ກອງປະຊຸມຄະນະຊີ້ນໍາລະດັບຊາດກ່ຽວກັບການລາຍງານຄວາມຄືບໜ້າການສໍາຫຼວດສະຖິຕິກະສິກໍາທົ່ວປະເທດ ຄັ້ງທີ III

ກອງປະຊຸມຄະນະຊີ້ນໍາລະດັບຊາດກ່ຽວກັບການລາຍງານຄວາມຄືບໜ້າການສໍາຫຼວດສະຖິຕິກະສິກໍາທົ່ວປະເທດ ຄັ້ງທີ III - 129479777 2681733108803900 1757832935941506150 n - ກອງປະຊຸມຄະນະຊີ້ນໍາລະດັບຊາດກ່ຽວກັບການລາຍງານຄວາມຄືບໜ້າການສໍາຫຼວດສະຖິຕິກະສິກໍາທົ່ວປະເທດ ຄັ້ງທີ III
ກອງປະຊຸມຄະນະຊີ້ນໍາລະດັບຊາດກ່ຽວກັບການລາຍງານຄວາມຄືບໜ້າການສໍາຫຼວດສະຖິຕິກະສິກໍາທົ່ວປະເທດ ຄັ້ງທີ III - Untitled design - ກອງປະຊຸມຄະນະຊີ້ນໍາລະດັບຊາດກ່ຽວກັບການລາຍງານຄວາມຄືບໜ້າການສໍາຫຼວດສະຖິຕິກະສິກໍາທົ່ວປະເທດ ຄັ້ງທີ III

ກອງປະຊຸມຄະນະຊີ້ນໍາລະດັບຊາດ, ຄະນະຊີ້ນໍາຂັ້ນແຂວງ ແລະ ເມືອງ ກ່ຽວກັບການລາຍງານຄວາມຄືບໜ້າການສໍາຫຼວດສະຖິຕິກະສິກໍາທົ່ວປະເທດຂັ້ນແຂວງ ຄັ້ງທີ III ຈັດຂຶ້ນທີ່ແຂວງຈຳປາສັກ ໃນຕອນເຊົ້າວັນທີ 4 ທັນວາ 2020 ໂດຍໃຫ້ກຽດເປັນປະທານຂອງທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ຫົວໜ້າຄະນະຊີ້ນໍາການສໍາຫຼວດສະຖິຕິກະສິກໍາລະດັບຊາດ, ມີທ່ານ ວິໄລວົງ ບຸດດາຄໍາ ເຈົ້າແຂວງຈໍາປາສັກເຂົ້າຮ່ວມ.

ກອງປະຊຸມຄະນະຊີ້ນໍາລະດັບຊາດກ່ຽວກັບການລາຍງານຄວາມຄືບໜ້າການສໍາຫຼວດສະຖິຕິກະສິກໍາທົ່ວປະເທດ ຄັ້ງທີ III - 129626778 2681733258803885 8008082370021676916 n 300x200 - ກອງປະຊຸມຄະນະຊີ້ນໍາລະດັບຊາດກ່ຽວກັບການລາຍງານຄວາມຄືບໜ້າການສໍາຫຼວດສະຖິຕິກະສິກໍາທົ່ວປະເທດ ຄັ້ງທີ III

ໃນກອງປະຊຸມຄັ້ງນີ້, ທ່ານເຈົ້າແຂວງຈໍາປາສັກ ໄດ້ກ່າວລາຍງານສະພາບການພັດທະນາເສດຖະກິດ-ສັງຄົມ ໂດຍສັງເຂບຢູ່ແຂວງຈໍາປາສັກໃນໄລຍະ 9 ເດືອນຂອງປີ 2020 ຕໍ່ຮອງນາຍົກລັດຖະມົນຕີ ຮັບຊາບ ເຊິ່ງມີຜົນງານດ້ານຕັ້ງໜ້າ ແລະ ສິ່ງທ້າທາຍທີ່ກະທົບຕໍ່ການພັດທະນາເສດຖະກິດ ກໍຄືຊີວິດການເປັນຢູ່ຂອງປະຊາຊົນ ເປັນຕົ້ນຜົນກະທົບຈາກສະພາບການລະບາດຂອງພະຍາດໂຄວິດ19, ແຕ່ພາຍໃຕ້ການນໍາພາຂອງຄະນະພັກ-ອົງການປົກຄອງແຂວງ ຄວາມເປັນເຈົ້າການຂອງສັງຄົມປະຊາຊົນບັນດາເຜົ່າກໍສາມາດຜ່ານຜ່າໄດ້. ຈາກນີ້ໃນກອງປະຊຸມ, ທ່ານຫົວໜ້າສູນສະຖິຕິແຂວງຈໍາປາສັກ, ຫົວໜ້າຫ້ອງສໍາຫຼວດສະຖິຕິກະສິກໍາແຂວງ ໄດ້ລາຍງານວ່າ: ສະພາບການສໍາຫຼວດສະຖິຕິກະສິກໍາທົ່ວປະເທດ ຄັ້ງທີ III ຢູ່ແຂວງຈໍາປາສັກ, ເບື້ອງຕົ້ນໄດ້ມີການຝຶກອົບຮົມນັກເດີນສໍາຫລວດ ແລະ ນັກກວດກາໃນວັນທີ 26/10/2020 ຫາວັນທີ 06/11/2020 ມີຜູ້ເຂົ້າຮ່ວມທັງໝົດ 58 ທ່ານ. ໄດ້ລົງທົດລອງພາກສະໜາມ 2 ວັນ ຄືບ້ານນາຫວ້າ ແລະ ບ້ານໂນນຊາດ ເມືອງໂພນທອງ ກ່ຽວກັບພາກໂຄສະນາເຜີຍແຜ່: ໄດ້ຈັດກອງປະຊຸມປຶກສາຫາລືກັບພະແນກໂຍທາທິການ ແລະ ຂົນສົ່ງ, ວິທະຍຸ, ໜັງສືພິມ ແລະ ໂທລະພາບ ເພື່ອອອກຂ່າວໂຄສະນາເຜີຍແຜ່ຕໍ່ກັບວຽກງານການສໍາຫລວດ. ໄດ້ຕິດຕັ້ງປ້າຍໂຄສະນາຂ້າມທາງຂັ້ນແຂວງ 2 ຈຸດ ຫລັກ 8 ເໜືອ, ຫລັັກ 8 ໃຕ້, ຂັ້ນເມືອງ 18 ຈຸດຕາມຕະຫລາດຫລື ສະຖານທີ່ຊຸມຊົນໜາແໜ້ນ. ໄດ້ສໍາພາດຮອງຫົວໜ້າຄະນະຊີ້ນໍາຂັ້ນແຂວງ, ຫ້ອງການສໍາຫລວດຂັ້ນແຂວງ, ຮອງເຈົ້າເມືອງ ຫົວໜ້າຄະນະຊີ້ນໍາການສໍາຫລວດຂັ້ນເມືອງ, ສໍາພາດນັກເດີນສໍາຫລວດ, ນັກກວດກາຂັ້ນແຂວງ, ນັກກວດກາຂັ້ນສູນກາງ ໃນໄລຍະລົງທົດລອງຢູ່ເມືອງໂພນທອງ. ໄດ້ອອກຂ່າວ ແລະໂຄສະນາທາງວິທະຍຸ, ໜັງສືພິມ, ໂທລະພາບກ່ຽວກັບການລົງສໍາຫຼວດຢ່າງຕໍ່ເນື່ອງ. ການຈັດຕັັ້ງປະຕິບັດການສໍາຫລວດຕົວຈິງຢູ່ພາກສະໜາມ: ມີແຜນການເດີນສໍາຫລວດຈໍານວນ 192 ບ້ານຕົວແທນ ເລີ່ມຈັດຕັ້ງປະຕິບັດແຕ່ວັນທີ 15/11 ຫາວັນທີ 15/12/2020, ນັກກວດກາ ແລະ ນັກເດີນສໍາຫລວດລົງພາກສະໜາມໃນວັນທີ 14/11/2020 ໃນ 1 ນະຄອນ 9 ເມືອງ ເພື່ອປະສານສົມທົບກັບອຳນາດການປົກຄອງ. ນັກເດີນສໍາຫລວດປະກອບມີ 23 ທີມ , ບ້ານໜຶ່ງນັດຄົວເຮືອນຕົວແທນ 20 ຄົວເຮືອນ, ໃນນັ້ນ ຄົວເຮືອນສໍາຮອງ 4 ຄົວເຮືອນ, ສໍາພາດຕົວຈິງ 16 ຄົວເຮືອນ, ການເດີນສໍາຫລວດພຽງແຕ່ 3 ວັນ/ບ້ານ, ສະເລ່ຍນັກເດີນສໍາຫລວດ 1 ທີມຮັບຜິດຊອບ 8-9 ບ້ານຕົວແທນ ໂດຍຖືເອົາຄົວເຮືອນຕົວແທນທີ່ໄດ້ຂຶ້ນບັນຊີໄວ້ແລ້ວໃນປີ 2019, ມີນັກກວດກາທັງໝົດ 10 ທ່ານ, ນັກກວດກາຜູ້ໜຶ່ງຮັບຜິດຊອບສະເລ່ຍ 2 ຫາ 3 ທີມ ( ທີມໜຶ່ງມີ 2 ຄົນ). ແຕ່ວັນທີ 15/11 ຫາວັນ 01/12/2020 ໄດ້ສໍາພາດສໍາເລັດ 178 ບ້ານຕົວແທນ ເທົ່າກັບ 2.582 ຄົວເຮືອນ ກວມເອົາ 93% ຂອງຈໍານວນບ້ານທັງໝົດ, ຍັງບໍ່ທັນສໍາເລັດ 14 ບ້ານ ເທົ່າກັບ 7%. ເມືອງທີ່ສໍາເລັດແລ້ວມີ 5 ເມືອງ, 1 ນະຄອນຄື: ນະຄອນປາກເຊ, ເມືອງ ຊະນະສົມບູນ, ປາກຊ່ອງ, ປະທຸມພອນ, ໂພນທອງ ແລະ ເມືອງຈໍາປາສັກ, ຍັງບໍ່ທັນສໍາເລັດ 4 ເມືອງຄື: ເມືອງສຸຂຸມາ, ໂຂງ, ມຸນລະປາໂມກ ແລະ ເມືອງບາຈຽງຈະເລີນສຸກ. ດ້ານງົບປະມານ ນໍາໃຊ້ງົບປະມານຈາກສູນສະຖິຕິແຫ່ງຊາດ ກະຊວງແຜນການ ແລະ ການລົງທຶນ ຈໍານວນ 567 ລ້ານ​ກວ່າກີບ.ງົບປະມານຈາກແຂວງປະກອບສ່ວນຈໍານວນ 150 ລ້ານກີບ. ຈາກນີ້ໃນກອງປະຊຸມກໍມີການປະກອບຄໍາເຫັນລາຍງານສະພາບການສໍາຫຼວດຈາກຄະນະຊີ້ນໍາຊັ້ນເມືອງເຊັ່ນ: ເມືອງປາກຊ່ອງ, ໂພນທອງ, ບາຈຽງຈະເລີນສຸກ ແລະ ການປະກອບຄໍາເຫັນຈາກສູນສະຖິຕິແຫ່ງຊາດ. ພິເສດແມ່ນຮັບຟັງຄໍາເຫັນໂອ້ລົມຂອງ ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ຫົວໜ້າຄະນະຊີ້ນໍາການສໍາຫຼວດສະຖິຕິກະສິກໍາລະດັບຊາດ ອັນເປັນການຊີ້ນໍາ, ຊຸກຍູ້ໃຫ້ກໍາລັງໃຈແກ່ການສໍາຫຼວດສະຖິຕິກະສິກໍາຢູ່ແຂວງຈໍາປາສັກໃຫ້ສໍາເລັດຕາມຄາດໝາຍທີ່ວາງໄວ້. ໂອກາດເຂົ້າຮ່ວມກອງປະຊຸມຄະນະຊີ້ນໍາລະດັບຊາດ ນໍາໂດຍທ່ານ ນາງ ເພັດສະໝອນ ສອນ ຮອງຫົວໜູ້າສູນສະຖິຕິແຫ່ງຊາດ, ຫົວໜ້າຫ້ອງການສໍາຫຼວດສະຖິຕິກະສິກໍາທົົ່ວປະເທດ ຄັ້ງທີ III ພ້ອມດ້ວຍຄະນະຊີ້ນໍາຂັ້ນແຂວງ ແລະ ເມືອງ ຍັງໄດ້ເຄື່ອນໄຫວ,ຕິດຕາມກວດກາການເດີນສໍາຫຼວດຢູ່ບ້ານຫຼັກ 40 ເມືອງປາກຊ່ອງ ເພື່ອເປັນການຊຸກຍູ້ໃຫ້ກໍາລັງໃຈແກ່ນັກເດີນສໍາຫຼວດຕົວຈິງຢູ່ພາກສະໜາມອີກດ້ວຍ.

ກອງປະຊຸມຄະນະຊີ້ນໍາລະດັບຊາດກ່ຽວກັບການລາຍງານຄວາມຄືບໜ້າການສໍາຫຼວດສະຖິຕິກະສິກໍາທົ່ວປະເທດ ຄັ້ງທີ III - Wave100S AD to Website 2020 0 - ກອງປະຊຸມຄະນະຊີ້ນໍາລະດັບຊາດກ່ຽວກັບການລາຍງານຄວາມຄືບໜ້າການສໍາຫຼວດສະຖິຕິກະສິກໍາທົ່ວປະເທດ ຄັ້ງທີ III
ກອງປະຊຸມຄະນະຊີ້ນໍາລະດັບຊາດກ່ຽວກັບການລາຍງານຄວາມຄືບໜ້າການສໍາຫຼວດສະຖິຕິກະສິກໍາທົ່ວປະເທດ ຄັ້ງທີ III - WhatsApp Image 2020 05 27 at 5 - ກອງປະຊຸມຄະນະຊີ້ນໍາລະດັບຊາດກ່ຽວກັບການລາຍງານຄວາມຄືບໜ້າການສໍາຫຼວດສະຖິຕິກະສິກໍາທົ່ວປະເທດ ຄັ້ງທີ III
ກອງປະຊຸມຄະນະຊີ້ນໍາລະດັບຊາດກ່ຽວກັບການລາຍງານຄວາມຄືບໜ້າການສໍາຫຼວດສະຖິຕິກະສິກໍາທົ່ວປະເທດ ຄັ້ງທີ III - WhatsApp Image 2020 05 27 at 5 - ກອງປະຊຸມຄະນະຊີ້ນໍາລະດັບຊາດກ່ຽວກັບການລາຍງານຄວາມຄືບໜ້າການສໍາຫຼວດສະຖິຕິກະສິກໍາທົ່ວປະເທດ ຄັ້ງທີ III
error: Alert: ເນື້ອຫາຂ່າວມີລິຂະສິດ !!