ສາທະລະນະສຸກຈະຕ້ອງໄດ້ສຸມໃສ່ແກ້ໄຂ 7 ຂໍ້ຄົງຄ້າງຂອງການບໍລິການປິ່ນປົວ

- Hospital 1 - ສາທະລະນະສຸກຈະຕ້ອງໄດ້ສຸມໃສ່ແກ້ໄຂ 7 ຂໍ້ຄົງຄ້າງຂອງການບໍລິການປິ່ນປົວ
- Untitled design - ສາທະລະນະສຸກຈະຕ້ອງໄດ້ສຸມໃສ່ແກ້ໄຂ 7 ຂໍ້ຄົງຄ້າງຂອງການບໍລິການປິ່ນປົວ

ລັດຖະມົນຕີ ກະຊວງສາທາລະນະສຸກ ໄດ້ໃຫ້ສຳພາດຕໍ່ສື່ມວນຊົນເນື່ອງໃນໂອກາດວັນຊາດທີ 2 ທັນວາ ຄົບຮອບ 45 ປີ ໃນວັນທີ 4 ທັນວານີ້ວ່າ: ໃນຜ່ານມານີ້ເຖິງວ່າການບໍລິການສາທາລະນະສຸກ ໄດ້ຮັບການປັບປຸງ ແລະ ມີການຂະຫຍາຍຕົວ, ປະຊາຊົນສ່ວນຫລາຍ ສາມາດເຂົ້າເຖິງການບໍລິການດ້ວຍຄຸນະພາບ, ພະນັກງານແພດໝໍ ມີຄວາມຮັບຜິດຊອບ ແລະ ມີຈັນຍາບັນດີຂຶ້ນກວ່າເກົ່າ. ແຕ່ຄຽງຄູ່ກັນນັ້ນຂະແໜງສາທາລະນະສຸກກໍຍັງມີຫລາຍບັນຫາ ແລະ ຂໍ້ຄົງຄ້າງ ທີ່ຈະຕ້ອງໄດ້ສຸມໃສ່ແກ້ໄຂຄື:

- IMG 0292 300x200 - ສາທະລະນະສຸກຈະຕ້ອງໄດ້ສຸມໃສ່ແກ້ໄຂ 7 ຂໍ້ຄົງຄ້າງຂອງການບໍລິການປິ່ນປົວ

1) ຕາໜ່າງການບໍລິການ ຂອງໂຮງໝໍ ແລະສຸກສາລາ ເຖິງວ່າໄດ້ຂະຫຍາຍກວ້າງອອກ ແຕ່ຫຼາຍແຫ່ງບໍ່ທັນໄດ້ຄຸນນະພາບ, ພະນັກງານແພດຫມໍມີຈຳກັດ ໂດຍສະເພາະຢູ່ ໂຮງໝໍເມືອງ ແລະສຸກສາລາ, ອຸປະກອນການແພດບໍ່ທັນພຽງພໍ, ລະບົບເຕັກໂນໂລຊີ ຍັງຕໍ່າແລະການເຂົ້າເຖິງສະຖານທີ່ບໍລິການ ຢູ່ທ້ອງຖິ່ນຍັງພົບຄວາມຫຍຸ້ງຍາກຫຼາຍ ໂດຍສະເພາະ ໃນເຂດຫ່າງໄກສອກເນື່ອງຈາກຕາຫນ່າງຄົມມະນາຍັງຈຳກັດ.

2) ຄຸນນະພາບຂອງການບໍລິການສຸຂະພາບ ຍັງບໍ່ທັນສູງ, ການກວດ ແລະບົ່ງມະຕິ ພະຍາດ ກໍບໍ່ທັນຊັດເຈນ ແລະວ່ອງໄວ ທັນໃຈກັບຄວາມຕ້ອງການ, ຄວາມຮັບຮູ້ ແລະເຂົ້າໃຈ ຂອງປະຊາຊົນ ແລະອຳນາດການປົກຄອງ ໃນການຮັກສາສຸຂະພາບ ຂອງຕົນ ຍັງບໍ່ທັນສູງ.

- hospital 300x169 - ສາທະລະນະສຸກຈະຕ້ອງໄດ້ສຸມໃສ່ແກ້ໄຂ 7 ຂໍ້ຄົງຄ້າງຂອງການບໍລິການປິ່ນປົວ

3) ນໍ້າໃຈຮັບໃຊ້ບໍລິການ ແລະຄວາມຮັບຜິດຊອບຂອງພະນັກງານ ຈຳນວນນຶ່ງ ຍັງບໍ່ທັນສູງ ,ຖືຜົນປະໂຫຍດສ່ວນຕົວ ສູງກວ່າສ່ວນລວມ. ການກໍ່ສ້າງ ແລະບໍາລຸງສ້າງພະນັກງານ ຍັງບໍ່ທັນຮັບປະກັນ, ບໍ່ທັນເປັນລະບົບຄົບຊຸດ, ການກຳນົດຕໍາແໜ່ງງານ ແລະບັນຈຸຊັບ ຊ້ອນ ພະນັກງານໃນແຕ່ລະຂັ້ນ ຍັງບໍ່ທັນສົມສ່ວນ ແລະ ສອດຄ່ອງເໝາະສົມ.

- Wave100S AD to Website 2020 0 - ສາທະລະນະສຸກຈະຕ້ອງໄດ້ສຸມໃສ່ແກ້ໄຂ 7 ຂໍ້ຄົງຄ້າງຂອງການບໍລິການປິ່ນປົວ

4) ການປະຕິບັດນະໂຍບາຍອຸດໜູນ, ຊຸກຍູ້ຈູງໃຈ, ການຍ້ອງຍໍໃຫ້ນາມມະຍົດ ຫຼືຕຳແໜ່ງວິຊາການ ຕໍ່ພະນັກງານແພດໝໍ ຜູ້ທີ່ມີສີມືແຮງງານ, ມີຜົນງານ, ຜູ້ທີ່ຫ້າວຫັນ, ຜູ້ທີ່ເຮັດວຽກຢູ່ເຂດຫ່າງໄກສອກຫຼີກ ຍັງບໍ່ທັນໄດ້ດີເທົ່າທີ່ຄວນ.

5) ການບໍລິການຂອງພາກເອກະຊົນ ມີການຂະຫຍາຍຕົວ ແຕ່ຄຸນນະພາບຍັງບໍ່ທັນສູງ, ໂຄສະນາເກີນເຫດ ແລະ ລາຄາບໍ່ສົມເຫດສົມຜົນ.

6) ລະບົບການຕິດຕາມກວດກາ, ເກັບກໍາຂໍ້ມູນ ແລະສະຫຼຸບລາຍງານ ຍັງບໍ່ທັນຄົບຖ້ວນ ແລະທັນເວລາ.

7) ງົບປະມານ ເຖິງວ່າມີຈຳນວນເພີ່ມຂຶ້ນທຽບໃສ່ແຕ່ກ່ອນ ແຕ່ກໍ່ຍັງບໍ່ທັນພຽງພໍ ກັບຄວາມຕ້ອງ ການຕົວຈິງ, ການໃຊ້ຈ່າຍດ້ານສຸຂະພາບ ຕໍ່ຫົວຄົນ ຂອງຄົນລາວເຮົາ ແມ່ນຍັງຕ່ໍາ ຢູ່ໃນອາຊ່ຽນຕົວຢ່າງຄື: ລາວ 53 ໂດລາ, ຫວຽດນາມ 117 ໂດລາ, ກໍາປູເຈຍ: 71 ໂດລາ, ມຽນມາ 59 ໂດລາ (ສະຖິຕິ ປີ 2015). ວຽກກອງທຶນປະກັນສຸຂະພາບ ມີການຂະຫຍາຍຕົວ ແຕ່ບໍ່ທັນເຂັ້ມແຂງ, ການຄຸ້ມຄອງ ຍັງບໍ່ແມ່ນແບບກອງທຶນ ແລະ ສັງຄົມກໍຍັງບໍ່ທັນເຂົ້າໃຈເລິກເຊິ່ງຕໍ່ກັບວຽກງານດັ່ງກ່າວ.

ທ່ານລັດຖະມົນຕີເນັ້ນວ່າ: ທັງຫມົດນີ້ຂະແຫນງການສາທາລະນາສຸກເຮົາຈະຕ້ອງໄດ້ສຸມໃສ່ແກ້ໄຂຢ່າງຈິງຈັງແທ້ຈິ່ງຈະເຮັດໃຫ້ຄຸນະພາບການບໍລິການດ້ານນີ້ດີຂຶ້ນຢ່າງແທ້ຈິງ.

- WhatsApp Image 2020 05 27 at 5 - ສາທະລະນະສຸກຈະຕ້ອງໄດ້ສຸມໃສ່ແກ້ໄຂ 7 ຂໍ້ຄົງຄ້າງຂອງການບໍລິການປິ່ນປົວ
- WhatsApp Image 2020 05 27 at 5 - ສາທະລະນະສຸກຈະຕ້ອງໄດ້ສຸມໃສ່ແກ້ໄຂ 7 ຂໍ້ຄົງຄ້າງຂອງການບໍລິການປິ່ນປົວ
error: Alert: ເນື້ອຫາຂ່າວມີລິຂະສິດ !!