Foxconn ກຽມຍ້າຍຖານການຜະລິດ iPad ແລະ MacBook ຈາກຈີນມາຫວຽດນາມ

Foxconn ກຽມຍ້າຍຖານການຜະລິດ iPad ແລະ MacBook ຈາກຈີນມາຫວຽດນາມ - apple tem novo plano para diminuir custos de producao do macbook - Foxconn ກຽມຍ້າຍຖານການຜະລິດ iPad ແລະ MacBook ຈາກຈີນມາຫວຽດນາມ
Foxconn ກຽມຍ້າຍຖານການຜະລິດ iPad ແລະ MacBook ຈາກຈີນມາຫວຽດນາມ - Untitled design - Foxconn ກຽມຍ້າຍຖານການຜະລິດ iPad ແລະ MacBook ຈາກຈີນມາຫວຽດນາມ

​ແຫ​ລ່ງຂ່າວ​ເປີດ​ເຜີຍ​ວ່າ: ຜູ້​ຜະລິດ​ສິນຄ້າ​ຂອງ Apple ກຳລັງ​ສ້າງສາ​ຍການ​ຜະລິດ​ໃນ​ຫວຽດນາມ ​ເພື່ອ​ຫລົບ​ອອກ​ຈາກ​ສົງຄາມ​ການ​ຄ້າ ຈີນ-ອາ​ເມ​ລິ​ກາ.

ວັນ​ທີ 26 ພະຈິກ, ສຳນັກ​ຂ່າວ Bloomberg ລາຍ​ງານ​ໂດຍ​ອ້າງ​ອີງ​ຈາກ​ແຫ​ລ່ງຂ່າວ​ວົງ​ໃນ​ວ່າ: Foxconn ຜູ້​ຜະລິດ​ຊິ້ນສ່ວນ​ເອ​ເລັກ​ໂຕຣນິກຍັກ​ໃຫຍ່ ມີ​ແຜນ​ຈະ​ຍ້າຍ​ຖານ​ການ​ຜະລິດ​ໃນ​ສ່ວນ​ຂອງ iPad ​ແລະ MacBook ອອກ​ຈາກ​ຈີນ ​ໂດຍ​ມີ​ຈຸດໝາຍ​ປາຍທາງ​ຄື​ຫວຽດນາມ ​ໂດຍ​ຄາດ​ວ່າ​ຈະ​ເລີ່​ມ​ເດີນ​ໜ້າ​ສາຍ​ການ​ຜະລິດ​ໄດ້​ພາຍ​ໃນ​ເຄິ່ງປີ​ທຳ​ອິດ​ຂອງ​ປີ 2021.

ການ​ປ່ຽນ​ຖານ​ການ​ຜະລິດ​ຄັ້ງນີ້ ຄາດ​ວ່າ​ເກີດ​ຈາກ​ການ​ທີ່​ບໍລິສັດ​ກັງວົນ​ເຖິງ​ຜົນ​ກະທົບ​ຈາກ​ສົງຄາມ​ການ​ຄ້າ​ລະຫວ່າງ ຈີນ ​ແລະ ອາ​ເມ​ລິ​ກາ ທີ່​ມີ​ທ່າ​ອ່ຽງວ່າ​ຈະ​ດຳ​ເນີນ​ຕໍ່​ໄປ ຫລັງ​ຈາກ​ປະທານາທິບໍດີ ​ໂດ​ນັລ ທຣຳ ກ້າວ​ລົງ​ຈາກ​ຕຳ​ແໜ່​ງ.

ຕາມ​ລາຍ​ງານ​ລະບຸ​ວ່າ: ນັບ​ແຕ່​ປະທານາທິບໍດີ ທຣຳ ຂຶ້ນດຳລົງ​ຕຳ​ແໜ່​ງຜູ້ນຳ​ອາ​ເມ​ລິ​ກາ ມີ​ຜູ້​ຜະລິດ​ຫລາຍ​​ແຫ່ງ​ທີ່​ຕັດສິນ​ໃຈ​ຍ້າຍ​ໂຮງງານ​ອອກ​ຈາກ​ຈີນ ​ໂດຍ​ມີ​ຫວຽດນາມ, ​ເມັກ​ຊິກ ​ແລະ ອິນ​ເດຍ ​ເປັນ​ແຫ​ລ່ງຫລົບ​ໄພ​ຈາກ​ບັນຫາ​ທາງ​ການ​ເມືອງ​ລະຫວ່າງ 2 ມະຫາ​ອຳນາດ​ຂອງ​ໂລກ.

​​ເມື່ອ​ຕົ້ນອາທິດ ມີ​ຂ່າວ​ອອກ​ມາ​ວ່າ: ທາງ​ຟ໊ອກຄອນ​ຕັດສິນ​ໃຈ​ລົງທຶນ​ດ້ານ​ການ​ຜະລິດ​ເປັນ​ເງິນ 270 ລ້ານ​ໂດ​ລາ​ສະຫະລັດ ​ໂດຍ​ຄາດ​ວ່າ​ເປັນ​ການ​ລົງທຶນ​ໃນ​ປະ​ເທດ​ຫວຽດນາມ.

Foxconn ກຽມຍ້າຍຖານການຜະລິດ iPad ແລະ MacBook ຈາກຈີນມາຫວຽດນາມ - Wave100S AD to Website 2020 0 - Foxconn ກຽມຍ້າຍຖານການຜະລິດ iPad ແລະ MacBook ຈາກຈີນມາຫວຽດນາມ

​ໂຮງງານ​ເຫລົ່າ​ນີ້​ສ້າງຕັ້ງຢູ່​ແຂວງ​ບັກ​ຊາງ ທາງ​ຕອນ​ເໜືອ​ຂອງ​ຫວຽດນາມ ​ເຊິ່ງກ່ອນ​ໜ້າ​ນີ້​ເຄີຍ​ເປັນພື້ນທີ່​ທຸກ​ຍາກ​ທີ່​ສຸດ​ແຫ່ງ​ໜຶ່ງ​ຂອງ​ປະ​ເທດ,​ ​ແຕ່​​ໂຮງງານ​ຕ່າງປະ​ເທດ​ເຂົ້າມາ ​ເຮັດ​ໃຫ້​ຊີວິດ​ການ​ເປັນ​ຢູ່​ຂອງ​ປະຊາຊົນ​ດີ​ຂຶ້ນ.

​ໂດຍ Bloomberg ​ໄດ້​ລົງ​ຄວາມ​ເຫັນ​ຂອງ​ນັກວິ​ເຄາະ​ໄວ້​ວ່າ: ສາ​ເຫດ​ທີ່​ເຮັດ​ໃຫ້​ຫວຽດນາມ​ກາຍ​ເປັນ​ປະ​ເທດ​ທີ່​ໜ້າ​ລົງທຶນ​ຄື​ຄ່າ​ແຮງ​ງານ​ຖືກ, ຄວາມ​ໝັ້ນຄົງ​ທາງ​ການ​ເມືອງ, ນະ​ໂຍບາຍ​ເປັນ​ມິດ​ຕໍ່​ນັກ​ລົງທຶນ, ພ້ອມ​ຈະ​ພັດທະນາ​ສາທາລະ​ນູປະ​ໂພ​ກ. ອີ​ກທັງ ລັດຖະບານ​ຍັງ​ໃຫ້ການ​ສະໜັບສະໜູນ​ບໍລິສັດ​ສະ​ຕາດ​ອັບ​ດ້ານ​ເຕັກ​ໂນ​ໂລ​ຊີ.

Foxconn ກຽມຍ້າຍຖານການຜະລິດ iPad ແລະ MacBook ຈາກຈີນມາຫວຽດນາມ - WhatsApp Image 2020 05 27 at 5 - Foxconn ກຽມຍ້າຍຖານການຜະລິດ iPad ແລະ MacBook ຈາກຈີນມາຫວຽດນາມ
Foxconn ກຽມຍ້າຍຖານການຜະລິດ iPad ແລະ MacBook ຈາກຈີນມາຫວຽດນາມ - WhatsApp Image 2020 05 27 at 5 - Foxconn ກຽມຍ້າຍຖານການຜະລິດ iPad ແລະ MacBook ຈາກຈີນມາຫວຽດນາມ
error: Alert: ເນື້ອຫາຂ່າວມີລິຂະສິດ !!