ອິນໂດເນເຊຍໄດ້ຮັບວັກຊີນປ້ອງກັນໂຄວິດ-19 ຊຸດທຳອິດຈາກຈີນ

- unnamed - ອິນໂດເນເຊຍໄດ້ຮັບວັກຊີນປ້ອງກັນໂຄວິດ-19 ຊຸດທຳອິດຈາກຈີນ
- Untitled design - ອິນໂດເນເຊຍໄດ້ຮັບວັກຊີນປ້ອງກັນໂຄວິດ-19 ຊຸດທຳອິດຈາກຈີນ

ຈີນ​ຈັດ​ສົ່ງ​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ຊຸດ​ທຳ​ອິດ​ທີ່​ຜະລິດ​ໂດຍ​ບໍລິສັດ ຊິ​ໂນ​ແວກ ​ໃຫ້​ແກ່​ອິນ​ໂດ​ເນ​ເຊຍ ຈຳນວນ 1,2 ລ້ານ​ໂດ​ສ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ປະທານາທິບໍດີ ​ໂຈ​ໂກ ວິ​ໂດ​ໂດ ​ເປີດ​ເຜີຍ​ໃນ​ວັນ​ທີ 6 ທັນວາ​ວ່າ: ອິນ​ໂດ​ເນ​ເຊຍ​ຮັບ​ມອບ​ວັກ​ຊີ​ນຕໍ່ຕ້ານ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່​ຊຸດ​ທຳ​ອິດ​ຈາກ​ຈີນ ຈຳນວນ 1,2 ລ້ານ​ໂດ​ສ ຜະລິດ​ໂດຍ​ບໍລິສັດ ຊິ​ໂນ​ແວກ ​ໄບ​ໂອ​ເທັກ ​ເຊິ່ງວັກ​ຊີ​ນດັ່ງກ່າວ​ເປັນ​ແບບ​ດຽວ​ກັບ​ທີ່​ມີ​ການ​ທົດ​ລອງ​ປະສິດທິພາບ​ທາງ​ຄລີ​ນິກພາຍ​ໃນ​ອິນ​ໂດ​ເນ​ເຊຍ ນັບ​ແຕ່​ເດືອນ​ສິງ​ຫາ​ຜ່ານ​ມາ.

ຂະນະ​ທີ່​ວັກ​ຊີ​ນຈາກ​ຊິ​ໂນ​ແວກ ​ໄບ​ໂອ​ເທັກ ຊຸດ​ທີ 2 ອີກ 1,8 ລ້ານ​ໂດ​ສ ຈະ​ເດີນທາງ​ມາ​​ເຖິງ​ອິນ​ໂດ​ເນ​ເຊຍ​ໃນຕົ້ນ​ເດືອນ​ມັງກອນ 2021. ນອກຈາກ​ນີ້ ທ່ານ ວິ​ໂດ​ໂດ ຍັງ​ຄາດ​ຄະ​ເນ​ວ່າ: ພາຍ​ໃນ​ເດືອນ​ນີ້ ອິນ​ໂດ​ເນ​ເຊຍ​ຈະ​ໄດ້​ຮັບ​ວັດຖຸ​ດິບ ​ເພື່ອ​ການ​ຜະລິດ​ວັກ​ຊີ​ນ 15 ລ້ານ​ໂດ​ສ ​ແລະ ວັດຖຸ​ດິບ​ສຳລັບ​ການ​ຜະລິດ​ວັກ​ຊີ​ນ​ໃຫ້​ໄດ້​ອີກ 30 ລ້ານ​ໂດ​ສ ອາດ​ຈະ​ມາ​ເຖິງ​ພາຍ​ໃນ​ເດືອນ​ໜ້າ.

- Wave100S AD to Website 2020 0 - ອິນໂດເນເຊຍໄດ້ຮັບວັກຊີນປ້ອງກັນໂຄວິດ-19 ຊຸດທຳອິດຈາກຈີນ

​ເຖິງ​ຢ່າງ​ໃດ​ກໍ​ຕາມ, ວັດຖຸ​ດິບ​ເພື່ອ​ການ​ຜະລິດ​ວັກ​ຊີ​ນ ​ແລະ ວັກ​ຊີ​ນຜະລິດ​ແລ້ວ ພ້ອມ​ນຳ​ໃຊ້​​ເຊິ່ງສົ່ງ​ມາ​ອິນ​ໂດ​ເນ​ເຊຍ ຕ້ອງ​ຜ່ານ​ການກວດ​ສອບ ​ແລະ ຮັບຮອງ​ໂດຍ​ສຳນັກງານ​ຄະນະ​ກຳມະການ​ອາຫານ ​ແລະ ຢາ​ແຫ່ງ​ຊາດ ກ່ອນ​ທະ​ຍອມ​ແຈກ​ຢາຍ​ໃຫ້​ແກ່​ປະຊາກອນ​ປະມານ 270 ລ້ານ​ຄົນ​ໃນ​ປະ​ເທດ​ຕໍ່​ໄປ.

- WhatsApp Image 2020 05 27 at 5 - ອິນໂດເນເຊຍໄດ້ຮັບວັກຊີນປ້ອງກັນໂຄວິດ-19 ຊຸດທຳອິດຈາກຈີນ
- WhatsApp Image 2020 05 27 at 5 - ອິນໂດເນເຊຍໄດ້ຮັບວັກຊີນປ້ອງກັນໂຄວິດ-19 ຊຸດທຳອິດຈາກຈີນ
error: Alert: ເນື້ອຫາຂ່າວມີລິຂະສິດ !!