ອັງກິດເລັ່ງອະນຸມັດວັກຊີນໂຄວິດ-19 ຂອງ Pfizer-BioNTech ອາດຮູ້ຜົນໃນມໍ່ໆນີ້

ອັງກິດເລັ່ງອະນຸມັດວັກຊີນໂຄວິດ-19 ຂອງ Pfizer-BioNTech ອາດຮູ້ຜົນໃນມໍ່ໆນີ້ - GettyImages 1229653900 - ອັງກິດເລັ່ງອະນຸມັດວັກຊີນໂຄວິດ-19 ຂອງ Pfizer-BioNTech ອາດຮູ້ຜົນໃນມໍ່ໆນີ້
ອັງກິດເລັ່ງອະນຸມັດວັກຊີນໂຄວິດ-19 ຂອງ Pfizer-BioNTech ອາດຮູ້ຜົນໃນມໍ່ໆນີ້ - Untitled design - ອັງກິດເລັ່ງອະນຸມັດວັກຊີນໂຄວິດ-19 ຂອງ Pfizer-BioNTech ອາດຮູ້ຜົນໃນມໍ່ໆນີ້

​ເວັບ​​ໄຊຂອງ​ໜັງສືພິມ Financial Times ລາຍ​ງານ​ໂດຍ​ອ້າງ​ອີງ​ຈາກ​ແຫ​ລ່ງຂ່າວ​ໃນ​ລັດຖະບານ​ວ່າ: ສະຫະຣາຊະ​ອານາຈັກ​ກຳລັງ​ຈະ​ເປັນ​ປະ​ເທດ​ຕາ​ເວັນ​ຕົກ​ທຳ​ອິດ ທີ່​ອະນຸມັດ​ໃຫ້​ນໍາ​ໃຊ້​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ຢ່າງ​ເປັນ​ທາງ​ການ​ ​ໂດຍ​ຂະ​ບວນການ​ອາດ​ຈະ​ສຳ​ເລັດ​ພາຍ​ໃນ​ມໍ່ໆ​ນີ້.

ຕາມ​ລາຍ​ງານ​ລະບຸ​ວ່າ: Pfizer ​ແລະ BioNTech ພ້ອມ​​ໃນ​ເວລາ​ບໍ່​ເທົ່າ​ໃດ​ຊົ່ວ​ໂມງ ​ໃນ​ການຈັດ​ສົ່ງ​ວັກ​ຊີ​ນທັນທີ ຖ້າ​ຮູ້​ຜົນ​ການ​ອະນຸມັດ ​ແລະ ອາດ​ເລີ່​ມສັກ​ວັກ​ຊີ​ນ​ເຂັມ​ທຳ​ອິດ​ໄດ້​ພາຍ​ໃນ​ວັນ​ທີ 7 ທັນວາ ຫລັງ​ມີ​ການ​ສັ່ງ​ຊື້ວັກ​ຊີ​ນຊະນິດ​ນີ້​ແລ້ວ ຈຳນວນ 40 ລ້ານ​ໂດ​ສ.

ປົກກະຕິ​ແລ້ວ ການ​ອະນຸມັດ​ໃຫ້​ໃຊ້​ວັກ​ຊີ​ນ ຍັງ​ເປັນ​ໜ້າ​ທີ່​ຂອງ​ໜ່ວຍ​ງານ​ດ້ານ​ຢາ​ຂອງ​ສະຫະພາບ​ເອີຣົບ ຈົນ​ກວ່າ​ຂະ​ບວນການ​ປ່ຽນ​ຜ່ານ Brexit ຈະ​ສຳ​ເລັດ​ໃນ​ວັນ​ທີ 31 ທັນວາ. ​ເຖິງ​ຢ່າງ​ໃດ​ກໍ​ຕາມ, ສະຫະຣາຊະ​ອານາຈັກ​ມີ​ອຳນາດ​ທີ່​ຈະ​ອະນຸມັດ​ການ​ນຳ​ໃຊ້​ເປັນ​ການ​ຊົ່ວຄາວ​ໄດ້ ຖ້າວ່າ​ເປັນ​ເລື່ອງ​ຮີບ​ດ່ວນ​ຂອງ​ສາທາລະນະ.

ອັງກິດເລັ່ງອະນຸມັດວັກຊີນໂຄວິດ-19 ຂອງ Pfizer-BioNTech ອາດຮູ້ຜົນໃນມໍ່ໆນີ້ - Wave100S AD to Website 2020 0 - ອັງກິດເລັ່ງອະນຸມັດວັກຊີນໂຄວິດ-19 ຂອງ Pfizer-BioNTech ອາດຮູ້ຜົນໃນມໍ່ໆນີ້

ຂະ​ບວນການ​ທີ່​ວ່ອງ​​ໄວ​ນີ້​ອາດ​ນຳ​ມາ​ໃຊ້​ກັບ​ວັກ​ຊີ​ນຂອງ​ມະຫາວິທະຍາ​ໄລ​ອ໊ອກຟອດ (University of Oxford) ​ແລະ AstraZeneca ທີ່​ລັດຖະບານ​ໄດ້​ຂໍ​ໃຫ້​ໜ່ວຍ​ງານ​ກ່ຽວ​ຂ້ອງ​ເລີ່​ມການກວດ​ສອບ​ແລ້ວ​ໃນ​ວັນ​ທີ 27 ພະຈິກ​ຜ່ານ​ມາ.

ສຳນັກ​ຂ່າວ Bloomberg ລາຍ​ງານ​ໂດຍ​ອ້າງ​ອີງ​ຈາກ​ແຫ​ລ່ງຂ່າວ​ອອກ​ມາ​ໃນ​ລັກສະນະ​ດຽວ​ກັນ ​ໂດຍ​ລະບຸ​ວ່າ: ສະຫະຣາຊະ​ອານາຈັກ​ອາດ​ອະນຸມັດ​ໃຫ້​ນຳ​ໃຊ້​ວັກ​ຊີ​ນຂອງ Pfizer-BioNTech ພາຍ​ໃນ​ອາທິດ​ນີ້ ​ໂດຍ​ວັກ​ຊີ​ນຈາກຣັດ​ເຊຍ ​ແລະ ຈີນ​ມີ​ທ່າ​ອ່ຽງຈະ​ບໍ່​ໄດ້​ນຳ​ມາ​ໃຊ້​ໃນ​ຕາ​ເວັນ​ຕົກ.

ອັງກິດເລັ່ງອະນຸມັດວັກຊີນໂຄວິດ-19 ຂອງ Pfizer-BioNTech ອາດຮູ້ຜົນໃນມໍ່ໆນີ້ - WhatsApp Image 2020 05 27 at 5 - ອັງກິດເລັ່ງອະນຸມັດວັກຊີນໂຄວິດ-19 ຂອງ Pfizer-BioNTech ອາດຮູ້ຜົນໃນມໍ່ໆນີ້
ອັງກິດເລັ່ງອະນຸມັດວັກຊີນໂຄວິດ-19 ຂອງ Pfizer-BioNTech ອາດຮູ້ຜົນໃນມໍ່ໆນີ້ - WhatsApp Image 2020 05 27 at 5 - ອັງກິດເລັ່ງອະນຸມັດວັກຊີນໂຄວິດ-19 ຂອງ Pfizer-BioNTech ອາດຮູ້ຜົນໃນມໍ່ໆນີ້
error: Alert: ເນື້ອຫາຂ່າວມີລິຂະສິດ !!