ຕະຫຼອດໄລຍະ 5 ປີທີ່ຜ່ານມາ ໂຍທາທິການ ແລະ ຂົນສົ່ງ ທີ່ມີຜົນງານພົ້ນເດັ່ນຫຼາຍດ້ານ ເປັນຊິ້ນໂບແດງ

ຕະຫຼອດໄລຍະ 5 ປີທີ່ຜ່ານມາ ໂຍທາທິການ ແລະ ຂົນສົ່ງ ທີ່ມີຜົນງານພົ້ນເດັ່ນຫຼາຍດ້ານ ເປັນຊິ້ນໂບແດງ - Untitled design - ຕະຫຼອດໄລຍະ 5 ປີທີ່ຜ່ານມາ ໂຍທາທິການ ແລະ ຂົນສົ່ງ ທີ່ມີຜົນງານພົ້ນເດັ່ນຫຼາຍດ້ານ ເປັນຊິ້ນໂບແດງ

      ໂດຍ: ລູກເມືອງພວນ

ຂະແໜງການໂຍທາທິການ ແລະ ຂົນສົ່ງນັບວ່າເປັນຂະແໜງການໜຶ່ງທີ່ສຳຄັນ ໃນວຽກງານສ້າງສາພັດທະນາເສດຖະກິດ-ສັງຄົມຂອງປະເທດ. ຂະແໜງການໂຍທາທິການ ແລະ ຂົນສົ່ງ ແມ່ນຂະແໜງການເສດຖະກິດປາຍແຫຼມ ປຽບສະເໝືອນສາຍເລືອດໃນຮ່າງກາຍຂອງຄົນເຮົາ, ຖ້າຮ່າງກາຍຂາດສາຍເລືອດໄປຫຼໍ່ລ້ຽງບັນດາພາກສ່ວນຕ່າງໆ ໃນຮ່າງກາຍ, ຮ່າງກາຍກໍບໍ່ສາມາດຈະມີຊີວິດຢູ່ໄດ້.

ຂະແໜງການໂຍທາທິການ ເປັນຂະແໜງການທີ່ສຳຄັນໃນການກໍ່ສ້າງພື້ນຖານໂຄງລ່າງ ໃຫ້ແກ່ພື້ນຖານເສດຖະກິດແຫ່ງຊາດ ເປັນຕົ້ນແມ່ນການກໍ່ສ້າງຖະໜົນຫົນທາງ, ການຄົມມະນາຄົມທາງບົກ, ທາງນໍ້າ ແລະ ທາງອາກາດ, ການພັດທະນາຕົວເມືອງ, ອາຄານບ້ານຊ່ອງ… ຊຶ່ງເປັນພາກສ່ວນໜຶ່ງທີ່ໃຫ້ເຫັນປະຈັກຕາຄວາມຈະເລີນຮຸ່ງເຮືອງ  ຂອງປະ

ເທດຊາດບ້ານເມືອງ, ຖ້າໂຍທາທິການບໍ່ໄດ້ຮັບການພັດທະນາ ການຂົນສົ່ງສິນຄ້າທັງພາຍໃນ ແລະ ຕ່າງປະເທດກໍຈະບໍ່ມີຄວາມສະດວກ, ການຈະລາຈອນສິນຄ້າຈະບໍ່ທົ່ວເຖິງ ເສດຖະກິດຈະບໍ່ໄດ້ຮັບການພັດທະນາຢ່າງສະໝໍ່າສະເໝີ ເທົ່າທຽມກັນໃນທຸກພື້ນທີ່, ການຕິດຕໍ່ສື່ສານ, ການໄປມາຫາສູ່ກັນມີຄວາມຫຍຸ້ງຍາກ ບໍ່ວ່າແຕ່ຢູ່ທັງພາຍໃນ ແລະ ຕ່າງປະເທດ. ດັ່ງນັ້ນ, ຂຶ່ງຖືວ່າຂະແໜງໂຍທາທິການ ແລະ ຂົນສົ່ງ ແມ່ນມີຄວາມສຳຄັນຫຼາຍຕໍ່ການພັດທະນາເສດຖະກິດ-ສັງຄົມຂອງປະເທດ.

ຕະຫຼອດໄລຍະ 5 ປີທີ່ຜ່ານມາ ຂະແໜງໂຍທາທິການ ແລະ ຂົນສົ່ງ ເຮັດລ້ອນໜ້າທີ່ຂອງຕົນໄດ້ໂດຍພື້ນຖານຕາມແຜນທີ່ວາງໄວ້ຄື: 5 ແຜນງານຈຸດສຸມ ແລະ 44 ວຽກງານຈຸດສຸມ. ໃນນີ້, ຜົນງານທີ່ພົ້ນເດັ່ນທີ່ສຸດທີ່ປະຈັກຕາທີ່ສຸດກໍຄື:

ຕະຫຼອດໄລຍະ 5 ປີທີ່ຜ່ານມາ ໂຍທາທິການ ແລະ ຂົນສົ່ງ ທີ່ມີຜົນງານພົ້ນເດັ່ນຫຼາຍດ້ານ ເປັນຊິ້ນໂບແດງ - Wave100S AD to Website 2020 0 - ຕະຫຼອດໄລຍະ 5 ປີທີ່ຜ່ານມາ ໂຍທາທິການ ແລະ ຂົນສົ່ງ ທີ່ມີຜົນງານພົ້ນເດັ່ນຫຼາຍດ້ານ ເປັນຊິ້ນໂບແດງ
  1. ໂຄງການທາງລົດໄຟສາຍດ່ວນລາວ-ຈີນ ຄາດວ່າຈະສຳເລັດໃນປີໜ້ານີ້.
  2. ເສັ້ນທາງດ່ວນ ວຽງຈັນ-ວັງວຽງ ຄາດວ່າຈະໃຫ້ທັນເປີດນຳໃຊ້ໄດ້ໃນໂອກາດວັນຊາດທີ່ 2 ທັນວາ ຄົບຮອບ 45 ປີທີ່ຈະມາເຖິງນີ້.
  3. ພື້ນຖານໂຄງລ່າງທາງຄົມມະນາຄົມທົ່ງປະເທດ ໂດຍພື້ນຖານແມ່ນໄດ້ຮັບການພັດທະນາຢ່າງແຂງແຮງ, ອັນເຮັດໃຫ້ການຄົມມະນາຄົມຂົນສົ່ງທັງພາຍໃນ ແລະ ພາກພື້ນ ມີຄວາມສະດວກສະບາຍຂຶ້ນເປັນກ້າວໆ, ຄຸນນະພາບການຂົນສົ່ງເພີ່ມຂຶ້ນ.
  4. ລະບົບຕາໜ່າງເສັ້ນທາງໃນຂອບເຂດທົ່ວປະເທດໄດ້ຮັບການກໍ່ສ້າງ ແລະ ຍົກລະດັບຂຶ້ນ. ມາຮອດປີ 2019 ມີລະບົບຕາໜ່າງເສັ້ນທາງທັງໝົດ 58.254,48 ກມ, ເສັ້ນທາງດຽວໄດ້ຕະຫຼອດປີ ໄປເຖິງທຸກເມືອງໃນທົ່ວປະເທດ, ໃນນີ້ເສັ້ນທາງປູຢາງໄປເຖິງທຸກເທດສະບານແຂວງ ແລະ 148 ເມືອງໃນທົ່ວປະເທດ.
  5. ໂຄງການກໍ່ສ້າງທາງລົດໄຟລາວ-ໄທ.
  6. ໂຄງການພັດທະນາທ່າທຽບ 1, 2, 3 ທ່າເຮືອ ວຸງອ້າງ ທີ່ ສສ ຫວຽດນາມ.
  7. ສາມາດດຶງດູດເອົາພາກເອກກະຊົນທັງພາຍໃນ ແລະ ຕ່າງປະເທດເຂົ້າຮ່ວມໄດ້ຫຼາຍໂຄງການ ເປັນແມ່ນການພັດທະນາທາງດ່ວນ, ການກໍ່ສ້າງ ແລະ ປັບປຸງ ສະໜາມບິນສາກົນ, ການພັດທະນາຕົວເມືອງທັນສະໄໝ, ການກໍ່ສ້າງລະບບົນໍ້າປະປາ…
  8. ການເກັບລາຍຮັບຂອງຂະແໜງການໂຍທາທິການ ແລະ ຂົນສົ່ງນັບແຕ່ປີ 2016-2019 ໄດ້ລື່ນແຜນການ 13,8%.
  9. ກົງຈັກການຈັດຕັ້ງຂອງຂະແໜງການໂຍທາທິການ ແລະ ຂົນສົ່ງໄດ້ຮັບການປັບປຸງໄດ້ຮັບການປັບປຸງໃຫ້ກະທັນຮັດ ແລະ ສອດຄ່ອງກັບການເຄື່ອນໄຫວຕົວຈິງ.
  10. ການພົວພັນຮ່ວມມືກັບບັນດາປະເທດເພື່ອນມິດຍຸດທະສາດ ແລະ ບັນດາຄູ່ຮ່ວມພັດທະນາໄດ້ຮັບການພັດທະນາສູ່ລວງເລິກ.

ເຖິງຢ່າງໃດກໍຕາມນັ້ນພຽງແຕ່ເປັນສ່ວນໜຶ່ງເທົ່ານັ້ນຂອງການສຳເລັດ. ນອກຈາກນີ້ຍັງມີຫຼາຍດ້ານທີ່ພວກເຮົາບໍ່ສາມາດຈະຍົກຂຶ້ນມາຢູ່ໃນທີ່ນີ້ໃຫ້ໝົດໄດ້.

ແຕ່ກໍເປັນອັນແນ່ນອນວ່າ ໄປຄຽງຄູ່ກັບຜົນສຳເລັດ ແລະ ຜົນງານທີ່ສ້າງມາໄດ້ ກໍຍັງມີບາງດ້ານ ດ້ວຍເຫດຜົນທີ່ແຕກຕ່າງກັນ ຍັງບໍ່ສາມາດບັນລູໄດ້ ຊຶ່ງຈະຕ້ອງໄດປັບປຸງແກ້ໄຂໃນຕໍ່ໜ້າ, ເປັນຕົ້ນແມ່ນ:

  1. ການເສີມຂະຫຍາຍທ່າແຮງທາງດ້ານພູມສັນຖານຍັງບໍ່ທັນໄດ້ດີ, ການກໍ່ສ້າງຍົກລະດັບໂຄງລ່າງເສດຖະກິດ ແລະ ສິ່ງອຳນວຍຄວາມສະດວກດ້ານການຂົນສົ່ງບໍ່ທັນເປັນລະບົບ, ຄ່າຂົນສົ່ງພາຍໃນ ແລະ ຕ່າງປະເທດລາຄາຍັງສູງຢູ່, ການພັດທະນາລະບົບຕາໜ່າງຄົມມະນາຄົມຍັງບໍ່ທັນມີຈຸດສຸມເທົ່າທີ່ຄວນ ບໍ່ທັນຕິດພັນກັບແຜນແມ່ບົດ…
  2. ການລະດົມທຶນຈາກເອກະຊົນເພື່ອຈັດຕັ້ງໃນຮູບແບບ PPP ລວມທັງການຂົນຂວາຍແຫຼ່ງທຶນຈາກບັນດາຄູ່ຮ່ວມພັດທະນາ ແລະ ສະຖາບັນການເງິນສາກົນ ຍັງຊັກຊ້າ.
  3. ການສ້າງ ແລະ ປັບປຸງກົດໝາຍ, ລະບຽບການ ລວມທັງມາດຕະຖານເຕັກນິກໃຫ້ສອດຄ່ອງກັບ ປະຊາຄົມອາຊຽນເຮັດບໍ່ທັນໄດ້ດີ.
  4. ການບຳລຸງຍົກລະດັບວິຊາການຂອງພະນັກງານຍັງເຮັດໄດ້ໜ້ອຍ.
  5. ຍັງມີໜີ້ຄຸມເຄືອ.
  6. ການຄຸ້ມຄອງການຂົນສົ່ງທາງບົກທັງພາຍໃນ ແລະ ຕ່າງປະເທດຍັງເຮັດບໍ່ໄດ້ດີເທົ່າທີ່ຄວນ.
  7. ການຄຸ້ມຄອງຜັງເມືອງ ແລະ ການກໍ່ສ້າງຍັງບໍ່ທັນເຂັ້ມງວດ.
  8. ການແກ້ໄຂບັນຫາຈະລະຈອນແອອັດ, ອຸປະຕິເຫດຕາມທ້ອງຖະໜົນບໍ່ທັນໄດ້ດີ….

ເຖິງແນວໃດກໍຕາມ, ພວກເຮົນມີຄວາມພາກພູມໃຈເປັນຢ່າງຍິ່ງນຳຂະແໜງການໂຍທາທິການ ແລະ ຂົນສົ່ງທີ່ໄດ້ສ້າງຜົນງານທີ່ເປັນຊິ້ນໂບແດງ, ເປັນຂອງຂວັນ ຊິ້ນໃຫ່ຍ ເພື່ອຂໍ່ານັບຮັບຕ້ອນວັນຊາດທີ 2 ທັນວາ ດ້ວຍຄວາມເອກອ້າງທະນົງໃຈ. ຫວັງຢ່າງຍິ່ງວ່າ ຂະແໜງການໂຍທາທິການ ແລະ ຂົນສົ່ງຄົງມີຜົນງານໃໝ່ຍິ່ງໃຫ່ຍກວ່ານີ້ໃນອະນາຄົດ. ພວກເຮົາຈົ່ງເຊື່ອໝັ້ນຕໍ່ການນຳພາຂອງພັກ ເດັດຂາດມີໄຊໃນທີ່ສຸດ.

ຕະຫຼອດໄລຍະ 5 ປີທີ່ຜ່ານມາ ໂຍທາທິການ ແລະ ຂົນສົ່ງ ທີ່ມີຜົນງານພົ້ນເດັ່ນຫຼາຍດ້ານ ເປັນຊິ້ນໂບແດງ - WhatsApp Image 2020 05 27 at 5 - ຕະຫຼອດໄລຍະ 5 ປີທີ່ຜ່ານມາ ໂຍທາທິການ ແລະ ຂົນສົ່ງ ທີ່ມີຜົນງານພົ້ນເດັ່ນຫຼາຍດ້ານ ເປັນຊິ້ນໂບແດງ
ຕະຫຼອດໄລຍະ 5 ປີທີ່ຜ່ານມາ ໂຍທາທິການ ແລະ ຂົນສົ່ງ ທີ່ມີຜົນງານພົ້ນເດັ່ນຫຼາຍດ້ານ ເປັນຊິ້ນໂບແດງ - WhatsApp Image 2020 05 27 at 5 - ຕະຫຼອດໄລຍະ 5 ປີທີ່ຜ່ານມາ ໂຍທາທິການ ແລະ ຂົນສົ່ງ ທີ່ມີຜົນງານພົ້ນເດັ່ນຫຼາຍດ້ານ ເປັນຊິ້ນໂບແດງ
error: Alert: ເນື້ອຫາຂ່າວມີລິຂະສິດ !!