ສິງກະໂປອະນຸມັດຂາຍຊີ້ນສັດສັງເຄາະ ເປັນປະເທດທຳອິດໃນໂລກ

ສິງກະໂປອະນຸມັດຂາຍຊີ້ນສັດສັງເຄາະ ເປັນປະເທດທຳອິດໃນໂລກ - 1200x865 - ສິງກະໂປອະນຸມັດຂາຍຊີ້ນສັດສັງເຄາະ ເປັນປະເທດທຳອິດໃນໂລກ
ສິງກະໂປອະນຸມັດຂາຍຊີ້ນສັດສັງເຄາະ ເປັນປະເທດທຳອິດໃນໂລກ - 174233 - ສິງກະໂປອະນຸມັດຂາຍຊີ້ນສັດສັງເຄາະ ເປັນປະເທດທຳອິດໃນໂລກ

ອົງການ​ອາຫານຂອງ​ສິງກະ​ໂປ​ອະນຸມັດ​ໃຫ້​ວາງ​ຈຳໜ່າຍ​ຊີ້ນ​ໄກ່​ທີ່​ລ້ຽງ​ໃນ​ຫ້ອງ​ແລັບ​ຕາມ​ທ້ອງ​ຕະຫລາດ​ໄດ້ ​ເຊິ່ງຖື​ເປັນ​ປະ​ເທດ​ທຳ​ອິດ​ໃນ​ໂລກ​ທີ່​ອະນຸຍາດ​ໃຫ້​ຂາຍ​ຊີ້ນ​ສັດ​ສັງ​ເຄາະ​ຢ່າງ​ເປັນ​ທາງ​ການ.

ຖະ​ແຫລ​ງການ​ຂອງ Eat Just ບໍລິສັດ​ສະ​ຕາດ​ອັບ​ຂອງ​ອາ​ເມ​ລິ​ກາ ທີ່​ຜະລິດ​ຊີ້ນ​ສັງ​ເຄາະ​ຈາກ​ຫ້ອງ​ແລັບ ລະບຸ​ວ່າ: ການ​ອະນຸມັດ​ຈຳໜ່າຍ​ຊີ້ນ​ຄຸນ​ນະພາ​ບສູງ​ທີ່​ລ້ຽງ​ມາ​ຈາກ​ຈຸ​ລັງ​ຂອງ​ສັດ ​ເຊິ່ງມີ​ຄວາມ​ປອດ​ໄພ​ສຳລັບ​ການ​ບໍລິ​ໂພ​ກ ຖື​ເປັນ​ບາດກ້າວ​ທຳ​ອິດ​ສຳລັບ​ການວາງ​ຈຳໜ່າຍ​ໃນ​ທາງ​ການ​ຄ້າ​ຢູ່​ສິງກະ​ໂປ ​ໂດຍ​ທາງ​ບໍລິສັດ​ຈະ​​ເອົາ​ຊີ້ນ​ໄກ່​ຈາກ​ຫ້ອງ​ແລັບ​ມາ​ວາງ​ຈຳໜ່າຍ​ໃນ​ຮູບ​ແບບ​ຂອງ “ນັກ​ເກັດ” ກ່ອນ ​ເຊິ່ງ​ເບື້ອງຕົ້ນຕັ້ງລາຄາ​ໄວ້​ທີ່ 50 ​ໂດ​ລາ​ສະຫະລັດ​ຕໍ່​ຫໍ່.

ທ່ານ ຈອດ ​ເທ​ທຣິກ ໜຶ່ງ​ໃນ​ຜູ້​ຮ່ວມ​ສ້າງຕັ້ງ ​ແລະ ປະທານ​ເຈົ້າໜ້າ​ທີ່​ບໍລິຫານ​ຂອງ Eat Just ກ່າວ​ວ່າ: ຕົ້ນທຶນ​ການ​ຜະລິດ​ຊີ້ນ​ສັດ​ສັງ​ເຄາະ​ໃນ​ຫ້ອງ​ແລັບ​ຫລຸດ​ລົງ​ຫລາຍ​ແລ້ວ ​ເຮັດ​ໃຫ້​ຊີ້ນ​ໄກ່​ຈາກ​ຫ້ອງ​ແລັບ​ຈະ​ມີ​ລາຄາ​ຊໍ່າກັບ​ຊີ້ນ​ໄກ່​ຄຸນ​ນະພາ​ບສູງ​ທົ່ວ​ໄປ ​ໂດຍ​ທາງ​ບໍລິສັດ​ກຽມ​ຈັດ​ງານ​ເປີດ​ຕົວ​ຜະລິດ​ຕະພັນ​ຢູ່​ຮ້ານ​ອາຫານ​ແຫ່ງ​ໜຶ່ງ​ໃນ​ສິງກະ​ໂປ​ມໍ່ໆ​ນີ້.

ທັງ​ນີ້ ບໍລິສັດ​ຕັ້ງ​ເປົ້າຈະ​ສ້າງ​ກຳ​ໄລ​ຈາກ​ຊີ້ນ​ສັດ​ສັງ​ເຄາະ​ພາຍ​ໃນ​ປີ 2021 ​ແລະ ກຽມ​ນຳພາ​ບໍລິສັດ​ຈົດ​ທະບຽນ​ເຂົ້າສູ່​ຕະຫລາດ​ຫລັກ​ຊັບ​ນຳ​ອີກ.

ສິງກະໂປອະນຸມັດຂາຍຊີ້ນສັດສັງເຄາະ ເປັນປະເທດທຳອິດໃນໂລກ - Wave100S AD to Website 2020 0 - ສິງກະໂປອະນຸມັດຂາຍຊີ້ນສັດສັງເຄາະ ເປັນປະເທດທຳອິດໃນໂລກ

ຊີ້​ນສັດ​ສັງ​ເຄາະ​ຖື​ເປັນ​ຊີ້ນ​ສັດທາ​ງ​ເລືອກ ຫລື ອາຫານ​ທາງ​ເລືອກ​ທີ່​ໄດ້​ມີ​ການ​ຄິດ​ຄົ້ນພັດທະນາ​ຂຶ້ນ ​ເພື່ອ​ຕອບ​​ໂຈດ​ຄວາມ​ຕ້ອງການ​ຂອງ​ຜູ້​ບໍລິ​ໂພ​ກຍຸກ​ໃໝ່ ​ເຊິ່ງຫັນ​ມາ​ໃສ່​ໃຈ​ສຸຂະພາບ, ຄຳນຶງ​ເຖິງ​ສະຫວັດດີ​ພາບ​ຂອງ​ສັດ ​ແລະ ຜົນ​ກະທົບ​ດ້ານ​ສິ່ງ​ແວດ​ລ້ອມ ​ເຮັດ​ໃຫ້​ຊີ້ນ​ທາງ​ເລືອ​ກາຍ​ເປັນ​ໜຶ່ງ​ໃນ​ອຸດສາຫະກຳ​ດາວ​ຮຸ່ງ​ທີ່​ໄດ້​ຮັບ​ຄວາມ​ນິຍົມ.

ປັດຈຸບັນ ມີ​ຜູ້​ຜະລິດ​ອາຫານ​ຫລາຍ​ກວ່າ 20 ​ແຫ່ງ​ທົ່ວ​ໂລກ​ກຳລັງ​ທົດ​ລອງ​ຜະລິດ​ຊີ້ນ​ປາ, ຊີ້ນ​ງົວ ​ແລະ ​ຊີ້ນ​ໄກ່​ຈາກ​ຫ້ອງ​ແລັບ ​ເພື່ອ​ຫວັງ​ຊ່ວງ​ຊີງ​ສ່ວນ​ແບ່ງ​ໃນ​ຕະຫລາດ​ຊີ້ນ​ສັດທາ​ງ​ເລືອກ​ທີ່​ທະນາຄານ​ບາຣ​ເຄລຍປະ​ເມີນ​ວ່າ: ອາດ​ຈະ​ມີ​ມູນ​ຄ່າ​ສູງ​ເຖິງ 140.000 ລ້ານ​ໂດ​ລາ​ສະຫະລັດ ພາຍ​ໃນ​ປີ 2029 ​ໂດຍ​​ເຈົ້າຕະຫລາດ​ໃນ​ປັດຈຸບັນ​ຄື ບໍລິສັດ Beyond Meat Inc ​ແລະ Impossible Foods ທີ່​ຜະລິດ​ຊີ້ນ​ຈາກ​ພືດ​ອອກ​ວາງ​ຈຳໜ່າຍ​ຕາມ​ຊຸບ​ເປີ​ມາ​ເກັດ ​ແລະ ມີ​ການ​ນຳ​ໄປ​ປຸງ​ແຕ່ງ​ເປັນ​ເມ​ນູ​ໃນ​ຮ້ານ​ອາຫານ​ເພີ່ມ​ຂຶ້ນ​ເລື້ອຍໆ.

ສິງກະໂປອະນຸມັດຂາຍຊີ້ນສັດສັງເຄາະ ເປັນປະເທດທຳອິດໃນໂລກ - WhatsApp Image 2020 05 27 at 5 - ສິງກະໂປອະນຸມັດຂາຍຊີ້ນສັດສັງເຄາະ ເປັນປະເທດທຳອິດໃນໂລກ
error: Alert: ເນື້ອຫາຂ່າວມີລິຂະສິດ !!