5 ແນວຄິດ ຊີວິດມີເງິນທ້ອນ ບໍ່ລຳບາກ ບໍ່ຂັດສົນ

5 ແນວຄິດ ຊີວິດມີເງິນທ້ອນ ບໍ່ລຳບາກ ບໍ່ຂັດສົນ - 101211 2020 - 5 ແນວຄິດ ຊີວິດມີເງິນທ້ອນ ບໍ່ລຳບາກ ບໍ່ຂັດສົນ
5 ແນວຄິດ ຊີວິດມີເງິນທ້ອນ ບໍ່ລຳບາກ ບໍ່ຂັດສົນ - 174233 - 5 ແນວຄິດ ຊີວິດມີເງິນທ້ອນ ບໍ່ລຳບາກ ບໍ່ຂັດສົນ

ທ່ານເຄີຍຄິດຫລືບໍ່ວ່າ ມື້ໜຶ່ງເມື່ອຮອດມື້ທີ່ທ່ານບໍ່ໄດ້ເຮັດວຽກ ຫລື ຢູ່ໃນໄວກະສຽນ ຊີວິດທ່ານຈະເປັນແນວໃດ ? ຫາກມື້ນີ້ທ່ານບໍ່ໄດ້ທ້ອນເງິນໄວ້ຮອງຮັບ ບັ້ນປາຍຊີວິດກໍຄົງຈະລຳບາກບໍ່ໜ້ອຍ ທ່ານອາດຈະຕ້ອງມານັ່ງຍ້ອນຄິດເຖິງມື້ທີ່ສຸກສະບາຍ ແລະ ເກີດຄວາມຄິດທີ່ວ່າ ບໍ່ໜ້າປ່ອຍໃຫ້ເວລາຜ່ານມາດົນປານນີ້ເລີຍ. ແຕ່ມື້ນີ້ທ່ານຍັງມີໂອກາດ ທ່ານຍັງສາມາດທີ່ຈະເຮັດໄດ້ ຫາກທ່ານເລີ່ມຕົ້ນຕັ້ງແຕ່ມື້ນີ້ ມັນຍັງບໍ່ຊ້າຈົນເກີນໄປ.

  1. ຢຸດເຊົາສ່ຽງດວງ : ມັນບໍ່ໄດ້ເຮັດໃຫ້ທ່ານຮັ່ງມີໄດ້ແທ້ດອກ ໃຜທີ່ເສບຕິດການຫາເລກເດັດຫວຍດັງ, ເຂົ້າທຸກວັດໄປທຸກບ່ອນ ຈ່າຍເທົ່າໃດບໍ່ອັ້ນ ຂໍພຽງໄດ້ສ່ຽງໂຊກສ່ຽງດວງ ສິ່ງເຫລົ່ານີ້ເປັນຕົ້ນເຫດກໍ່ໃຫ້ເກີດຄວາມງົມງວຍທີ່ຈະກາຍເປັນເງົາຕິດຕາມໂຕຄົນທີ່ຫລົງກົນໃຊ້ຊີວິດຢ່າງຂາດສະຕິ,​ ບໍ່ພິຈາລະນາ ການເອົາເງິນເດືອນໄປແບ່ງຈ່າຍກັບເລື່ອງດັ່ງກ່າວຢ່າງມີຄວາມຫວັງ ຄວາມຫວັງອາດເຮັດໃຫ້ທ່ານສ້າງໜີ້ສິນຢ່າງບໍ່ຮູ້ໂຕ ແລະ ເງິນເດືອນມີເທົ່າໃດກໍບໍ່ພໍຫາກທ່ານບໍ່ຄິດຫັກຫ້າມໃຈ. ສະນັ້ນ, ຄວນປ່ຽນຄວາມຄິດໃໝ່ ໂລກຈະຈ່າຍຜົນຕອບແທນຕາມຄຸນຄ່າທີ່ທ່ານສ້າງຂຶ້ນ.
  2. ຮູ້ຈັກທ້ອນ ຮູ້ຄ່າຂອງເງິນ : ທ່ານຕ້ອງຮູ້ຈັກແບ່ງຈ່າຍເງິນເດືອນຢ່າງເປັນພາກສ່ວນ, ຈະລາຍຮັບຫລາຍ ຫລື ໜ້ອຍ ກໍຄວນຈັດສັນໃຫ້ເໝາະສົມ ແລະ ມີວິໄນໃນການທ້ອນ, ຄິດໄວ້ສະເໝີວ່າ ການທ້ອນເງິນແມ່ນຄວາມອຸ່ນໃຈໃນອະນາຄົດ ເພາະບໍ່ມີໃຜຮູ້ລ່ວງໜ້າວ່າຈະເປັນແນວໃດ ຈຶ່ງຄວນໃຊ້ຈ່າຍເທົ່າທີ່ຈຳເປັນ.
  3. ຢ່າສ້າງພາລະໃຫ້ຕົນເອງ : ຢ່າເອົາເງິນໃນອະນາຄົດມາໃຊ້ຈ່າຍຟຸມເຟືອຍ, ຢ່າຄິດກູ້ຢືມເງິນນອກລະບົບ, ຢ່າກົດເງິນສົດຈາກບັດເຄຣດິດ. ຄວນປັບວິທີຄິດໃໝ່ ຫາກມີບັດເຄຣດິດກໍຄວນໃຊ້ໃນຍາມສຸກເສີນເທົ່ານັ້ນ ຍິ່ງມີເງິນເດືອນໜ້ອຍ ກໍຢ່າສ້າງໜີ້ຈົນເກີນໂຕ.
  4. ຫາລາຍຮັບຕື່ມ : ທາງອອກຂອງບັນຫາເງິນເດືອນບໍ່ພໍໃຊ້ແມ່ນການສ້າງລາຍຮັບຕື່ມ ຂໍພຽງທ່ານ ຄິດ ແລະ ລົງມືເຮັດ ໂດຍວາງແຜນຈາກວຽກຂອງທ່ານ, ຄວາມມັກ ຫລື ຄວາມຊຳນານ ແລ້ວເອົາມາຕໍ່ຍອດເປັນທຸລະກິດ ເພື່ອທີ່ຈະສ້າງກຳໄລໃນແຕ່ລະເດືອນ ແລະ ຮອງຮັບລາຍຈ່າຍ ຫລື ປັດໄຈດ້ານອື່ນ.
  5. ຕັ້ງເປົ້າໝາຍຂອງຊີວິດໄວ້ແດ່ : ນຶກເຖິງບັ້ນປາຍຊີວິດ ຫລື ສິ່ງທີ່ທ່ານຕ້ອງການ ເມື່ອເຖິງມື້ທີ່ທ່ານບໍ່ສາມາດຫາເງິນໄດ້ແລ້ວ ໃນເວລານີ້ທ່ານຈຶ່ງຕ້ອງສູ້ຊົນເພື່ອວັນຂ້າງໜ້າ ເລີ່ມຈາກການວາງແຜນເພື່ອອະນາຄົດ ໂດຍໃຊ້ຈ່າຍເງິນຢ່າງຊານສະຫລາດ, ຮູ້ຈັກຈັດສັນແບ່ງສ່ວນ, ບັນທຶກລາຍຮັບ – ລາຍຈ່າຍແຕ່ລະເດືອນ ເທົ່ານີ້ກໍຈະເຮັດໃຫ້ທ່ານອອກຈາກວົງຈອນເງິນເດືອນບໍ່ພໍໃຊ້ໄດ້ຢ່າງແນ່ນອນ.

ເຊື່ອໄດ້ເລີຍວ່າທີ່ກ່າວມາຂ້າງເທິງນັ້ນ ເປັນວິທີການທ້ອນເງິນ ແລະ ການວາງແຜນການເງິນງ່າຍໆທີ່ໃຜກໍສາມາດເຮັດໄດ້ ພຽງແຕ່ທ່ານມີວິໄນ, ຮັກໃນການທ້ອນ ແລະ ມີແນວທາງຫາລາຍຮັບຕື່ມ ເຖິງວ່າເງິນເດືອນຈະບໍ່ຫລາຍ, ແຕ່ຫາກທ່ານຮູ້ຈັກວາງແຜນ, ຮູ້ຈັກຄຸນຄ່າຂອງເງິນ ແລະ ຮູ້ຈັກຄວາມພໍດີຂອງຊີວິດ ທ່ານຈະສາມາດໃຊ້ຈ່າຍໄດ້ຢ່າງມີຄວາມສຸກ ທັງຍັງມີເງິນເຫລືອທ້ອນໃຫ້ຊື່ນໃຈໄວ້ຕໍ່ຍອດໃນອະນາຄົດໄດ້ນຳອີກ.

5 ແນວຄິດ ຊີວິດມີເງິນທ້ອນ ບໍ່ລຳບາກ ບໍ່ຂັດສົນ - Wave100S AD to Website 2020 0 - 5 ແນວຄິດ ຊີວິດມີເງິນທ້ອນ ບໍ່ລຳບາກ ບໍ່ຂັດສົນ
5 ແນວຄິດ ຊີວິດມີເງິນທ້ອນ ບໍ່ລຳບາກ ບໍ່ຂັດສົນ - WhatsApp Image 2020 05 27 at 5 - 5 ແນວຄິດ ຊີວິດມີເງິນທ້ອນ ບໍ່ລຳບາກ ບໍ່ຂັດສົນ
error: Alert: ເນື້ອຫາຂ່າວມີລິຂະສິດ !!