລາຍຂຶ້ນ. ສືບຕໍ່ຍູ້ແຮງມາດຕະການຍຸດທະສາດລົງກໍ່ສ້າງຮາກຖານການເມືອງ, ພັດທະນາຊົນນະບົດ, ລົບລ້າງຄວາມທຸກຍາກຂອງປະຊາຊົນເຂດຊົນນະບົດ, ພູດອຍໃຫ້ເປັນເຈົ້າການໃນການຜະລິດໃຫ້ມີກິນ, ມີໃຊ້ກຸ້ມຕົນເອງ ເພິ່ງຕົນເອງ, ຕີຖອຍແນວຄິດຄອງຄອຍລໍຖ້າແຕ່ການຊ່ວຍເຫລືອ.

ຮອງນາຍົກລັດຖະມົນຕີ ສອນໄຊ ສີພັນດອນ ລົງຊຸກຍູ້ການພັດທະນາເສດຖະກິດໄຊສົມບູນ - 003 4 300x200 - ຮອງນາຍົກລັດຖະມົນຕີ ສອນໄຊ ສີພັນດອນ ລົງຊຸກຍູ້ການພັດທະນາເສດຖະກິດໄຊສົມບູນ

ຮອງນາຍົກລັດຖະມົນຕີ ສອນໄຊ ສີພັນດອນ ລົງຊຸກຍູ້ການພັດທະນາເສດຖະກິດໄຊສົມບູນ - Wave100S AD to Website 2020 0 - ຮອງນາຍົກລັດຖະມົນຕີ ສອນໄຊ ສີພັນດອນ ລົງຊຸກຍູ້ການພັດທະນາເສດຖະກິດໄຊສົມບູນ

ທ່ານເຈົ້າແຂວງໄຊສົມບູນ ລາຍງານໃຫ້ຮູ້ວ່າ: ຄາດວ່າໃນປີ 2020 ອັດຕາການເຕີບໂຕເສດຖະກິດຂອງແຂວງຈະຢູ່ໃນລະດັບ 5%, ລວມຍອດຜະລິດຕະພັນພາຍໃນຈະບັນລຸ 1.097 ກວ່າຕື້ກີບ ແລະ ລາຍຮັບສະເລ່ຍຕໍ່ຫົວຄົນຈະບັນລຸໄດ້ 11,3 ລ້ານກີບ/ຄົນ/ປີ ຫລື ເທົ່າກັບ 1.264 ໂດລາສະຫະລັດ. ການເກັບລາຍຮັບຈະປະຕິບັດໄດ້ 175,72 ຕື້ກີບ ເທົ່າກັບ 61,86% ຂອງແຜນດັດແກ້ປີ 2020 ທຽບໃສ່ປີຜ່ານມາຈະເພີ່ມຂຶ້ນ 3,9%, ສຳລັບທິດທາງວຽກງານຈຸດສຸມ ປີ 2021, ແຂວງຈະສູ້ຊົນເຮັດໃຫ້ອັດຕາການຂະ ຫຍາຍຕົວຂອງເສດຖະກິດບໍ່ໃຫ້ຫລຸດ 7%, ເຮັດໃຫ້ລວມຍອດຜະລິດຕະພັນພາຍໃນບັນລຸໄດ້ 1.114 ກວ່າຕື້ກີບ, ໃນນັ້ນ ຂະແໜງກະສິກຳໃຫ້ຂະຫຍາຍຕົວ 7% ກວມເອົາ 55,9%, ຂະແໜງອຸດສະຫະກຳຂະຫຍາຍຕົວ 5,3% ກວມເອົາ 17,6% ແລະ ຂະແໜງບໍລິການຂະຫຍາຍຕົວ 7% ກວມເອົາ 26,5% ຂອງ GDP.

ໃນໂອກາດນີ້, ທ່ານຮອງນາຍົກລັດຖະມົນຕີ ກໍໄດ້ມອບເງິນຈຳນວນ 100 ລ້ານກີບ ໃຫ້ແຂວງໄຊສົມບູນ ເພື່ອປະກອບສ່ວນຊຸກຍູ້ຂະບວນການພັດທະນາເສດຖະກິດ-ສັງຄົມທີ່ຈໍາເປັນຢູ່ພາຍໃນແຂວງ ໃຫ້ມີການຂະຫຍາຍຕົວ.

ຮອງນາຍົກລັດຖະມົນຕີ ສອນໄຊ ສີພັນດອນ ລົງຊຸກຍູ້ການພັດທະນາເສດຖະກິດໄຊສົມບູນ - WhatsApp Image 2020 05 27 at 5 - ຮອງນາຍົກລັດຖະມົນຕີ ສອນໄຊ ສີພັນດອນ ລົງຊຸກຍູ້ການພັດທະນາເສດຖະກິດໄຊສົມບູນ
ຮອງນາຍົກລັດຖະມົນຕີ ສອນໄຊ ສີພັນດອນ ລົງຊຸກຍູ້ການພັດທະນາເສດຖະກິດໄຊສົມບູນ - WhatsApp Image 2020 05 27 at 5 - ຮອງນາຍົກລັດຖະມົນຕີ ສອນໄຊ ສີພັນດອນ ລົງຊຸກຍູ້ການພັດທະນາເສດຖະກິດໄຊສົມບູນ
error: Alert: ເນື້ອຫາຂ່າວມີລິຂະສິດ !!