ວິທີເຮັດໃຫ້ໃບໜ້າກ້ຽງງາມສົດໃສ

- AGL banner - ວິທີເຮັດໃຫ້ໃບໜ້າກ້ຽງງາມສົດໃສ
  1. - 2101 1 300x168 - ວິທີເຮັດໃຫ້ໃບໜ້າກ້ຽງງາມສົດໃສບໍ່ຄວນນອນເດິກເກີນ 22:00 ໂມງ ຄວນເຂົ້ານອນລະຫວ່າງ 21:00 ຫາ 22:00 ໂມງ ແລະ ນອນຫລັບພັກຜ່ອນໃຫ້ພຽງພໍຢ່າງໜ້ອຍມື້ລະ 8 ຊົ່ວໂມງ ເພາະການນອນເດິກຈະເຮັດໃຫ້ລະບົບຕ່າງໆໃນຮ່າງກາຍເສື່ອມໂຊມ ເຮັດໃຫ້ມີອາຍຸສັ້ນລົງ, ລະບົບທໍ່ອາຫານ, ລະບົບທໍ່ຫາຍໃຈ ແລະ ລະບົບພູມຕ້ານທານເຮັດວຽກບໍ່ເປັນປົກກະຕິ.
  2. ອອກກຳລັງກາຍເປັນປະຈຳທຸກມື້ ຫລື ບາມື້ກໍໄດ້ ຢ່າງໜ້ອຍມື້ລະ 30 ນາທີ ເຮັດໃຫ້ສຸຂະພາບດີ, ເບິ່ງສົດຊື່ນມີນ້ຳມີນວນ, ຜ່ອງໃສ ທັງຍັງເຮັດໃຫ້ມີສຸຂະພາບຮ່າງກາຍແຂງແຮງນຳອີກ.
  3. ດື່ມນ້ຳສະອາດຢ່າງໜ້ອຍມື້ລະ 8 ຈອກ ເພາະຈະຊ່ວຍກຳຈັດສິ່ງເສດເຫລືອອອກຈາກຮ່າງກາຍ ເຮັດໃຫ້ໃບໜ້າສົດໃສ. ນ້ຳຍັງຊ່ວຍເຮັດໃຫ້ກ້າມຊີ້ນຂອງເຮົາມີຄວາມຊຸ່ມຊື່ນ ບໍ່ຫ່ຽວຍານນຳອີກ ເຊິ່ງຖ້າຫາກຮ່າງກາຍມີນ້ຳພຽງພໍກໍສາມາດກຳຈັດສິ່ງເສດເຫລືອເຫລົ່ານີ້ອອກມາໄດ້ຫລາຍ.
  4. ກິນຜັກ ແລະ ໝາກໄມ້ເປັນປະຈຳ ເຊັ່ນ : ໝາກກ້ຽງ, ໝາກສີດາ, ໝາກກ້ວຍ, ໝາກກີວີ, ໝາກນາວ, ໝາກເລັ່ນໃຫຍ່ ເປັນຕົ້ນ ເຊິ່ງຈະເຮັດໃຫ້ຮ່າງກາຍມີສຸຂະພາບແຂງແຮງ, ຕ້ານທານພະຍາດຕ່າງໆ, ເຮັດໃຫ້ຜິວງາມສົດໃສຂຶ້ນຢ່າງເປັນທຳມະຊາດ.
  5. ຫລີກເວັ້ນການກິນອາຫານລົດຊາດມັນໆທຸກຊະນິດ ເຊິ່ງຈະເຮັດໃຫ້ໜ້າມັນ ແລະ ອາດເກີດສິວຕາມມາໄດ້ ຫລື ຖ້າອົດບໍ່ໄດ້ຫລັງຈາກກິນແລ້ວຄວນດື່ມນ້ຳຕາມຫລັງຫລາຍໆ.
  6. ຕອນເປັນປະຈຳເດືອນຄວນຫລີກເວັ້ນອາຫານມັນ ເພາະອາດເຮັດໃຫ້ໃບໜ້າຂອງທ່ານຍິ່ງມັນຂຶ້ນຕື່ມ ເຊິ່ງອາດເຮັດໃຫ້ເກີດສິວອັດຕັນໄດ້.
  7. ເຮັດຈິດໃຈໃຫ້ສົດໃສລ່າເລີງ, ແຈ່ມໃສ, ເບິ່ງໂລກໃນແງ່ດີ ຈະຊ່ວຍຫລຸດຄວາມເຄັ່ງຄຽດ ເຊິ່ງເປັນສາເຫດຂອງການເກີດ ສິວໄດ້ ແລະ ຍັງຊ່ວຍເຮັດໃຫ້ນານເຖົ້າໄດ້ນຳອີກ.
  8. ບໍ່ດື່ມເຫລົ້າ ຫລື ສູບຢາ ເພາະຈະເຮັດໃຫ້ຜິວໜັງຫ່ຽວຍານເຖົ້າກ່ອນອາຍຸ, ໜ້າຕາບໍ່ສົດໃສ ແລະ ມີສິວອັດຕັນຕາມມາ ດັ່ງນັ້ນຄວນຫລີກເວັ້ນ ເພາະເຄື່ອງດື່ມທີ່ີມີອານກໍຮໍ ແລະ ຢາສູບມີຜົນຮ້າຍຫລາຍຕໍ່ສຸຂະພາບພາຍໃນຮ່າງກາຍຂອງເຮົາ.
  9. ຄວນຫລີກເວັ້ນການພະເຊີນກັບແສງແດດກ້າ ເພາະແສງແດດຈະເຮັດໃຫ້ໜ້າດຳຄ້ຳ ເມື່ອອອກກາງແຈ້ງຄວນໃສ່ແວ່ນຕາ ກັນແດດ, ກັ້ງຄັນຮົ່ມ ຫລື ໃສ່ໝວກ ປ້ອງກັນລັງສີ UV ແລະ ທາຄຣີມກັນແດດທຸກມື້.

10.​ ຫລີກເວັ້ນມົນລະພິດຕ່າງໆໂດຍບໍ່ຈຳເປັນ.

  1. ເວລາວ່າງຄວນພອກໜ້າເພື່ອບຳລຸງອາທິດລະເທື່ອ.
  2. ບໍ່ຄວນເຂົ້ານອນໂດຍທີ່ຍັງບໍ່ໄດ້ລ້າງໜ້າ, ກ່ອນລ້າງໜ້າຄວນເຊັດເຮັດຄວາມສະອາດບັນດາເຄື່ອງສຳອາງກ່ອນທຸກເທື່ອ ແລະ ຄວນລ້າງໜ້າມື້ລະ 2 ເທື່ອ ແລະ ບໍ່ເກີນ 3 ເທື່ອ ເພາະຈະເຮັດໃຫ້ຜິວຂາດຄວາມຊຸ່ມຊື່ນໄດ້.
  3. ເມື່ອລ້າງໜ້າແລ້ວຄວນໃຊ້ໂທນເນີເຊັດເຮັດຄວາມສະອາດອີກເທື່ອໜຶ່ງ ເພື່ອໃຫ້ໝັ້ນໃຈວ່າຜິວຂອງທ່ານສະອາດປາສະ ຈາກສານຕົກຄ້າງແລ້ວແທ້ໆ.
  4. ຫລັງຈາກລ້າງໜ້າທຸກເທື່ອຄວນທາຄຣີມບຳລຸງຜິວເພື່ອທົດແທນຄວາມຊຸ່ມຊື່ນທີ່ເສຍໄປຈາກການລ້າງໜ້າ ເພື່ອປ້ອງກັນຮອຍຫ່ຽວ ແລະ ຮອຍຕີນກາ.

15.​ ຄວນແຍກຜ້າເຊັດໂຕກັບຜ້າເຊັດໜ້າໃຫ້ເປັນຄົນລະຜືນ, ຊັກອາທິດລະເທື່ອເພື່ອປ້ອງກັນສິ່ງເປິເປື້ອນ.

- Wave100S AD to Website 2020 0 - ວິທີເຮັດໃຫ້ໃບໜ້າກ້ຽງງາມສົດໃສ
  1. ຄວນເຮັດຄວາມສະອາດຟອຍແຕ່ງໜ້າເປັນປະຈຳອາທິດລະເທື່ອເພື່ອປ້ອງກັນສິ່ງເປິເປື້ອນ ແລະ ເຊື້ອແບັກທີເຣຍທີ່ເປັນສາເຫດຂອງສິວອັດຕັນ.
  2. ສຳລັບຄົນຜິວມັນ ຖ້າຮູ້ສຶກວ່າໜ້າມັນໃນຕອນກາງເວັນ ຄວນໃຊ້ເຈ້ຍຊັບຄວາມມັນແທນການລ້າງໜ້າເລື້ອຍໆ.
- WhatsApp Image 2020 05 27 at 5 - ວິທີເຮັດໃຫ້ໃບໜ້າກ້ຽງງາມສົດໃສ
- WhatsApp Image 2020 05 27 at 5 - ວິທີເຮັດໃຫ້ໃບໜ້າກ້ຽງງາມສົດໃສ
- WhatsApp Image 2020 05 27 at 5 - ວິທີເຮັດໃຫ້ໃບໜ້າກ້ຽງງາມສົດໃສ
- WhatsApp Image 2020 05 27 at 5 - ວິທີເຮັດໃຫ້ໃບໜ້າກ້ຽງງາມສົດໃສ
error: Alert: Content is protected !!