ວັນທີ 2 ທັນວາ ສານລັດຖະທຳມະນູນໄທ ຊີ້ຊະຕານັດອ່ານຄຳຕັດສິນຂໍ້ຫາ ເຮືອນພັກຫລວງ
ວັນທີ 2 ທັນວາ 2020 ເປັນວັນທີ່ສານລັດຖະທຳມະນູນນັດອ່ານຄຳຕັດສິນບັນຫາທ່ານ ປະຢຸດ ຈັນໂອຊາ ນາຍົກລັດຖະມົນຕີໄທ ຖືກຮ້ອງວ່າ: ອາໄສໃນເຮືອນພັກທະຫານ ເຂົ້າຂ່າຍເປັນການຂັດກັນລະຫວ່າງຜົນປະໂຫດຍອັນເປັນການກະທຳຕ້ອງຫ້າມຕາມລັດຖະທຳມະນູນ ຫລື ບໍ່.
ວັນທີ 28 ພະຈິກ, ຮອງໂຄສົກປະຈຳສຳນັກງານນາຍົກລັດຖະມົນຕີໄທ ກ່າວໃນລາຍການ “ລັດຖະບານເລົ່າເລື່ອງ ກັບທີມນາລີສະໂມສອນ” ຕອນໜຶ່ງວ່າ: ໃນອາທິດໜ້າ, ທ່ານ ປະຢຸດ ຈັນໂອຊາ ນາຍົກລັດຖະມົນຕີໄທ ມີກຳນົດເດີນທາງກວດລາຊະການຢູ່ແຂວງສະມຸດສົງຄາມ ເພື່ອຢ້ຽມຢາມກິດຈະກຳຂອງກຸ່ມວິສາຫະກິດຊຸມຊົນແຄມຄອງໂຮມສະເຕ, ກວດກາການຜະລິດນ້ຳຕານໝາກພ້າວແທ້ແມ່ກອງ, ກິດຈະກຳທ່ອງທ່ຽວທາງຊຸມຊົນ, ກິດຈະກຳໂຄກໝອງນາໂມເດລ ແລະ ຢ້ຽມຢາມກຸ່ມວິສາຫະກິດຊຸມຊົນອະນຸລັກຟື້ນຟູໝາກພ້າວຄົບວົງຈອນ ຢູ່ອຳພະວາເຊັ່ນ: ການແປຮູບໝາກກ້ວຍຫັກມຸກ, ການຜະລິດໝາກພ້າວແປຮູບ, ການຜະລິດນ້ຳມັນໝາກພ້າວອາໂວກາໂດ, ການຜະລິດວ່າວ ທີ່ເປັນຕົ້ນແບບເສດຖະກິດພໍພຽງ ເຊິ່ງເປັນການອະນຸລັກຟື້ນຟູໝາກພ້າວຄົບວົງຈອນ.
ສື່ມວນຊົນລາຍງານວ່າ: ການລົງພື້ນທີ່ແຂວງສະມຸດສົງຄາມຂອງນາຍົກລັດຖະມົນຕີນັ້ນ ຈະກົງກັບວັນທີ 2 ທັນວາຈະເຖິງນີ້ ເຊິ່ງເປັນວັນທີ່ສານລັດຖະທຳມະນູນນັດອ່ານຄຳຕັດສິນບັນຫາທ່ານ ປະຢຸດ ຈັນໂອຊາ ນາຍົກລັດຖະມົນຕີໄທ ຖືກຮ້ອງວ່າ: ອາໄສໃນເຮືອນພັກທະຫານ ເຂົ້າຂ່າຍເປັນການຂັດກັນແຫ່ງຜົນປະໂຫຍດອັນເປັນການກະທຳຕ້ອງຫ້າມຕາມລັດຖະທຳມະນູນ.
