ກອງປະຊຸມຄົບຄະນະຊີ້ນໍາໂຄງການກໍ່ສ້າງທາງລົດໄຟ ລາວ-ຈີນ ຄັ້ງທີ 9

ກອງປະຊຸມຄົບຄະນະຊີ້ນໍາໂຄງການກໍ່ສ້າງທາງລົດໄຟ ລາວ-ຈີນ ຄັ້ງທີ 9 - 127036814 2673646272945917 5176180660572792816 n - ກອງປະຊຸມຄົບຄະນະຊີ້ນໍາໂຄງການກໍ່ສ້າງທາງລົດໄຟ ລາວ-ຈີນ ຄັ້ງທີ 9
ກອງປະຊຸມຄົບຄະນະຊີ້ນໍາໂຄງການກໍ່ສ້າງທາງລົດໄຟ ລາວ-ຈີນ ຄັ້ງທີ 9 - 174233 - ກອງປະຊຸມຄົບຄະນະຊີ້ນໍາໂຄງການກໍ່ສ້າງທາງລົດໄຟ ລາວ-ຈີນ ຄັ້ງທີ 9

ກອງປະຊຸມຄົບຄະນະຊີ້ນໍາໂຄງການກໍ່ສ້າງທາງລົດໄຟ ລາວ-ຈີນ ຄັ້ງທີ 9 ຈັດຂຶ້ນທີ່ກະຊວງໂຍທາທິການ ແລະ ຂົນສົ່ງ ໃນຕອນເຊົ້າວັນທີ 25 ພະຈິກນີ້ ໂດຍການເປັນປະທານຂອງທ່ານ ບຸນທອງ ຈິດມະນີ ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ, ປະທານອົງການກວດກາລັດຖະບານ ແລະ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ, ຫົວໜ້າຄະນະຊີ້ນໍາໂຄງການກໍ່ສ້າງທາງລົດໄຟ ລາວຈີນ, ມີທ່ານ ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະ ຂົນສົ່ງ ທັງເປັນຮອງຫົວໜ້າຄະນະຊີ້ນໍາໂຄງການກໍ່ສ້າງທາງລົດໄຟ ລາວ-ຈີນ ແລະ ບັນດາຮອງເຈົ້າແຂວງທີ່ແລວທາງລົດໄຟຜ່ານ ເຂົ້າຮ່ວມນຳດ້ວຍ.

ໃນກອງປະຊຸມ, ຫົວໜ້າຄະນະຄຸ້ມຄອງໂຄງການກໍ່ສ້າງທາງລົດໄຟ ລາວ-ຈີນ ໄດ້ລາຍງານຄວາມຄືບໜ້າຂອງການກໍ່ສ້າງທາງລົດໄຟດັ່ງກ່າວ ຊຶ່ງມາຮອດປັດຈຸບັນສາມາດຈັດຕັ້ງປະຕິບັດສໍາເລັດ 94,15% ຂອງວຽກງານກໍ່ສ້າງພື້ນຖານເສັ້ນທາງທັງຫມົດ, ໃນນີ້ໄດ້ລົງມືກໍ່ສ້າງຂົວທັງຫມົດ 165 ແຫ່ງ ແລະ ສຳເລັດການກໍ່ສ້າງເສົາຂົວຫລາຍກວ່າ 2.000 ເສົາ; ສໍາເລັດການວາງຂາງຂົວ 1.842 ຊ່ວງເສົາ ກວມເອົາ 88,70% ຂອງການອອກແບບທັງໝົດ. ສໍາລັບວຽກງານການວາງລາງທາງລົດໄຟ ນັບແຕ່ບ້ານຫ້ວຍນໍ້າເຢັນ ເມືອງນາຊາຍທອງ ນະຄອນຫຼວງວຽງຈັນ ຫາແຂວງຫຼວງພະບາງ, ມາຮອດວັນທີ 31 ຕຸລາ2020 ສໍາເລັດ 161,60 ກິໂລແມັດ ເທົ່າກັບ 39,51% ໃນຄວາມຍາວທັງໝົດ 409 ກິໂລແມັດ.

ຄວາມຄືບໜ້າການຈັດຕັ້ງປະຕິບັດໂຄງການ ຊ່ວງທີ 2 ແຕ່ສະຖານີໂດຍສານ ນະຄອນຫຼວງວຽງຈັນຫາສະຖານີສິນຄ້າວຽງຈັນໃຕ້ ທີ່ທ່ານາແລ້ງ ມີໄລຍະທາງ 17 ກິໂລແມັດ ປະຕິບັດສໍາເລັດ 8,49%. ສ່ວນການອອກແບບສະຖານີສິນຄ້າວຽງຈັນໃຕ້ ເປັນຕົ້ນສູນເຕັກນິກ, ສູນສ້ອມແປງລົດໄຟ ແລະ ສະຖານີພັກສິນຄ້າໄດ້ສໍາເລັດແລ້ວ, ຍັງແຕ່ຈຸດຄ່ຽນຖ່າຍສິນຄ້າ ແມ່ນພວມສືບຕໍ່ອອກແບບລະອຽດທັງ 3 ຈຸດ ທີ່ບໍລິສັດທາງລົດໄຟ ລາວ-ຈີນ ຈະສະເໜີຫາກະຊວງ ຍທຂ ເພື່ອນໍາສະເໜີຕໍ່ລັດຖະບານພິຈາລະນາ ຮັບຮອງເອົາເປັນທາງການ, ຫຼັງຈາກນັ້ນ ຈຶ່ງສາມາດດໍາເນີນການກໍ່ສ້າງໄດ້. ສ່ວນວຽກງານດ້ານອື່ນໆກໍມີຄວາມຄືບຫນ້າເຊັ່ນດຽວກັນ. ຈາກນັ້ນຜູ້ເຂົ້າຮ່ວມກອງປະຊຸມໄດ້ພັດປ່ຽນກັນປະກອບຄໍາຄິດຄໍາເຫັນໃສ່ວຽກງານດ້ານຕ່າງໆ ຕາມການເຈາະຈີ້ມຂອງປະທານກອງຊຸມ ທ່ານ ບຸນທອງ ຈິດມະນີ ເພື່ອເຮັດໃຫ້ການກໍ່ສ້າງທາງລົດໄຟ ລາວ-ຈີນ ດຳເນີນໄປດ້ວຍຄວາມສະດວກ, ວ່ອງໄວ ແລະ ສາມາດສໍາເລັດຕາມກຳນົດເວລາ, ຮັບປະກັນຄຸນນະພາບ ແລະ ເຮັດໃຫ້ກາຍເປັນໂຄງການປອດໃສ ຂາວສະອາດຢ່າງແທ້ຈິງ.

ກອງປະຊຸມຄົບຄະນະຊີ້ນໍາໂຄງການກໍ່ສ້າງທາງລົດໄຟ ລາວ-ຈີນ ຄັ້ງທີ 9 - Wave100S AD to Website 2020 0 - ກອງປະຊຸມຄົບຄະນະຊີ້ນໍາໂຄງການກໍ່ສ້າງທາງລົດໄຟ ລາວ-ຈີນ ຄັ້ງທີ 9
ກອງປະຊຸມຄົບຄະນະຊີ້ນໍາໂຄງການກໍ່ສ້າງທາງລົດໄຟ ລາວ-ຈີນ ຄັ້ງທີ 9 - WhatsApp Image 2020 05 27 at 5 - ກອງປະຊຸມຄົບຄະນະຊີ້ນໍາໂຄງການກໍ່ສ້າງທາງລົດໄຟ ລາວ-ຈີນ ຄັ້ງທີ 9
error: Alert: ເນື້ອຫາຂ່າວມີລິຂະສິດ !!