ທ່ານ ກິມຈ໋ອງອຸນ ສັ່ງຍິງຄົນຝ່າຝືນ ມາດຕະການໂຄວິດຕໍ່ໜ້າສາທາລະນະ

​ເດ​ລີ​ເມລ ລາຍ​ງານ​ວ່າ: ສປປ ​ເກົາຫລີ ພາຍ​ໃຕ້​ການ​ປົກຄອງ​ຂອງ​ທ່ານ ກິມຈ໋ອງອຸນ ​ໄດ້​ຍິງ​ປະຫານ​ຊີວິດ​ຜູ້​ຝ່າຝືນ​ມາດ​ຕະການ​ປ້ອງ​ກັນ​ການ​ແຜ່​ລະບາດ​ຂອງ​ໄວຣັສ​ໂຄ​ໂຣນາ​ຕໍ່ໜ້າ​ສາທາ​ລະນະ.

​ໃນ​ຂະນະ​ທີ່ ສປປ ​ເກົາຫລີ ອ້າງ​ວ່າ​ຍັງ​ບໍ່​ມີ​ຜູ້​ຕິດ​ເຊື້ອ, ​ແຕ່​ລັດຖະບານ ກິມຈ໋ອງອຸນ ​ໄດ້​ໃຊ້​ມາດ​ຕະການ​ສຸກ​ເສີນ​ລະດັບ​ສູງ​ພິ​ເສດ ​ແລະ ກອງ​ກຳລັງ ສປປ ​ເກົາຫລີ ​ໄດ້​ຮັບ​ຄຳ​ສັ່ງ​ໃຫ້​ຍິງ​ຜູ້​ບຸກລຸກ​ຢູ່​ຊາຍ​ແດນ​ຕິດ​ກັບປະ​ເທດ​ຈີນ ​ໂດຍ​ລັດຖະບານ​ໄດ້​ເພີ່ມ​ກອງ​ກຳລັງ​ທະຫານ​ບໍລິ​ເວນ​ຊາຍ​ແດນ ​ເພື່ອ​ກວດກາ ​ແລະ ປ້ອງ​ກັນ​ບໍ່​ໃຫ້​ມີ​ຜູ້​ລັກລອບ​ເຂົ້າປະ​ເທດ ​ເນື່ອງ​ຈາກ​ຢ້ານ​ວ່າ​ຜູ້​ລັກລອບ​ເຂົ້າປະ​ເທດ​ຈະ​ນຳ​ເອົາ​ໄວຣັສ​ເຂົ້າມາ​ແຜ່​ລະບາດ​ໃນ ສປປ ​ເກົາຫລີ.