3M ປັບໂຄງສ້າງອົງກອນ ຫລຸດພະລັງງານ 2.900 ຕຳແໜ່ງທົ່ວໂລກ

3M ປັບໂຄງສ້າງອົງກອນ ຫລຸດພະລັງງານ 2.900 ຕຳແໜ່ງທົ່ວໂລກ - ows ef994a61 660a 4f83 ad7d a066a24ed295 - 3M ປັບໂຄງສ້າງອົງກອນ ຫລຸດພະລັງງານ 2.900 ຕຳແໜ່ງທົ່ວໂລກ
3M ປັບໂຄງສ້າງອົງກອນ ຫລຸດພະລັງງານ 2.900 ຕຳແໜ່ງທົ່ວໂລກ - Untitled design - 3M ປັບໂຄງສ້າງອົງກອນ ຫລຸດພະລັງງານ 2.900 ຕຳແໜ່ງທົ່ວໂລກ

ບໍລິສັດ 3M ​ເຜີຍ​ຕ້ອງ​ປັບ​ຕົວ​ສຳລັບ​ຍຸກ​ຫລັງ​ໂຄ​ວິດ-19 ທີ່​ຕ້ອງການ​ການ​ປ່ຽນ​ແປງ​ຢ່າງ​ວ່ອງ​ໄວ.

ວັນ​ທີ 3 ທັນວາ​ນີ້, ມີ​ລາຍ​ງານ​ວ່າ: 3M ຜູ້​ຜະລິດ​ສິນຄ້າ​ລາຍ​ໃຫຍ່​ຂອງ​ໂລກ ປະກາດ​ແຜນ​ຫລຸດ​ຄ່າ​ໃຊ້​ຈ່າຍ​ສຳລັບ​ໄຕ​ມາດ​ທີ 4 ຂອງ​ປີ 2020 ລວມທັງ​ປີໜ້າ ​ໂດຍ​ຄາດ​ວ່າ​ຈະ​ມີ​ພະນັກງານ​ໄດ້​ຮັບ​ຜົນ​ກະທົບ​ປະມານ 2.900 ຕຳ​ແໜ່​ງທົ່ວ​ໂລກ ​ເພື່ອ​ຮອງ​ຮັບ​ການ​ປ່ຽນ​ແປງ​ທີ່​ວ່ອງ​ໄວ ​ເຊິ່ງ​ເປັນ​ຜົນ​ມາ​ຈາກ​ການລະບາດ​ຂອງ​ພະຍາດ​ໂຄ​ວິດ-19.

ທາງ 3M ຄາດ​ວ່າການ​ປັບ​​ໂຄງ​ສ້າງ​ຂອງ​ອົງ​ກອນ​ຄັ້ງນີ້​ຈະ​ຊ່ວຍ​ຫລຸດ​ຄ່າ​ໃຊ້​ຈ່າຍ​ໄດ້​ສູງ​ສຸດ​ເຖິງ 350 ລ້ານ​ໂດ​ລາ​ສະຫະລັດ.

​ເຖິງ​ວ່າ​ສິນຄ້າ​ບາງ​ຊະນິດ​ຈະ​ເປັນ​ທີ່​ຕ້ອງການ​ຫລາຍ ຍົກ​ຕົວຢ່າງ​ເຊັ່ນ: ຜ້າ​ປິດ​ປາກ N95 ທີ່​ມີ​ຄວາມ​ຈຳ​ເປັນ​ຕ້ອງ​ນຳ​ໃຊ້​ໃນ​ທາງ​ການ​ແພດ, ​ແຕ່​ຈາກ​ການ​ທີ່​ບໍລິສັດ​ມີ​ຜະລິດ​ຕະພັນ​ຫລາກ​ຫລາຍ ລວມທັງ​ອຸປະກອນ​ໃນ​ສຳນັກງານ ​ແລະ ​ໂຮງງານ ​ເຮັ​​ດ​ໃຫ້​ຍອດ​ຂາຍ​ໂດຍ​ລວມປັບ​ຫລຸດ​ລົງ ​ໂດຍ​ສະ​ເພາະ​ໃນຊ່ວງໄຕມາດທີ 2 ຫລຸດລົງເຖິງ 12,2% ເມື່ອທຽບໃສ່ໄລຍະດຽວກັນຂອງປີຜ່ານມາ.

3M ປັບໂຄງສ້າງອົງກອນ ຫລຸດພະລັງງານ 2.900 ຕຳແໜ່ງທົ່ວໂລກ - Wave100S AD to Website 2020 0 - 3M ປັບໂຄງສ້າງອົງກອນ ຫລຸດພະລັງງານ 2.900 ຕຳແໜ່ງທົ່ວໂລກ

ທ່ານ ໄມ ໂຣມັນ CEO ຂອງ 3M ​ເປີດ​ເຜີຍ​ວ່າ: ການລະບາດ​ຂອງ​ພະຍາດ​ໂຄ​ວິດ-19 ​ເຮັດ​ໃຫ້​ບໍລິສັດ​ຕ້ອງ​ປັບ​ຕົວຢ່າງ​ວ່ອງ​ໄວ ​ເພື່ອ​ໃຫ້​ພ້ອມ​ສຳລັບ​ໂອກາດ​ຈະ​ມາ​ເຖິງ ຫລັງ​ຈາກ​ຕະຫລາດ​ໂລກ​ຟື້ນຕົວ​ຈາກ​ການລະບາດ​ຄັ້ງນີ້.

ຂໍ້​ມູນ​ຂອງ​ປີຜ່ານມາ​ລະບຸ​ວ່າ: 3M ມີ​ພະນັກງານ​ທັງ​ໝົດ 96.163 ຄົນ ຖື​ເປັນ​ອີກ​ໜຶ່ງ​ບໍລິສັດ​ໃຫຍ່​ທີ່​ມີ​ຊື່​ສຽງ​ໃນ​ດ້ານ​ການ​ຜະລິດ​ສິນຄ້າ​ຫລາກ​ຫລາຍ​ຊະນິດ ​ເຊິ່ງຕໍ່ຈາກ​ນີ້​ມີ​ແຜນ​ຈະ​ປັບ​ການ​ລົງທຶນ​ໃຫ້​ຮອງ​ຮັບ​ຄວາມ​ຕ້ອງການ​ຂອງ​ຕະຫລາດ​ຫລາຍ​ຂຶ້ນ.

3M ປັບໂຄງສ້າງອົງກອນ ຫລຸດພະລັງງານ 2.900 ຕຳແໜ່ງທົ່ວໂລກ - WhatsApp Image 2020 05 27 at 5 - 3M ປັບໂຄງສ້າງອົງກອນ ຫລຸດພະລັງງານ 2.900 ຕຳແໜ່ງທົ່ວໂລກ
3M ປັບໂຄງສ້າງອົງກອນ ຫລຸດພະລັງງານ 2.900 ຕຳແໜ່ງທົ່ວໂລກ - WhatsApp Image 2020 05 27 at 5 - 3M ປັບໂຄງສ້າງອົງກອນ ຫລຸດພະລັງງານ 2.900 ຕຳແໜ່ງທົ່ວໂລກ
error: Alert: ເນື້ອຫາຂ່າວມີລິຂະສິດ !!