ບຣາຊິນຈັບລາຊາຢາເສບຕິດຫລັງສັນຍະກຳໜີການຈັບກຸມ 30 ປີ

- advert banner 728 90 728x90 - ບຣາຊິນຈັບລາຊາຢາເສບຕິດຫລັງສັນຍະກຳໜີການຈັບກຸມ 30 ປີ

- 750x422 762720 1499074984 - ບຣາຊິນຈັບລາຊາຢາເສບຕິດຫລັງສັນຍະກຳໜີການຈັບກຸມ 30 ປີ

- new3 - ບຣາຊິນຈັບລາຊາຢາເສບຕິດຫລັງສັນຍະກຳໜີການຈັບກຸມ 30 ປີ

ຕຳຫລວດ​ບຣາຊິນ​ຈັບ​ກຸມ​ທ້າວ ລູອິດ ຄາຣລອດ ດາ ຮໍ​ຊາ ຫົວໜ້າ​ຂະ​ບວນການ​ຄ້າ​ຢາ​ເສບ​ຕິດ​ ​ເຈົ້າຂອງ​ສາຍາ “ຜົມ​ຂາວ” ​(White Head) ​ໄດ້​ແລ້ວ, ພາຍຫລັງ​ລາວ​ໃຊ້​ວິທີ​​ສັນ​ຍະ​ກຳ​ປາ​ລາ​ສະຕິ​ກປ່ຽນ​ແປງ​ໃບ​ໜ້າ​ຫລົບໜີ​ການ​ຈັບ​ກຸມ​ຂອງ​ທາງ​ການ​ມາ​ເກືອບ 30 ປີ.

ທ້າວ ຮໍ​ຊາ ​ເຊິ່ງ​ເຊື່ອ​ວ່າ​ເປັນ​ຫົວໜ້າ​ຂະ​ບວນການ​ຄ້າຂາຍ​ໂຄ​ເຄນ​ລາຍ​ໃຫຍ່​ຢູ່​ທະວີບອາ​ເມ​ລິ​ກາ​ໃຕ້ ຖື​ກຕຳຫລວດ​ບຣາຊິນ​ຈັບ​ກຸມ​ໄດ້​ຢູ່​ລັດ​ມາ​ຕູ​ໂກຣົດຊູ ທາງ​ພາກ​ຕາ​ເວັນ​ຕົກ​ຂອງ​ບຣາຊິນ ​ໃນ​ວັນ​ທີ 1 ກໍລະກົດ. ຕຳຫລວດ​ລະບຸ​ວ່າ: ທ້າວ ຮໍ​ຊາ ຄື​ອາດຊະຍາ​ກອນ​ທີ່​ໃຊ້​ຊີວິດ​ແບບຫວາດ​ກົວ ​ແລະ ຫລົບໆ​ຊ້ອນໆ ​ໂດຍ​ລາວ​ມີ​ຄະດີ​ທີ່​ຖືກ​ສານ​ຕັດສິນ​ຈຳ​ຄຸກ​ກວ່າ 50 ປີ.

- 96767276 a1677df2 8add 4a6d 9939 8221e9894679 - ບຣາຊິນຈັບລາຊາຢາເສບຕິດຫລັງສັນຍະກຳໜີການຈັບກຸມ 30 ປີ

- lattana 1 - ບຣາຊິນຈັບລາຊາຢາເສບຕິດຫລັງສັນຍະກຳໜີການຈັບກຸມ 30 ປີ

ທ້າວ ຮໍ​ຊາ ​ໃຊ້​ຊີວິດ​ຢູ່​ໃນ​ທ້ອງ​ຖິ່ນ​ດັ່ງກ່າວ​ໂດຍ​ໃສ່​ຊື່​ປອມ,​ ​ແຕ່​ຕຳຫລວດ​ສາມາດ​ຢືນຢັນ​ວ່າ​ລາວ​ຄື​ລາຊາ​ຢາ​ເສບ​ຕິດ​ທີ່​ກຳລັງ​ຫລົບໜີ​ຄະດີ ​ໂດຍ​ການ​ປຽບທຽບ​ຮູບ​ເກົ່າໆ​ຂອງ​ລາວ. ຕຳຫລວດ​ລະບຸ​ວ່າ: ຂະ​ບວນການ​ຄ້າຂາຍ​ຢາ​ເສບ​ຕິດ​ຂອງ​ທ້າວ ຮໍ​ຊາ ຂຶ້ນຊື່​ໂດຍ​ການ​ໃຊ້​ຄວາມ​ຮຸນ​ແຮງ, ​ໃຊ້​ລົດ​ກັນ​ລູກ​ປືນ ​ແລະ ອາວຸດ​ໜັກ​ແບບ​ຕ່າງໆ ​ໂດຍ​ຂະ​ບວນການ​ນີ້​ເປັນ​ຜູ້​ຜະລິດ​ໂຄ​ເຄນ​ຢູ່​ໂບລີ​ວີ, ​ເປຣູ ​ແລະ ​ໂກ​ລົມ​ບີ ​ເພື່ອ​ສົ່ງ​ຂາຍ​ດ້ວຍ​ລະບົບ​ຂົນ​ສົ່ງ​ທີ່​ສັບ​ຊ້ອນ​ໄປ​ເອີຣົບ ​ແລະ ອາ​ເມ​ລິ​ກາ.

ທ້າວ ຮໍ​ຊາ ຍັງ​ຖືກ​ກ່າວ​ຫາ​ວ່າ​ເປັນ​ໜຶ່ງ​ໃນ​ຜູ້​ສົ່ງ​ໂຄ​ເຄນ​ລາຍ​ໃຫຍ່​ໃຫ້​ແກ່​ອາດຊະຍາ​ກອນ​ຫລາຍ​ກຸ່ມ​ຢູ່​ບຣາຊິນ​ນຳ​ອີກ. ຕຳຫລວດ​ຕີ​ລາຄາ​ວ່າ: ຂະ​ບວນການ​ຂອງ​ລາວ​ຜະລິດ​ໂຄ​ເຄນ​ໄດ້​ເດືອນ​ລະ​ປະມານ 5 ​ໂຕນ ​ເຊິ່ງ​ໃນ​ປະຕິບັດ​ການ​ຈັບ​ກຸມ​ເທື່ອ​ນີ້ ຕຳຫລວດ​ຍັງ​ສາມາດ​ຢຶດຊັບ​ສິນ​ທີ່​ໄດ້​ຈາກ​ທຸລະ​ກິດ​ຜິດ​ກົດໝາຍ​ຂອງ​ທ້າວ ຮໍ​ຊາ ​ໄດ້​ມູນ​ຄ່າ​ຫລາຍ​ກວ່າ 10 ລ້ານ​ໂດ​ລາ​ສະຫະລັດ ​ເຊິ່ງຢູ່​ໃນຮູບ​ແບບ​ຂອງ​ຟາ​ມ, ອະສັງຫາລິມະ​ຊັບ, ລົດ​ຫລູຫລາ ​ແລະ ​ເຮືອບິນ. ​ເຈົ້າໜ້າ​ທີ່​ເຊື່ອ​ວ່າ: ລາຊາ​ຢາ​ເສບ​ຕິດ​ຜູ້​ນີ້​ມີ​ຊັບ​ສິນ​ເຖິງ 100 ລ້ານ​ໂດ​ລາ​ສະຫະລັດ ​ແລະ ຈະ​ດຳ​ເນີນ​ການ​ຢຶດຊັບ​ສິນ​ທີ່​ເຫລືອ​ທັງ​ໝົດ​ຕໍ່​ໄປ.

error: Content is protected !!