ເກີດເຫດຈະລາຈົນທົ່ວປະເທດຝຣັ່ງ ຕໍ່ຕ້ານກົດໝາຍວ່າ ດ້ວຍ ຄວາມໝັ້ນຄົງສະບັບໃໝ່

- 000 8W688R - ເກີດເຫດຈະລາຈົນທົ່ວປະເທດຝຣັ່ງ ຕໍ່ຕ້ານກົດໝາຍວ່າ ດ້ວຍ ຄວາມໝັ້ນຄົງສະບັບໃໝ່
- Untitled design - ເກີດເຫດຈະລາຈົນທົ່ວປະເທດຝຣັ່ງ ຕໍ່ຕ້ານກົດໝາຍວ່າ ດ້ວຍ ຄວາມໝັ້ນຄົງສະບັບໃໝ່

ສຳນັກຂ່າວ Euronews ລາຍງານ ເມື່ອວັນທີ 6 ທັນວານີ້ວ່າ: ມີຄົນຫຼາຍກວ່າ ສິບພັນຄົນ ໃນທົ່ວປະເທດ ຝຣັ່ງ ລົງຖະໜົນປະທ້ວງກົດໝາຍວ່າດ້ວຍ ຄວາມສະຫງົບສະບັບໃໝ່ຂອງປະທານາທິບໍດີ Emmanuel Macron. ຜູ້ປະທ້ວງໄດ້ແກວ່ງກ້ອນຫີນ ເຄື່ອງຂອງເຂົ້າໃສ່ເຈົ້າໜ້າທີ່ຕຳຫຼວດ, ບຸກລຸກທັບມ້າງຮ້ານຄ້າ, ເຜົາລົດ…

ນີ້ຄືເຫດຈະລາຈົນເກີດຂຶ້ນເປັນຄັ້ງທີສອງຕິດຕໍ່ກັນໃນທ້າຍອາທິດທີ່ຜ່ານມາ ໃນທົ່ວປະເທດ ຝຣັ່ງ ເພື່ອຕໍ່ຕ້ານການໃຊ້ອຳນາດຂອງເຈົ້າໜ້າທີ່ຕຳຫຼວດ ແລະ ກົດໝາຍສະບັບໃໝ່ວ່າ ດ້ວຍຄວາມສະຫງົບຂອງປະທານາທິບໍດີ ຝຣັ່ງ Emmanuel Macron, ໃນນັ້ນມີມາດຕາໜຶ່ງໄດ້ຫ້າມ ຄົນທົ່ວໄປ ຖ່າຍພາບຂອງເຈົ້າໜ້າທີ່ຕຳຫຼວດທີ່ກຳລັງປະຕິບັດໜ້າທີ່ຢູ່. ກຸ່ມປະທ້ວງຕໍ່ຕ້ານວ່າ ກົດໝາຍດັ່ງກ່າວເປັນການກັນຫ້າມສິດເສລີພາບຂອງປະຊາຊົນ.

ອີງຕາມຂໍ້ມູນຂອງກະຊວງພາຍໃນຂອງ ຝຣັ່ງ ໃຫ້ຮູ້ວ່າ ການປະທ້ວງເກີດຂຶ້ນຢູ່ 90 ຈຸດໃນທົ່ວປະເທດ ຝຣັ່ງ, ມີຜູ້ເຂົ້າຮ່ວມຫຼາຍກວ່າ 52.000 ຄົນ. ໃນເມືອງ ລີອົງ ມີປະມານ 5.000 ຄົນ, ນອກຈາກນີ້ຢູ່ຕາມບັນດາຫົວເມືອງໃຫ່ຍໆ ມີຜູ້ປະທ້ວງຫຼາຍແສນຄົນ.

- Wave100S AD to Website 2020 0 - ເກີດເຫດຈະລາຈົນທົ່ວປະເທດຝຣັ່ງ ຕໍ່ຕ້ານກົດໝາຍວ່າ ດ້ວຍ ຄວາມໝັ້ນຄົງສະບັບໃໝ່

ສະເພາະຢູ່ໃນຕົວເມືອງ ປາຣີ ມີຜູ້ປະທ້ວງປະມານ 5.000 ຄົນ. ຜູ້ປະທ້ວງໄດ້ທັບມ້າງ ເຄື່ອງຂອງຮ້ານຄ້າ, ເຜົາລົດ…ຈົນເຈົ້າໜ້າທີ່ຕ້ອງໃຊ້ແກັດນໍ້າຕາ, ລູກປີນຢາງຍິງຕອບໂຕ້ຜູ້ປະທ້ວງ, ຜູ້ປະທ້ວງກໍໃຊ່ໄມ້ຄ້ອນ, ກວດແກ້ວ, ກ້ອນຫີນ ດຶກເຂົ້າໃສ່ເຈົ້າໜ້າທີ່.

ໃນທີ່ສຸດລັດຖະບານ ຝຣັ່ງ ຈຳຕ້ອງໄດ້ປະກາດວ່າ ຈະຮ່າງກົດໝາຍດັ່ງກ່າວຄືນໃໝ່, ແຕ່ເຖິງຢ່າງໃດກໍດີປະຊາຊົນຍັງບໍ່ມີຄວາມພໍໃຈ ແລະ ເວົ້າວ່າ ຕ້ອງຕ້ອງລົບລ້າງທັງໝົດ.

- WhatsApp Image 2020 05 27 at 5 - ເກີດເຫດຈະລາຈົນທົ່ວປະເທດຝຣັ່ງ ຕໍ່ຕ້ານກົດໝາຍວ່າ ດ້ວຍ ຄວາມໝັ້ນຄົງສະບັບໃໝ່
- WhatsApp Image 2020 05 27 at 5 - ເກີດເຫດຈະລາຈົນທົ່ວປະເທດຝຣັ່ງ ຕໍ່ຕ້ານກົດໝາຍວ່າ ດ້ວຍ ຄວາມໝັ້ນຄົງສະບັບໃໝ່
error: Alert: ເນື້ອຫາຂ່າວມີລິຂະສິດ !!