ສ.ເກົາຫຼີ ຈະຊ່ວຍເຫຼືອພັດທະນາບ້ານແບບໃໝ່ ໃຫ້ 3 ເມືອງເປົ້າໝາຍ ໃນແຂວງບໍລິຄຳໄຊ

ສ.ເກົາຫຼີ ຈະຊ່ວຍເຫຼືອພັດທະນາບ້ານແບບໃໝ່ ໃຫ້ 3 ເມືອງເປົ້າໝາຍ ໃນແຂວງບໍລິຄຳໄຊ - Untitled design - ສ.ເກົາຫຼີ ຈະຊ່ວຍເຫຼືອພັດທະນາບ້ານແບບໃໝ່ ໃຫ້ 3 ເມືອງເປົ້າໝາຍ ໃນແຂວງບໍລິຄຳໄຊ

ພິທີເຊັນບົດບັນທຶກຄວາມເຂົ້າໃຈກ່ຽວກັບໂຄງການຮ່ວມມືພັດທະນາບ້ານແບບໃໝ່ ໄດ້ຈັດຂຶ້ນໃນວັນທີ 26 ພະຈິກນີ້ ຢູ່ພະແນກແຜນການ ແລະ ການລົງທຶນແຂວງ ຕາງໜ້າໃຫ້ແກ່ອໍານາດການປົກຄອງແຂວງເຊັນໂດຍ ທ່ານ ເລື່ອນວິໄລ ຈັນທະລາພັນ ຫົວໜ້າພະແນກແຜນການ ແລະ ການລົງທຶນແຂວງ, ຕາງໜ້າໂຄງການເຊັນໂດຍທ່ານ ຮົງເຈິງໂອ ຜູ້ປະສານງານອົງການແຊມາອຶລ໌ ອູນດົງ ແຫ່ງ ສ.ເກົາຫຼີ ປະຈຳ ສປປ ລາວ ໂດຍຊ້ອງໜ້າໂດຍທ່ານ ປອ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ, ທ່ານ ບຸນເສັງ ປະທຳມະວົງ ຮອງເຈົ້າແຂວງບໍລິຄຳໄຊ ພ້ອມດ້ວຍຫົວໜ້າພະແນກການ, ເມືອງ ແລະ ພະນັກງານວິຊາການ ທັງສອງຝ່າຍເຂົ້າຮ່ວມເປັນສັກຂີພິຍານ.

ການຊ່ວຍເຫຼືອລ້າຈາກອົງການຈັດຕັ້ງສາກົນທີ່ບໍ່ຂຶ້ນກັບລັດຖະບານ ຫ້ອງການແຊມາອຶລ໌ ອູນດົງ ແຫ່ງ ສ.ເກົາຫຼີ ປະຈຳ ສປປ ລາວ ໂດຍການຊ່ວຍເຫຼືອລ້າດ້ານງົບປະມານ ແລະ ວິຊາການ ເຂົ້າໃສ່ 3 ກິດຈະກຳຫຼັກຄື: ປັບປຸງພື້ນຖານໂຄງລ່າງ, ສາທາລະນະປະໂຫຍດ ແລະ ສີ່ງອຳນວຍຄວາມສະດວກ ເປັນຕົ້ນແມ່ນ ການກໍ່ສ້າງ ຫຼື ບູລະນະສ້ອມແປງໂຮງຮຽນ, ຫ້ອງການບ້ານ, ລະບົບຊົນລະປະທານ, ຕາຂ່າຍໄຟຟ້າ, ໄຟຟ້າແສງຕາເວັນ, ທາງເບຕົງ-ເສີມເຫຼັກພາຍໃນບ້ານ, ການສ້າງວຽກເຮັດງານທໍາ ເພື່ອສ້າງລາຍຮັບທີ່ໝັ້ນຄົງ ແລະ ຕໍ່ເນື່ອງ ໃນການສົ່ງເສີມການຜະລິດເປັນສິນຄ້າ ເປັນຕົ້ນແມ່ນການປູກພືດຜັກໃນເຮືອນຮົ່ມ ແລະ ການລ້ຽງສັດຕາມທີ່ຕະຫຼາດຕ້ອງການ ແລະ ການພັດທະນາຊັບພະຍາກອນມະນຸດ ໂດຍຈະມີການຝຶກອົບຮົມຍົກລະດັບ ຄວາມເຂັ້ມແຂງ ໃຫ້ຊາວບ້ານທາງດ້ານຈິດໃຈ, ໃຫ້ມີແນວຄິດຈິນຕະນາການໃໝ່ ລົບລ້າງແນວຄິດຄອງເດີມທີ່ຫຼ້າຫຼັງ ມີສະຕິຄວາມຕື່ນຕົວ ແລະ ມີຄວາມຮັບຜິດຊອບ ດ້ວຍອຸດົມການພື້ນຖານຄື: ຄວາມດຸໝັ່ນ, ເພິ່ງຕົນເອງ ແລະ ການຮ່ວມມືຊ່ວຍເຫຼືອເຊິ່ງກັນ ແລະ ກັນເພື່ອຄວາມຢູ່ດີ, ກິນດີ ແລະ ມັ່ງຄັ່ງ ໂດຍແນໃສ່ 3 ເມືອງເປົ້າໝາຍຄື: ເມືອງປາກຊັນ, ທ່າພະບາດ ແລະ ເມືອງປາກກະດິງ.

ຈຸດໝາຍລວມກໍເພື່ອພັດທະນາແຂວງບໍລິຄຳໄຊ ໃຫ້ບັນລຸເງື່ອນໄຂການຫຼຸດພົ້ນອອກຈາກສະຖານະພາບຄວາມດ້ອຍພັດທະນາຢ່າງໜັກແໜ້ນ ໃຫ້ຕິດພັນກັບການປັບປຸງແບບແຜນດຳລົງຊີວິດໃໝ່ທີ່ກ້າວໜ້າ ເປັນຕົ້ນແມ່ນການຫັນປ່ຽນແນວຄິດທີ່ອາໄສແຕ່ການບໍລິໂພກເປັນຕົ້ນຕໍໃນໄລຍະຜ່ານມາ ໃຫ້ຫັນມາເຮັດການຜະລິດກຸ້ມຕົນເອງ ແລະ ກາຍເປັນສິນຄ້າທີ່ຍືນຍົງ, ພັດທະນາຊົນນະບົດ, ລຶບລ້າງຄວາມທຸກຍາກຂອງປະຊາຊົນ ໃນເຂດຊົນນະບົດພູດອຍ ໃຫ້ເປັນເຈົ້າການທຳການຜະລິດໃຫ້ກຸ້ມກິນ, ມີໃຊ້ເພິ່ງຕົນເອງກຸ້ມຕົນເອງ, ຕີຖອຍແນວຄິດຄອງຄອຍ ແລະ ສ້າງວິຖີຊີວິດໃໝ່, ວິທີທຳມາຫາກິນແບບໃໝ່, ພັດທະນາພື້ນຖານໂຄງລ່າງທີ່ຈຳເປັນ ຢູ່ໃນເຂດຫ່າງໄກສອກຫຼີກ ບັນດາເຂດຈຸດສຸມ ເພື່ອເຮັດໃຫ້ປະຊາຊົນ ໄດ້ຮັບການບໍລິການຂັ້ນພື້ນຖານຂອງລັດ ແລະ ສົ່ງສິນຄ້າອອກສູ່ຕະຫຼາດໃຫ້ຫຼາຍຂຶ້ນ ເຊິ່ງໂຄງການມີໄລຍະສັນຍາ 5 ປີ ໂດຍຊ່ວຍເຫຼືອເປັນເງິນປີລະ 1 ແສນໂດລາສະຫະລັດ ແລະ ຖ້າເຫັນວ່າໂຄງການນີ້ ມີການພັດທະນາດີຂຶ້ນ ໂຄງການກໍ່ພ້ອມທີ່ຈະສືບຕໍ່ເຊັນສັນຍາເພີ່ມອີກ 5 ປີ.

ຂໍ້ມູນຈາກ: ເວບໄຊ

ສ.ເກົາຫຼີ ຈະຊ່ວຍເຫຼືອພັດທະນາບ້ານແບບໃໝ່ ໃຫ້ 3 ເມືອງເປົ້າໝາຍ ໃນແຂວງບໍລິຄຳໄຊ - Wave100S AD to Website 2020 0 - ສ.ເກົາຫຼີ ຈະຊ່ວຍເຫຼືອພັດທະນາບ້ານແບບໃໝ່ ໃຫ້ 3 ເມືອງເປົ້າໝາຍ ໃນແຂວງບໍລິຄຳໄຊ

 

ສ.ເກົາຫຼີ ຈະຊ່ວຍເຫຼືອພັດທະນາບ້ານແບບໃໝ່ ໃຫ້ 3 ເມືອງເປົ້າໝາຍ ໃນແຂວງບໍລິຄຳໄຊ - WhatsApp Image 2020 05 27 at 5 - ສ.ເກົາຫຼີ ຈະຊ່ວຍເຫຼືອພັດທະນາບ້ານແບບໃໝ່ ໃຫ້ 3 ເມືອງເປົ້າໝາຍ ໃນແຂວງບໍລິຄຳໄຊ
ສ.ເກົາຫຼີ ຈະຊ່ວຍເຫຼືອພັດທະນາບ້ານແບບໃໝ່ ໃຫ້ 3 ເມືອງເປົ້າໝາຍ ໃນແຂວງບໍລິຄຳໄຊ - WhatsApp Image 2020 05 27 at 5 - ສ.ເກົາຫຼີ ຈະຊ່ວຍເຫຼືອພັດທະນາບ້ານແບບໃໝ່ ໃຫ້ 3 ເມືອງເປົ້າໝາຍ ໃນແຂວງບໍລິຄຳໄຊ
error: Alert: ເນື້ອຫາຂ່າວມີລິຂະສິດ !!