ຕຳຫລວດໄນຈີເຣຍບຸກທຳລາຍໂຮງງານຜະລິດເດັກ ຊ່ວຍຜູ້ຍິງຖືພາ-ເດັກນ້ອຍໄດ້ 10 ກວ່າຄົນ

ຕຳຫລວດໄນຈີເຣຍບຸກທຳລາຍໂຮງງານຜະລິດເດັກ ຊ່ວຍຜູ້ຍິງຖືພາ-ເດັກນ້ອຍໄດ້ 10 ກວ່າຄົນ - w644 - ຕຳຫລວດໄນຈີເຣຍບຸກທຳລາຍໂຮງງານຜະລິດເດັກ ຊ່ວຍຜູ້ຍິງຖືພາ-ເດັກນ້ອຍໄດ້ 10 ກວ່າຄົນ
ຕຳຫລວດໄນຈີເຣຍບຸກທຳລາຍໂຮງງານຜະລິດເດັກ ຊ່ວຍຜູ້ຍິງຖືພາ-ເດັກນ້ອຍໄດ້ 10 ກວ່າຄົນ - Untitled design - ຕຳຫລວດໄນຈີເຣຍບຸກທຳລາຍໂຮງງານຜະລິດເດັກ ຊ່ວຍຜູ້ຍິງຖືພາ-ເດັກນ້ອຍໄດ້ 10 ກວ່າຄົນ

ຕຳຫລວດ​ໄນ​ຈີ​ເຣຍ​ໄດ້​ບຸກ​ເຂົ້າ​ໂຮງງານ​ຜະລິດ​ເດັກນ້ອຍ ​ເຊິ່ງຕັ້ງຢູ່​ທາງ​ຕາ​ເວັນ​ຕົກ​ສຽງ​ໃຕ້​ຂອງ​ລັດ​ໂອ​ກັນ​ຂອງ​ໄນ​ຈີ​ເຣຍ ​ເພື່ອ​ຊ່ວຍ​ເຫລືອ​ເດັກນ້ອຍ 4 ຄົນ ​ແລະ ຜູ້ຍິງ 6 ຄົນ ​ໂດຍ​ໃນ​ຈໍານວນ​ນີ້​ມີ 4 ຄົນ​ຖືພາ​ຢູ່.

ຕຳຫລວດ​ເປີດ​ເຜີຍ​ວ່າ: ຜູ້ຍິງ​ຄົນ​ໜຶ່ງ​ຮັບ​ສາລະພາບ​ວ່າ: ​ເຈົ້າຂອງ​ໂຮງງານ​ຜະລິດ​ເດັກນ້ອຍ​ແຫ່ງ​ນີ້​ໄດ້​ຈ້າງ​ຜູ້​ຊາຍ​ມາ​ເຮັດ​ໃຫ້​ພວກ​ເຂົາ​ຖືພາ ​ແລະ ຫລັງ​ເກີດ​ກໍ​ເອົາ​ເດັກ​ໄປ​ຂາຍ​ເພື່ອ​ສະ​ແຫວ​ງຫາ​ຜົນກຳ​ໄລ ​ເຊິ່ງການ​ກະທຳ​ດັ່ງກ່າວ​ຖື​ເປັນ​ສິ່ງ​ຜິດ​ກົດໝາຍ ​ແລະ ​ເປັນ​ການ​ຄ້າ​ມະນຸດ.

ຫລ້າ​ສຸດ​ມີ​ລາຍ​ງານ​ຂ່າວ​ວ່າ: ມີ​ຜູ້​ຕ້ອງ​ສົງ​ໄສ 2 ຄົນ ​ເຊິ່ງ​ເປັນ​ຊາຍ​ພິການ ​ແລະ ລູກ​ສາວ​ຂອງ​ເຈົ້າຂອງ​ໂຮງງານ​ຖືກ​ຈັບ ຫລັງ​ເຂົ້າກວດຄົ້ນ. ຂະນະ​ທີ່​ມີ​ອີກ​ຄົນ​ໜຶ່ງ​ຫລົບໜີ​ໄປ, ​ແຕ່​ພະຍາຍາມ​ຈະ​ຈັບ​ກຸມ​ມາ​ດຳ​ເນີນ​ຄະດີ.

​ເຖິງ​ຢ່າງ​ໃດ​ກໍ​ຕາມ, ປະຕິບັດ​ການ​ຈູ່​ໂຈມ​ຂອງ​ຕຳຫລວດ​ໃນ​ສະຖານ​ທີ່​ເກີດ​ລູກ​ທີ່​ຜິດ​ກົດ​ໝາຍ​ເປັນ​ເລື່ອງ​ປົກກະຕິ​ທີ່​ເກີດ​ຂຶ້ນ​​ໃນ​ໄນຈີ​ເຣຍ ​ໂດຍ​ສະ​ເພາະ​ພາກ​ໃຕ້​ຂອງ​ປະ​ເທດ. ຂະນະ​ທີ່​ປີຜ່ານມາ​ເຄີຍ​ມີ​ເຫດການ​ແບບ​ນີ້​ເກີດ​ຂຶ້ນ ​ໂດຍ​ຕຳຫລວດ​ໄດ້​ບຸກ​ເຂົ້າ​ໄປ​ຊ່ວຍ​ເຫລືອ​ຜູ້ຍິງ 19 ຄົນ ອາຍຸ​ລະຫວ່າງ 15-28 ປີ ລວມທັງ​ເດັກນ້ອຍ 4 ຄົນ​ຈາກ​ໂຮງງານ​ຜະລິດ​ເດັກນ້ອຍ​ຕ້ອງ​ສົງ​ໄສ​ຢູ່​ໄນ​ຈີ​ເຣຍ​ເຊັ່ນ​ດຽວ​ກັນ.

ຕຳຫລວດໄນຈີເຣຍບຸກທຳລາຍໂຮງງານຜະລິດເດັກ ຊ່ວຍຜູ້ຍິງຖືພາ-ເດັກນ້ອຍໄດ້ 10 ກວ່າຄົນ - Wave100S AD to Website 2020 0 - ຕຳຫລວດໄນຈີເຣຍບຸກທຳລາຍໂຮງງານຜະລິດເດັກ ຊ່ວຍຜູ້ຍິງຖືພາ-ເດັກນ້ອຍໄດ້ 10 ກວ່າຄົນ

​ເຖິງ​ຢ່າງ​ໃດ​ກໍ​ຕາມ, ລາຍ​ງານ​ຂ່າວ​ລະບຸ​ວ່າ: ປົກກະຕິ​ແລ້ວ ​ໂຮງງານ​ຜະລິດ​ເດັກນ້ອຍ​ຈະ​ເປັນ​ສະຖານ​ບໍລິການ​ທີ່​ຜິດ​ກົດໝາຍ​ຂະໜາດ​ນ້ອຍ ​ແລ້ວ​ມາ​ເປີດ​ເປັນຄລີ​ນິກການ​ແພດ​ຂອງ​ເອກະ​ຊົນ. ພ້ອມ​ທັງ​ໃຫ້​ບໍລິການ​ຜູ້ຍິງ​ຖືພາ ​ແລະ ສະ​ເໜີ​ຂາຍ​ເດັກນ້ອຍ ​ແລະ ບາງ​ກໍລະນີ​ມີ​ໄວລຸ້ນຍິງ​ຖືກ​ຂົ່ມຂືນ ຈາກ​ນັ້ນກໍ​ເກີດ​ລູກ ​ແລະ ນຳ​ໄປ​ຂາຍ​ໃນ​ຕະຫລາດ​ມືດ.

ທັງ​ນີ້​ມີ​ລາຍ​ງານ​ວ່າ: ​ໃນ​ຕະຫລາດ​ມືດ ການ​ຂາຍ​ເດັກນ້ອຍ​ຜູ້​ຊາຍ​ຈະ​ຫລາຍ​ກວ່າ​ເດັກນ້ອຍ​ຜູ້ຍິງ ​ໂດຍ​ເດັກນ້ອຍ​ຜູ້​ຊາຍ​ມີ​ລາຄາ 1.000 ຢູ​ໂຣ ​ແລະ ​ເດັກນ້ອຍ​ຜູ້ຍິງ 700 ຢູ​ໂຣ.

ຕຳຫລວດໄນຈີເຣຍບຸກທຳລາຍໂຮງງານຜະລິດເດັກ ຊ່ວຍຜູ້ຍິງຖືພາ-ເດັກນ້ອຍໄດ້ 10 ກວ່າຄົນ - WhatsApp Image 2020 05 27 at 5 - ຕຳຫລວດໄນຈີເຣຍບຸກທຳລາຍໂຮງງານຜະລິດເດັກ ຊ່ວຍຜູ້ຍິງຖືພາ-ເດັກນ້ອຍໄດ້ 10 ກວ່າຄົນ
ຕຳຫລວດໄນຈີເຣຍບຸກທຳລາຍໂຮງງານຜະລິດເດັກ ຊ່ວຍຜູ້ຍິງຖືພາ-ເດັກນ້ອຍໄດ້ 10 ກວ່າຄົນ - WhatsApp Image 2020 05 27 at 5 - ຕຳຫລວດໄນຈີເຣຍບຸກທຳລາຍໂຮງງານຜະລິດເດັກ ຊ່ວຍຜູ້ຍິງຖືພາ-ເດັກນ້ອຍໄດ້ 10 ກວ່າຄົນ
error: Alert: ເນື້ອຫາຂ່າວມີລິຂະສິດ !!