2 ທັນວາ ມະຫາໄຊໝັ້ນຍືນ

2 ທັນວາ ມະຫາໄຊໝັ້ນຍືນ - 45                            - 2 ທັນວາ ມະຫາໄຊໝັ້ນຍືນ
2 ທັນວາ ມະຫາໄຊໝັ້ນຍືນ - Untitled design - 2 ທັນວາ ມະຫາໄຊໝັ້ນຍືນ

ຍັງອີກບໍ່ພໍເທົ່າໃດວັນກໍຈະຮອດວັນຊາດທີ 2 ທັນວາແລ້ວ ແລະ ປີນີ້ເປັນປີຄົບຮອບ 45 ປີ ແຫ່ງການປົກປັກຮັກສາ ແລະ ສ້າງສາປະເທດຊາດພາຍໃຕ້ ການນໍາພາຂອງພັກ ແລະ ລັດຖະບານເຮັດໃຫ້ ສປປ ລາວເຮົາ ກ້າວໄປຢ່າງບໍ່ຢຸດຢັ້ງ. ວັນຊາດທີ 2 ທັນວາຖືວ່າເປັນບາດລ້ຽວປະຫວັດສາດອັນຍິ່ງໃຫຍ່ຂອງຊາດທີ່ໄດ້ປະກາດລົບລ້າງລະບອບລາຊາທິປະໄຕ, ສ້າງຕັ້ງລະບອບໃໝ່ຄືລະບອບສາທາລະນະລັດ ປະຊາທິປາໄຕ ປະຊາຊົນລາວ ຂຶ້ນແທນຢ່າງສະງ່າຜ່າເຜີຍ.

ເມື່ອຫວນຄືນເບິ່ງໄລຍະປະຫວັດສາດກ່ອນໜ້ານັ້ນຫຼາຍຮ້ອຍປີ,ປະເທດລາວທີ່ມີສາຍາ ນາມວ່າປະເທດລ້ານຊ້າງອັນກວ້າງໃຫຍ່ໄພສານເຄີຍມີບົດບາດ, ອິດທິພົນແລະຊື່ສຽງດັງກ້ອງໂລກ. ແຕ່ກໍໜ້າເສຍໃຈມີບາງໄລຍະປະຫວັດສາດກໍເຄີຍຕົກທຸກໄດ້ຍາກ, ເກີດອາເພດທີ່ໜ້າສົງສານ ແລະ ຕົກຢູ່ໃນຊາຕາກໍາເປັນເມືອງຂຶ້ນຂອງຕ່າງຊາດ. ນັ້ນກໍຍ້ອນການບໍລິຫານປົກຄອງບ້ານເມືອງຂອງບາງເຈົ້າ, ບາງກະສັດບໍ່ເປັນຕາສາເທດ. ການແກ້ງແຍ້ງແຂ່ງຂັນຊີງກັນກໍາອໍານາດ, ຄວາມຢາກເປັນໃຫຍ່ໄຝ່ສູງແລະຄວາມໂລບມາກໂລພາຂອງບາງກະສັດໄດ້ເປັນເຫດໃຫ້ປະເທດຊາດຕ້ອງເສຍຜືນ ແຜ່ນດິນອັນກ້ວາງໃຫຍ່ໄພສານເສຍພົນລະເມືອງໄປຫຼາຍສິບລ້ານ. ນອກຈາກນັ້ນແລ້ວ, ຍັງເສຍຊັບໃນດິນສິນໃນນໍ້າ, ເສຍເຄື່ອງຄໍ້າຂອງຄູນ, ບ້ານເມືອງ, ຫໍປະສາດລາດຊະວັງ, ວັດວາອາຮາມຖືກເຜົາຜານຈົນຮາບກ້ຽງຍ້ອນພວກໃຈດໍາອໍາມະຫິດທີ່ແຜ່ອໍານາດຊາດໃຫຍ່.

2 ທັນວາ ມະຫາໄຊໝັ້ນຍືນ - unnamed 1 300x199 - 2 ທັນວາ ມະຫາໄຊໝັ້ນຍືນ

ຍ້ອນຄວາມອ່ອນແອຂອງບາງກະສັດໃນຍຸກບັ້ນທ້າຍຂອງອານາຈັກລ້ານຊ້າງ ແລະ ຍ້ອນມີຂະບວນການຕໍ່ສູ້ອັນຍືດເຍື້ອຍາວນານຂອງຜູ້ຮັກຊາດ, ຮັກແຜ່ນດິນຈົນມາຮອດປີ 1975 ຈຶ່ງສາມາດປົດປ່ອຍປະເທດຊາດໄດ້ຢ່າງສົມບູນ. ວັນທີ 2 ທັນວາ ປີ 1975 ເປັນມື້ປະກາດລົບລ້າງລະບອບລາຊາທິປະໄຕທີ່ ໄດ້ປົກຄອງບ້ານເມືອງມາແບບຈິບຫາຍວາຍວອດ. ຈາກນັ້ນ,  ກໍປະກາດສ້າງຕັ້ງລະບອບໃໝ່ຄືລະບອບປະຊາທິປະໄຕຂອງປະຊາຊົນຂຶ້ນແທນຢ່າງສະງ່າຜ່າເຜີຍ. ນີ້ລະຄືຕົ້ນເຫດແລະທີ່ໄປທີ່ມາຂອງວັນຊາດທີ 2 ທັນວາ, ນັບແຕ່ມື້ສ້າງຕັ້ງລະບອບໃໝ່ມາຮອດປັດຈຸບັນກໍຄືໄລຍະແຫ່ງການປົກປັກຮັກສາ ແລະ ສ້າງສາປະເທດຊາດໂດຍມີພັກປະຊາຊົນປະຕິວັດລາວເປັນແກນນໍາ ແລະ ດ້ວຍການບໍລິຫານປົກຄອງບ້ານເມືອງຂອງລັດຖະບານລາວ, ມາຮອດມື້ນີ້ປະເທດລາວຂອງ ພວກເຮົາໄດ້ມີໃບໜ້າໃໝ່, ໄດ້ຮັບການບູລະນະສ້າງສາ ແລະ ພັດທະນາເປັນແຕ່ລະບາດກ້າວ. ປັດຈຸບັນ, ປະເທດຊາດມີຄວາມສະຫງົບສຸກຮົ່ມເຢັນ, ເສດຖະກິດ- ສັງຄົມນັບມື້ຂະຫຍາຍຕົວຢ່າງກວ້າງຂວາງ. ສິ່ງທີ່ສະແດງອອກໃຫ້ເຫັນຢ່າງຈະແຈ້ງກໍຄືລາວ ເຮົາໄດ້ມີການພົວພັນໄກ້ສິດກັບມິດຕ່າງປະເທດເກືອບທົ່ວໂລກ. ເຂົ້າຮ່ວມເກືອບທຸກອົງການຈັດຕັ້ງສາກົນ. ບົດບາດຂອງປະເທດເຮົາຕໍ່ເວທີ່ສາກົນກໍນັບມື້ມີສັດທາ ແລະ ສູງຂຶ້ນ, ຊີວິດການເປັນຢູ່ຂອງປະຊາຊົນລາວບັນດາເຜົ່າກໍນັບມື້ດີຂຶ້ນເທື່ອລະກ້າວ. ຄວາມ ສະເຖຍລະພາບທາງດ້ານການເມືອງກໍນັບມື້ໜັກແໜ້ນໝັ້ນຄົງ. ສັງຄົມວັດທະນະທໍານັບມື້ໄດ້ຮັບການປັບປຸງປົວແປງ ແລະ ສ້າງ ຂຶ້ນມາໃໝ່ໃຫ້ຍືນຍົງ ແລະ ສອດຄ່ອງກັບຍຸກສະໃໝ.

2 ທັນວາ ມະຫາໄຊໝັ້ນຍືນ - Wave100S AD to Website 2020 0 - 2 ທັນວາ ມະຫາໄຊໝັ້ນຍືນ

ນີ້ຄືສັດຈະທໍາ ແລະ ສິ່ງຢັ້ງຢືນເຖິງໄຊຊະນະ ແລະ ການຍືນຍົງຄົງຕົວຢ່າງໜັກແໜ້ນຂອງ ສປປ ລາວ ພາຍໃຕ້ການນໍາພາຂອງພັກປະຊາຊົນປະຕິວັດລາວໃນຍຸກສະໃໝໄໝ່, ນັບແຕ່ມື້ວັນທີ 2 ທັນວາ ມະຫາໄຊເປັນຕົ້ນມາ.

 

2 ທັນວາ ມະຫາໄຊໝັ້ນຍືນ - WhatsApp Image 2020 05 27 at 5 - 2 ທັນວາ ມະຫາໄຊໝັ້ນຍືນ
2 ທັນວາ ມະຫາໄຊໝັ້ນຍືນ - WhatsApp Image 2020 05 27 at 5 - 2 ທັນວາ ມະຫາໄຊໝັ້ນຍືນ
error: Alert: ເນື້ອຫາຂ່າວມີລິຂະສິດ !!