ບໍ່ແກ້ວລະນຶກຄືນວັນສົນທິສັນຍາວ່າດ້ວຍສິດທິເດັກ,ວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ

ບໍ່ແກ້ວລະນຶກຄືນວັນສົນທິສັນຍາວ່າດ້ວຍສິດທິເດັກ,ວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ - 126296979 1092832181170722 5555030787263439524 o - ບໍ່ແກ້ວລະນຶກຄືນວັນສົນທິສັນຍາວ່າດ້ວຍສິດທິເດັກ,ວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ
ບໍ່ແກ້ວລະນຶກຄືນວັນສົນທິສັນຍາວ່າດ້ວຍສິດທິເດັກ,ວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ - 174233 - ບໍ່ແກ້ວລະນຶກຄືນວັນສົນທິສັນຍາວ່າດ້ວຍສິດທິເດັກ,ວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ

ວັນທີ 25 ພະຈິກນີ້, ແຂວງບໍ່ແກ້ວ ຈັດພິທີລະນຶກວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງ ຂຶ້ນທີ່ຫໍວັດທະ ນະທຳແຂວງ ໂດຍການປາຖະກະຖາຂອງ ທ່ານ ຈອມສີ ລັດຕະນະປັນ ຮອງເຈົ້າແຂວງບໍ່ແກ້ວ, ປະທານຄະນະກຳມະທິການເພື່ອຄວາມກ້າວໜ້າຂອງແມ່ຍິງ ແລະເດັກນ້ອຍແຂວງ ແລະ ໄດ້ມີຄຳປາໄສໃນພິທີວ່າ: ກອງປະຊຸມຂອງສະມັດຊາໃຫຍ່ອົງການສະຫະປະຊາຊາດໃນວັນທີ 20 ພະຈິກ 1959 ໄດ້ມີຢັດຕິເລກທີ 1386 ( XIV ) ປະກາດຖະແຫລງການກ່ຽວກັບສິດທິຂອງເດັກໂດຍມີຈຸດປະສົງຮັບປະກັນໃຫ້ເດັກໄດ້ມີໄວໜຸ່ມທີ່ເຕັມໄປດ້ວຍຄວາມຜາສຸກ, ໄດ້ຮັບສິດ ແລະ ເສລີພາບຕ່າງໆຕາມທີ່ລະບຸໄວ້ໃນຖະແຫລງການດັ່ງກ່າວ; ອັນໄດ້ເປັນຫລັກການພື້ນຖານໃຫ້ບັນດາປະເທດໃນໂລກເພີ່ມທະວີຄວາມເອົາໃຈໃສ່ຕໍ່ການປັບປຸງເງື່ອນໄຂຊີວິດການເປັນຢູ່ຂອງເດັກໃຫ້ດີຂຶ້ນ ໂດຍຖືເອົາສິດທິຂອງເດັກເປັນຈຸດເລີ່ມຕົ້ນໃນການພິຈາລະນາ ແລະ ຮັບຮອງເອົານະໂຍບາຍ ແລະ ນິຕິກຳຕ່າງໆ ທີ່ກ່ຽວຂ້ອງກັບເດັກໃນປະເທດຂອງຕົນຖະແຫລງການກ່ຽວກັບສິດທິເດັກ ແລະ ສົນທິສັນຍາວ່າດ້ວຍສິດທິເດັກ ແມ່ນອີງໃສ່ຄວາມເຄົາລົບກົດບັດຂອງອົງການສະຫະປະຊາຊາດທີ່ຮັບຮູ້ວ່າມະນຸດທຸກຄົນລວມທັງເດັກລ້ວນແຕ່ມີກຽດສັກສີ ແລະ ມີສິດທິເທົ່າທຽມກັນ ຊຶ່ງບໍ່ສາມາດຕັດແຍກອອກຈາກກັນໄດ້. ບັນດາປະເທດທີ່ສະເຫລີມສະຫລອງວັນເດັກໂລກ 20 ພະຈິກປະກອບມີ: ປະເທດການາດາ, ເອຢີບ, ແຟັງລັງ, ສະຫະພັນເຢຍລະມັນ, ອີກລ້ງ, ອິສະຣາແອລ, ປາກີສະຖານ, ຊູແອັດ, ເຕຣີດັດ ແລະໂຕບັກໂກ. ສ່ວນ ສ ປປ ລາວ ເຮົາກໍ່ໄດ້ສະເຫລີມສະຫລອງວັນດັ່ງກ່າວເປັນປີທໍາອິດໃນປີ 2018 ຈົນເຖິງປັດຈຸບັນ.

ບໍ່ແກ້ວລະນຶກຄືນວັນສົນທິສັນຍາວ່າດ້ວຍສິດທິເດັກ,ວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ - 126904269 1092830377837569 964835902361019232 o 300x200 - ບໍ່ແກ້ວລະນຶກຄືນວັນສົນທິສັນຍາວ່າດ້ວຍສິດທິເດັກ,ວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ

ວັນທີ 25 ພະຈິກໄດ້ຖືກຍົກຂຶ້ນທໍາອິດໃນອາເມລິກາລາຕິນ ແລະ ໄດ້ຄ່ອຍໆແຜ່ຂະຫຍາຍອອກໄປສູ່ປະເທດຕ່າງໆໃນທົ່ວໂລກ ໃຫ້ເປັນວັນສາກົນຢຸດຕິຄວາມຮຸນແຮງຕໍ່ແມ່ຍິງ ແລະ ໄດ້ຖືກປະກາດເປັນຄັ້ງທຳອິດໃນກອງປະຊຸມນັກເຄື່ອນໄຫວສົ່ງເສີມດ້ານສິດທິແມ່ຍິງໃນຂົງເຂດອາເມລິກາລາຕິນ ແລະ ຄາຣິບຽນເຊິ່ງຈັດຂຶ້ນທີ່ນະຄອນໂບໂກຕາປະເທດໂກລົມເບຍລະຫວ່າງ ວັນທີ 18-21 ກໍລະກົດ 1981 ເພື່ອລະນຶກເຖິງວິລະກຳຂອງສາມເອື້ອຍນ້ອງຕະກູນມີຣາບານຈາກສາທາລະນະລັດ ໂດມີນີແກນທີ່ຖືກລອບຄາດຕະກຳຢ່າງໂຫດຮ້າຍປ່າເຖື່ອນໃນປີ 1960 ໃນລະບອບຜະເດັດການຂອງຣາຟາເອລທຣູກີໂລເຊິ່ງທົ່ວໂລກໄດ້ຮັບຮູ້ວ່າເປັນວັນຕ້ານຄວາມຮຸນ ແຮງບົນພື້ນຖານທາງເພດ. ສາມເອື້ອຍນ້ອງຕະກູນມີຣາບານລວມມີນາງປາເຕຣຍ, ນາງມີແນວາ ແລະນາງມາເຣຍເຕເຣຊາ ເກີດທີ່ເຂດໄຊບາສສາທາລະນະລັດ ໂດມິນິແກນ ແລະ ຈົບການສຶກສາຢູ່ເຂດດັ່ງກ່າວ, ພວກເຂົາເປັນນັກເຄື່ອນໄຫວການເມືອງເປັນສັນຍາລັກໃນການຕໍ່ຕ້ານລະບອບຜະເດັດການຂອງທຣູກີໂຣຍ້ອນແນວນັ້ນພວກເຂົາຈຶ່ງຖືກຈັບຂັງຊ້ຳແລ້ວຊ້ຳອີກແຕ່ສາມເອື້ອຍນ້ອງກໍຍັງສືບຕໍ່ເຄື່ອນໄຫວຢ່າງຕັ້ງໜ້າຄື: ເມື່ອເດືອນມັງກອນ 1960 ນາງປາເຕຣຍ ໄດ້ເປັນເຈົ້າການຈັດກອງປະຊຸມເຊິ່ງນຳໄປສູ່ການສ້າງຕັ້ງຂະບວນການເຄື່ອນ ໄຫວໃຕ້ດິນແຕ່ກໍ່ຖືກລົ້ມເຫລວ, ສາມເອື້ອຍນ້ອງ ແລະ ເພື່ອນສະຫາຍໃນຂະບວນດັ່ງກ່າວຢູ່ບ່ອນຕ່າງໆກໍຖືກຈັບກຸມ ແລະ ໃນວັນທີ 25 ພະຈິກ 1960 ສາມເອື້ອຍນ້ອງກໍ່ຖືກລອບຄາດ ຕະກຳໃນເວລາຂີ່ລົດໄປຢາມສາມີຂອງພວກເຂົາທີ່ຖືກຄຸມຂັງຢູ່ໃນຄຸກ, ເຫດການຄັ້ງນັ້ນໄດ້ສ້າງຄວາມຄຽດແຄ້ນໃຫ້ປະຊາຊົນໃນທົ່ວປະເທດອັນເປັນສາເຫດພາໃຫ້ເກີດມີຂະບວນການກ່າວປະນາມແລະຕໍ່ຕ້ານລະບອບທຣູກີໂຣຢ່າງຮຸນແຮງແລະນຳໄປເຖິງການລົ້ມລະລາຍໃນປີຕໍ່ມາ.

ບໍ່ແກ້ວລະນຶກຄືນວັນສົນທິສັນຍາວ່າດ້ວຍສິດທິເດັກ,ວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ - Wave100S AD to Website 2020 0 - ບໍ່ແກ້ວລະນຶກຄືນວັນສົນທິສັນຍາວ່າດ້ວຍສິດທິເດັກ,ວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ

ບໍ່ແກ້ວລະນຶກຄືນວັນສົນທິສັນຍາວ່າດ້ວຍສິດທິເດັກ,ວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ - 127222814 1092832241170716 4113305729941982735 o 300x200 - ບໍ່ແກ້ວລະນຶກຄືນວັນສົນທິສັນຍາວ່າດ້ວຍສິດທິເດັກ,ວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ

ຕໍ່ກັບເຫດການດັ່ງກາວສາມເອື້ອຍນ້ອງໄດ້ຖືກຍົກຍ້ອງຮັບນາມວ່າເປັນ ແມງກະເບື້ອທີ່ບໍ່ອາດຫລົງລືມໄດ້ ແລະ ກາຍເປັນສັນຍາລັກແຫ່ງການຕໍ່ຕ້ານການຕົກເປັນເຫຍື່ອຄວາມຮຸນແຮງຂອງແມ່ຍິງ, ກາຍເປັນສັນ ຍາລັກແຫ່ງການຕໍ່ສູ້ຂອງປະຊາຊົນ ແລະ ການປະທ້ວງ ເພື່ອຮຽກຮ້ອງສິດທິຂອງແມ່ຍິງໃນເດືອນ ມິຖຸນາ 1991, ແມ່ຍິງ 23 ຄົນຈາກ 20 ປະເທດທີ່ເປັນສະມາຊິກຂອງສູນເພື່ອຄວາມເປັນຜູ້ນຳຂອງແມ່ຍິງທົ່ວໂລກ ແລະ ສະຖາ ບັນໂລກກ່ຽວກັບຜູ້ຍິງ, ຄວາຮຸນແຮງ ແລະ ສິດທິມະນຸດໄດ້ຮຽກຮ້ອງໃຫ້ເປີດຂະບວນການເຄື່ອນໄຫວ 16 ວັນຕ້ານຄວາມຮຸນແຮງບົນພື້ນຖານຄຸນລັກສະນະທາງເພດໂດຍເລີ່ມແຕ່ວັນທີ 25 ພະຈິກ ເປັນວັນສາກົນຕ້ານການໃຊ້ຄວາມຮຸນແຮງຕໍ່ແມ່ຍິງ. ນັບແຕ່ນັ້ນມາວັນທີ 25 ພະຈິກຂອງທຸກໆປີ ໄດ້ກາຍເປັນສັນຍາລັກຂອງການຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງ ເພື່ອໃຫ້ບັນດາປະເທດທົ່ວໂລກ ໄດ້ພ້ອມກັນລະນຶກເຖິງເຫດ ການດັ່ງກ່າວ. ພິທີຍັງໄດ້ຮັບຊົມວີດີໂອເລື່ອງທີມີເນື້ອໃນກ່ຽວກັບການໄຊ້ຄວາມຮຸນແຮງຕົວະຍົວະອື່ນໆແລະ ກິດຈະກຳຖາມຕອບຄຳຖາຕື່ມອີກ.

ບໍ່ແກ້ວລະນຶກຄືນວັນສົນທິສັນຍາວ່າດ້ວຍສິດທິເດັກ,ວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ - WhatsApp Image 2020 05 27 at 5 - ບໍ່ແກ້ວລະນຶກຄືນວັນສົນທິສັນຍາວ່າດ້ວຍສິດທິເດັກ,ວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ
error: Alert: ເນື້ອຫາຂ່າວມີລິຂະສິດ !!