ເປີດປ້າຍສິລາຈາລຶກອະນຸສອນສະຖານ ບ່ອນສ້າງຕັ້ງພັກປະຊາຊົນປະຕິວັດລາວ

- 22 1 - ເປີດປ້າຍສິລາຈາລຶກອະນຸສອນສະຖານ ບ່ອນສ້າງຕັ້ງພັກປະຊາຊົນປະຕິວັດລາວ
- Untitled design - ເປີດປ້າຍສິລາຈາລຶກອະນຸສອນສະຖານ ບ່ອນສ້າງຕັ້ງພັກປະຊາຊົນປະຕິວັດລາວ

ໃນວັນທີ 7 ທັນວານີ້, ສະຫາຍ ຄຳພັນ ພົມມະທັດ ກຳມະການກົມການເມືອງສູນກາງພັກ ຄະນະເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ແລະ ບັນດາສະຫາຍການນຳພັກ-ລັດ, ອະດີດການນຳພັກ-ລັດ ພ້ອມດ້ວຍບັນດາກ້ອນກຳລັງ ປກສ-ປກຊ, ຊາວໜຸ່ມ, ເຍົາວະຊົນ ແລະ ປະຊາຊົນແຂວງຫົວພັນ ໄດ້ພ້ອມ ພຽງກັນເຂົ້າຮ່ວມພິທີເປີດປ້າຍສິລາຈາລຶກ ອະນຸສອນສະຖານ ບ່ອນດໍາເນີນກອງປະຊຸມໃຫຍ່ ສ້າງຕັ້ງພັກປະຊາຊົນປະຕິວັດລາວ ວັນທີ 22 ມີນາ 1955 ຢູ່ທີ່ດ່ານນໍ້າໂສຍ ເມືອງວຽງໄຊ ແຂວງຫົວພັນ

- 00 300x200 - ເປີດປ້າຍສິລາຈາລຶກອະນຸສອນສະຖານ ບ່ອນສ້າງຕັ້ງພັກປະຊາຊົນປະຕິວັດລາວ

ໃນພິທີ ສະຫາຍ ຄອນປະພັນ ເລືອງສີຈັນທອງ ກຳມະການພັກແຂວງ ຫົວໜ້າຫ້ອງວ່າການແຂວງຫົວພັນ ໃຫ້ຮູ້ວ່າ: ໂຄງການກໍ່ສ້າງອະນຸສອນສະຖານດັ່ງກ່າວ ໄດ້ເລີ່ມດຳເນີນມາແຕ່ວັນທີ 25 ກັນຍາ 2020, ມາຮອດປັດຈຸບັນ ໄດ້ສຳເລັດສົມບູນແລ້ວ ໂດຍມີຖານຕັ້ງປ້າຍສີລາຈາລຶກ ເຮັດດ້ວຍເບຕົງເສີມເຫລັກ ຂະໜາດ 5 ຄູນ 5 ແມັດ; ມີປ້າຍ ສິລາຈາລຶກແມ່ນເຮັດດ້ວຍຫີນມາໂບ, ເປັນຫີນທີ່ໄດ້ຄັດເລືອກເອົມາຈາກທໍາມະຊາດທ້ອງຖິ່ນ, ມີຮູບຊົງສີ່ຫລ່ຽມກ້ວາງ  1,7 ແມັດ, ສູງ 2,9 ແມັດ; ມີກາພັກ ທາດ້ວຍສີແດງ ແລະ ຕົວໜັງສື ສີຄຳ. ໃນບໍລິເວນກ້ວາງ 30 ຄູນ 30 ແມັດ ປູດ້ວຍດິນບອກ ແລະ ມີເດີ່ນສໍາລັບຈອດລົດໃນເນື້ອທີ 225 ຕາແມັດ ປູດ້ວຍຫີນ  ແລະ ມີສິ່ງອຳນວຍຄວາມສະດວກອື່ນໆເຊັ່ນ: ຫ້ອງນໍ້າສາທາລະນະຈຳນວນ 8 ຫ້ອງ, ລວມມີມູນຄ່າການກໍ່ສ້າງທັງໝົດຫລາຍກ່ວາ 1 ຕື້ກີບ ໂດຍນໍາໃຊ້ງົບປະມານກອງທຶນພັກ ແລະ ທຶນຊ່ວຍເຫລືອຈາກ ບໍລິສັດ ທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈຳກັດຜູ້ດຽວ ຈຳນວນ 500 ລ້ານກີບ. ສ່ວນໄລຍະທີ 2 ຈະດໍາເນີນການກໍ່ສ້າງ ຫໍມູນເຊື້ອ ແລະ ວັດຖຸພັນ, ຫ້ອງປະຊຸມ(ຈຳລອງ) ແລະ ອື່ນໆ ໂດຍຈະນໍາໃຊ້ຮ່ວງເງິນຂອງແຂວງ ແລະ ການລະດົມທຶນຈາກຫົວໜ່ວຍທຸລະກິດ ທັງພາຍໃນ ແລະ ຕ່າງປະເທດ.

- Wave100S AD to Website 2020 0 - ເປີດປ້າຍສິລາຈາລຶກອະນຸສອນສະຖານ ບ່ອນສ້າງຕັ້ງພັກປະຊາຊົນປະຕິວັດລາວ

- 11 300x200 - ເປີດປ້າຍສິລາຈາລຶກອະນຸສອນສະຖານ ບ່ອນສ້າງຕັ້ງພັກປະຊາຊົນປະຕິວັດລາວ

ໃນໂອກາດອັນນີ້່, ສະຫາຍ ວັນໄຊ ແພງຊຸມມາ ກຳມະການສູນກາງພັກ ເລຂາພັກແຂວງ ເຈົ້າ ແຂວງຫົວພັນ ໄດ້ກ່າວເປີດພິທີ ທີ່ໄດ້ຫວນຄືນປະຫວັດຄວາມເປັນມາຂອງ ພັກປະຊາຊົນປະຕິວັດລາວບາງຕອນສຳຄັນວ່າ: ພັກປະຊາຊົນ ປະຕິວັດລາວ ນັບແຕ່ໄດ້ຮັບການສ້າງຕັ້ງຂຶ້ນ ກໍໄດ້ສືບທອດອຸດົມການອັນຍິ່ງໃຫຍ່ຂອງພັກກອມມູນິດອິນດູຈີນ, ກຳນົດທາດແທ້, ອຸດົມການ ແລະ ແນວທາງການເມືອງຂອງຕົນອອກຢ່າງຈະແຈ້ງ ແລະ ຖືກຕ້ອງກັບລັກສະນະຈຸດພິເສດຂອງປະເທດເຮົາ, ນໍາພາປວງຊົນລາວທັງຊາດປາບແພ້ຈັກກະພັດຜູ້ຮຸກຮານ ຍາດເອົາເອກະລາດມາໃຫ້ປະເທດຊາດ ແລະ ປະຊາຊົນໄດ້ຢ່າງສົມບູນ ໃນວັນທີ 2 ທັນວາ 1975. ໂຄງການກໍ່ສ້າງດັ່ງກ່າວ ເພື່ອເປັນບ່ອນປົກປັກຮັກສາ ແລະ ຄົ້ນຄວ້າຮໍ່າຮຽນເອົາເຊື້ອອັນດີເລີດ ແລະ ອົງອາດກ້າຫານບໍ່ຍອມຈໍານົນ ຂອງພັກປະຊາຊົນປະຕິວັດລາວເຮົາ ໃຫ້ຍືນຍົງຢູ່ກັບປະຊາຊົນລາວຕະຫລອດໄປ.

- WhatsApp Image 2020 05 27 at 5 - ເປີດປ້າຍສິລາຈາລຶກອະນຸສອນສະຖານ ບ່ອນສ້າງຕັ້ງພັກປະຊາຊົນປະຕິວັດລາວ
- WhatsApp Image 2020 05 27 at 5 - ເປີດປ້າຍສິລາຈາລຶກອະນຸສອນສະຖານ ບ່ອນສ້າງຕັ້ງພັກປະຊາຊົນປະຕິວັດລາວ
error: Alert: ເນື້ອຫາຂ່າວມີລິຂະສິດ !!