ເຈົ້າໜ້າທີ່ຊີ້ແຈງ ລົດຫີນກາວໄຟໄໝ້ຍ້ອນອຸບັດເຫດ ບໍ່ແມ່ນການວາງລະເບີດ

ເຈົ້າໜ້າທີ່ຊີ້ແຈງ ລົດຫີນກາວໄຟໄໝ້ຍ້ອນອຸບັດເຫດ ບໍ່ແມ່ນການວາງລະເບີດ - Capture - ເຈົ້າໜ້າທີ່ຊີ້ແຈງ ລົດຫີນກາວໄຟໄໝ້ຍ້ອນອຸບັດເຫດ ບໍ່ແມ່ນການວາງລະເບີດ
ເຈົ້າໜ້າທີ່ຊີ້ແຈງ ລົດຫີນກາວໄຟໄໝ້ຍ້ອນອຸບັດເຫດ ບໍ່ແມ່ນການວາງລະເບີດ - Untitled design - ເຈົ້າໜ້າທີ່ຊີ້ແຈງ ລົດຫີນກາວໄຟໄໝ້ຍ້ອນອຸບັດເຫດ ບໍ່ແມ່ນການວາງລະເບີດ

ໃນວັນທີ 4 ທັນວານີ້, ທ່ານ ພັທ ກອງມະນີ ຊົມມີໄຊ ຫົວໜ້າຄະນະຄຸ້ມຄອງດ່ານສາກົນແດນສະຫວັນ ໄດ້ຊີ້ແຈງກ່ຽວກັບເຫດການຂອງລົດຫີນກາວທີ່ເກີດໄຟໄໝ້ຢູ່ຈຸດກວດກາສິນຄ້າຂອງເຈົ້າໜ້າທີ່ພາສີດ່ານສາກົນແດນສະຫວັນວ່າ: ໃນເວລາ 8 ໂມງ 20 ນາທີ ຂອງວັນທີ 3/12/2020 ໄດ້ມີລົດຂົນສົ່ງຫີນກາວຈໍານວນ 3 ຄັນ, ເດີນທາງມາຈາກບໍ່ຫີນກາວໂຄກຫີນແກ້ວ ເມືອງຈໍາພອນ ແຂວງສະຫັວນນະເຂດ ເພື່ອຂົນສົ່ງຫີນກາວໄປຍັງ ສສ ຫວຽດນາມ ຜ່ານດ່ານສາກົນແດນສະຫວັນ.

ເຈົ້າໜ້າທີ່ຊີ້ແຈງ ລົດຫີນກາວໄຟໄໝ້ຍ້ອນອຸບັດເຫດ ບໍ່ແມ່ນການວາງລະເບີດ - 23fd4782 ac52 4627 b67e f33ac1231a2a 221x300 - ເຈົ້າໜ້າທີ່ຊີ້ແຈງ ລົດຫີນກາວໄຟໄໝ້ຍ້ອນອຸບັດເຫດ ບໍ່ແມ່ນການວາງລະເບີດ

ເມື່ອລົດມາຮອດສະຖານທີ່ກວດກາສິນຄ້າຂອງເຈົ້າໜ້າທີ່ພາສີປະຈໍາດ່ານ, ລົດທັງສາມຄັນກໍແລ່ນເຂົ້າມາຈອດຢູ່ຈຸດກວດກາດັ່ງກ່າວ ເພື່ອໃຫ້ເຈົ້າໜ້າທີ່ກວດກາສິນຄ້າເພື່ອສົ່ງອອກຕ່າງປະເທດຕາມລະບຽບການ, ໃນເວລານັ້ນເຈົ້າໜ້າທີ່ພາສີໄດ້ໃຫ້ກໍາມະກອນ ຈໍານວນ 8 ຄົນ ຊ່ວຍກວດຄົ້ນຫີນກາວຢູ່ເທິງລົດ ໂດຍພາຍໃຕ້ການຊີ້ນໍາທາງດ້ານວິຊາສະເພາະຂອງເຈົ້າໜ້າທີ່ພາສີ, ຈຸດປະສົງຂອງການກວດຄົ້ນແມ່ນກວດຄົ້ນຫາສິນຄ້າທີ່ຜິດກົດໝາຍທີ່ອາດມີການລັກລອບຊຸກເຊື່ອງມານໍາພາຫະນະຈໍານວນດັ່ງກ່າວ, ໃນຂະນະທີ່ກວດກາຢູ່ນັ້ນ ກໍາມະກອນກໍໄດ້ເຫັນຄວັນໄຟເກີດຂຶ້ນຈາກພື້ນລົດ ພ້ອມມີປະກາຍໄຟລຸກຂຶ້ນຢ່າງຮຸນແຮງ ແລະ ພາໃຫ້ເກີດມີສຽງແຕກດັງຂຶ້ນຄ້າຍຄືສຽງລະເບີດ ເຮັດໃຫ້ເກີດມີໄຟໄໝ້ລາມເປັນບໍລິເວນກວ້າງ ແລະ ມີພຸໄຟແຕກອອກຈາກຖັງກະບະລົດຫີນກາວເປັນຈໍານວນຫລາຍ ແລະ ຟົ້ງໄປໃສ່ຖັງນໍ້າມັນທີ່ເຈົ້າໜ້າທີ່ພາສີຢຶດໃນສາງ, ບໍລິເວນໃກ້ຄຽງກໍໃຫ້ເກີດມີສຽງແຕກດັງຂຶ້ນຄ້າຍຄືສຽງລະເບີດ ແລະ ເປັນປະກາຍຢ່າງຮຸນແຮງ, ເປັນສາເຫດໃຫ້ເກີດມີຜູ້ໄດ້ຮັບບາດເຈັບ ຈໍານວນ 8 ຄົນ, ໃນນັ້ນ ເປັນຄົນ ລາວ 3 ຄົນ, ຍິງ 1 ຄົນ, ຄົນຫວຽດນາມ 5 ຄົນ ແລະ ເສຍຊີວິດກັບທີ່ 3 ຄົນ, ຍິງ 1 ຄົນ, ໃນນັ້ນ ມີຄົນລາວ 2 ຄົນເພດຊາຍ, ຄົນຫວຽດນາມ 1 ຄົນ ເພດຍິງ.

ເຈົ້າໜ້າທີ່ຊີ້ແຈງ ລົດຫີນກາວໄຟໄໝ້ຍ້ອນອຸບັດເຫດ ບໍ່ແມ່ນການວາງລະເບີດ - cc16da81 cb52 4259 93e4 aaab8b729f2f 225x300 - ເຈົ້າໜ້າທີ່ຊີ້ແຈງ ລົດຫີນກາວໄຟໄໝ້ຍ້ອນອຸບັດເຫດ ບໍ່ແມ່ນການວາງລະເບີດ

ເຈົ້າໜ້າທີ່ຊີ້ແຈງ ລົດຫີນກາວໄຟໄໝ້ຍ້ອນອຸບັດເຫດ ບໍ່ແມ່ນການວາງລະເບີດ - Wave100S AD to Website 2020 0 - ເຈົ້າໜ້າທີ່ຊີ້ແຈງ ລົດຫີນກາວໄຟໄໝ້ຍ້ອນອຸບັດເຫດ ບໍ່ແມ່ນການວາງລະເບີດ

ສ່ວນຜົນເສຍຫາຍທາງດ້ານຊັບສິນໃນເບື້ອງຕົ້ນທີ່ເກີດຂຶ້ນຈາກເຫດໄຟໄໝ້ຄັ້ງນີ້: ມີສາງກາງແຈ້ງຈໍານວນ 2 ຫລັງ, ສາງສໍາລັບໄວ້ລົດເອັກສະເລ 1 ຫລັງ, ຫ້ອງການບ່ອນເຮັດວຽກ ກວດກາຂອງເຈົ້າໜ້າທີ່ພາສີ 1 ຫລັງ, ພາຫະນະຂົນສົ່ງສິນຄ້າ 4 ຄັນ, ພາຫະນະປະເພດລົດກະບະຂອງລັດ 1 ຄັນ ແລະ ລົດກະບະສ່ວນບຸກຄົນ 1 ຄັນ

ທ່ານ ພັທ ກອງມະນີ ຊົມມີໄຊ ຍັງໃຫ້ຮູ້ອີກວ່າ: ຕໍ່ກັບເຫດການທີ່ເກີດຂຶ້ນໃນຄັ້ງນີ້ ເຈົ້າໜ້າທີ່ອົງການສຶບສວນ-ສອບສວນ ກອງບັນຊາການ ປກສ ແຂວງ, ເຈົ້າໜ້າທີ່ ກອງບັນຊາການ ປກສ ເມືອງເຊໂປນ ແລະ ພາກສ່ວນກ່ຽວຂ້ອງ ຂອງດ່ານສາກົນ ແດນສະຫວັນ ກໍາລັງດໍາເນີນ ການເກັບກໍາຂໍ້ມູນ ແລະ ດໍາເນີນການສືບສວນ-ສອບສວນ, ຕໍ່ກັບສະພາບການເຫດການທີ່ເກີດຂຶ້ນ ຄັ້ງນີ້ແມ່ນເກີດຂຶ້ນຍ້ອນອຸບັດເຫດ, ບໍ່ແມ່ນການວາງລະເບີດແຕ່ຢ່າງໃດ.

ເຈົ້າໜ້າທີ່ຊີ້ແຈງ ລົດຫີນກາວໄຟໄໝ້ຍ້ອນອຸບັດເຫດ ບໍ່ແມ່ນການວາງລະເບີດ - WhatsApp Image 2020 05 27 at 5 - ເຈົ້າໜ້າທີ່ຊີ້ແຈງ ລົດຫີນກາວໄຟໄໝ້ຍ້ອນອຸບັດເຫດ ບໍ່ແມ່ນການວາງລະເບີດ
ເຈົ້າໜ້າທີ່ຊີ້ແຈງ ລົດຫີນກາວໄຟໄໝ້ຍ້ອນອຸບັດເຫດ ບໍ່ແມ່ນການວາງລະເບີດ - WhatsApp Image 2020 05 27 at 5 - ເຈົ້າໜ້າທີ່ຊີ້ແຈງ ລົດຫີນກາວໄຟໄໝ້ຍ້ອນອຸບັດເຫດ ບໍ່ແມ່ນການວາງລະເບີດ
error: Alert: ເນື້ອຫາຂ່າວມີລິຂະສິດ !!