ອີຣານໄຟຂຽວເພີ່ມປະສິດທິພາບແຮ່ຢູເຣນຽມ ກົດດັນມະຫາອຳນາດໂລກປົດຂວໍ້າບາດ

ອີຣານໄຟຂຽວເພີ່ມປະສິດທິພາບແຮ່ຢູເຣນຽມ ກົດດັນມະຫາອຳນາດໂລກປົດຂວໍ້າບາດ - UPDATE iran green light on uranium enhance WEB - ອີຣານໄຟຂຽວເພີ່ມປະສິດທິພາບແຮ່ຢູເຣນຽມ ກົດດັນມະຫາອຳນາດໂລກປົດຂວໍ້າບາດ
ອີຣານໄຟຂຽວເພີ່ມປະສິດທິພາບແຮ່ຢູເຣນຽມ ກົດດັນມະຫາອຳນາດໂລກປົດຂວໍ້າບາດ - 174233 - ອີຣານໄຟຂຽວເພີ່ມປະສິດທິພາບແຮ່ຢູເຣນຽມ ກົດດັນມະຫາອຳນາດໂລກປົດຂວໍ້າບາດ

ລັດຖະສະພາອີຣານຜ່ານກົດໝາຍຂະຫຍາຍເພດານການເພີ່ມປະສິດທິພາບແຮ່ຢູເຣນຽມກັບສູ່ລະດັບເກົ່າ ເພື່ອກົດດັນອາເມລິກາ ແລະ ມະຫາອຳນາດໃນສະຫະພາບເອີຣົບ ໃຫ້ຫລຸດຜ່ອນມາດຕະການຂວໍ້າບາດທາງເສດຖະກິດ.

ກົດໝາຍສະບັບນີ້ລະບຸໃຫ້ລັດຖະບານສາມາດເພີ່ມປະສິດທິພາບຢູເຣນຽມໃຫ້ມີຄວາມເຂັ້ມຂຸ້ນເກີນ 20% ໄດ້ອີກເທື່ອໜຶ່ງ ຈາກເກົ່າທີ່ຮັກສາລະດັບການເພີ່ມປະສິດທິພາບບໍ່ເກີນ 3,67% ຕາມຂໍ້ຕົກລົງນິວເຄຼຍທີ່ອີຣານລົງນາມກັບອາເມລິກາ, ສະຫະຣາຊະອານາຈັກ, ຝຣັ່ງ, ຈີນ, ຣັດເຊຍ ແລະ ເຢຍລະມັນ ເມື່ອປີ 2015.

ປະທານາທິບໍດີ ຮຳຊຳ ໂຣຮານີ ຂອງອີຣານ ລະບຸວ່າ: ທ່ານຄັດຄ້ານການບັງຄັບໃຊ້ກົດໝາຍນີ້ ເຊິ່ງໄດ້ຮັບການອະນຸມັດຈາກສະພາ ພາຍຫລັງເກີດເຫດການລອບສັງຫານນັກວິທະຍາສາດນິວເຄຼຍຄົນສຳຄັນຂອງອີຣານເມື່ອບໍ່ດົນມານີ້.

ປະທານາທິບໍດີ ໂຣຮານີ ເບິ່ງວ່າ: ກົດໝາຍນີ້ “ຈະສ້າງຄວາມເສຍຫາຍທາງການທູດ” ຖ້າເລີ່ມບັງຄັບໃຊ້.

ຕໍ່ຈາກນີ້ 2 ເດືອນ ລັດຖະບານອີຣານຈະເດີນໜ້າເພີ່ມປະສິດທິພາບແຮ່ຢູເຣນຽມ ພ້ອມຕິດຕັ້ງເຄື່ອງໝູນຂັ້ນສູງ (Centrifuge) ສຳລັບການເພີ່ມປະສິດທິພາບທີ່ໂຮງງານນິວເຄຼຍໃນເມືອງນາຕານ ແລະ ຟໍໂດ ຖ້າປະເທດພາຄີຂໍ້ຕົກລົງນິວເຄຼຍ ໂດຍສະເພາະອາເມລິກາ ແລະ ມະຫາອຳນາດໃນ EU ບໍ່ຍອມຫລຸດຜ່ອນມາດຕະການຂວໍ້າບາດຕໍ່ອຸດສາຫະກຳນໍ້າມັນ ແລະ ຂະແໜງການເງິນຂອງອີຣານ.

ບໍ່ພຽງເທົ່ານັ້ນ ກົດໝາຍນີ້ຍັງອະນຸມັດໃຫ້ລັດຖະບານຢັບຢັ້ງການເຂົ້າກວດສອບໂຮງງານນິວເຄຼຍຂອງຜູ້ກວດສອບຈາກອົງການສະຫະປະຊາຊາດນຳອີກ.

ລັດຖະບານອາເມລິກາ ໃຊ້ມາດຕະການຂວໍ້າບາດຢ່າງຮຸນແຮງຕໍ່ອີຣານ ຫລັງປະທານາທິບໍດີ ໂດນັລ ທຣຳ ຖອນອາເມລິກາອອກຈາກຂໍ້ຕົກລົງນິວເຄຼຍ ເມື່ອເດືອນພຶດສະພາ 2018.

ອີຣານໄຟຂຽວເພີ່ມປະສິດທິພາບແຮ່ຢູເຣນຽມ ກົດດັນມະຫາອຳນາດໂລກປົດຂວໍ້າບາດ - Wave100S AD to Website 2020 0 - ອີຣານໄຟຂຽວເພີ່ມປະສິດທິພາບແຮ່ຢູເຣນຽມ ກົດດັນມະຫາອຳນາດໂລກປົດຂວໍ້າບາດ

ທັງນີ້, ວ່າທີ່ປະທານາທິບໍດີອາເມລິກາຄົນໃໝ່ ໂຈ ໄບເດັນ ທີ່ມີກຳນົດສາບານຕົນຮັບຕຳແໜ່ງໃນເດືອນກໍລະກົດປີໜ້າ ປະກາດຈະນຳພາອາເມລິກາກັບເຂົ້າສູ່ຂໍ້ຕົກລົງນິວເຄຼຍອີກ ແລະ ຈະຍົກເລີກມາດຕະການຂວໍ້າບາດ ຖ້າອີຣານກັບມາປະຕິບັດຕາມຂໍ້ຕົກລົງຢ່າງເຄັ່ງຂັດ.

ເຖິງວ່າ ໄບເດັນ ຈະຍອມຮັບຕໍ່ໜັງສືພິມ The New York Times ວ່າການຍົກເລີກມາດຕະການຂວໍ້າບາດອີຣານ “ອາດເປັນໄປໄດ້ຍາກ” ແຕ່ “ສິ່ງທີ່ພວກເຮົາບໍ່ຕ້ອງການໃນພາກພື້ນນີ້ຂອງໂລກໃນເວລານີ້ຄື ປະສິດທິພາບສ້າງອາວຸດນິວເຄຼຍ”.

ນັບແຕ່ເດືອນກໍລະກົດ 2019 ອີຣານລະເມີດເພດານການເພີ່ມປະສິດທິພາບແຮ່ຢູເຣນຽມຕາມຂໍ້ຕົກລົງທີ 3,67% ເພີ່ມເປັນ 4,5% ແຕ່ການທີ່ແຮ່ຢູເຣນຽມຈະມີປະສິດທິພາບນຳໄປໃຊ້ຜະລິດອາວຸດນິວເຄຼຍໄດ້ນັ້ນຈະຕ້ອງຜ່ານການເພີ່ມປະສິດທິພາບໃຫ້ໄດ້ສູງເຖິງ 90% ກ່ອນ.

ສຳລັບກໍລະນີລັກລອບສັງຫານນັກວິທະຍາສາດນິວເຄຼຍຂອງອີຣານເກີດຂຶ້ນເມື່ອວັນທີ 27 ພະຈິກຜ່ານມາ ໂດຍທ່ານ ໂມເຊນ ຟາຄຣີຊາເດ ນັກວິທະຍາສາດຜູ້ໄດ້ຊື່ວ່າບິດາແຫ່ງໂຄງການນິວເຄຼຍຂອງອີຣານ ຖືກລັກລອບສັງຫານໃກ້ກັບນະຄອນຫລວງເຕຮາຣານ ເຊິ່ງສື່ທ້ອງຖິ່ນລາຍງານວ່າ: ທ່ານເສຍຊີວິດຈາກແຮງລະເບີດ ແລະ ການຍິງດ້ວຍປືນກົນອັດຕະໂນມັດ.

ເຖິງວ່າສາເຫດການເສຍຊີວິດຢ່າງເປັນທາງການຍັງເປັນປິດສະໜາ, ແຕ່ລັດຖະບານອີຣານເຊື່ອວ່າ: ອິດສະລາແອນ ແລະ ກຸ່ມຕໍ່ຕ້ານລັດຖະບານຢູ່ເບື້ອງຫລັງ ໂດຍໃຊ້ເຕັກໂນໂລຊີຄວບຄຸມໄລຍະໄກບັງຄັບປືນກົນອັດຕະໂນມັດ ເພື່ອລອບສັງຫານທ່ານ ຟາຄຣີຊາເດ ເຊິ່ງຮອດປັດຈຸບັນ ລັດຖະບານອິດສະລາແອນຍັງບໍ່ອອກມາສະແດງທ່າທີຕໍ່ຂໍ້ກ່າວຫາຂອງອີຣານ.

ອີຣານໄຟຂຽວເພີ່ມປະສິດທິພາບແຮ່ຢູເຣນຽມ ກົດດັນມະຫາອຳນາດໂລກປົດຂວໍ້າບາດ - WhatsApp Image 2020 05 27 at 5 - ອີຣານໄຟຂຽວເພີ່ມປະສິດທິພາບແຮ່ຢູເຣນຽມ ກົດດັນມະຫາອຳນາດໂລກປົດຂວໍ້າບາດ
error: Alert: ເນື້ອຫາຂ່າວມີລິຂະສິດ !!